 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
منتدى الطفل والأسرة والمجتمع علاقات أسرية، تربية، طفولة وجميع ما يخص الاسرة |
 |
|
|
LinkBack | أدوات الموضوع |
11 -09 -2006, 03:34 PM
|
#1 (permalink) | ||||||||||||||
|
اعرفي عريسك بدري بدري من طريقة اكله
1- إذا كان عادي يعني لا بياكل بسرعة ولا ببطء ولا دايمًا شبعان ولا
مفجوع على طول.. يبقى شخص معتدل في عواطفه وقراراته ويبقى ده آخر الرجال المحترمين.. كلبشي.. واستعجلي الزفاف والحياة هتبقى بمبي 2- إذا كان بيحب الأكل زي عينيه.. وأول ما يدخل من الباب وقبل ما يقول لك ازيك يقول لك ريحة التقلية تجنن ياروحي إنتوا عاملين ملوخية على أرانب؟؟.. أموت أنا.. ويقعد ياكل ويحشر لحد ما يغمى عليه.. يبقى إنسان طفس.. وهوائي.. وطايش.. وأوعي تتجوزيه أحسن ياكلك وانتي نايمة....؟؟ 3- أما إذا كان مش مهتم بالمرة.. لايقولك ده حلو ولا ده عادم ولا مالح ولا مستوي ولا لسه ني ولا بيعلق أي تعليق.. وعمره مايقولك جعان أو شبعان يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه.. وهاتعيشي إنتي الراجل والست ف وقت واحد واعملي حسابك هاتركبي وتدلدلي رجلييكي. 4- أما إذا كان بياكل زى مايكون حد بيجري ورااااه وساعة الأكل بيجيله حالة صرع معوي.. ويقوم من ع الأكل قبل أي حد تاني. يبقى متسرع.. ومتهور في اتخاذ قراراته وممكن بعد الجواااز يكتشف إنك لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة.. إخلعي إنتي بدري أحسن لكرامتك. 5- أما إذا كان بياكل على مهله.. ويمزمز.. ف كل صنف لوحده.. ويسأل عن كل صنف إيه مقاديره ومعمول إزاااي ويقعد يستطعم ف الأكل من العصر للمغرب . حاسبي منه يا اختي ده النوع اللي له مخ.. وبيوزن الأمور بطريقه تفقع المرارة.. ولو في يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي إيه؟؟ نظااااام شلل رعاش بدري.... بدري.... إخلعي يا أمي... 6- أما إذا كان بيقعد يقطع ف الأكل زي مايكون ف خناقة ويخبط ف الطبق من الغل.. ويقطع حتة اللحمة زي ما يكون بيدبحها.. ويتفتف.. ويتكلم.. طول ماهو بياكل لما يغرق وشك أكل.. ده شخص عصبي جدًاااا.. ومع أول خناقة هايروح مناولك بالكرسي ف راسك أو بالسكينة ف عينك يعمل لك عاهة مستديمة وبعدين.. يهدى.. ويقول لك: "سوووري يا روحي هي جت فيكي.. ماعاليش" ""ماعاليش برَّه يا حبيبي وخد الباب ف أيدك"" 7- أما إذا كان دايمًا قرفاااان دايمًا مش عاجبه العجب ولا الصيام ف رجب.. يع.. الملوخية تقيلة.. ياي.. السمنة كتيرة على وش الشوربة.. ياساتر.. دا محشي ولا صوابع مووووز.. أووووف.. الرز محصويل.. يامَّه المكرونة معجنة.. إذا كان كده توكلي على الله وهاتي أحمى ساطووووور عندك وأنا أعرف لك واحد محامي هايطلعك منها زي الشعرة م العجيييين والأحسن من ده كله..... مالها القعدة ف بيت أبووووووووكي؟؟
|
||||||||||||||
|
|
|
|
14 -09 -2006, 01:07 AM
|
#2 (permalink) | ||||||||||||||
