 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
منتدى القصص والروايات يختص بالقصص والروايات .. لأخذ العبرة منها |
 |
|
|
LinkBack | أدوات الموضوع |
05 -09 -2006, 01:51 PM
|
#1 (permalink) | ||||||||||||
|
سمر وصديقاتها.... {قصة سعودية}
بسم الله الرحمن الرحيم
بلا مقدمات هذي أول قصة أكتبها على المنتدى أنشاء الله تعجبكم.. سمر سمروووووو بلا حركات بايخه أقنعيه يفتح باب السيارة نبغا ندخل خسنا من الحر لا عاد والجو ايناسب الزعل من هذا الثاني سمر وشفيش ماتتكلمي ... سمر: لا والله الحين أحنا ما أتأخرنا واجد كلها عشر دقايق نظفنا المكان وجينا ما يستاهل يا أخ محمد أنك تسويها مهزله وتخلينا بره السياره فرجه للناس والعالم طبعاُ محمد عاطنها الأذون الصمخة ومشغل المسجل ولا هامنه أحد لا الناس ولا البنات الي يطالعون الموقف.... فجر: هي أنت افتح الباب بسرعة لا تحطنا بمواقف بايخه ...عاد بعد هالكلمة حتى لوبيفتح الباب ألحين مابفتحه.. ريم: طالع هاذي الثانيه ماخده راحتها ما تقولين لخطيبش يفتح الباب..بعد هالكلمة انفتح الباب الي ورى ..أخيراُ حس على عمره ريم وفجر ونهر من الفرحة على طول دخلو ما أنتبهو أن صديقتهم سمر ما أنفتح لها الباب الأمامي ...سمر :يعني ما تبغاني أجلس جمبك شان قلت من أول ...وراحت تبغى تفتح الباب الى ورى لقته مقفل عاد الحين عصبت سمر من جد... سمر: يعني ما تبغاني أصلاُ في السيارة الحين الى يقول أني ميته عليك يالقوطي ..تفكر ما أقدر أروح البيت الا بسيارتك هالقرمبع أصلا اني مابستناك ...ولم شافته ما تأثر أخدت تمشي بسرعه مبتعده عن السياره ...{بعد ما تحرك} مرت جنبها سيارة تكسي بغت تدعسها بس الله ستر فسمر وقفتها و وقفت السياة توهابتدخل الى دراعها أنجرت ... محمد: انتي وين فاكره نفسش بتروحي يالله طلعي بره بسرعه تفكري انش بتروحي من الدمام الى القطيف مع تكسي انتي مجنونه ولا فاكره الدنيا سايبه. سمر: هدني أأأأأي عورتني بعدين انت الي ما تبغاني في سيارتك محمدوهويدخلها سيارته أنا بغيتش تعتدري مني مو اتسوي حركات جهال ونروحي لسيارة ثانية أصلاُ انتي ماتشوفينه كيف ايسوق بغى يدعسش بالسيارة سمر كانت بترد عليه بس خافت يطردها من السيارة فسكتت محمد :ادري ألحين البرطم كنست الشارع ووصلت لبيتكم أو أقول الشفايف بغت اترد عليه بس ماليها خلقه وهو كأنه حس بهالشى سكت بعد سمر كانت سرحانه وتندب حضها الي خلااهاتاخد محمد وتلوم أخوانها وتذكر الي صار من ثلاثة أسابيع والي مرو عليها كأنهم ثلاث سنين الفصل الأول خلنا نتعرف على الشخصيات مو كلها أهمها سمر:بطلت القصة بنت ولا كل البنات حبوبه مرحة واتحب الخير بس ما تحب الى يغلط عليها والي يتعمد ايأذيها حلالة المشاكل بالنسبه لشلتها اتوقع عرفتو ان شلتها فجر ونهر وريم ممثلة مبهره وتدرس فنيه في الرياض يعني متغربه ريم: البطلة الثانيه