 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
منتدى القصص والروايات يختص بالقصص والروايات .. لأخذ العبرة منها |
 |
|
|
LinkBack | أدوات الموضوع |
25 -09 -2005, 09:37 PM
|
#1 (permalink) | |||||||||||||
|
نفسي تشاركوني الاحتفال !!!!!??? القصة الحقيقة
هذه القصه جائتني عبر الأميل بسم الله الرحمن الرحيم وجدت هذهالقصة الحقيقة المنقولة رأسا من صاحبتها من أجمل الطرق للدعوة إلىالحجاب وللتوبة بشكل عام نسأل الله ان يأتى هذا السرد بثمرة طيبة معالجميع مع رجاء ألاتدخروا جهدا فى تمرير وتعميم هذه الرسالة جزاكم الله خيرا وجزى كاتبتها خيرا وثبتها على الإيمان ورزقهاالإخلاص الحقيقة انا باعتبر ان النهاردة – ليلة النصف من شعبان – هو ذكرى يوم ميلادي الحقيقي لأن في اليوم ده من 5 سنين ربنا من عليابتوبة نصوحة أسأل الله أن يقبلها ويرزقني الثبات والإخلاص إلى أن يتوفاني وهو راضٍعنى كل الرضا. وأنا مش عارفة ليه المرة دى نفسي تشاركوني الاحتفالبعيد ميلادي ونفسي احكيلكم على اليوم اللى كان فعلا نقلة فى حياتي بكلالمقاييس. انا لحد سن 25 سنة كنت اعتبر نفسي ملتزمة أخلاقيا، لكنللأسف مكنتش ملتزمة دينيا، وكان مظهري من أول اهتماماتي، فطبعا كان قرار الحجاب قرار مؤجل بالنسبة لى  ، لحد ما جه عيد ميلادى الـ25 وساعتها كأنى فقت فجأة واكتشفت انى ضاع من عمرى 25 سنة، ربع قرن بحاله ولا حسيت بيهم ، وعملت فيهم ايه؟ ولا حاجة !! طبوبعدين؟ ما أنا ممكن برضه فجأة اكتشف ان الـ 25 سنة بقوا 45 او 55 وأفوق ألاقى عمريضاع، لأ ده ممكن كمان أموت بكرة الصبح، طب يا ترى لو مت حاروح فين؟ جنة ولا نار؟اكيد طبعا مش جنة، الجنة مش معمولة علشان اللى زيى، فى ناس تانية بيعملوا حاجاتتدخل الجنة انا مابعملهاش. فضل الخاطر ده جوايابدرجة فظيعة، بس مش قادرة اعمل حاجة، كنت لسة ضعيفة ، كل اللى كنت باعمله انى كنتكل ما يجيلى اطرده لأنى باحس انى ضايعة وفى نفس الوقت ضعيفة، وكنت طبعا كارهةالاحساس ده. سبحان اللهمفيشأسبوعينتلاتة لقيت واحدة المهم صاحبتي فضلتتقوللى كل مرة تعالى وأنا أزوغ صاحبتى وجارتى بتقوللى فى درس دين حلو قوى قريب من البيتتعالىواحضرى، قلتلها لأ، كنت خايفة اروح اسمع كلام يأنب لى ضميرى، وكمان حاسة انى علشانمش محجبة،كل الناس حيفضلوا يبصولى من فوق لتحت ويستغربوا ويقولوا دى جاية تعملايهدى فى درسدين!!! منها، لحد ما فى مرة قلت طيب اروح وأجرب ولو مارتحتشمش رايحة تانى وفعلا رحت وكانتاول مرة احضر مجلس علمواتضح انى كنت فاهمةغلط خااااااااالص، كنت فاهمة ان الدروس بيقولوا فيها ده صح وده غلط، وده يتعمل ودهما يتعملش ويفضلوا يوصوا بالصلاة والصيام، وكنت فاهمة ان اللى بيحضروا ستات فاضيينزهقانين من الفراغ وبيروحوا الدروس بدل مايقعدوا فى