|
رد : اعرفي عريسك بدري بدري من طريقة اكله
الله ينور يا سارة دا انتى مدرسة
|
||||||||||||||
|
|
|
|
14 -09 -2006, 10:38 AM
|
#3 (permalink) | ||||||||||||||
|
رد : اعرفي عريسك بدري بدري من طريقة اكله
ها ايه رأيك يا سوسن؟؟؟؟
|
||||||||||||||
|
|
|
|
14 -09 -2006, 11:41 AM
|
#4 (permalink) | ||||||||||||||
|
رد : اعرفي عريسك بدري بدري من طريقة اكله
رايى؟ماذا اقول وكل شئ يقال قد قيل
|
||||||||||||||
|
|
|
|
14 -09 -2006, 12:28 PM
|
#5 (permalink) | |||||||||||||
|
رد : اعرفي عريسك بدري بدري من طريقة اكله
هههههههههههههههههههههههه
جميله ياساره صح مالها القاعده فى بيت ابوكى
|
|||||||||||||
|
|
|
|
14 -09 -2006, 12:31 PM
|
#6 (permalink) | ||||||||||||||
|
رد : اعرفي عريسك بدري بدري من طريقة اكله
كل واحد يتكلم عن نفسه ومحدش يقولى مالها القعدة عشان بتعصب
|
||||||||||||||
|
|
|
|
14 -09 -2006, 12:33 PM
|
#7 (permalink) | |||||||||||||
|
رد : اعرفي عريسك بدري بدري من طريقة اكله
ههههههههههههههههههه
ده كلام بس ياسوسن اتقلى شويه
|
|||||||||||||
|
|
|
|
14 -09 -2006, 12:35 PM
|
#8 (permalink) | ||||||||||||||
|
رد : اعرفي عريسك بدري بدري من طريقة اكله
اه طبعا دا التقل صلصة
|
||||||||||||||
|
|
|
|
14 -09 -2006, 12:51 PM
|
#9 (permalink) | ||||||||||||
|
رد : اعرفي عريسك بدري بدري من طريقة اكله
 أيه يا ستي ساره ده ده إنت فطستيني من الضحك على كلامك بس المشكله إنه موضوعك جاء متأخر كتير يعني أنا خلاص أتجوزت و أدبست حأديله على دماغه إزاي ؟؟؟ .gif "majdah (4)") و ما أقدرش أقوله دلوقتِ خذ الباب في إيدك يا حبيبي أقعد في البيت إزاي من غير باب  ساطور ؟؟ آآآآه و أنا بأقول ليه هو مش راضي يشتري ساطور للبيت أفكار جهنميه بس الله يستر إنت جهزي المحامي و خلي الباقي علي بس ما تنسيش تجيبيلي بالزيارة عيش و حلاوة  أوكي أتفقنا يللا على بركة الله .gif "ma (31)")
التعديل الأخير تم بواسطة هلا ; 14 -09 -2006 الساعة 12:58 PM |
||||||||||||
|
|
|
|
14 -09 -2006, 03:09 PM
|
#10 (permalink) | ||||||||||||||
|
رد : اعرفي عريسك بدري بدري من طريقة اكله
مشكورة على الموضوع
|
||||||||||||||
|
|
|
|
16 -09 -2006, 12:03 AM
|
#11 (permalink) | ||||||||||||||
|
رد : اعرفي عريسك بدري بدري من طريقة اكله
على بركة الله يا هلا و متخافيش من حاجة ربنا معانا
و يا سوسن انا معا مسلمة مصرية اتقلي اتقلي تحياتي ليكوا جميعا يا احلى بنات
|
||||||||||||||
|
|
|
|
18 -09 -2006, 03:58 PM
|
#12 (permalink) | |||||||||||||
|
رد : اعرفي عريسك بدري بدري من طريقة اكله
إيه خفة الدم دى؟؟؟؟؟؟
هو كل اللى اسمهم سارة بالخفة دى؟؟؟؟؟؟؟؟؟؟؟؟ طاب ولو كان العكس بقى الراجل يعمل إيه؟؟؟؟؟؟؟؟؟؟
|
|||||||||||||
|
|
|
|
14 -10 -2006, 05:55 PM
|
#13 (permalink) | ||||||||||||||
