 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
النثر والخواطر ونبض المشاعر عذب الكلام |
 |
|
|
LinkBack | أدوات الموضوع |
15 -03 -2009, 02:42 AM
|
#1 (permalink) | |||||||||||||
|
عالم ....زكاااام...!
زمااااااان جمال نصر
لما كانت المطره تنزل من السما واحنا ولاد صغيرين....كنا نخرج من بيوت الطين...... اللى صنعوها اجدادى....وكنا نجرى تحت المطر.......نفرح ونلعب..... وعلى بعض بننادى ولما كانت الدنيا تفيض علينا بالمطر...نجرى واحنا بنتسند ...ونتحسس على الجدر.......وواحد من الولاد ينادى..... بعلو صوته..... واحنا وراه مرددين... ...وايدينا الصغيرين......متبهدله بالطين يارب الدنيا تشتى......وانا اروح لستى......اقعد على الحصيره....آكل فطيره..وآاكل وانام..... مع الحمام دا زماااان.......لما كان فيه الحمام ......ساكن بأبراجه ......وسط الامان والسلام.... من غير مضايقه او زحام ودلوقتى.....حتى الحمام مابقاش حاسس......لا بأمان ولا بسلام....بقا عايش كمان مرعوب.... من شبح الموت اللى بيطارده فى كل مكان بسبب انفلوانزا... او زى مابنسميها احنا.. زكام ... زماااان....افتكر... واحنا ولاد صغيرين...كان جدى يشيلنى على كتافه.... وف ايده فاسه....والتانيه فيها زاده وزواده.....وانا فوووق... حاسس انى راكب فوق السحاب...ماشاء الله طول وعرض... ودراع وزند ... وانا فوق ماسك براسه أنده عليه.... على فين ياجدى... يقول رايحين يابنى... أرضك وأرضى ولما نوصل.....ألاقى مساحات كبيره...... كلها خير وخضره... وف الارض بين الزرع .... كام نخله... وكام شجره اللى ليمون ...او برتقال ....او رمان..,وكام خوخه وكام عنبه...وكله كوم .... وقرص عباد الشمس... الاصفر لون الدهب... دا كوم تانى...واقف شامخ فى وجه الشمس...كانه ف جمالها بيغنى...وبيتغازل فيها ..وعليها بينادى وانا واقف.... وعينى تحط على أسراب الطيور... وصوت البلابل .. والخيول...وعالمواشى.... اللى دايره فى السواقى وجدى ماشى وراها.... رابط راسه... بمنديل... محللاوى واسمع صوتو الجميل.... بيغنى ويلالى... ويقول حبيت بلدى...وعلشان بلدى...انا عاوزك تكبر ياولدى....واشوفك بتعمر فيها...وبتزرع ورد ف صحاريها...وبتبنى مصانع ياولدى...تسعدها وتسعد اهاليها وانا معاه أردد مايقول وكأن الأغانى دى بقت جزء منى... ومن دمى... وكل شغلى وهمى وفييييين...... آاخر النهار......وقرص الشمس.... اللى بلون الورد.... بيغطس ف السما... وأنا بجرى ورا الفراش الابيض الجميل... أسمع جدى عليا بينادى.... ياولدى....أقول نعم ياجدى يقوللى ياللا ياغالى... يابن ابنى وسندى...ناخد المواشى...ونروح لجدتك..تاكل وتشرب من اللبن... لما يبرد.... بعد مايغلى ولما نوصل ألاقى عمتى..... مع جدتى......تمد ايدها جدتى تاخدنى..... من على كتف جدى....بعد مايميل عليها وينحنى... وتبوسنى.. وتقوللى وحشتنى...ياعمرى..يانن عينى.. ومهجتى.. وكبدى وأفضل معاهم...وكل واحده معاها ...كام شاليا وكام طاجن... من الفخار قاعدين يسموا بسم الله...بعدها اسمع... ف خير نازل...ف الشوالى... وف الطواجن... مالوش اول ولا آخر أشرب واكتر...وبعد مانروح.. أقعد معاهم... العب وأسهر...وادفى فى حضن جدتى.. حتى يداعب النوم اجفانى تنده لأمى.. وتقول لها.. سمى.. ويبدلونى.. وتاخدنى فى حضنها أمى واروح فى دنيا تانيه...وف دنيا غيردنيا..حتى أصحى على صوت الطيور....وكورس ديوك بيسبح لربه وبيغنى... وكأنه بينده لى أصحى وأفوق وحمام طاير فى السما يغنى.... بالامان وبالسلام انهاردا.. مابقيتش لاقى طير فى السما مآمن واللى باقى فى عشه... مرعوب هوه كمان كامن ...خايف من قلة الاصل .... خايف من الخاين مابقاش حاسس هوه كمان لا بسلام ولا بأمان....مرعوب وخايف من الزكام... ومن جرايم الانسان... حتى المواشى....اللى كانت بتجيب لنا الخير..! صابهاجنان نجيب منين أيام جدودنا ..و.الحصيره ..والحظيره والبساطه... والامان أيامنا كلها بقت.... فيروسات.....على سراطانات.....على جنان..... على زكام... والبركه ف ابن آدم..... مخترع الدمار.... أقصد الفنان! مابقاش بأيدنا غير نقول على الدنيا السلام
|
|||||||||||||
|
|
|
|
15 -03 -2009, 03:02 AM
|
#2 (permalink) | |||||||||||||
|
رد: عالم ....زكاااام...!
جمال لا استطيع ان اقول
الا على الاصل دور وكلامك اصيل زيك دمت بالف خير النادي
|
|||||||||||||
|
|
|
|
15 -03 -2009, 06:40 AM
|
#3 (permalink) | |||||||||||||
|
رد: عالم ....زكاااام...!