البيت، لكن لما رحت لقيت اللى بتقول الدرس بتتكلم فى كلام تانى خالص، حب الله لينا، وازاى ربنا بيحبنا وازاى احنابنقصر فى حقه بعد الحب ده كله! رجعت يومها منالدرس مذهولة، كأنى اول مرة اعرف يعنى ايه ربنا، مين هو ربنا، ماكنتش اعرفه والله،طلع انه غير مافهمونا فى المدارس خالص، ربنا حنين علينا قوى، بيحبنا قوى وعاوزناندخل الجنة، وللاسف احنا اللى بنغلط فى حقه، وكنت مستغربة قوى ليه ربنا بيحبنا، طباحنا نحب ربنا علشان هو مغرقنا بنعمه وعلشان احنا كلنا عايشين فى الدنيا دى فىخيره، وفى الاخر لما ربنا يكرمنا بدخول الجنة حندخلها برضه برحمته هو مش بعملنا،لكن ربنا بقى بيحبنا احنا ليييييييه؟؟؟ ده احنا كلنا ذنوب ومعاصى وتقصير وظلم للنفسوللغير وجرأة على الله، وكل ده وربنا لسة بيحبنا؟؟؟ وبيفرح بتوبتنا؟؟؟ المهم بدأت افكر فى الحجاب بشكل جدى، بسكنت لسة ضعيفة قوى، مش قادرة اخد القرار، كل مرة اخرج من الدرس اقول حاتحجب، اروحالشغل واشوف اصحابى الفكرة تبقى صعبة قوى عليا، ارجع اروح الدرس اقول يا رب تتكلم عنالحجاب تانى، عاوزة حد يشدنى من ايدى ، يقوللى عيب بقى اتكسفى من نفسك الاقيها فعلابتتكلم فى موضوع الحجاب وكانت بتدخل من باب الحياء من الله. كنا وقتها فى شهر رجب، قلت خلاص اولرمضان بإذن الله اتحجب، وكانت الفكرة بتكبر جوايا بس سبحان الله كان التنفيذ صعبعليا قوى، المهم جت ليلة النصف من شعبان، وكان يومها يوم الاثنين، ميعاد الدرس الاسبوعى، رحت الدرس وطبعا الدرس كان عن ليلة النصف من شعبان متخيلين طبعا ايه اللى اتقال؟ الكلام كأنه موجه ليا أنا بس، كانت بتتكلم عن شهر شعبان انه بترفع فيه الأعمال وان النبىصلى الله عليه وسلمكان بيحب عمله يرفع وهو صائم، اترعبت وفضلت افكر، طب انا عملى اللى حيرفع ده شكلهايه؟ عامل ازاى؟ وحيرفع وانا صائمة؟ لأ طبعا، حيرفع وانا على حالى اللى انا فيه ده،وانا مأجلة كل شئ لرمضان؟ طب ماهورب رمضان هو رب شعبانهو رب ذو القعدة، ايه الفرق؟ طب ممكن الحق استغفر عن عملى اللى فات ده قبل ما يرفع،كنت حاسة انه خلاص مفيش قدامى فرصة غير الليلة دى!!!! كمان كانت بتقول ان ليلة النصف من شعبان بتكتب فيها الآجال بتاعة الناس اللىحيموتوا فى السنة القادمة، طب لو اسمى بيكتب دلوقتى وكان أجلى فى الـ 15 يوم اللى فاضلينعلى رمضان، حاروح فين؟ واقول لربنا ايه؟ كنت ناوية يا رب اتحجب على رمضان بس مالحقتش!!! وكمان قالت ان ربنا فى هذه الليلة بيغفر للجميع إلا عاقوالديه او مدمن خمر او مشرك او مشاحن، قلت لنفسى طب أنا ولا واحد من الاربعة، لكنربنا لما ينظر إلىّ ويجدنى على حالى اللى ما يسرش ده، حيغفر لى؟ وفضلت ابص للناسحواليا وأقول لنفسي كل دول حيتغفر لهم الليلة دى الا انا، كلهم حتعتق رقابهم منالنار الا انا، انا ماستاهلش الرحمة والمغفرة، انا مستعبطة لحد رمضان ما ييجى، طبايه العبط ده؟ مانا فعلا واخدة القرار، طب مأجلاه ليه لرمضان؟ ما هو دلوقتى احسن منبعدين!!!! الكلام كأنه كان موجهليا أنا وكان نازل عليا كانه كرابيج، المهم فضلت اعيط طول الدرس لحد ما عينى ورمت وقررت وانا فى الدرس انى اتحجب وكنت عاوزةاغمضعينى وافتحها الاقى نفسى فى بيتنا من غير ما حد يشوفنى وانا مشمحجبة! وبدأت افكر حالبس ايه الصبح؟ مالقيتشعندى حاجة تنفع!!!!! كنا شهر نوفمبر، بالضبط 23 نوفمبر،فقررت اشتى علشان اللبس الشتوى اللى عندى بس هو اللى بكم طويل والشتا داخل كدة كدة، بس وتانى يومنزلت بالحجابومش قادرة اوصف السعادة اللى كنت فيها ، ده كانأسعد يوم فى حياتى،خلاص بقيت محجبة!!! وكنت عمالةاقول لنفسى هو ده بقى القرار الصعب اللى بقالىسنينمشعارفة اخده، يااااااه ، ده الواحدبيضيع من عمره كتير قوى فيقراراتاتضح إنها سهلة جدا،امال حيتعلم باقي دينهامتى؟ بعدها جه رمضانوكان اجمل رمضانعدى عليا فى حياتى، شفت فيه جمال مكنتش عمرى احلم بيه، صلاة وقرءان ودروس علم ومساعدة فىموائد رحمن واحساس بمعنىرمضانوساعتها مكنتش مصدقة نفسى ان انا اللى من اقل من 3 شهور كان كل اللى شاغل بالى افتح لون شعرى ولا اخليهزى ما هو وحسيت فعلا انىاتولدت من جديدوفهمت معنى الاية اللى بتقول "أفمن كان ميتا فأحييناه.." ولسة لحد النهاردة موجوعة على السنين اللى راحت من عمرى وانا مش محجبة، وكل ماافتكر ان كل واحد بص لى اخد ذنب وانا اخدت ذنوب بعددهم كوووووووولهم، وكل ما افتكر كام واحد لسة فاكر شكلي منغير حجاب ، وكل ما افتكر انىكنت حاطه رضا ربنا فى كفة وقصة شعر أو قلم روج فى كفة تانية، وللاسف مرجحة الكفة التانيبا حزن على نفسىوباتمنى لو رجع بيا الزمن لورا كنت اتحجبت وانا صغيرة، بس للاسف الزمن ما بيرجعش!!!! الحمد لله الذى هدانا لهذا وما كنا لنهتدىلولا أن هدانا الله. ربنا لا تزغ قلوبنا بعد إذ هديتنا وهب لنا من لدنك رحمة إنكأنت الوهاب رجاء ادعولى بالثبات والإخلاص فى النية
|
|||||||||||||
|
|
|
|
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| بنت في مبنى امن الدولة | ســـامي | منتدى القصص والروايات | 13 | 24 -04 -2009 06:35 AM |
| ديمي .. حب أول... | ابوسالم | منتدى القصص والروايات | 5 | 19 -01 -2009 12:41 PM |
| انتبة!!! كيف ستكون خاتمتك؟ | عاصم | منتدى القصص والروايات | 4 | 11 -02 -2007 10:04 AM |
| أجادل نفسى وأشتكى إلى الله .... يااااااااااارب | عبد الرحيم | القسم الإسلامي العام | 5 | 14 -08 -2004 06:57 AM |
| نفسي | scorpion | النثر والخواطر ونبض المشاعر | 6 | 06 -05 -2004 04:12 PM |
|
الساعة الآن 05:09 AM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
