الموضوع: كلام طالبات الجامعة الاردنيه(ههههههههههههه)

1.أنا وماما زي الصاحبات ، دايماً بحكيلها كل إشي ،

ماما بتعرف عنك كل إشي شغل عرط و بس طبعا

2. كلهم شقر وعينيهم‏ ‏لينسيز ملونة يخزي العين . تقول هاي رجعتهم من السويد

بتسألها بتحكيلك شو لينسيز؟هدول عيوني الحئيئيين

3.كلهم ببعتولك المسج التالي : اتصل فيي ما معي رصيد ، و عندي امتحان مش آدره أروح أشتري بطائة

4. لو سألتها عن أحلى سنين بحياتها رح تحكيلك : ما بين 19 و 23
و بتشرحلك كيف كانت حلوة و مجننة شباب الجامعة وكيف كلهم بركضوا وراها و هي ما كانت تعبرهم_.

5.الشاطرة اللي بدها تقهر صاحباتها...بترن عل 1234(رقم مجاني لشركة الموبايل في الأردن) وبتنزل عرط و تخويث
و على آآ حبيبي و شو حياتي و i miss u يا عمري و بشوفك يا baby

6. كلهم أخدوا رخصة السواقة بالواسطة ....و أكيد هذا واضح من البريكات الخبط أو
السرعة اللي ما بتتطلع عن 20,أو حزام الأمان اللي بروح ما ينمزع‏ ‏قد ما هو مشدود

7.بالجامعة بتطلب ساندوش لبنه - دايماً لبنه و إذا بدها تغير بتطلب منئوشة زعتر ،
و الكولا دايت طبعا بس ترجع على البيت بتقوم بصدر المنسف لحالها ،
والله ,بوكلونا على جوع !

8. إذا حاولت تمسك إيدها بعد شهرين صحبة بتسلخك كف بتعمي ضوك ، ومش بعيد تبزق
عليك قدام كل الجامعة ، بس إذا لقيتها "صدفة" بعرس ابن خالة عم أمها ،
بتضلكوا على البست للصبح ، وبتشبكوا على الدبكة وأعطيني هوارة أبو الحلاني
.....ورووووح...للصبح رقص سلوووو_على أساس فريندز طبعا

9.كلهم بابا بحبهم أكتر وحدة بين إخوانها ....وهي وبابا زي الصحاب و بابا بوخد رأيها بكل إشي

10. أكره إشي عليهم يشوفوك بتحضر مباراة ، بمعنى آخر أكتر إشي بكرهوا كرة القدم ،

11. مريحين بالهم و تنحصر اهتماماتهم في المواضيع التالية :
روجيم: - لازم أنزل كمان خمسين كيلو ،
حومرة وبودرة: - نزلوا حومرة جديدة بطعم الكيوي ،
أووولتك أسشور شعري ولا أعمله كيرلي,
الأكل: - ماما طبخت جاجة محشية تفاح,
و ما بتغدوا غير ستيك مشوي ،و ما بشربوا غير مي.

الفن: - ما أزكاه brad pitt,رايان شعره بجنن, شفتي أصالة ما أزنخها,
مش ألتلك انه بشار بحب سلمى,شفتي صندل نانسي,أحمد الشريف أحلى واحد بالعالم

ردي الأصل لو شفته صفالك .. ترى الأنـذال عشرتـها مصايب
ولو تعطيه من غالي حلالك .. ترى الخايب على ما قيل خايب

شكرا يا زهرة الزنبق كلامجميل,,,

تسلمي عالنكته الحلوه




_______________
moh h
ما فهمت شو بيت الشعر الي حطيتو يا ريت تفسر ؟؟؟!!!!
حتى لا تفسر خطأ



black_lord

شكرا على ردك يا بلاك

ان شاء الله بتفوتي جامعة النجاح
وبتحكيلنا عن نهفات بنات جامعة النجاح
الله ينجحك في الثانوي يا رب
شكرا يا زنبقه على النهفه الحلوه
ومزيد من النهفات
دمت بخير
عبد الحليم

شكرا الك عبد الحليم

مشكورة اختي زهرة زنبق على الموضوع الخاطئ.................لانوا بنات الجامعة الاردنية مش هيك ......واذا كانوا هيك فبمش بنفس الصورة الي انت بتحكي فيها ............وانا بقدملك بطاقة دعوة عل الاردن وتشوفي كم همة بنات الجامعة الاردنية حلوين وبجننوا..............وعلى فكرة هذا الكلام الي انت بتحكي عليه موجود بس مش بس بالجامعة الاردنية بكل جامعات العالم
وان شاء الله بتروحي على الجامعة وبتشوفي قديش هي حلوة وبناتها حلوين..................اتمنالك التوفيق والنجاح اختي زهرة الزنبق.................وبتمنى لما تضعي موضوع تتاكدي منه لاني متاكدة انة مش انت الي كتبتيه................


ميرا بنت الجامعة الاردنية

شكرا بس ما جبتي إشي من عندك هيك الواقع

السلامة عليكم
وأسف على التأخير بس ما كنت اشبك من زمان


وبخصوص البيت يا خوي black_lord
ياريت ما تفهم غلط
وتفسيره هو
((((((((((( الشخص السيء كل مره يغير من شكله وطبيعه عشان يوصل إلى غايته
والعيشه معاه راح تكون نفس شخصيته
ومهما تسوي معاه من الزين ترى ما يتغير
والشين دايماً شين )))))))))))))))))))
وترى اليت لا يعمم على شعب معين ولكن بشكل عام

مرحبا مجددا
يا mera10 روقي الموضوع كله مزح انا قريت الموضوع فمنتديات ثانيه و هذا ما بسىء لحدا ,, _____________________
ميرا هذا واقع بس مش بجامعاتنا احنا مجتمع يحتفض ببدويته و بفتخر فيها و هاي النكت الي بتطلع بس عشان نضحك عليها اصلا غير واقعيه عسان هيك منضحك عليها
فقط من اجل التوضيح لا اكثر
____________________
شكرا عتوضيحك يا moh h و بارك الله فيك

الشكر لله


إن الـمكارم أخـلاق مـطـهــرة ********فالـديـن أولـهـا و العقـل ثانيـها
والعلـم ثالثها والحـلـم رابعهـا ******** والجود خامسها والفضل سادسها
والبر سابعهـا والصبر ثامنـها******** والشكـر تاسعهـا والليـن باقيـها
والنفس تعلم أني لا أصادقها******** ولســت أرشـد إلا حيـن أعصيــها

مشكورين وما يزعلوا الاردنيات هاي مزحه

الاردن على الراس والعين

المشاركة الأصلية كتبت بواسطة black_lord

مرحبا مجددا
يا mera10 روقي الموضوع كله مزح انا قريت الموضوع فمنتديات ثانيه و هذا ما بسىء لحدا ,, _____________________
ميرا هذا واقع بس مش بجامعاتنا احنا مجتمع يحتفض ببدويته و بفتخر فيها و هاي النكت الي بتطلع بس عشان نضحك عليها اصلا غير واقعيه عسان هيك منضحك عليها
فقط من اجل التوضيح لا اكثر
____________________
شكرا عتوضيحك يا moh h و بارك الله فيك

اهلاً وسهلاً بالجميع

هههههههههههههه
مصايب,,,
شكرا الك