كفى ووفى يا ابن العم
اغرقتنا فى بحور كلماتك وامطرتنا بوابل من الابجديات اتحفتنى يا صديق بركــــــــــات
|
|||||||||||||
|
|
|
|
15 -03 -2009, 07:13 AM
|
#4 (permalink) | |||||||||||||
|
رد: عالم ....زكاااام...!
رائع انت 0000
تملك زمام الحروف وتتقن بريشة مبدع اعلان القضية 00 فيك الكلمات اختصرت كل الحروف لتلفظ انفاس كلمة ابدعت رائع أنت ماذا يوجد بعد0000
|
|||||||||||||
|
|
|
|
15 -03 -2009, 03:55 PM
|
#5 (permalink) | ||||||||||||||||||||||||||||||||||||
|
رد: عالم ....زكاااام...!
جمال لا استطيع ان اقول الف شكر ياصديقالا على الاصل دور وكلامك اصيل زيك دمت بالف خير النادي آسف لعطل الكمبيوتر
|
||||||||||||||||||||||||||||||||||||
|
|
|
|
15 -03 -2009, 04:13 PM
|
#6 (permalink) | ||||||||||||||||||||||||||||||||||||
|
رد: عالم ....زكاااام...!
الف شكر صديقى العزيز بركاااااااااات اعذرنى لدى مشكل بالكى بورد فمعذره جمال
|
||||||||||||||||||||||||||||||||||||
|
|
|
|
16 -03 -2009, 01:17 PM
|
#7 (permalink) | ||||||||||||||||||||||||||||||||||||
|
رد: عالم ....زكاااام...!
شكرا اختى جيهان هناك الكثير ندعو الاله الوصول اليه جمال
|
||||||||||||||||||||||||||||||||||||
|
|
|
|
16 -03 -2009, 02:23 PM
|
#8 (permalink) | ||||||||||||
|
رد: عالم ....زكاااام...!
الله عَلِيكْ يَا جَمَالْ وعَلَىْ كَلاَمَكْ ..
صِدْقًا أُحِسُّ بـِ الذَّوْقِ فِيْ حَنَايَاكْ .. هُوَ حَرْفُكَ غَالِبًا عَامِيْ ولَكِنَّهُ مُخَضْرَمـْ .. جَمِيلْ حَدَّ الجَمَالْ .. دَوْمًا تَأْسِرُنَا فِيْ أُمُورٍ حَيَاتِيَّةْ تَسْتَحِقُّ الوُقُوفْ .. دُمْتَ بـِ خَيْرٍ .. وأَتَمَنَّىْ مِنَ اللهِ عَزَّ وجَلَّ أَنْ تَكُونَ بـِ صِحَّةٍ جَيِّدَةٍ ..
|
||||||||||||
|
|
|
|
20 -03 -2009, 03:47 PM
|
#9 (permalink) | ||||||||||||||||||||||||||||||||||||
|
رد: عالم ....زكاااام...!
شكرا اخى وصديقى المخنن على سؤالك وأحمد الله سبحانه وتعالى على كل شىء لك منى كل التحيه وخالص الاحترام جمال
|
||||||||||||||||||||||||||||||||||||
|
|
|
|
21 -03 -2009, 12:17 AM
|
#10 (permalink) | |||||||||||
|
رد: عالم ....زكاااام...!
رائع.!!
1.سبرت حتى أغوار الطير !! وحميمية الزمن الجميل ! بألفاظ حررية ناعمة وحكى متسلسل مترابط رائع !!حد الدهشة! متعت بكل خير ودمت متألقا
|
|||||||||||
|
|
|
|
21 -03 -2009, 01:54 AM
|
#11 (permalink) | |||||||||||||
|
رد: عالم ....زكاااام...!
صورة جميله متكامله الاركان والالوان وحتى الاصوات رسمتها بكلماتك الفنانه وعشناها وتمنينا الاتنتهى شكرا لك اخى على ابداعك
|
|||||||||||||
|
|
|
|
26 -03 -2009, 08:07 PM
|
#12 (permalink) | ||||||||||||||||||||||||||||||||||||
|
رد: عالم ....زكاااام...!
الخبير الشاعر بجد خبير وحسيت بى وأنا صغير ولك منى كل خير اشكر مرورك مع خالص تحياتى جمال
|
||||||||||||||||||||||||||||||||||||
|
|
|
|
27 -03 -2009, 02:39 AM
|
#13 (permalink) | ||||||||||||
|
رد: عالم ....زكاااام...!
جميل جدا ولطيف
ونسخة اصلية ذهب بتاع زمان شكرا ياجمال تقبل مروري مع كل الود الأخوي . ماجده2 .
|
||||||||||||
|
|
|
|
28 -03 -2009, 02:18 AM
|
#14 (permalink) | ||||||||||||||||||||||||||||||||||||
|
رد: عالم ....زكاااام...!
الف شكر اخ رضا واعزرنى كتيييير جمال
|
||||||||||||||||||||||||||||||||||||
|
|
|
|
28 -03 -2009, 02:19 AM
|
#15 (permalink) | ||||||||||||||||||||||||||||||||||||
|
رد: عالم ....زكاااام...!
ياريتها ترجع بس منين؟ اشكرك جمال
|
||||||||||||||||||||||||||||||||||||
|
|
|
|
28 -03 -2009, 02:20 AM
|
#16 (permalink) | ||||||||||||||||||||||||||||||||||||
|
رد: عالم ....زكاااام...!
شكرا ياماجده يناصفانى اشكرك جمال
|
||||||||||||||||||||||||||||||||||||
|
|
|
|
| أدوات الموضوع | |
|
|
|
الساعة الآن 12:59 AM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
