العاب بنات

05 -09 -2006, 01:42 PM

ღ♥ღ دنيتـــي ღ♥ღ
للكاتبة: اشراقة أمل

الشخصياات
ام احمد:
الجدة..
محمد :
ابو الريم ..شاعر وعمره 40سنه..
الريم:
18 سنه ..
تركي:
عم الريم وعمره23 طالب في جامعة الملك فهد تخصص ادارة اعمال..
أحمد بن ناصر:+فاطمة"ام طارق"
طارق:
25سنه خريج جامعة الملك فهد ويشتغل بقطاع خاص
راشد:
ثاني ثانوي ..علمي
عبير:
ثاني متوسط..
سمر:
دلوعة العايلة ..
خالدبن ناصر+حصه
نادية:
ثالث ثانوي \ادبي ..نفس مدرسة الريم..
ناصر:
اول ثانوي ..
رغد:
ثاني متوسط..
فهد :
عمره6سنين واخر العنقود..
بدور+حمد..
نايف4سنين..
فيصل+جينا..
متزوج امريكيه وعنده بعثه في بريطانيا..
عبد الرحمن سنه ونص..
العنود+سالم
العنود 24 سنه متزوجه ولد عمتها ..
ناااشي:
خال الريم الوحيد

الجزء الاول

\هلا حياتي..
حياه\
محمد روح للدكتور شوف دوري جا ولا بعد..
محمد\
ن روح للدكتور
حياه\
ابي ارجع البيت الريم عند خالتي واخاف تإذيها
محمد بابتسامه\
يعني خايفه على خالتك انها تإذيها ولا وحشتك الريم..
حياه \
الاثنين ..
حياه\
محمد..
محمد\
حياته ..وعمره ..وروحه..آمري
حياه\
وصيتي لك الريم يامحمد حطها في عيونك الثنتين هاذي قطعه مني اهتم فيها وراعيهاا ولا احد يزعلها
قطع عليها محمد\
حياة الله يهديك انتي مافيك شي عشان تقولين كل هاذ
حياه ببتسامه\
الواحد مايظمن عمره صاحي ولا مريض ..بس ابيك تتإكد من شي واحداني ماحبيت ولا بحب
احد غيرك احلى سنين عمري قضيتها معاك "وهي تصيح"
أناا ماابيك اذا صار فيني شي تبقى على ذكراي ابيك تتزوج ..تزوج لك وحده تهتك فيكوفي الريم وتراعيك
وتجيب لك اعيال وأبيك تعرف شي واحد اني راضيه عنك دنيا واخره
محمد\
تعوذي من الشيطان انتي مافيك شي عشان كل هاذا ..كلها الا منظار اجل لو قالولك عمليه شنو بتسوين
\
حياه فهد
محمد\
يالا حبيبتي جادورنا
دخلت الغرفه جتهاا وحشه غريبه جلست على السرير ..جاتها الممرضه وبنجتها با الكامل
كانت تراقب زوجها وتبتسم وهو يبادلها الابتسام دخل عليهم الدكتور
الدكتور\ السلام عليكم انته قوزها..
محمد\
ايه اناا جوزهاا ..
الدكتور\
دلوئتي اناا ها دخل المنظار عشان اشوق مكان القرحه..يوم خلص ..
شاله بكل قوه وحشيه لدرجة انه جرح الشريان
نزفت
لدرجة ان دمها غطا بياض السرير ..
محمد\
زوجتي ..بتموت انت شقاعد تسوي
الدكتور مرتبك \
اهداا يا استاز..
محمد\
انت ماتشوفهاا..شوفهاا قاعدة تنزف ..انقل لهاا دم سو أي حاجه..نقلوهاا مستشفى ثاني ..
الدكتور مستسهر\
حن حطلهاا دم الساعه سبعه..
