 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
المنتدى العام لطرح ومناقشة جميع القضايا العامة ..والتى لا تتعلق بأي منتدى آخر. |
 |
|
|
LinkBack | أدوات الموضوع |
22 -05 -2006, 03:13 PM
|
#1 (permalink) | |||||||||||||
|
مذكرات مجنون سابق
قاعد براه في الركن البعيد وسارح, كان بكلم نفسه فتره طويله وجا واحد نتَف حبل افكاره
وقف جنبو وعاين ليهو كدااااااااااااا قاليه بتعاين مالك قاليهو شاكي في شكلك شاكي في شكلك وال شاكي بنطلونك, انت بنطلونك وين مالك شايفني لابس غلط والا لابس غلط وانت الجابك هنا شنو قاليه وانت المقعدك هنا شنو قال ساكت قاليهو ساكت والا ساي كان ساكت , انت البسكتك شنو وكان ساي وريني معناها شنو وكان عرفت معناها سبب واحد يخليك تجي هنا مافي ديقاليه مالك دار تجنني, جن اركبك انت والشدره هسي ما رديت على سؤالي كنت بتقول في شنو والله انت تحشرك اصلو ما بتخليه, ياخي ما عندك شغله تقضاها لكن هم ما ادونا شغله والله الزول ابنضارات ده مما يجي إكرهنا ده وكلمه مكرره عندو اسئله زي وشه زي شنو ؟ اها الليله كيف والفرق بين الديك والجداده شنو ــ حاجات تغيظ انت عارف الفرق وانت كمان ده سؤال تقولو لي ما تاء التأنيث هييييييييييياه ه ه ه ه ه ه ه هه ه ه ه ووووووووب يازول مالك يا دكتور الحقنه ـ الزول قامت عليه - الحالة خلاص خلاص ما تناديه خلاص يا زول انت مالك والله الحرف ده جني وجنو خلاص خلي قطيع النجيله ما زرعوها عشان تقطعه لكن بيني وبينك انا عايز امشي امريكا امرييييييكاااااااااااااااا البوديك شنو ماشي اصلح وضعي واصلح راسي قول اصلح راسي وبعد كده وضعي ده اتصلح والله الدخلت فيك لى يوم الله ما تمرق انت قلت لي المره ماله انت نسيت لا لا ذكرني انا قلت ليك لم اتوحمت قالت دايره طماطم بنفسجيه وعجور احمر وزبادي ناشف وجرجير بطير فررررررررررررر اها وانت جبته الحاجات دي آآآآآآآآي جبتها لكن ما عملا فيني الا الجرجير كيف الكلام ده!!!!!!!!!!! ياخي بعد ما جبته وظبطنا صينية الغدا وختيناها التقول كان مزرزر طار وانا بوراه.فت فت فت فت فت فت وبعدين. الطيره الياها. والله انا قايلك اتكلمت في السياسه. ياخي سياسة شنو وانا كان اتكلمت في السياسه بجي هنا الهنا ديل كلهم جابوهم النسوان والله كلامك صاح ناس السياسه ديل بمشوا هناك هناك وين ياخ ما تخليك غبي افهمه انت دايرنا نخش هنا وهناك انا شخصيا داير امش امريكا بسيطه بوصف ليك الشارع واتوكل اها بى وين بتعرف ابراهيم الحلبي وين ده غايتو زمان كان محلو مكان الشمش بتغيب والله كان غابت الا تركب حمار برميل اها كدي وصف شفت تخت ابراهيم الحلبي ده في ضهرك والمرخيات في وشك القبيح ده وتمش ما تعتر ليك اي حاجه في كم محطه ما قريبه لكن انا عارف بالك الطويل ده الخلاك تجر ورا الجرجير تلقى اول محطه امبادر الليله والليله نار امبادر ياحليله النشوف زولي الزول سرب سربه وخت الجبال غربه ياك انت ذاااااااااتك يا زول انت موديني وين وانت قايل امريكا على وين ما على دارفور المهم بعد امبادر بتخش غرب دارفور واحزرك كان لاقاك جنجويدي ما تساله وكان سالك طير تمش تشاد وما تنجم أني عارفك مما تلقى ليك قهوه بتكسر كرونا وكسرة كرونتك خساره لامريكا المهم بعد تشاد تلقى مالي ما تقيف حتى لو عزموك(هو ده خليني منو-العمله في كان عزموك بعزموك ملح ـ ملح عديل- مازي ملحنا ناس كتار لسه ما طلع ولا حيطلع تاني. عمل فيهم شنو؟ اسكت ما تقاطعني. تخش النيجر وتمش عديل انت ملاحظ انو ابراهيم الحلبي لسه في ضهرك تلقى بحر كبير تخشه وهاك يا عوم جنا الوزين يا جنا الوزين وتبقى وزينه لى امريكا تخشها وزينه وزول زينه وترفع راسنا المكركب ده لكن في مشكله مشكلة شنو انا ما بعرف اعوم طيب ياخي ما كان تسكتني في مالي انت اصلو ما بتحس بالمستقبل كان طوالي تسبتني كنا شفنا ليك طريق تاني طريق تاني بى وين بالجو تاني مع الجرجير لا لا لا سودانير قلت شنو سودان هوا شكلك كده حتجيب لينا الهوا ياخوي هاى اخير لي شارع ابراهيم الحلبي تاخد ليك طلقه طلقتين من جنجويدي وكف كفين في تشاد ولم تصل مالي خشمك ملح ملح وكان على البحر بلقى لي طريقه وهسه اول حاجه خلينا نتفكفك من هنا عليك الله كان وصلت