منتدى ماجدة هو منتدى عربي متكامل يحتوي على الكثير من الفائدة وهو أحد مواقع شبكة
مكتوب المعرفة والتدوين.
انضم الآن و احصل على فرصة التمتع بحوارات عربية متعددة المجالات (اسلامية و نسائية و صور غريبة و اشعار و
العاب بنات و صور انمي).
للاسف انا مكنتش عايز اكتب الموضوع ده علشان الناس اللي موجوده هنا في المنتدى ميخدوش فكره وحشه عن مصر
لكن بعد ايه بقى ما خلاص الفاس وقع في الراس
وانا بصراحه معنتش قادر اخبي اللي جويا واللي كنت عايز اقوله من زمان
في البدايه اسف لو هطول في الكلام وافضل اتكلم بالعاميه انا مش هتكلم عن مشكلة الشباب العاطل ولا هتكلم عن اسباب المشكله واسبابها كتير اسبابها الاراضي اللي كانت مخصصه للشباب وفوجئنا ان احد الوزراء المعروفين القديم اوي اللي خرج من الوزاره اخيرا كان واخد هديه من وزير الاسكان اراضي جديده مع استثناءه من النسبه المحدده كان معالي الوزير مهواش زينا كانه كامل مع تغييرات بسيطه في الحروف ووزير بيوت الغلابه اللي خرج برضه من الوزاره بعد ما خرب البيوت ووزع الاراضي بالمزاج واخرهم الشاليهات والفيلل اللي في الساحل الشمالي اللي كان محجز عليها كانها بتاعته هو وفوجئنا انها لسه فاضيه ومسكنتش مش زي مكان بيقول ووزير الفلاحين والاكل الصحي القديم اوي برده اللي كل اكله سرطانات ومبيدات بقوله حسبي الله ونعم الوكيل نفسي اقابله يوم القيامه واشوف حسابه لان دا بالذات مهما اقول فيه كلام مش هكفيه كلام ادعي عليه بس واقول ربنا ينزل في بدنه كل سم اكله للناس وبرضه البيه الكبير صاحب العباره عبارة الخراب اللي سابوه يسافر مش فاهم ليه علشان سمعنا انه ليه علاقه بواحد كبير يقوم يسيبوه يهرب ولسه قاري من يومين في الاخبار ان مراته وبنته رجعت من بره علشان كان بيفتتحوا فندق بتاع زوجها ممدوح اسماعيل في انجلترا ضحكت اوي لما قريت الخبر دا بيفتتح فندق والناس هنا ماخدوش اي حق من حقوقهم ولا التبرعات اللي في البنوك ومش عارفين ياخدوها .مهما اقول مش هيكفي الكلام طبعا مقلتش عن ابو طرطور المنجم اللي خسايره بالمليارات وسايبينه مفتوح ولا القريه الذكيه اللي ملهاش اي لزمه غير تشغيل اصحاب الوسايط بمرتبات خياليه يسندوا مكاتب وبس ولا هقول عن الملايين اللي هربت بره مصر لغاية دلوقتي شغاله هقول ايه ولا ايه ويقولوا في الاخر اصل الشباب عاوز يوصل بسرعه مش عاوز يتعب هو التعب عندهم انه يتخرج من جامعه يقوم يشتغل حرفي او يسرح ببضاعه في الشارع بقولهم راعوا الله وارحموا الشباب وكفايه ظلم ليه لان الشباب اتخنق انا ببص من شباك اي مواصله وانا راكب على الكليات والمعاهد والولاد والبنات اللي فيها بيضحكوا واقول خايف ضحكتهم تروح لما يخلصوا ويشوفوا الواقع المر وباطلب من الدوله تلغي الكليات والتعليم وتشغلهم صنايعيه وحرفيين يا تشغلهم بتخصصهم اسفف للتطويل لو رسالتي طويله ممكن تقسموها نصفين المهم تنشروها لانها احاسيس جوه كل الشباب بس مش عارفين يعملو ايه وباقول في الاخر( عمار يامصر)
منتدى ماجده 
أضف للمفضلة
كلمة مرور المنتدى
29 -05 -2006, 04:35 AM
( عمااااااار يا مصر )
المواضيع المتشابهه