واقرب وحده من الشلة لسمر قياديه وتحب مرررره انها تلتقي بالمجموعه دائما يخطبوها وما توافق ياترى ليش بنعرف بعدين على فكره لاحد يكلمها أذا كانت معصبه فجر:الثالثه تحب الطلعة من البيت ويوم الي ماتطلع فيه كأنه سنه ماطلعت عاد اني أحب شخصية هالمخلوقة مررررره مخوبة الشلة زيما تحب اتسميها نهر تقريبا الصفات نفسها نهر:هذي الوحيده المختلفة عن الشلة عنيدة عل شوية نحاسة ضحوكه بس أذا زعلت من احد من الصعب ارضائها ماتتكلم عن الي بداخلها بسهوله آخر وحده انضمت لشلة &&&&&&&&& سمر: اف اف اف ماصارت هاذي كل يوم يتأخر هالباص لا وني الثانيه الغبيه ما شريت لي شي من الجامعة لطريق الروحة {خايفة على الكراسي اتطير وما أنزل الشرقية }وهذا يمشي على بيض يخاف ايكسره صار لنا أربع ساعات من طلعنا ولا أشوف شي حتى نقطت التفتيش... فاطمة : اي ولله ماتسوى علينا مو قايله لش خل ننزل طيران لالالالا أخسن الباص ارخص وما أدري وشو سمر: سكتي و الله يرحم والديش أصلا كل من هالسواق تذكري عامر الساعة ثلاث انوصل وماجي الساعة ثلاث ونص الا حنا في بيوتنا فاطمة:الله يرحم أيام عامر مالينا الا هذا الحين صحيح ويش أسمه. سمر:ولد لصويغ بس ماأدري ويش أسمه الأولي...... وهاذي حال الباصات كل ماركبوها المهم كان هذا آخريوم في الأمتحانات طبعا ما قلت لكم انها سنة أولى ورايحه سنه ثانية &&&&&&&& نهر تتكلم مع ريم عالتلفون نهر:اف مضايجه حدي ماأدري ويش أسوي ريم: ليش شنو صاير بعد لايكون مضاربة مع أحد بعد نهر:ههههههه لا طمني بس زهقانة من الأمتحانات متى انخلص قاطعتها ريم:لا والله حلفي ألحين انتين بتخلصي مابقى الا بكره عليش عجل أني ويش أقول بقى أسبوع نهر :انزين لويش معصبه ...تعالي باقولش ريم:ها ويشو بعد نهر:متى بتنزل سمر من الرياض ريم:يالخبلة سمر صار لها أسوع من نزلت وخلصت توش تتفرغي تسألي عنها نهر:أيالخاينة شلون تنزل وماتتصل ولا تكلم ولاشي لا كن ماعليه اني أوريها خيانه ريم: هييييي انتي أولاُ سمر مانزلت الا وهي مريضة وحالتها حاله ما يعلم فيها الا الله بدل ماتتصلي تستحمدي ليها بالسلامة تقولي خيانة ما خيانة وماعليه بارويها شان فيش خير أتصلي فيها وسألي عن أخبارها{طبعا ريم كانت اتخرط بس علشان ما تسوي مشكلة هي تدري ان نهر مابتتصل في سمر} نهر:ول حشى أكلتيني ...انزين أخباها ألحين صارت أحسن ريم:والله ما أدري أمس اتصلت قالو نايمة الدبه اي صح تعلي تبغي اتروحي ويانا الدورة حقت الأمير السنة نهر: والله ما أدري بس تعالي من بسجلنا تقولي ما عندش انترنيت وفجر هم ماعندها بعد ماأخترب الكمبيوتر ريم:وهل يخفا القمر أكيد سمرو بعد الحين عندها لاب توب عير كمبيوترهم نهر:توش اتقولي انها مريضة.... ريم بأرتباك:ها أي ويعني مريضة مامريضة مايعنيني اتسجلنا من زمان ماصرنا في مكان واحد ندرس بعدين هي بالفعل سجلتنل بس بقى انتين لأن الظاهر الدورة مو عاجبها اسمش عاد ابوش ما أنصفش يوم سماش بها الأسم نهر: لاوالله اسمي حليو وعاجبني أصلان انتين غيرانه مني ...