 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
القسم الإسلامي العام المنتدى الخاص بمواضيع ديننا الحنيف .. |
 |
|
|
LinkBack | أدوات الموضوع |
09 -07 -2006, 09:45 AM
|
#1 (permalink) | ||||||||||||
|
عاد بعد الموت ( الجزء الأول ) !!!!!
( عاد بعد الموت )
* ( عاد بعد الموت ) ده عنوان الرساله فى هذه الليله المباركه الحقيقه عايزين نبدأ الرساله ديه وديه رساله مهمه جداا عايزين نبدأ الرساله بسؤال مهم جداا السؤال ... * يا ترى لو واحد فينا مات ورجع تانى الدنيا، مثلا مات أمبارح ورجع النهارده ياترى حيكون حاله النهارده زى أمبارح ولا حيتغير ؟ حيتغير صح ولا لأ؟ أكيد حيبقى أحسن أنسان على وجه الأرض فى ظنى لو أن أنسان مات وأحياه الله مره أخرى أظن ده حيبقى أعبد أهل الأرض فى زماننا هذا ليه ؟ شاف الحقائق كامله شاف الحقيقه اللى غابت على أعيننا أو نسيناها هو شاف كل حاجه واضحه قدام عينيه فلما رأى وتبينت له الحقائق رجع فبدأ صفحه جديده مع ربنا ... * طيب ما أنته كل يوم بتموت موته صغرى ( النوم ) ده عباره عن أيه ؟ موته صغرى صح ولا لأ؟ وأنته بتصحى الصبح أعتبر الله كأنه أحياك الأن فبدأ صفحه جديده ولا لازم نموت موته كبرى، أينعم الموته الكبرى بيبقى العظه فيها أكبر... ليه ؟ لأن أنته بتشوف حقائق مش بتشوفها فى الموته الصغرى ... * قصه جميله أوى ( الحسن البصرى ) رحمه الله فى يوم من الأيام وجد رجل غافل بعيد عن طاعه الله مش بيصلى فقال له الحسن أيها الرجل ( أنى أرى على وجهك نورا هل تأذن لى أن أسير معك ) فقال أذنت لك، فمشى معاه الحسن البصرى وهمه ماشيين ربنا يقدر أن فى جنازه تعدى فى الوقت ده فقال له الحسن لما رأى الجنازه ( يا هذا أرأيت لو أن الله أحيا هذا الميت الأن فعاد إلى الدنيا فيا ترى ماذا سيصنع ؟ ) شوفوا بقى فتره الأنسان خد بالك فقال له ( لو عاد إلى الدنيا والله لكان أكثر الناس صلاه وصياما وحجا وصله للرحم وأمرا بالمعروف ونهى عن المنكر وكذا وكذا ) فقال له الحسن البصرى بكل بساطه ( فليكن هو أنت وقد أحياك الله تعالى الأن فاصنع ما قلت ) ... * يبقى إذا لو أنسان مات ورجع مره تانيه أكيد حيبقى أحسن أنسان بل وأعبد أنسان فى هذا الكون .... * السؤال التانى يا ترى فى ناس ماتوا ورجعوا بعد الموت ولا محصلش ؟ حصل فعلا أن فى ناس ماتت ورجعت تانى خد بالك الأصل هو عدم الرجوع لكن فى ناس ربنا أحياهم بعد موتهم وديه كانت أيات من عند الله عز وجل نعطى أمثله ( المثال الأول قوم موسى عليه السلام )لما قالوا له لن نؤمن لك حتى نرى الله جهره ، أيه اللى حصل ؟ ربنا قال أيه { فأخذتكم الصاعقه وأنتم تنظرون } وبعد كده { ثم بعثناكم من بعد موتكم لعلكم تشكرون } أول أيه ...