 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
منتدى الطرائف والألغاز الإبتسامة والمرح مواقف طريفة ومضحكة |
 |
|
|
LinkBack | أدوات الموضوع |
15 -05 -2008, 08:41 AM
|
#1 (permalink) | |||||||||||||
|
كيف تصبح من حلب
مشان تكون حلبي ؟ لك كتير هينة !!
 1- طلاع عل الكلية و شوف واحد من الشباب رفقاتك قاعد مع شي بنت و افروووووووووش معلاقك عليه و الزاق بدينو شي ساعة ليكفر .gif) 2- يوم الخميس نزيل عل الموكامبو و اشروق كل البنات يللي بتشوفن بوشك مو بس تبصبص طالع راسك و اجرك من شباك الهنضاية و اجعووووور يامو ع الله ايش هل حلو لبين ما البنت تقلب معدتا .gif) 3- يوم الجمعة الصبح مع وشك بالماظضاية 929 و عل خالدية مشان تجيبو غراض البيت مع الفول مشان تفطر مع العيلة و تتيسوا باقي اليوم  4- المسا أكيد بدك تستقبل قرايبينك يللي بدن يبلطوا لل 12 بالليل و لما بدن يمشو و يصيرو ببيت الدرج ولول و سمع الحارة انو مييييت السلامة و ما حسبناها و تعوا لعنا و هنن نشالله نشالله و جيبو معكن راما و بتول و مرام  5- السبت عل عزيزية لأنو انت كتير كوووول ووقف مع الشباب شي ساعة بالساحة و ما رح تبين أبدن انك ضرب براني .gif) 6- الأحد عل حلاق مشان تظبط شعرك و يسألك شلون القصة ؟ و تقللو متل كل مرة لأنو الله محيي الثابت و قصتك العجيبة ما بتغيرا من لما كنت بالحفوضة  7- التنين لعند جوسي و بس تخلص الوجبة يللي ما بتشبع ولد صيح ياااااااااااي شبعت مشان البنوتات يقولو عليك انك خفيف و ما بتاكل غير أكلات السينييه ( بس أكيد رح تشبع لأنك كنت معبي البانيو مخلوطة و شيرقا ) .gif) 8- التلاتا ع قهوة القلعة و فت برتيت الورق و لا تترك مسبة ما تقولا يا مأدب و اذا عجزت ألف شي مسبة مشان ما تنقطع القعدة الرومانسية  9- الأربعا ع بوابة الشهباء و قسم مع الشباب و احكيلن ع الأفانطي الجديدة و الفقاس يللي فيا و شلون نيمت الشبح ع طريق الشام و شلون اشتريت بضاعة حقا مليون بس انت حربوق نزلتو للخمسمية ( و هي أصلن حقا فرنك و صطوك ) و لما بدك تمشي شيل مفتاح السيارة و الموبايل متل ما بشيلو الجبسة و قسم ع هل شعب 10- لما بدك تروح ع تلبيسة البيس هل كوسلا و ارقوص عربية و بعدين ع دورة العروس و افتحلا زمامير متل الحيوانات و شفط بالسيارة مشان البنات يللي معك يحبوك 11- شيل معك ع طول مفتاخ البيت و المعمل و السيارة و المكتب و الكاصة و السكرتون و الخزن و مفتاح المطمورة تبع أخوك بكري الصغير 12- بس يصير عمرك 18 بلش تنق بالحجة مشان تفتل بنات حلب كلها مشان تلاقيلك الأميرة ماري أنطوانيت يللي بدا تنبلا فيك ( و أهم شي تكون بيضا و شقرا و عيونا زرق بهيمة فهيمة مو مشكلة ) و لازم الحجة تضل عم تفتل شي 20 سنة من بيت لبيت لأنو انت امبراطور زمانك و لازم تطلع بوحدة بتعقد متلك 13- بس يقلب دولاب الشغل أكيد رح تطلع ع أوكرانيا مشان الصفقات التجارية !!!!!!!!! و قول لمرتك انك طالع ع روسيا شغل شهرين زمان ( شغل ها لا حدا يخطرلو شي تاني )  شرح المفردات : كتير هينة : كتير سهلة الموكامبو : منطقة بحلب مشهورة بمطعم باباي ودوار الموكمبو اللي بشفطو عليه الشباب بالسيارات.  