 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
منتدى القصص والروايات يختص بالقصص والروايات .. لأخذ العبرة منها |
 |
|
|
LinkBack | أدوات الموضوع |
21 -05 -2009, 03:48 PM
|
#1 (permalink) | ||||||||||||||
|
فرحه الدكتور على مرجان ..(انتاج كوميدى )!!
رغما عن فشل الفرحه السابقه الفشل الذريع (فرحه العسكرى فرحات) الا اننى سوف اكتب الفرحه القادمه لاحزن على موت افراحى  ...او يتجدد فى قلبى امل الفرحات القادمه فرحه الدكتورعلى مرجان برجاء قبل قراءه الحكايه ..اتخاذ وضع مريح فى الجلوس يعنى كرسى فوتيه او كنبه استيل حديث واللى قاعد على كرسى خشب ممكن يغير القعده ويحاول جاهدا ان يجلس جلسه مريحه للرقبه والضهر وفى حاجه مهمه جدا لازم يكون لبس بيجاما مريحه(من الغاليه مش كستورعلشان متتقطعش اثناء الحكايه ) او ترينج بس يكون ماركه لوسمحت علشان انا لااسمح باى ماركات محليه فى الحكايه اعمل معروف علشان الحكايه تنفع وتبقى كويسه ...وممنوع مضغ اللبان او قزقزه لب او شرب مكيفات اثناء القراءه بالذات النسكافيه علشان هتصحصحك وتاخد بالك من كل حاجه وتنقد وتفت فى كل كلمه ودى ليه واشمعنى ..ايوه خاليك طوع وابن حلال.... ....................مـــشــــكور اخــــى الحبيب الغـــــالــــــــى الجزء الاول من الحكايه الدكتورعلى مرجان دهه يرضه دكتور غلبان زى كم ميه ألف دكتور زيه غلابة ..بيتطفحوا الكوته فى نوبتجيه المستشفى على كم ملطوش اخر الشهر ..طبعا مش كل الدكتاره غلابة زى أخونا مرجان ..فى دكتاره باب اللوق و وسط البلد ومصر الجديدة..دكتاره تشرح القلب وترد الروح حاجه كده فيف استاروممكن سته كمان تلقى الدكتور ليه قيمته لابس بدله اخر شياكه وكرافته بركاردان اللى ممكن حضرتك عمرك ما تفكر تجبها ولاتقف على بياعها ومتشيك على الاخر على سنجه عشره وممكن حداشر كمان وحاطط البرفان اللى يرد الروح من الغالى وطبعا الغالى ما يغلاش عليه ويخلى العيان يسيح ويسرح فى الريحه وميعرفش ينطق ولا كلمه وكل اللى عنده يروح ..حاجه كده اكس فلاكس (تعبير شخصى مستحدث يشير الى الجوده والامتياز) طبعا دهه غير الاهبه والفخفخه بتاعه العياده عياده واســــعه وكراسى فوتيه تغــوص فيها وتـــروح فى سابع نومه لما تقعد عليها .. ولازم يكون السقف بتاعها عالى والاوض ملعب ممكن تاخد العيال معاك يلعبوا كره فبها وتلاقى التمرجى حاجه كده محترمه تخاف تكلمه ......ولازم الحجز قبل الكشف بكم اسبوع ..والكشف ايه مولع نار وممكن كمان يكون من غير اعاده ..حد يقدر يعيد كشفه على واحد دكتور زيه كده دهه حتى يبقى عيان قليل الادب ومعندوش ذوق ولا دم فى حد ميخفش من علاج دكتور خريج جامعه كدا وكذا جنوب ولايه بنسلفنيا ...ايه بقى الدكتاره انواع زى الفاكهه كده... فى البرتقال.... وفى الكيرز المهم بقى يا سيدى الدكتورعلى مرجان بيشتغل اخصائى جراحه عامه فى مستشفى حكومى ..