طلب الدكتور من الممرضه تجيب شي تنفخ فيه عشان يبنسد الشريان .
محمد\
انت شقاعد تسوي .. زوجتي بتموت انقل لها دم..
يكلمه وكإنه يكلم الجدار
.
.
.
بعد دقيقتين..
توقف جهاز نبضات القلب ..ومحاولات الدكتور في انقاذهاا بلا فايده..
الدكتور\
البئيه في حياتك..
محمد\
لا ماا صد ق ..ماصدق حيااه ..
قرب منها حضنها ..عيونه غرقانه من الدموع ..
الدكتور\
يا استاذ الحي أبئى من الميت..اذكر ربناا..
محمد\
اشهد ان لا اله الا الله..
الدكتور\
اناا آسف جدا..بس الي حصل حصل ..
ترك محمد زوجته جملة الدكتور اشعلت نيران بصدره ما تطفيهاا بحور الدنيا ..كلهاا
محمد\
انت عن شنو تتكلم عن شي رخيص الي حصل حصل ..هاذي زوجتي هاذي ..حياتي هاذي ام بنتي
مين بربيها ..مين بيهتم فيهاا هاذي دنيتي ..الي اعيش علشانها..
.
.
.
.
..
.
.
.
.
.
.
.
.
.
.
. .
بعد 17 سنه
ياحلوه يهبل
نوف\
الحمد الله تنعجبين بواحد شايب..
نسيم\
حرام عليك أناا أعطيه 29 او30 سنه
نوف\
لا 30 عمره في ال40
نسيم\
تتوقعين متزوج..
ضحكت نوف\
بنته معاناا ..
نسيم بصدمه\
بذمتك ..أي صف أول ثانوي..
نوف\
لا ثالث..تبين تشوفينها ..
نسيم\
وتسإلين بعد..يلا وديني لها ..بس تعالي يمكن انلاقيها طالعه مع صديقاتها..
نوف\
لاتطمني ..
راحولفصلهاا..
نسيم\
وينها ...اي وحده
نوف\
شوفي ..الي جالسه اول كرسي لحالها..
نسيم \
هاذي الي تكتب ..
نوف\
ايه..
نسيم\
هاذي بنت الشاعر محمد بن ناصر ..
نوف\
ايه هاذي هي ..مب حلوه
نسيم\
الا قمر ..احسها تشبه له..شرايج نتعرف عليها..
نوف\
انتي شناويه عليه..
نسيم\
تعجبيني .تفهمينها وهي طايره..
نوف\
مين صديقتي مب نسيم..
نوف ونسيم\
السلام عليكم.
البنات الي با الفصل\
وعليكم السلام
أتجهو للر يم ..
نسيم\
هيه بنت ..
التفت الريم وراهاا ماشافت احد يعني يقصدوني..
الريم\
نعم ..أي خدمه ..
نوف\
في وحده اسمهاا ..اسمهااا ..شنو اسمهاا نسيمشنو اسمها ؟
نسيم\
هممم ..ايه اسمهاا اشواق احمد..
الريم فهمت قصدهم\
لا ..
نوف\
طيب شنو اسمك انتي ؟
الريم\
بدون اسم..
نسيم\
معقوله في وحده ما عندها اسم ..؟
الريم عارفه انه يبون اسمها مب عشان سواد عيونهاا عشان ابوها\
ايه فيه..
نوف\
شدعوه اسمك اسم اميره ماتبين تقولينه ..
الريم\
تبون اسمي؟
ثنتينهم\
ايه ..
الريم\
سجلو عندكم ..سكنه بنت سكين ..خلاص
ضحكوا على ردها ..
نسيم\
والله انه انتني فله ..
الريم\
احترمي نفسك لو سمحتي ..وعن الغلط.
نوف وهي تضحك\
أن شاء الله با بنت سكين..
طالعتها با احتقار\
استغفر الله ..أناا أستئذن