|
اعرفي عريسك من طريقة اكله
8-لو بيحب ياكل اللحمة ويخلي الخضار
يعني حياتكم الزوجية قصيرة لأنه حيموت بالكولسترول .gif "ma (16)")
|
||||||||||||||
|
|
|
|
19 -12 -2006, 12:55 AM
|
#14 (permalink) | |||||||||||||
|
رد: اعرفي عريسك بدري بدري من طريقة اكله
عسولة ........والله ياسارة......ههههههههههههههههههه
لو البنت اللى بتعمل كدة بقى نعمل ايه ..............هههههههه
|
|||||||||||||
|
|
|
|
19 -12 -2006, 10:25 AM
|
#15 (permalink) | ||||||||||||||
|
رد: اعرفي عريسك بدري بدري من طريقة اكله
شكرا جزيلا دكتور تامر على اطرائك و ردا على سؤالك لو كان العكس الراجل للأسف مش هيقدر يعمل اي حاجة خالص و عليه بتقبل الامر الواقع
شكرا لمرورك achrafgtaf و شكرا لك ah.love
|
||||||||||||||
|
|
|
|
19 -12 -2006, 07:33 PM
|
#16 (permalink) | |||||||||||||
|
رد: اعرفي عريسك بدري بدري من طريقة اكله
مشكورة اختي بس انا سمعت
المثل المصري بيقول ضل رجل ولا ضل حيطة وين هالمثل من كلامك؟
|
|||||||||||||
|
|
|
|
21 -12 -2006, 02:29 AM
|
#17 (permalink) | |||||||||||||
|
رد: اعرفي عريسك بدري بدري من طريقة اكله
ااااااااااااه راجل تعيش معاه مش يكولها ...........يابنتى انا كدة هختار واحد مبيكلش ههههههههههه
وفى مثل بيقول ..........طريقك لقلب الراجل معدته...........
|
|||||||||||||
|
|
|
|
22 -12 -2006, 04:59 PM
|
#18 (permalink) | ||||||||||||||
|
رد: اعرفي عريسك بدري بدري من طريقة اكله
مشكورة الفيحاء على تعليقك بس المثل دة مش ماشي مع الزمن دة
|
||||||||||||||
|
|
|
|
05 -01 -2007, 05:26 PM
|
#19 (permalink) | |||||||||||||
|
رد: اعرفي عريسك بدري بدري من طريقة اكله
صحيح انه طريقتك لقلب الرجل معدته
وما في رحل بياكل مرتو اختي \ سارة ليش مالهم لرجال الزمان دة مو رجال؟؟؟
|
|||||||||||||
|
|
|
|
28 -08 -2007, 05:31 PM
|
#20 (permalink) | |||||||||||||
|
رد: اعرفي عريسك بدري بدري من طريقة اكله
سارة والله باين ما ضل رجل بالبيت كلو برا ودخلك وين حنلاقي اللي بياكل نص نص ....
الله يعيننا..
|
|||||||||||||
|
|
|
|
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| برنامج Flash Mx لعمل فلاشات أكثر من رائعة | المارد الاحمر | منتدى الفلاش والسويش | 23 | 13 -03 -2009 02:43 AM |
| مجموعه كبيره من الحلويات السوريه.. | هلا | مطبخك سيدتي | 18 | 05 -02 -2008 03:51 AM |
| الخلطات السريه لكنتاكى وماكدونالز | ام فرح | مطبخك سيدتي | 21 | 08 -07 -2007 07:07 AM |
| قاطعوا المطاعم الأمريكيه واعملوا خلطتها السريه بالبيت | رومانسيه | مطبخك سيدتي | 7 | 25 -03 -2007 04:25 AM |
| تدري ولا تدري من الرجل والنساء | الغراب الاسود | المنتدى العام | 0 | 08 -04 -2006 03:23 PM |
|
الساعة الآن 07:07 AM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