وكان نفسه يفتح عياده كده على قده ممكن يلاقط كم عيان يعملوهم اى عمليه اى حاجه تجيب قرشين يعيش بيهم وممكن يحوش علشان يعرف يشوف بنت الحلال اللى هتبقى من نصيبه .... عضو جديد دخل فى الموضوع وعايز يفهم شويه حاجات ..ايوه يا سيدى انا هاقولك كل حاجه ...بس اصبر شويه ..اهه دهه انت سكت يعنى ..بيان عليك عضو مختلف عن العضو اياه ..بيان عليك عضو جديد بس نوعيه مختلف شويه ..بتقول ايه ..انت صعبان عليك حال الدكتاره ..طبعا امال انت فاكر ان تحت القبه شيخ دهم اغلب من الغلب ومطلوب منهم يطيبوا خاطر العيان والزعلان يضحكه علشان يطلع ويقول انه دكتور ظريف ودمه خفيف ..ويكشف عليه مره ويعيد الكشف عشر مرات ..لقمه العيش صعبه بس محدش واخد باله النق بس اللى فالحين فيه ..!!!. . المهم نرجع لاخونا دكتور مرجان ..كالعاده بيدردش مع احد الزمله وبياحد وييدى فى الكلام وعن العياده وعن اماله واحلامه وذا الزميل يعرض عليه المشاركه فى عيادته وهو برضه لسه مبتدئ واهوه يخف شويه عنه من الايجار ..والله اتفتحتلك طاقه القدر يا مرجان هتحقق اللى بتحلم بيه انا هاعمل اللى متعملش دانا اعمل اللالى للعيان ..لو طلت اعمله ارجواز هاعمله ..هاكشف للعيان ومع كل كشف كشف تانى مجانا ...واللى هيكشف مرتين فى الشهر يبقى له كشف شهريا لمده ثلاث شهور مجانا ..واللى هييشكف ويجيب كشف تانى معه ياحد كشفين ببلاش ..واللى هيكشف ويطلع عنده عمليه يبقى له خمش كشوفات مجانا ..واللى هيجيب عمليه متوسطه له عمليه صغرى مجانا واللى هيجيب عمليه كبرى يبقى ممكن يكشف لمده سته اشهر مجانا او له ثلاث عمليات صغرى مجانا ايهما اوفر واكسب له .. ياسلام يا ود يا مرجان ...وبدا فى توضيب العياده ..يوم وراء يوم ..  وجاءت اخيرا الفرصه الكبرى للشهره ست تخينه قوى وعندها فم المعده بيوجعها قوى وكشفت قليل و كتير فى البلد ومش مستريحه خالص وناس شاروا عليها بالدكتور مرجان ..اصله دكتور جدع وبيخدم جامد قوى ..ولسه فاتح جديد ولازم يكشف كويس ..وطبعا الاستاذ مرجان كشف كويس قوى واخد بهمهم واخد نفس عميق وعمل زى الدكتاره الكبار ..معلش يا ستى لازم نعمل اشعه تليفزيونيه علشان نطمن على المراره ..ومصمصت الست شفتيها وما له ياخوى ..نعمل اشعه ..............وتم عمل الاشعه وفعلا كان تخمين اخونا دكتور مرجان سليم وكانت المراره مملؤه بالحصى والحصوات الدبش وزلط ورمل صغير وكبير ..يبقى لازم نعمل عمليه نشيل المراره بكل ما فيها من ادوات البناء الحديث والقديم.. وتم الاتفاق على العمليه  وبدا ت اعصاب اخونا الدكتور مرجان تتوتر وتتازم ووتتقوق وبدا رمش عينه الشمال يرجف ويهتز اهتزاز الورقه المسكينه فى مهب رياح امشير ..وبدا اصوات تصدر من احشاءه تنذر بنوبه اسهال حاده زى شفره ماكينه الحلاقه الجيلت جى تو تاحد روحك معها وترمى بك خائر القوى على اقرب عتبه باب حمام ......وبدات رعشه غريبه تتملك يد دكتونا الهمام رعشه واحد اتحط فى ثلاجه كبيره خدته كله على بعضه ..