والأمثله كتيره أرجعوا إلى القرأن * يا جماعه شاء المولى عز وجل أن الأنسان يعيش فى أربع ( دور ) يعنى أربع مراجل بيعيش فيها الأنسان ( الدار الأول ) فى بطن الأم ( الدار الثانى ) الحياه الدنيا اللى من خلالها بنغرس فيها ونبنى فى الأخره أما أن نغرس خير أو نغرس شر ( الدار الثالثه ) دار البرزخ القبر يعنى وديه أطول وأعظم من دار الدنيا وكل دار أعظم من اللى قبلها فى حركات وتغيرات كثيره جداا فى القبر من هبوط وصعود ومن نعيم وعذاب ومن سموما يأتى من الشمال ونعيما يأتى من اليمين ، يعنى فى أحوال كثيره جداا تدور تحت الأرض ولكن لا يتفكر فيها إلا من شغل نفسه بالأخره ، اللى حيشغل نفسه بالأخره ربنا حيكرمه بكل خير فى الدنيا والأخره قال صلى الله عليه وسلم (( من كانت الأخره همه جعل الله غناه فى قلبه وجمع له شمله وأتته الدنيا وهى راغمه ، ومن كانت الدنيا همه جعل الله فقره بين عينيه وفرق عليه شمله ولم يأته من الدنيا إلا ما قدر له منها )) ... * المشكله اللى أحنا مش واخدين بالنا منها أن الأحداث اللى بتحصل تحت الأرض أشد بكثير من اللى بتحصل فوق الأرض والأعجب من ده كله أن عدد الناس اللى موجوده تحت الأرض أكثر مئات المرات من الناس اللى موجوده فوق الأرض حتى قال كثيرا من أهل العلم ( أن تقريبا معظم التراب اللى أنته بتشوفه فى الدنيا كلها ده رفات الميتين من الأمم السابقه ) كم من الأمم تمر علينا ممكن تبقى ماشى ودايس على شويه تراب شويه التراب ممكن يكونوا جزء من جسم ملك من ملوك الزمان فيما مضى ( الدار الربعه ) وهى دار القرار اما الجنه أو النار ، الأنسان فى الدنيا هل يقدر يشوف الشياطين أو الملائكه ؟ ما يقدرش طيب تيجى بقى عند الموت يرى ملائكه الرحمه أو ملائكه العذاب { ونحن أقرب إليه منكم ولكن لا تبصرون } أنتوا مش شايفين هو بس اللى شايف ... * السؤال ا جماعه عايزين نسأل نفسنا الليله ديه سؤال بصدق كل واحد يصارح نفسه بالله عليك حتعيش كام سنه فى الدنيا وحتعيش كام سنه فى الأخره ؟ عمرك فى الدنيا حيعدى كام سنه ؟ 70 سنه 100 سنه طيب تحت الأرض حتعد قد أيه؟ لك أن تتخيل حتعد تحت الأرض أضعاف أضعاف المده ديه بكتير ده فى ناس مدفونه يا جماعه من أيام سيدنا نوح عليه السلام ، شوفت المسأله عامله أزى شوف انتى حتعد أد أيه ؟ احسبها كده بالعقل بالله عليك أقعد مع نفسك الليله ديه كده وقول أنا حعيش كام سنه؟ أتمتعت بأيه لحد دلوقتى ؟ عاندك كام سنه ؟ 30 مثلا 50 ،20 ماشى كام متعه أتمتعتها فى حياتك ؟ وكام متعه أنته فاكر لذتها لحد دلوقتى ؟ ذهبت الذات كلها اللذه اللى أنته أتلذذت بيها مثلا من امبارح راحت الذه بتاعتها دلوقتى ولا تبقى إلا لذه الأيمان الحبيب صلى الله عليه وسلم قال ( ذاق طعم الأيمان من رضى بالله ربا وبالأسلام دينا وبمحمدا صلى الله عليه وسلم نبيا ورسولا ) .... * يبقى إذا متى تنتهى الدنيا ؟ كل أنسان دنيته حتنتهى بمجرد موته ولذلك جاء فى الحديث الضعيف لكن معناه صحيح (( إذا مات العبد قامت قيامته )) ( ضعيف ) أنته مت الليله ديه خلاص دنيتك أنتهت وبدأ تدخل فى أول مرحله من مراحل الدار الأخره ، طيب والأخرت تحتبدأ أمتى ؟ حينما ينفخ فى الصور نفخه البعث .... * طيب ياترى بعد النفخه نفخه البعث حد حيفضل قاعد فى الدنيا وعايش فى الأرض لوحده ؟ طبعا محدش حيكون موجود ربنا قال أيه { كل من عليها فان } الأيه ديه يا جماعه عزاء لكل أنسان على وجه الأرض أن مفيش حد يفضل لا يبقى إلا الحى الذى لا يموت ، طب لو أحب الناس إليك لو أمك أو أبوك أو زوجتك فى سكرات الموت تقدر تدفعله كام علشان يرجع ؟ تقدر تدفع حاجه طيب لو تملك الدنيا وما فيها هل ممكن أن أنته تفدى أمك أو أبوك وتدفع الدنيا ديه كلها وترجعهم تقدر حتى تزود ساعه فى حياتهم؟ ما تقدرش .. * لذلك صدق من قال (( أن الطبيب بطبه ودوائه لا يستطيع دفاع نحبا قد أتى .... مال الطبيب يموت بالداء الذى قد كان يبرىء مثله فيما مضى .... مات المداوى والمداوا والذى جلب الدواء وباعه ومن أشترى )) * الكل حيموت { كل من عليها فان } ويبقى الحى القيوم الذى لا يموت خد بالك بقى فى هنا لمحه جميله أوى ( الحى القيوم ) : صفه لله جل وعلا من صفاته العظيمه توسل بها الأخيار فى لجج البحار قصه جميله جداا أن قال أحد التابعين قال  ( كنا مع أبرهيم ابن أدهم فى مركب فى البحر كانوا مسافرين وهمه مسافرين قال فهبت الريح وهاجت الأمواج وأضطربت السفينه وبكى الناس وبدأوا يجئرون إلى الله فقلنا يا أبرهيم إلا ترى ما حل بالناس إلا تدعوا الله أن يفرج ما بنا ؟ فرفع رأسه وقال (( ياحى حين لاحى ،ويا حى قبل كل حى ، ويا حى بعد كل حى ، يا حى يا قيوم قد أريتنا قدرتك فأرنا عفوك )) قال التابعى فهدأت السفينه ....* يبقى يا جماعه نخرج بالكلام ده كله أن أحنا على يقين أن أحنا حنترك الدنيا لا محاله سؤال صغير بعد 100 سنه يا جماعه أحنا دلوقتى فى عام 2006 مثلا فى عام 2105 هل ممكن تلاقى واحد من جيل الأن موجود ؟ انا بتكلم علينا أحنا حد فينا حيبقى موجود فى عام 2105 فى الغالب لايمكن ، كله حيبقى تحت الأرض وحيبقى فى جيل جديد ... * طيب سؤال تانى وقبل 100 سنه يا جماعه أحنا كنا فين ؟ كنا عدم وبعد 100 سنه حنبقى عدم ، إذا يبقى الدنيا كلها لا تساوى أى شىء صح ولا لأ ؟ سبحان الله * طيب لو عشت عيشه الملوك 70 سنه عشت ملك وبعد عيشه الملوك 70 سنه مت ودلخت قبرك بالله عليك ماذا يوازى ملك 70 سنه مع أول ليله فى القبر ؟ لكن القبر يا جماعه الذين نتفكر فيه الليله ديه : ياج ماعه القبر ده عالم جديد دنيا جديده بالله عليك أنته لما يجيلك عقد عمل فى أى بلد من البلاد العربيه ورحت بلد جديده وشعب جديد وعيشه جديده تلاقى نفسك وأنته رايح حاسس برهبه ، تخيل بقى لما تنزل القبر ويتقفل عليك القبر أنا عايزك تتخيل المنظر ده تخيل كده القبر وانته داخل ويغلق عليك لوحدك { ولقد جئتمونا فرداى } حتروح لوحدك وحتدفن لوحدك وحتفضل لوحدك وحتحاسب لوحدك والقبر دار جديده والواحد ما يعرفش أيه اللى حيحصل فيها يبقى من باب أوى أنك أنته تعمرها ولا متعمرهاش ؟ طبعا لازم تعمرها دانته لو رايح دوله أجنبيه الناس تقولك خد بالك خد معاك لبس ثقيل علشان هناك برد خد معاك فلوس كفايه ويعنى بنجهز نفسنا .. أومل ليه مش بنجهز نفسنا ونستعد لأن أحنا راحين القبر ؟ حنعيش فيه قد أيه ؟ سنه ونرجع لا أنته حتفضل فى القبر لحد ما ينفخ نفخه البعث .... * طيب يا جماعه اللى حيستعد فى الدنيا وحيخلى القبر نصب عينيه حيلاقى القبر روضه من رياض الجنه ، واللى مش حيفكر فى القبر حيفاجىء بحجات فى القبر نسأل الله العفو والعافيه { وبدا لهم من الله مالم يكونوا يحتسبون } ....
|
||||||||||||
|
|
|
|
09 -07 -2006, 11:15 AM
|
#2 (permalink) | |||||||||||||
|
رد : عاد بعد الموت ( الجزء الأول ) !!!!!