تعالي والحين وش بنسوي &&&&&&&&& سمر: جواد يالهبل أبسرعة جيب التلفون بلا ظرافة .....أذا ما جبته الحين باوريك....أف جواد:يالله يعني ويش بتسوي أذا فيش خير أخديه من عندي بعدين صديقتش أكيد استملت وسكرت آآآآخ ضربته سمر بكرتون الفاين على راسه وخدت منه التلفون بسرعة ودخلت الغرفة تركض جواد :صبري صبري يالدلوعة ان ما وريتش أنا تضربيني أنا أخوش الكبير سمر من داخل الغرفة:يالله بلا خراط أني أكبر منك يالدب جوادهو{ أخو سمر يصغرها بسنة بس دايم مصدق عمره وهو مشاغب مررررررة وبتشوفو بس ماله كلمة في البيت} سمرتكلم ريم على التلفون:يعني ما تعرفي سخافت جوادو جواد من ورى الباب:ترى أسمع بلا سب يالله سمر ترفع صوتها تبغى تقهره:اي اتصدقي حتى انه ما يستحي يتصنت على أخته وهي تكلم صديقة عمرها الريم العسل طبعاُ جواد انقهر خاصة لما تقول لصديقاتها كلام حليو وما تقوله أو اتسبه وتهينه قدام صديقاتها ...ترك الباب وهويتوعدها بأشد وعيد بينما سمر تكمل كلام مع ريم.. ريم :ها شصار على التسجيل بالدورة قدرتي تسجلي نهر...ولا لا سمر: أقول تراش مستهينة بصديقتش مره أكيد سجلتها المشكلة أني سجلتها في الخفجي وانتي تدرين احنابنروح الدمام ريم: ألحين مسويه روحش مره فخفخة قلت خلاص سجلتيها ويانا رحتي حطيتيها في الخفجي أصلاُ هي يالله بتروح ويانا تبغيها تروح الخفجي ويا وجهش سمر:ههههههههههي انتين أسمعي أني حطيت في بالي أنا نحطها على الأحتياط عندنا خاصة انه صار لها رقم عضوية ...ططططوط ويشصاير لوي أنقطع الخط طلعت بره الغرفة شافت جوادو ماسك الواير حق التلفون ويلعب فيه وهو يضحك.. ياترى مالذي ستفعله سمر في جواد بعد مافعل ما قصة الدوره الي يبغو اروحوها ولسة الدرسة توها منتهية فجر وينها ليش ما ظهرة في هذا الجزء مالذي جرى ...هذا ماسنعرفه في الجزء القادم وما وصيكم كلما زادة لردود كلما زاد الجزء الياي
|
||||||||||||
|
|
|
|
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصة ريم ................................. | king of the ring | منتدى القصص والروايات | 12 | 18 -10 -2007 02:48 PM |
| كيف تكتب قصة خطوة بخطوة | الشاطئ العربي | منتدى القصص والروايات | 5 | 05 -09 -2007 11:48 AM |
| قصة حقيقية تبكي | روضة الإيمان | منتدى القصص والروايات | 2 | 08 -05 -2007 09:49 PM |
| عروس سعودية خلعت حجابها في المطار أمام إخوانها!!... ((قصة مؤثرة)) | أبو الأبطال | منتدى القصص والروايات | 18 | 30 -09 -2006 07:04 AM |
| الإيجاز البلاغي في قصة النبي يوسف | مرعب 12 | القسم الإسلامي العام | 6 | 18 -08 -2006 01:49 PM |
|
الساعة الآن 04:46 AM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