رعشه واحد مشمذاكر حاجه وعنده امتحان شفوى رعشه قدام ممتحن رزل وسخيف ...رعشه واحد عامل عامله مهببه وابوه هيخده كم قلم محترمين.... رعشه حرامى قدام ضابط رخم ....رعشه قلم حبر فى يد عيل صغير عنده شهرين ونصف.. رعشه واحد جابوه من خط الاستواء الى شمال سيبريا ....يعنى باختصار وما طولش عليك الاخ مرجان كان عصبى جدا لانها اول عمليه بيعملها فى العياده وطبعا العياده مش مرخصه واللى هيساعده تمرجى درجه تالته مع الرافه كل دهه ليه علشان يوفر تمن المستشفى الخاص وتكلفه الاقامه وخلافه وتطلع الست مبسوطه برخص العمليه وتجيب زباين للعياده .. وهه العمليه بدات وسنه بسنه وتسيلك من هنا وقطع من هناك وحط فوطه شويه تكتم شويه الدم اللى جاين من الناحيه الشمال ... والحمد لله تم استئصال المراره بنجاح ...  تمت العمليه بتوفيق عجيب وخرج الدكتور مرجان فرحان بنجاح العمليه وقبل خروجه من الحجره ميل عليه التمرجى سعد... دكتور مرجان.. عايز اقولك حاجه مهمه ..فى ايه يا سعد ...مش كل حاجه تمام ......ايوه يا دكتور ...بس برضه ..في حاجه مهمه ...فى فوطه بطن نقصه فى العد ..يظهر احنا نسينا فوطه جوه فى بطن الست .. .gif "ma (29)") . ودارت الدنيا ولم تقعد بدماغ اخونا مرجان ولفت بيه اول لفه وهو اوصاد العيانيه يقولها ايه افتح بطنك تانى واحنا مصدقنا نقفل بطنها اللى عامل زى هرم خوفو ..وتانى لفه لما تشتكيه فى النيابه العامه واسمه يزل فى الجرايد وتبقى فضيحته بجلاجل وشماته الاخوه الاعداء اللى فى المستشفى .....وطبعا اللفه الاخيره قفل العياده اللى لسه بتقول يا هادى ..واسودت الدنيا فى وشه ..واضلم المستقبل فى عينه وبدات حبيبات العرق البارد يتصبب وينساب على وجهه المصفر المائل الى الزرقه وواخد تشبيحه خضره غامق وتحس انه هيغمى عليه الجزء الثانى من الحكايه بتقول ايه ..........وانت مالك ..ومال الدكتاره ......انت مش مستمتع بالحكايه .........وايه الطول دهه بتاع كل مره تحكى لنا حكايه طويله عريضه وفى الاخر زى كل مره .. ......انا مش موهوب ........ ومباعرفش اكتب .................وانا بافرض نفسى على القارئ وعلشان الكل بيحترم سنك ومركزك تقوم تعمل فيهم كده وتعذبهم وتضيع وقتهم..............وانا فاضى وعامل نفسك كاتب ........وكلامك عامى جدا وعادى ..............والنوعيه دى من الكتابه معروفه ....وبتحاول توهم الاعضاء بشويه كلام ملهوش لازمه ولا فايده وتعمل ال ايه مسلسل ..يا سلام ..وكمان المره دى عملها جزءين ...يا سلام بصراحه انا كنت عايز اقول الكلام دهه من زمان لكن انا قولت اسيبه يمكن يجيب حاجه جديده ..وقلت بلاش احراج وبرضه ممكن يكون اكبر سنا مننا ...لكن المره دى انا مش مستحمل أي تكمله ومش عايز اعرف باقى الحكايه وطبعا زى كل مره هتكملها بقفله ملتفقه من عندك ..وايه الطول دهه كله انت فاكر ان الواحد معندوش الا حضرتك نقراء له بصراحه انا زهقت من كلامك وطريقتك ... ياهه انت محوش الكلام ده كله فى قلبك من زمان ..