 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
النثر والخواطر ونبض المشاعر عذب الكلام |
 |
|
|
LinkBack | أدوات الموضوع |
14 -07 -2008, 07:43 PM
|
#1 (permalink) | ||||||||||||||
|
الناجح يرفع ايده
بمناسبة الثانوية العامة وانتظار النتيجة قلت أدور علي موضوع يحمل من الطرافة ما يهون انتظار هذه اللحظات وأقول مقدماً إن شاء الله .gif) الموضوع ارجع بالذاكرة امتي اخر مرة سمعت الاغنية دي؟ وحياة قلبي و افراحه وهناه في مساه و صباحه ما لقيت فرحان في الدنيا زي الفرحان بنجاحه طب فاكر اول مرة؟ شهادة الابتدائية..و انت لسة صغير.. و الاهل فرحانين و تورتة و جاتوة .. و هدية حلوة... و بوس كتير... و الناس بترقص و تصقف...و انت العمدة بتاعت الليلة دي.. و مبسوط الاعدادية.........نفس السيناريو وبتبتدي ترسم طريقك وتحدد خطواتك و طموحاتك بتطير بيك كان حلم جميل في خيالنا ولا فاتش في يوم عن بالنا و بني لنا قصور وفرشها زهور في حياتنا و مستقبلنا الثانوية العامة..........ااااااااه من الثانوية العامة......... الدنيا كلها متعاطفة معاك........و كل طلباتك مجابة...عشان الباشا يبقي مستريح و يفرحنا.........هنا بقي الاغنية دي ليها طعم تاني.جميييييييييييل...و انت بتشوف دمعة ماما.. و تسمع دعاء من القلب ولقتني في عز هنايا والدنيا فرح ويايا بتهني حبايبي معايا وتقول للكل ارتاحوا جواب التنسيق (كان اول جواب استلموا في حياتي و الاخير واهلا بك في عالم الجامعات انت دلوقتي عديت كل مراحل التعليم التقليدية المفروضة عليك و اخترت المجال اللي عايز تدرسه- عارفة ان فيه ناس حتقولي ان مش الكل بيختار كليته و التنسيق و المجاميع, لكن ارادة الواحد انه يحول مصيره و ينجح في المجال الجديد بدل من اليأس انه اترمي في كليته ماكنتش ع البال و لا ع الخاطر...ليها طعم نجاح خاص..محدش عارف الخير فين..المهم ان احنا نتقي الله و نشتغل بجد..مش نستسلم لتنسيق ولا مجموع ده مافيش فرحان في الدنيا زي الفرحان بنجاحه الكلية.. كنت بتحلم بيها.......اثبت نفسك بقي حقق حلمك وافتح الباب و شوف الخضار و الزرع والورد مزروعة مع الاحلام و الطموح و النجاح ح تقولي معوقات و صعوبات و روتين ملازم و دروس و دكاترة حقولك لو عايز تنجح و عارف طريقك وعارف انت نفسك في ايه بجد ازاي تخدم نفسك و بلدك و دينك يبقي انت علي طريق النجاح الناجح يرفع ايده نهني في عيدنا و عيده بتسمع عبد الحليم و تسمع دعاء الست الوالدة و تبكي فرح لما تبوس ايد والدك و تحس ان قرف المذاكرة و الملازم و التصوير و المدرجات الزحمة والجدول والامتحانات و ترقب الملعونة النتيجة و تيجي تستريح في الاخر لما تسمع النتيجة و تلاقي دمعة فرح بتتدحرج علي خدك تداعبك وتدعي للتخرج و حتتخرج وحتكمل نجاح ورا نجاح حتدوق طعم الفشل؟ اكيد عشان تقدّر النجاح وتصر عليه ونقول و نقول دايما شغل اغنية عبد الحليم وارقص عليها ناجحين علي طول دايما وحتفتكر الذكريات دي مع ولادك مع طعم خاص للنجاح ونجاحنا يطول دايما دايما علي طول بس الاهم........هو النجاح تقدير و مجموع و بس؟ ولا فهم..و ارادة... و نقطة انطلاق لمستقبل مهني اخدم بيه نفسي وولادي و مجتمعي و بلدي؟ و اكون انا خطوة علي مسيرة التقدم تكوني المدرسة الجادة المثال لتلاميذك تكون المهندس اللي يبني و يعمر تكون الفني اللي دوره مهم تكوني الطبيبة المتحضرة الملتزمة تكون الكاتب اللي يسطر الحقيقة تكون العامل اللي يخدم بلده تكون اب يربي اولاده علي الصدق و تكوني ام تربي و تعلم و تسقيهم حب المهم ان تكون ! ده ما فيش فرحان في الدنيا زي الفرحان بنجاحه ________ اضافة: احب اهني كل اللي نجحوا مؤخرا و مقدما و سابقا و اخص بالتهنئة - بتكلم زي بتوع التلفزيون- نور و حنين وهانت يا شباب فاضل زلطة و نطلع برة  و ناخد افراج ان شاء اللهمنقول للإبتسامة
التعديل الأخير تم بواسطة 7 تامر العطار 7 ; 14 -07 -2008 الساعة 08:37 PM |
||||||||||||||
|
|
|
|
14 -07 -2008, 08:33 PM
|
#2 (permalink) | ||||||||||||||
|
رد: الناجح يرفع ايده
الاخ تامر
انا بانتظارنتيجه امتحان الثانويه لابني خالد يبدو ان كلماتك كانت في مكانها.........شكرا لك واتمنى النجاح لكل انسان تعب ودرس اتمنى التوفيق للجميع.....اشكرك اخي تامر على الموضوع
|
||||||||||||||
|
|
|
|
14 -07 -2008, 08:40 PM
|
#3 (permalink) | ||||||||||||||
|
رد: الناجح يرفع ايده
بل الشكر لك أخي العزيز لمرورك العطر
وبلغك الله ما يفرحك وهو نجاح إبنك خالد بإذن الله كل الحب
|
||||||||||||||
|
|
|
|
15 -07 -2008, 10:07 AM
|
#4 (permalink) | ||||||||||||
|
رد: الناجح يرفع ايده
دائما استاذى الفاضل
متعايش مع الاخرين فى افراحهم دمت بخير ولك وافر الاحترام
|
||||||||||||
|
|
|
|
| أدوات الموضوع | |
|
|
|
الساعة الآن 09:12 AM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
