اي والله اني زعلت وباحت سـدودي() واني اشرق بعبرة المقهور واونـي
وشلون بعد الغرام تخوني عهـودي ()ماكني الـي عشقتـك يـوم ماكنـي
ماقلت لك قبل اعرفك واسقي ورودي()ان كان عدك عليـه حيـام باثنـي
يعني حد(ن)في فؤادك كام موجودي()من قبل ماتعرفين وتسمعـي عنـي
وقلتي حشا ماخطيت لغيرك حدودي()وقبل اعرفك ماعرفت انسي ولا جني
واسلمت نفسي لسحر عيونك السودي()ومن نشوة الحب صرت اسير واغني
واصبح غرامك وسط خفاقي يزودي()وامسى غرامك نهاية عشقي وفنـي
الحين بعد التولع تنـوي صـدودي()حتى بصوتك علي اشوفـك تمنـي
والله ماسامحك ودموعي شهـودي ()على خيانـة عهـود منـك ومنـي
صحيح احبك ولكـن عزتـي زودي()وشلون قلبي بعد غدرك يأمـن لـي