وانا كده برضه ...طيب انت بتقرا ليه كل مره ...وبتمر عليه حتى لو معلقتش عليه ..بس انا مش كده ...دى مجرد دعابه .ومحاوله ادخال السرور والفكاهه على قلبك ايها الجحود الناكر للجميل والمعروف ..وانا مش بامسك حد علشان يقرا ..وسيدى انا عارف كويس قوى انى مش كاتب ولا حاجه والحكايه شويه فضفضه وتفريج البخار من قدره الميه المغليه بدل ما تنكب الميه على وعلى اللى حواليه ..وحكايه الطول شرحتها المره اللى فاتت ..وانا مش فاضى ولا حاجه لكن انا مرتبط نفسيا بالمكان والناس الكويسه (وانا باضغط على كلمه الكويسه وطبعا انت فاهم وانا فاهم وانا مش عايز احرجك اكثر من كده ) اللى فى المكان ..وانا مش فافرض نفسى على حد ..وممكن جدا محدش يمر وانا مش زعلان ..بس مكنش له لازمه تقول الكلام ده قدام كل الناس ...عموما انا اكمل الحكايه علشان لازم نفرح الدكتور مرجان .مش لازم نخليه تعبان كل المده دى ....وحسابى معاك بعدين ............  التمرجى سعد لاقى الدكتور داخ ووشه اصفر راح بسرعه بنادى دكتور البنج الدكتور سرحان ودخل عليه ..وقاله مالك يا مرجان انت تعبان خالص فيك ايه هو حصل حاجه للست ..كلمنى ..رد على ..وصدر صوتا خافتا من اعماق صدر وحلق الدكتور مرجان (هتقولى من صدره ازاى اقولك يااستاذ طلع الصوت بتنهيده ..فهمت يا فالح دى انا لى حساب معاك بعدين بس لما اخلص الحكايه) ..احححححنننننا نسسسسسيييينا ففففففوووووووطططططههههه فففففىىىىىى بببببطططططننننن اللللعععععيييياااانههههههههههه الفوطه دى انا خدتها من الارض المع بيها الجزمه اصلها كانت معكوكه طين وانا رايح لخطيبتى ولازم اروح على سنجه عشر وانفرجت اسارير الدكتور مرجان واختفت كل الالوان الغامقه من وجهه وانطلق يقبل ويضرب اخونا الدكتور سرحان فى فرحه كبيره خالص قوى زى فرحه العسكرى فرحات ..(ايقونه الهيصه والفرحه بتاعه العيال الصغيره ) كرر الايقونه من فضلك لتشعر بفرحه الدكتور على مرجان ....  .gif "ma (27)") وانا لى كلام تانى مع العضو اياه بس انا طولت على الناس وممكن يكون واحد منهم عايز ينام ولا حاجه .. .دمتم بخير..... وطوله بال ..........وصبر ايوب ...وقوه شمشوم ...وصحه وعافيه
برجاء التعليق بحريه شديده علشان الصوره تتضح اما ..لى.. او للعضو اياه ؟؟..او اكتشف انى فعلا كنت غلطان واعتزل واكتئب واتقوقع على نفسى ... (منقول من صفحاتى من منتدى اخر )
|
||||||||||||||
|
|
|
|
21 -05 -2009, 08:17 PM
|
#2 (permalink) | ||||||||||||||
|
رد: فرحه الدكتور على مرجان ..(انتاج كوميدى )!!
هههههههههههههههه
قصة كتير حلوه مسكين هالدوك شو اتبهدل عشان عمليه صغيره اسلوب مميز و جميل كل الشكر لك
|
||||||||||||||
|
|
|
|
23 -05 -2009, 01:39 AM
|
#3 (permalink) | |||||||||||||||||||||||||||||||||||||
|
رد: فرحه الدكتور على مرجان ..(انتاج كوميدى )!!
