 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
المنتدى العام لطرح ومناقشة جميع القضايا العامة ..والتى لا تتعلق بأي منتدى آخر. |
 |
|
|
LinkBack | أدوات الموضوع |
10 -03 -2006, 09:54 PM
|
#1 (permalink) | ||||||||||||
|
( ولد وعاش ثم مات ), ده مجرد سؤال
اول حاجة انا بكتب الموضوع ده لتانى مرة لانى كنت فى اخر كلام فيه والنور قطع عليا ( احساس بشع مش قادر اوصفه ) المهم انا هاحكى لكم قصة واقعية وحقيقية حصلت لى خلتنى اعيد التفكير فى حاجات كتير افكر فى حالى وحالتى وبلدى ودنيتى كلها الكلام ده كان يوم 6 اكتوبر اللى فات صحيت من النوم كالعادة متأخر اتمطعت وقومت ادور على حاجة اشربها ( اصلى مش من هواة الفطار الصبح ) المهم عملت كباية نسكافيه وطلعت اقعد فى الصالة وطبعا كان الحاج قاعد هناك لانه اجازة ومن هواة الصحيان بدرى فتحت التليفزيون وقلبت فى القنوات كلها مالقيتش غير اغانى وطنية وافلام زى ( الرصاصة لا تزال فى جيبى - بدور - الطريق الى ايلات ) طبعا اتخنقت لانى كان عندى امل اشوف كليب ( لروبى او نجلا مثلا ) او فيلم كوميدى او فيلم اجنبى اكشن بس للاسف رحت قافل التليفزيون وجوايا خنقة مالهاش حدود وبصيت للحاج وقولتله هو احنا هانعيش اليوم كله فى حكاوى الحرب دى بس ولقيت علامات الاستهجان والاستنكار اترسمت على وشه وطلع صوته بحرقة وقاللى ( ما هو انتوا ما شفتوش اللى احنا شوفناه عشان تقولوا كده وما عملتوش اللى احنا عملناه دى كانت ملحمة ... الخ ) طبعا كالعادة اتشاغلت عن كلامه بالنظر للسقف او معاكسة دبانة معدية من جنبى عمال اهشها اهو اى حاجة اسلى فيها وقتى لحد ما قصيدة الحرب والسلام لتلستوى دى تخلص لحد ما فجأة حصلت حاجة غريبة قوى قوى قوى قوى وسط كلام الحاج وانا بجرى بعنيا ورا الدبانة جات عينى فى عيون الحاج وشفت ساعتها حاجة مش ممكنة حاجة غريبة شفت فى عيونه نظرة ( اه والله نظرة ) شقلبت الدنيا نظرة ما شفتهاش فى عيون اصحابى او اخواتى نظرة ما شفتهاش فى الجامعة او مع الشلة نظرة ما شفتهاش فى النادى او فى الكافيهات اللى بروحها نظرة كنت خايف اشوفها نظرة شقلبت حالى النظرة دى كانت نظرة بطل نظرة فخر نظرة اعتزاز باللى عمله ولاول مرة فى اليوم ده بالذات ابص له قوى واركز فى ملامحه وهو بيتكلم واشوف الفرحة وهو بيحكى عن بطولاته هو واصحابه هو واعمامى وخلانى هو وجيله كله ولقتنى باسأله ( بابا هو جدى الله يرحمه لما كان بيقعد معاك كان بيحكيلك على ايه ) قاللى كان بيحكى معايا عن ثورة عرابى ده جدك كان ثورجى قديم ده مشى مع سعد فى ثورة 1919 وكان واقف ورا احمد عرابى على طول ده لولاه ما كنتش انا ولا انتا بقينا هنا زى ما لولا ما حربنا فى 1973 ما كنتوش انتوا اتوجدتوا ودى كانت اخر كلمة سمعتها من الحاج مع انه فضل يتكلم عن الحرب اكتر من ساعتين وانا ما اتحركتش من مكانى بس انا ماكنتش انا وما كنتش هنا كنت بفكر فى حاجة تانية خاااااااااااالص وبسأل نفسى سؤال تافه قووووووووووى انا ليه انا لما هاقعد مع اولادى بعد كده هاقولهم انا ايه ؟؟؟؟؟؟؟ انا عملت ايه فى حياتى هاقولهم انا كنت بطل فى ايه ؟ هاقولهم انى حاربت البطالة خمس سنين متواصلة لحد ما انتصرت عليا فى الاخر واضطريت الجأ للواسطة عشان اشتغل ؟؟؟؟!!!!!!!! ولا هاقولهم انا كنت بحارب يوميا فى المواصلات عشان لقمة العيش لحد ما لقيتها ولا هاقولهم انى حاربت الحكومة وانا صغير لما كنت معور ابن الجيران وكانوا عاوزين يقبضوا عليا وكنت بهرب منهم لحد ما بقت قضية وخدت فيها شهر مع الايقاف عشان المحامى كان شاطر هاقولهم ايه لما هاقعد مع اولادى هاحكيلهم على ايه ايه البطولة اللى انا او انتا او غيرنا من الجيل كله عملها يتحكى عليه ايه كان دورنا فى الحياة الحاج سمعته مرة بيقول لواحد من اصحابه وبيوصيه ( انا عاوز لما اموت يتكتب على قبرى بطل من ابطال حرب 73 ) طيب انا ممكن اكتب على قبرى ايه ؟؟؟ ( ولد وعاش ثم مات ) طيب بلاش انا اصلى مش لوحدى ولا مشكلتى انا بس ياترى جيلنا كله هايكتب على قبره ايه ايه دورنا فى السياسة ولا فى البلد دى اكبر مشاركة عملناها فى حياتنا انتخابات مجلس الشعب ( والله اعلم اصواتنا دى اللى اتعدت ولا اصوات جدودنا اللى ماتوا ) طبعا فاهمين انا بس بسأل سؤال واحد هنا وعاوز اشوف الردود كل واحد يفكر ها تكتب على قبرك ايه بعد ما تموت ؟؟؟؟؟ عاوز حد يجاوبنى وعاوز اشوف الردود *************************************
|
||||||||||||
|
|
|
|
10 -03 -2006, 10:43 PM
|
#2 (permalink) | |||||||||||||
|
رد : ( ولد وعاش ثم مات ), ده مجرد سؤال
اذا مت الان اريد أن يكتبوا عل قبري \هنا شاب من الاف الشباب الذي بحث عن الرضى على نفسه ولم ينجح \
 اما اذا كان لي عمر فانني متفائل ان يكتبوا على قبري \هذا البطل قد حقق ما كان يحلم به \  انا ضد اليأس ومع كل الاحترام لاهلنا وانجازاتهم فأقول كانت حياتهم اسهل بكثير ولن ادخل بالتفاصيل 
|
|||||||||||||
|
|
|
|
10 -03 -2006, 10:59 PM
|
#4 (permalink) | |||||||||||||
|
رد : ( ولد وعاش ثم مات ), ده مجرد سؤال
الجم فمي عن الكلام ولم أستطع التعبير
لك مودتي
|
|||||||||||||
|
|
|
|
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| أصل التوحيد | الصقر الذهبي | القسم الإسلامي العام | 0 | 11 -12 -2005 01:15 PM |
| مادة الحديث-المستوى الاول-الدرس الثالث عشر | أبو الأبطال | القرآن الكريم والسنة النبوية | 0 | 08 -11 -2005 06:38 AM |
| بعض الأسئله والأجوبه عن حكم صيام ست من شوال | أبو الأبطال | القسم الإسلامي العام | 1 | 07 -11 -2005 09:37 PM |
| الحرس الرئاسي يقود محاولة انقلابية في موريتانيا .. ولد الصايع الصهيوني يتجه للنيجــر | ammar mn | منتدى الأخبار | 1 | 03 -08 -2005 05:58 PM |
| فضائل صوم ست من شوال | براء | القسم الإسلامي العام | 4 | 20 -11 -2004 11:24 PM |
|
الساعة الآن 07:28 AM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