هناك ما تنساني بالعلاج قوليهم عندنا واحد هو كويس لكن في الخريف راسو بتملي ضفادع غاغ غاغ غاغ غاغ يا زول اسكت الخريف لسه ما جا وانا فيني صبر انتظره والله مما تغيم اتململن والحاجه التانيه داير لي لوري لوري!!!!!!!! يا زول امريكا مافيها لواري والا انت قاصد لوتري عليك جنس فلهمه)( يا زول هاى انا بتحاشى الحرف ده كلمتك انا واى حاجه فيها الحرف ده ما بقوله هسه كان لاقيت ليك تاتا تقعد تقول ليها اا اا يا كبير بس ختيني الحرف ده لكن الجات منك ياها ذاته طيب ما تقد معاي بجاي وبدل ما اخد شلوتين ناخد اربعه وبنلقى حاجه زي معدية توتي و- يمعدية - عليك الله فهمت حاجه هاى انتو يا القاعدين هناك ما سامعين الجرس ده ياخي قوم كسح نحن في شنو والحسانيه في شنو ما عندك شغله غير تنَوم الناس الداير والما داير قطيعي للنجيله احسن من شغلك ده قطيع بى فهم قوموا خلاص والا نجيب الحقنه تااااااااااني انا بتاع الجرجير يا زول خلينا نشوف موضوع التا دا شنو وبعد شويه بنضرب الجرس والكواريك 15دقيقه بس ياخ 15سنه في كوبر كوبر يا قديم والا حركات حريم يا زول هاى حسن الفاظك خلاص خلاص خلاص ما تملانا فقر قايمين تقوم قيامتك والله البجي ضارب سلك سلكين هنا الاميه كلها تضرب اميه والله انت ما عارف حاجه ساي ياخي هم جرجيري ما قبضوا لي حاري منهم شنو تاني بس يعرفوا للحقن ... والليله كيف ... والحال في حاله كان مرقنا كنا بقينا كويسين كلمه من ده وحلوه من داك وما يحسسوك انك عيان بتعاملوا معانا عادي لا نفكر في امريكا ولا مزيكا وكان الواحد لا طاح بالبال ولا طاوي حبال لكن الصبر الختيتوها فينا ما مرقت وكان مرقت بمش تشاد سياحه تلاته يوم في فندق فايف ستار انتو ستار اكاديمي انتهى والله طولت من التلفزيون هو تلفزيون واحد وخرتمية زول داير امد رويسو بالله التقول ............ . ياتشوف وما تسمع يا تسمع وهو مقفول شوف شوف شوف شوف جرجيره بعد ده الطاير ليها شنو حريقه في الوحم الطماطم البنفسجيه ما قدرته تاني راجي منها شنو كرهتونا بالوحم خليتونا نباري الوهم والله في نسوان يكيفوك غير التبزق واكل الطين ما عندهن شي ما بكلفوك بأي حاجه خلاص مسخت الموضوع هسه كان باريت السياسه ما اخير ليك سجن اكبر الخساير وبتنقلب وبطلع امكن يوم امكن يومين او سنه لكن بطلع بطلع والله كان في اوبشن تنقلب اوتوماتيك هسه اى حاجه بقت تقلب اوتوماتيك هاي موضوع القِلب ده حساس الساعه بتقلب ما بنسأله الترتر بقلب ما بنسأله عربيه بتنقلب ما عندنا ليها اسعاف المزاج ذاتو بقلب خليها تنقلب بلا يخمها انت اقعد هضرب كده القاليك انت في السجن منو خليني اتخيل ياخ وشيل الحكمه مني المجبور بجيب موية برودو ان طال الحول والا قصر اسمع الساعه كم ساعة الجيب والا الموبايل والا اليد ياخ ما كلهن واحد القاليك منو واحده بتوقيت قرينتش والتانيه بتوقيت امدرمان والتالته واقفه الواقفه ياتا ساعة الحيطه والله كترت ساعات ومواعيد بيش الدكتور ده ما جا مواعيدو ماجات كان جا صحيني انا بتوقعو بعد حداشر كان جا بعد حداشر ما بنفع معاه الا ربطه ياخي مية مره قلت ليك شكل ضم الرا واسكن في البا اسكن في البا ياخي تخ ياخي التمانيه وعشرين ما لاقي حته اسكن فيها كلها فل ما خلو حته ما باعوها ضم الفا واسكن في اللام ..........بعد الا اسكن في. . تنقط ساااااااااااااي زي فنطاز الجاز 15م مثلث والله عندك جنس شطحات قوم قوم خلاص ما جاييني نوم
|
|||||||||||||
|
|
|
|
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| لو مجنون ادخل هنا ...... | bloodsave | منتدى الألعاب الفكرية والتسالي | 21 | 13 -11 -2009 06:25 PM |
| جاسوس إسرائيلي سابق يحمل الموساد مسؤولية إعدام كوهين في دمشق | الغراب الاسود | منتدى الأخبار | 2 | 14 -05 -2006 08:56 AM |
| مدرس سابق يحتجز طلبة فرنسيين رهائن | black_lord | منتدى الأخبار | 1 | 09 -03 -2006 09:24 PM |
| مذكرات عاشــقة | ابوعمر | منتدى القصص والروايات | 0 | 18 -12 -2005 02:29 PM |
| مذكرات طالب فاشل حاول يذاكر | أبو الأبطال | المنتدى العام | 0 | 06 -11 -2005 10:34 PM |
|
الساعة الآن 04:28 AM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