اشروق : مشروحة بعدا ، تبصبص يعني تتطلع عليهون بعين جوعااانة  الهنضاية : الهونداية اختصار لهونداي اجعووووور : صرخ بأعلى صوتك بالماظضاية : مازداية اختصار لمازدا 929 خالدية : سوق لكل شيء بالبال ببيت الدرج : مدخل البيت ولول : صرخ وعلي صوتك عزيزية : منطقة بحلب مشهورة كتير وخاصة ساحة العزيزية بتلاقو فيها مشكل ملون من كافة الطبقات الراقية والمتحضرة والمحتضرة جوسي : بتحسنو تقولو محل صندويش وعصير مابشبع بنوب واسعارو واوا كمان قريب عالموكامبو وباباي ، وقت فتح المنطقة كانت ضلمة وماحدا يعدي من هونيك إلا بالمناسبات بس وقت فتح صار خط جديد بوابة الشهباء : كمان مطعم مرتب حلو مابو شي الأفانطي الجديدة : الأفانتي اختصار لهونداي افانتي الفقاس : التوربو تبع السيارة نيمت الشبح : سبقت سيارة مرسيدس ملقبة بالشبح وتركتها ورااااك بعيد  حربوق : فستوق او ملعون صطوك : بضاعة فاسدة مابتسوى كوسلا : الكندرة الرسيمية اللي بكون كعبها قاسي مو مطاط 
|
|||||||||||||
|
|
|
|
15 -05 -2008, 02:08 PM
|
#2 (permalink) | |||||||||||||
|
رد: كيف تصبح من حلب
حلوووووه كتير لك خي شوها الحلبين حلوين طاول طاول
تحياتي
|
|||||||||||||
|
|
|
|
16 -05 -2008, 01:46 PM
|
#4 (permalink) | |||||||||||||
|
رد: كيف تصبح من حلب
والله ياحبيبتي أنا ماني من حلب من حماة بس الحلبين حلوين ومحبوبين
تقبلي تحياتي اختك : نسيج الماضي
|
|||||||||||||
|
|
|
|
16 -05 -2008, 03:24 PM
|
#5 (permalink) | |||||||||||||
|
رد: كيف تصبح من حلب
اش دا قلك قصة تجنن خيو
|
|||||||||||||
|
|
|
|
19 -05 -2008, 07:39 PM
|
#6 (permalink) | ||||||||||||||||||||||||||||||||||||
|
رد: كيف تصبح من حلب
اهلا بيك وباهل حماه كلهم
|
||||||||||||||||||||||||||||||||||||
|
|
|
|
19 -05 -2008, 08:33 PM
|
#7 (permalink) | |||||||||||||
|
رد: كيف تصبح من حلب
أنا أخذ فيزا لحلب كسايح يكفي
مشكورة
|
|||||||||||||
|
|
|
|
19 -05 -2008, 09:38 PM
|
#8 (permalink) | ||||||||||||||||||||||||||||||||||||
|
رد: كيف تصبح من حلب
عراسي حارتك ابوي .gif "ma (7)")
|
||||||||||||||||||||||||||||||||||||
|
|
|
|
27 -05 -2008, 11:51 AM
|
#9 (permalink) | |||||||||||||
|
رد: كيف تصبح من حلب
شباب وصبايا والله انا ماني من حلب
تخيلو لاذقانية / من اللاذقية/ومقيمة بحلب تخيل يا رعاك الله وينو هاد الي بيخبط على راسو من الابتسامات ما عم لاقيه  الله العالم بالحال
|
|||||||||||||
|
|
|
|
27 -05 -2008, 05:45 PM
|
#10 (permalink) | |||||||||||||
|
رد: كيف تصبح من حلب
السوري بينعرف من كتير اشياء:
بيفهم بالطب وبيشخص المرض ويوصف الدواء وبيفهم بالكهرباء وتصليح السيارات والطبخ والسياسة والطابة /كرة القدم"او السلة/ وكل شي بيخطر في بالك *بيحط الريموت كونترول بكيس نايلون حتى ما يتغير وتروح الارقام *بيوقف يتكلم عالباب نص ساعة بعد انتهاء الزيارة والكلام *في خزانة المطبخ عنده عشرين قطرميز فاضي بشان اذا احتاج يستخدمها وما زال مصر في تجميع المزيد *يبجي بعد الموعد بساعتين دون ان يعتذر *بيحكي بصوت عالي في المكالمة الدولية بشان يسمعو التاني الخ الخ الخ
|
|||||||||||||
|
|
|
|
27 -05 -2008, 07:01 PM
|
#11 (permalink) | |||||||||||||
|
رد: كيف تصبح من حلب
تسلمي حبيبتي والله بكل شي عم تحكي صح وأزيدك من البيت شعر أنو بحطو الأكياس تحت السرير(ههههههههه)
شو رأيك أكيد صح
|
|||||||||||||
|
|
|
|
27 -05 -2008, 09:10 PM
|
#12 (permalink) | ||||||||||||||||||||||||||||||||||||
|
رد: كيف تصبح من حلب
طبعا واكيد اكيد صح  والباقي جاي
|
||||||||||||||||||||||||||||||||||||
|
|
|
|
27 -05 -2008, 09:27 PM
|
#13 (permalink) | |||||||||||||
|
رد: كيف تصبح من حلب
* بيعتبر حالو افضل واحد بالشراء والمفاصلة بعدين بيكتشف انو المحل الي جنبو ارخص من غير مفاصلة
*بيحتفظ باكياس محلات الالبسة والاحذية وورق الهدايا تحت الفرشة لسنوات من مبدا الا ما يلزمو *بيشتري برمضان قبل الافطار الف نوع حلو *عندو منقل شوي للرحلات بيستخدمو مرة او 3مرات بحياتو ان كترت *بيفتكر انو اي حدا بيشتغل بالخليج بيغرف مصاري من غير حساب واغنى واحد بالدنيا *بيكون مشغول بقيمة البخشيش طول العشا..ياترى اعطي 25والا50؟. *بيتخانق ساعة بشان يدفع حساب المطعم بحرارة شديدة وقلبو عم يقول حق بق ويتبع
|
|||||||||||||
|
|
|
|
03 -06 -2008, 06:49 AM
|
#14 (permalink) | |||||||||||||
|
رد: كيف تصبح من حلب
وينكم شباب وصبايا
|
|||||||||||||
|
|
|
|
03 -06 -2008, 11:52 AM
|
#15 (permalink) | |||||||||||||
|
رد: كيف تصبح من حلب
اإحنا هون إنت فين
هههههههههههه
|
|||||||||||||
|
|
|
|
08 -06 -2008, 10:50 AM
|
#16 (permalink) | ||||||||||||||||||||||||||||||||||||
|
رد: كيف تصبح من حلب
.gif "ma (25)")
|
||||||||||||||||||||||||||||||||||||
|
|
|
|
15 -06 -2008, 05:01 AM
|
#17 (permalink) | ||||||||||||
|
رد: كيف تصبح من حلب
صفحات كلها ايناس وحيوية وطرب من حلب بلد الطرب.. أنا تخرجت من كلية طب حلب ويرحم ايام زمان شو كانت حلوة,,, ذكرتوني فيها وبشعب حلب الأصيل............تسلموا..........
|
||||||||||||
|
|
|
|
15 -06 -2008, 06:59 AM
|
#18 (permalink) | ||||||||||||||||||||||||||||||||||||
|
رد: كيف تصبح من حلب
|
||||||||||||||||||||||||||||||||||||
|
|
|
|
| أدوات الموضوع | |
|
|
|
الساعة الآن 09:08 AM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
.gif "ma (26)")