نشكركم لحسن المجامله ويبدو ان نوعيه كتابات الافراح غير مفضله فى هذا المنتدى الكريم ..مع انها فى منتدى اخر نالت بعض النجاح
 ويظهر دى هتبقى اخر فرحه  ..وطبعا اخر فرحه بحسره دمتم طيبيبن وسالمين من مثل هذه الافراح تفبلوا احترامى
|
|||||||||||||||||||||||||||||||||||||
|
|
|
|
23 -05 -2009, 08:57 AM
|
#4 (permalink) | ||||||||||||
|
رد: فرحه الدكتور على مرجان ..(انتاج كوميدى )!!
هههههههههههههههه
جميلة جدا والله لديكَ زخمـ رائع من الافكار مودتي
|
||||||||||||
|
|
|
|
09 -06 -2009, 03:50 PM
|
#5 (permalink) | |||||||||||||||||||||||||||||||||||||
|
رد: فرحه الدكتور على مرجان ..(انتاج كوميدى )!!
اخى الفاضل المخنن :
كرم مروركم اخجلنى  وكثير مجاملتكم احرجنى من حسن خلقكم وعطر قدومكم ويكفينى زيارتكم وتعليقكم المشجع .. ولكن عذرا .. لم يعد لباقى الفرحات موضع حتى لا اكون ضيفا ثقيل على باقى الاعضاء تقبلوا احترامى وودى ومع لقاء اخر فى حكايات طبيب ....
|
|||||||||||||||||||||||||||||||||||||
|
|
|
|
11 -06 -2009, 04:12 PM
|
#6 (permalink) | ||||||||||||||
|
رد: فرحه الدكتور على مرجان ..(انتاج كوميدى )!!
ههههههههههههههههه
والله لو بتلف الكرة الأرضية كلها ما بتلاقي أخف من دم المصاروة مهضومين كتير و كلامهم متل العسل شربات الموضوع كلو فكاهي ومن أوله لآخره مضحك لكن في مقطع فقعني ضحك المهم نرجع لاخونا دكتور مرجان ..كالعاده بيدردش مع احد الزمله وبياحد وييدى فى الكلام وعن العياده وعن اماله واحلامه وذا الزميل يعرض عليه المشاركه فى عيادته وهو برضه لسه مبتدئ واهوه يخف شويه عنه من الايجار ..والله اتفتحتلك طاقه القدر يا مرجان هتحقق اللى بتحلم بيه انا هاعمل اللى متعملش دانا اعمل اللالى للعيان ..لو طلت اعمله ارجواز هاعمله ..هاكشف للعيان ومع كل كشف كشف تانى مجانا ...واللى هيكشف مرتين فى الشهر يبقى له كشف شهريا لمده ثلاث شهور مجانا ..واللى هييشكف ويجيب كشف تانى معه ياحد كشفين ببلاش ..واللى هيكشف ويطلع عنده عمليه يبقى له خمش كشوفات مجانا ..واللى هيجيب عمليه متوسطه له عمليه صغرى مجانا واللى هيجيب عمليه كبرى يبقى ممكن يكشف لمده سته اشهر مجانا او له ثلاث عمليات صغرى مجانا ايهما اوفر واكسب له .. هههههههههههههه شو هي الشغلة متاجرة بالبشر و أمراض الناس ؟ ههههههههههههه أنا لو محله بكتب إعلان ادفع قيمة العملية الأولى و احصل على العملية الثانية مجانا هههههههههههههههه والله عشنا وشوفنا الناس صارت تتاجر بالطب هههههههههههههههه مشكور أخي ابراهيم على خفة دمك و جمال روحك و موضوعك الفكاهي
|
||||||||||||||
|
|
|
|
16 -06 -2009, 10:24 PM
|
#7 (permalink) | ||||||||||||||
|
رد: فرحه الدكتور على مرجان ..(انتاج كوميدى )!!
الاخت الفاضله :
سعدنا لمروركم الكريم واادخال السرور اليكم ..ونرد الشكر والامتنان لاهل الاردن الكرام .. فى حفظ الله وامنه تقبلوا احترامى
|
||||||||||||||
|
|
|
|
| أدوات الموضوع | |
|
|
|
الساعة الآن 06:44 AM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