***********************************

من وين أببدا يا الكلام إن تذكرت ..
حياة وحزني والظلام وسديمه....
والدمع يغرقني وأنا ماتكاثرت...
دمعي له مكانه وشيمه....
حياة وأنا لا قلت حياة تفاخرت..
مثل الهبوب الي تفاخرت بغيمه...
لولا أعرف أن الموت حق وتصبرت
أن كان طحت من القهر والظليمه.
ماتت وأنا ياناس من يومها صرت..
أهد حزني كل ليله وأقيمه.........؛
أكذب عليكم إن قلت لكم ما تإثرت ..
أكذب عليكم أن قلت روحي سليمه....
يوم آتذاكر قولها لاتكدرت..
"وراك ماتضحك يامال الغنيمه"
ولا إذا سولفت تعطرت......؛
من صورتها ولا قصصها القديمه..
وإذا ضميت لها رضت لاتعذرت..
وأشرب رضاها من يديها الكريمه..
حتى ولو جار الزمن ماتذمرت..
ألقى بها دنيا وسيعه..رحيمه..
ياناس ماهو بس أنا الي تكسرت..
جدار غرفتها..مذياعها..وأن تبصرت .
كل دنيتي بموت حياة يتيمه...
الحمد لك يارب فيما تدبرت..
أنت الحكيم الي سواته حكيمه...
وشلون يا الكلام إن تذكرت
"وراك ماتضحك يامال الغنيمه"
بدون حياة
بندر\
طلبتني أستاذ محمد..
محمد\
أيه ..أخذ هاذي الاوراق وأرسلها للمجله وشوف أذا عندي أجتماع أجله..
بندر\
عسى ماشر أستاذ؟
محمد\
ماشر بس الوالده تعبانه وبروح أتطمن عليها..
بندر\
سلامتها
محمد\
الله يسلمك ..بس مرتفع عليها السكر..يلا أستئذن تامر على شي..
بندر\
لا أستاذ سلامتك..
محمد\
الله يسلمك..
في المدرسه الثانويه با الخبر
جالسه ترسم في الدفتر من الزهق ماعندها شي الحصه الاخيرة فراغ ونزلوهم المسرح
راسها مصدع عليها من ها البنات الي يصارخ والي يضحك والي يسولف..شد انتباها جمعة بنات
قريبه منها ..سمعتهم جايبين طاري ابوها ..ارهفت سمعها تسمعهم
البنت ألاولى:
الله يهبل شعره تتوقعونه متزوج..
البنت الثانيه:
لا مطلق.
البنت الثالثه:
لا..لا أنا عندي الخبر الإكيد جدتي تعرف وخده تقرب لهم من بعيد ..زوجته متوفيه وبنته مريضه
هزت راسها على ها الإيشاعات إلي تسمعها طفشت من كلام ها البنات
تكلم روحها"طلقو أبوي ومرضوني ياخوفي بكره يموتوني ..الحين أنا صج ماعندي سالفه
فاضيه عشان أسمع لهم خلني أطلع الفيزياء أذاكره عشان أفضى في الأيجازه
*************
\
السلام عليكم
أم أحمد\
وعليكم السلام ..هلا وغلا حياك يابو الريم
محمد\
الله يحيك شخبارك يا الغاليه أن شاء الله زينه الحين..
أم أحمد\
الحمد الله ..ألا راد مبكر مب من العاده..
محمد\
ولهت عليك وقلت خلني أتغدى مع ميميتي
أم أحمد وهي تضحك\
سبقتك ..
محمد\
أفا..مالنا نصيب اليوم..خلاص أجل بتغدى مع دنيتي لحين ماجات ..
أم أحمد\
زين ذكرتني بصوت على تركي يروح يجيبها ..
تركي ..ياتركي
تركي\
هلا يمه ..
أم احمد\
روح يمه جيب الريم أكيد طلعت ..
تركي وهو يتحلطم\
اووف شنو أنا سواق لها روح تعال خلي السواق مع الخدامه يجيبونها لازم أناا ..هاذي آخر
مرة أجيبها ..وهويكلم الخدامة
راما جيبي مفتاح خلني اجيب ريموه من المدرسه ..
ألا ويسمع صوت محمد يتحمحم
تركي \بييه
راما جيبي مفاح خلني أروح أجيب الشيخة الريم من المدرسة ..يمه الله يهداك مرة ثانيه
لاتقولين خلي السواق والخدامه يجبونها أجل أنا شنو فايدتي في البيت معليه حتى ولو شفتيني
تعبان من الدوام أروح أجيبها هاذي الغاليه ينت الغالي ,,
محمد\
انت شقاعد تخربط؟..
تركي كإنه مصدوم \
محمد أنت يت غريبه مب من العاده تجي من وقت ..
محمد\
عن الكلام الفاضي وروح جيب عمتك ..
تركي\
افااا الحين أنا عمها وهي تصير عمتي ..
محمد\
أييييييه
أم أحمد\
يلا ياعيال برخصتكم بروح أخذ الابره وبريح شوي ..
محمد\
ماتشوفين شر يا الغاليه ,,
أم أحمد\
الشر مايجيك ..يمه
تركي\
محمد شرايك تروح انت تجيب الريم صدقني أذا شافتك بتفرح..
محمد يبتسم لاخوه\
خلاص بس بشرط..
تركي\
الي هو ..
محمد\
انت تسوق السياره بدال عني ..
تركي \
يعني مافيه فايده ..
محمد\
لا مافيه
نهاية الجزء __________________

__________________

البحث عن مواضيع لنفس العضو

__________________

العاب بنات

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لا شىء يستحق	رومانسيه	الموضوعات المتكررة	5	03 -05 -2008 10:44 AM
ღ♥ღ Prophet Muhammad - peace be upon him - ღ♥ღ	مُحبة الرحمن	الدفاع عن النبي صلى الله عليه وسلم	35	31 -03 -2007 09:28 PM
ღ♥ღ اضغط زراً .. خفف جـرحاً ღ♥ღ .... حملة لمســاندة إخــواننا في لبنان و فلســطين	مُحبة الرحمن	المنتدى العام	2	11 -08 -2006 03:02 PM
لا شــــــــــيء يستحــــــــــق	عبدالله العاشق	المنتدى العام	2	05 -09 -2005 01:59 PM

ღ♥ღ دنيـــتي ღ♥ღ

يختص بالقصص والروايات .. لأخذ العبرة منها

العاب بنات

منتدى ماجده أضف للمفضلة
كلمة مرور المنتدى كلمة مرور مكتوب

أدوات الموضوع
مشاهدة صفحة طباعة الموضوع أرسل هذا الموضوع إلى صديق