أخى الفاضل / أسد المنابر
قال صلى الله عليه وسلم (( من كانت الأخره همه جعل الله غناه فى قلبه وجمع له شمله وأتته الدنيا وهى راغمه ، ومن كانت الدنيا همه جعل الله فقره بين عينيه وفرق عليه شمله ولم يأته من الدنيا إلا ما قدر له منها )) ... هذا الحديث لم أجد له سند أو أخراج هل تفضلت وذكرت لنا سنده للأهمية كل الود والاحترام
|
|||||||||||||
|
|
|
|
09 -07 -2006, 11:23 AM
|
#3 (permalink) | ||||||||||||
|
رد : عاد بعد الموت ( الجزء الأول ) !!!!!
السلام عليكم ورحمه الله وبركاته
أخى فى الله محمد نجيب : أنته تأمرنى يا غالى * قال الحبيب صلى الله عليه وسلم (( من كانت الأخره همه جعل الله غناه فى قلبه وجمع له شمله وأتته الدنيا وهى راغمه ، ومن كانت الدنيا همه جعل الله فقره بين عينيه وفرق له شمله ولم يأته من الدنيا إلا ما قدر له )) رواه الترمذى عن أنس ، وصححه الالبانى فى صحيح الجامع ( 6510 ) وحبيب قلبى أطمن انا الحمد لله بجيب أحاديث صحيحه وحتى لو جيبت حديث ضعيف بقول أنه ضعيف وبارك الله فيك وجزاك الله كل خير أخوك فى الله : محمد
|
||||||||||||
|
|
|
|
09 -07 -2006, 06:20 PM
|
#4 (permalink) | ||||||||||||||
|
رد : عاد بعد الموت ( الجزء الأول ) !!!!!
بسمـ الله الرحمن الرحيمـ
وعليكم السلام ورحمة الله وبركاته أحسن الباري مثواكـ أخي في الله أسد المنابر .. عــلى هذه الرسالة التي تعمل كعمل مؤشر التنبيه بأن هنالك عوالم أخرى يجب أن نعد لها إعداداً حسن جعل الله ما كتبته ثقلاً لكـ في موازين أعمالكـ ولا تحرمنــا من وجودكـ النير في هذا القسم المباركـ والسلام عليكم ورحمة الله وبركاته
|
||||||||||||||
|
|
|
|
09 -07 -2006, 10:50 PM
|
#5 (permalink) | |||||||||||||
|
رد : عاد بعد الموت ( الجزء الأول ) !!!!!
شكرا لك أخ اسد المنابر
درس رائع و اسلوب متمكن كل الاحترام اخ محمد
|
|||||||||||||
|
|
|
|
10 -07 -2006, 12:44 PM
|
#6 (permalink) | ||||||||||||
|
رد : عاد بعد الموت ( الجزء الأول ) !!!!!
جزاكم الله كل خير على المروم وبارك الله فيكم
|
||||||||||||
|
|
|
|
10 -07 -2006, 01:31 PM
|
#7 (permalink) | ||||||||||
|
رد : عاد بعد الموت ( الجزء الأول ) !!!!!
أخي محــمد يا أســـدالمنابر
جزاك الله خيرا وبارك الله بك نورت يا اخ محمد لا تحرمنا من تواصلك
|
||||||||||
|
|
|
|
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| 197سؤال وجواب في الريجيم والسمنة | wagdy1981 | الطب والصحة | 11 | 24 -02 -2009 08:34 PM |
| الفرق المشاركه فى كأس العالم وتاريخها خيارات | charif hassan | الرياضة العربية والعالمية | 2 | 17 -05 -2007 02:42 PM |
| دعوة للتفكر | المجهول نت | القسم الإسلامي العام | 5 | 24 -08 -2006 03:58 PM |
| بيانات مجلس شورى المجاهدين فى العراق 25/4/2006 | المكتبة | منتدى الأخبار | 1 | 03 -05 -2006 09:29 PM |
| بيانات مجلس شورى المجاهدين ليوم الأحد11 ربيع الاول | المكتبة | منتدى الأخبار | 1 | 09 -04 -2006 11:29 PM |
|
الساعة الآن 09:09 AM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
