 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
منتدى الطرائف والألغاز الإبتسامة والمرح مواقف طريفة ومضحكة |
 |
|
|
LinkBack | أدوات الموضوع |
29 -07 -2006, 12:20 AM
|
#1 (permalink) | |||||||||||
|
تتجـــوّزينـــي ؟؟
- تتجوزيني ؟ ـ أفندم ؟ ـ بقولك تتجوزيني ؟ ـ ؟؟؟ ـ تتجوزيني ؟ ـ لأ ـ ليه ؟ ـ بصراحة كدة شكلك مش عاجبني ـ إزاي يعني ؟ ـ يعني .. أصل أنا ليا مواصفات معينة لفارس أحلامي ـ مواصفات معينة ؟ .. هو انتي هتتجوزي عربية؟ ـ لأ ! .. بصراحة كده .. إنت مش فارس أحلامي اللي باتمناه *********************************** ـ تتجوزيني ؟ ـ إيه ده ؟ شكلك اتغير ـ إيه رأيك ؟ ـ واو .. شعرك بقة ناعم ! .. دي باروكة ؟ ـ أيوة ـ ودي عدسات خضراء ؟ ـ أيوة ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج ـ مين عباس كيج ده ؟ ـ عباس ؟!! ياي .. إيه عباس دي ؟ اسمه نيكولاس ـ مين نيكولاس ده ؟ ـ بقة مالكشي في السيما وجاي تكلمني ؟ .. ياي *********************************** ـ تتجوزيني ؟ ـ انت لسه ليك عين تكلمني ؟ ـ أيوة .. أنا عرفت مين بنكرياس كيج ده ـ أولاً : اسمه نيكولاس كيج ـ أيوة أيوة .. كنت هاقول اسمه صح .. بس اختصرته .. ده ممثل ـ ممثل إيه ؟ ـ ممثل أمريكاوي ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي ـ دونكي دي تبقى شتيمة ؟ ـ أوف كورس *********************************** ـ تتجوزيني ؟ ـ عندك عربية موديل كام ؟ ـ موديل دي تبقى شتيمة ؟ *********************************** ـ تتجوزيني ؟ ـ قوللي الأول .. حاطط أنهي نغمة في الموبايل بتاعك ؟ ـ نغمة دي تبقى شتيمة ؟ *********************************** ـ تتجوزيني ؟ ـ ما قلتليش .. إنت بتشتغل إيه ؟ ـ أنا -بلا فخر- عاطل ـ عاطل ؟ .. ياي ـ مش أحسن من اللي ما بيشتغلش ؟ ـ لا ـ يعني مش هتتجوزيني ؟ ـ لا ـ كدة أنا أزعل ـ ما تزعلش يا بابا .. خليك فريش ـ ماشي .. ماشي .. بس قوليلي ـ إيه ؟ ـ فريش دي تبقى شتيمة ؟ *********************************** ـ تتجوزيني ؟ ـ لقيت شغل ؟ ـ أيوة طبعًا .. سنتين وأنا بادور .. أخيرًا لقيت ـ وإيه هو ؟ ـ سواق تاكسي ـ ياي ! .. مش مكسوف وانت بتقولها ؟ ـ فيها إيه ؟ العمل شرف .. وكلها كام سنة وأجمع مبلغ كويس ـ شرف ؟ جتك القرف *********************************** ـ تتجوزيني ؟ ـ جمعت مبلغ كويس ؟ ـ طبعًا .. مبلغ كبير جداً ـ قد إيه يعني ؟ ـ ألف جنيه ـ نعم ؟!!! .. ألف جنيه دول تروح تسرح بيهم ببطاطا ـ يعني موافقة ؟ ـ روح اتنيّل *********************************** ـ تتجوزيني ؟ ـ عندك شقة ؟ ـ طبعًا .. أوضة على السطوح ـ نعم ؟ ـ إيه المشكلة ؟! .. أحسن ما ننام في الشارع ـ في الشارع ؟! .. إيه الألفاظ السوقية دي ؟ ياي ! .. لازم يا بابا تجيب شقة ـ طيب .. كلها كام سنة وأجيبلك أحسن شقة في الدنيا ـ وهتجيبها في جاردن سيتي ولا في الزمالك ؟ ـ لا .. في الأهلي .. هيهع هيهع هيهع *********************************** ( بعد سنوات) ـ تتجوزيني ؟ ـ جبت الشقة ؟ ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات ـ فانتاستيك ـ بس الشقة ناقصة حاجة ـ إيه هي ؟ ـ مفيهاش حمام ـ امشي من قدامي ! .. مش طايقاك *********************************** ـ تتجوزيني ؟ ـ إنت تاني ؟ ـ جبتلك حمّام إنما إيه ـ خليه ينفعك ـ ليه بس ؟ .. ده ينفع لينا احنا الاتنين ـ وأنا مالي ؟ ـ مش عاجبك .. مش مشكلة .. أكتبه باسمك *********************************** (بعد سنين) ـ هتتجوزيني ولا أولع فيكي ؟ ـ ومالك محروق كدة ؟ ـ حكايتنا طولت قوي .. طولت أكتر من اللازم ـ أوكي .. بس ممكن أعرف حاجة ؟ ـ إيه ؟ ـ إنت ليه متمسك بيا أوي كدة ؟ ـ أصل .. أصل ـ أصل إيه ؟ ـ أصل أنا بحُبك (بضم الحاء) ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدين خليك روش وقول I love you ـ ماشي .. بس قوليلي ـ نعم ؟ ـ روش دي تبقى شتيمة ؟
|
|||||||||||
|
|
|
|
29 -07 -2006, 01:26 AM
|
#2 (permalink) | |||||||||||||
|
رد : تتجـــوّزينـــي ؟؟
هو انت مزهئتش
ولا البنات خلصت شكرا بك بوس على المسرحيه الحلوه وان شاء الله تتجوز
|
|||||||||||||
|
|
|
|
29 -07 -2006, 03:45 AM
|
#3 (permalink) | ||||||||||||
|
رد : تتجـــوّزينـــي ؟؟
يا حرام دي ربت له عقده من الشتيمه
يضرب الحب شو بيزل قصدي بيذل بس لا تكون هذه شتيمه و أنا مو أخذه بالي شكرا لك بوس مشاركه طريفه تحياتي هلا
|
||||||||||||
|
|
|
|
29 -07 -2006, 04:50 PM
|
#4 (permalink) | |||||||||||
|
رد : تتجـــوّزينـــي ؟؟
اخي عبد الحليم اذا قصدك تدعيلي انا بان اتزوج
فانا متزوج من زمان شكرا بس عقبال يلي عاوز انا مش عايز
|
|||||||||||
|
|
|
|
03 -08 -2006, 02:27 AM
|
#5 (permalink) | |||||||||||||
|
رد : تتجـــوّزينـــي ؟؟
حلوه يا بيج بوس بس انت نفسك طويل اوى
|
|||||||||||||
|
|
|
|
03 -08 -2006, 03:19 PM
|
#6 (permalink) | |||||||||||
|
رد : تتجـــوّزينـــي ؟؟
نفسي قصدك الشهيق والزفير
ولا قصدك ان انا طويل
|
|||||||||||
|
|
|
|
03 -08 -2006, 05:47 PM
|
#7 (permalink) | |||||||||||
|
رد : تتجـــوّزينـــي ؟؟
حلوه يا بيج بوس بس انت نفسك طويل اوى
|
|||||||||||
|
|
|
|
04 -08 -2006, 02:11 PM
|
#9 (permalink) | |||||||||||
|
رد : تتجـــوّزينـــي ؟؟
ويولع فيها ليه امال لو ماتت وهو اتسجن كانت القصة حتبقى شكل تاني خالص
خليهم كده وادينا منتسلى.....صح
|
|||||||||||
|
|
|
|
05 -08 -2006, 10:35 AM
|
#11 (permalink) | |||||||||||
|
رد : تتجـــوّزينـــي ؟؟
خلاص زي ماتحبو
سيبوه ------------------ سيبوه
|
|||||||||||
|
|
|
|
19 -11 -2006, 06:38 PM
|
#13 (permalink) | |||||||||||
|
رد: تتجـــوّزينـــي ؟؟
بصراحة القصة لها تتمة بس انا مليت منها وهي كده فما بالك اكملها
هي كده وخلاص مش بطاله
|
|||||||||||
|
|
|
|
| أدوات الموضوع | |
|
|
|
الساعة الآن 05:35 AM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
