العاب بنات

27 -12 -2006, 05:39 PM

اهليييييييييييييييييييييييييييييييييييين

الجزء الاول
~~)(~~ابنســحب في صمــت ما ستحمــل اوجاع .. وقطع حبالالوصــل بينك وبيني .. اكيد قصة حبنا كانت اخداع ... كل المشاعر كاذبهصدقيني~~)(~~

عاليـة: حرام عليك هذي آخرتها تبغي تهدني عسب بنت خالتك وانا شو ؟؟ وانا شو محلي في الأعراب ولا شي كل شي صار ولاشي .. الحين انا صرت وحده غريبه في حياتك ( يقاطعها راشد في عسب يبرر موقفه (
راشد: حبيبتي الله يخليج فهميني انا احبج واموت فيج انتي كل شي في حياتي الله يخليج انتي تعرفيني مب هذا حب ثلاث سنين ليش تنهينه في دقيقه خافي ربج تبغين تذبحيني
عاليه: شو .. شو قلت انا اذبحك خاف ربك فيني جان تبغي تجتلني جيه انا اللي ابغي انهي حبنا انته اللي تبغي تذبحه قبل لا ينولد.. تقول ثلاث سنين انته اللي تبغي تقطع هالعلاقه .. مب تبغي تزوج تزوج يالشيخ راشد انا ما يهمني ..
راشد: يعني صرت ما همج الحين خلاص يا عاليه صرت ولا شي في حياتج ..
عاليه وهي تصيح: انته شو انته ما تحس ما تفهم ..
راشد بمكر: افا ياحبي تزعلين مني يعني انتي ما تعرفين الوالده ماتعرفين امي جيف متسلطه علينا تبغينا ناخذ من الاهل تخاف على ورث العايله
عاليه: يعني انا اللي ملحت البحر ..
راشد ويبغي الفكه منها : حبي خلاص عاد .. هدي روحج
عاليه: شو اهدي انته ما تحس فيني انا احترق بداخلي حاسه اني بموت بعد ثلاث سنين تهدني في لحظه ولا تعزمني على عرسك خوش والله تسوي خير تتحسبني بحظر عرسك يعني ؟!!
راشد: حبيبتي انا اباج انتي بس الظروف والله الظروف اللي مانعتني .. ابغي اشوفج بس في ليلة عرسي .. عسب تكون ليله حلوه في حياتي لو هي مره ..
عاليه: مب يايه مب يايه يعني مب يايه خلاص اعتبرني ميته .. اعتبرني غلطه وتصلحت خلاص اسمحلي يا راشد كنت اظن اني من نصيبك ولكن صرت ذكرى مثل أي تذكار في البومك .. ( وتسكر في ويهه قبل لايكمل كلامه (

----------------------------------------------

راشــد بن سيف.. ولد تاجر معروف في دبي شاب مغازلجي درجة اولى يلعب علىبنات الناس وطبعاً عاليه كانت مجرد وحده يرمسها واليوم انهى علاقته فيها عسب يلعبعلى وحده غيرها.. وراشد عمره (26 سنه) وهو دلوع امه وابوه متوفــى
وعنده اخواسمه (سعيد) مزوج وعمره (30سنه) وماخذ بنت عمه اسمها( شيخه(.. وعنده ولدين وبنت(سيف وعبدالله وغلا)
وراشد يشتغل في شركه ابوه مع سعيد
وسعيد هو اللي يديــرالشركه وراشد النائــب.. وراشد حليو وطيب ولكن اللي مخرب عليه سوالفه والمغازل .. وهو طويل وحنطي وعريض صح انه مب حلو وايد ولكن ماهو بشين يدخل القلب يعني يجبراللي يمر حذاله انه يطالعه لهيبتهوخقته..

----------------------------------------------

راشــد : اففففف منها ما بغيت افتك.. استحمليتها ثلاث سنين بل مب قلب عليه هالكثر استحملت وحده مثلها.. خيبه خيبه زين راحت في طريجها فقتها ..
)تدق عليه امه (
ام راشـد : غناتي يمه وينك تعال تغدا وشو بلاك عيوني يالس بروحك تعال ايلس معانا
راشد: يمه فيني رقاااااااااد واصل حدي .. مب قادر لا اتغدا ولا آكل ماعرف احس فيني ضيجه ..
ام راشد: فديتك شو بلاك من شو هالضيجه ..
راشد: يمه بعد سالفه صارت وانتهت بس ضايجتبي ..
ام راشد : يعل هالضيجه في اهلها مش فيك يا الغالي..
راشد: فديتج امي بس خليني ارقد تعبان من السالفه ومن الشغل
ام راشد: ارتاح .. ارقد وعسى نوم العوافـــي (وسارت عنه(
وحط راسه راشد ورقد ولا جنه شي صار.. ولا حتى اعتبر لحياة هالفقيره عاليه أي اهميه لانها على حسب قوله مب مهمه ..

-------------------------------------

عاليـه بنتحميد.. عمرها (19 سنه) تدرس وهي بنت ناس وعايله محترمه بس المشكله ان ابوها مطلقامها من سنين وما يسأل وايد عنها وهي عايشه عند امها وامها اهم شي في حياتها الحفلاتوالسوق والأستقبالات و.......الخ ..
وهي وحيدة امها وابوها.. وهي حلوه وعيونهاكبار وعسليات.. ورموشها ذباحه.. على قولة محمد عبده.. فاتناتٍ ناعساتٍ ساحراتي ..وشعرها طويــل واسود وهي من النوع اللي تحب تقص قصتها وتنزلها على يبهتها اللييشوفها يتحسبها ياهل خشمها طويل وعليها جمال رباني.. وتحب الكشخه.. وهي شاعره ..

-----------------------------------------

عالية وهي تصيح من الخاطر: عمري ما توقعت اني بهدك يا راشد.. كنت كل شي في حياتي وصرت اليوم انسان غريب في حياتي.. انا ادري ان محد يحبني كلهم يكرهوني انا ولا شي في هالدنيا ليش ياربي ماعندي حد اشكيله همي احس اني وسط ليلٍ طويل ناسين فجره.. اووووووووه شو هذا.. ياربي ابغي اعيش مثل ربيعاتي عندهم اخوان اذا صار فيهم شي يخافون عليهم عندهم خوات اذا عندهم هموم يشتكونه عند خواتهم.. ابغي ام تحس فيني تيلس معاي اشكي لها همي.. ابغي ابو يحس فيني ايي ويسأل عني.. انا ليش عايشه حتى انسان حبيته من كل كل قلبي هدني.. انسان كنت اعتبره ابوي وامي واخوي واختي وحبيبي وكل حياتي وكل ناسي يهدني ..
ليش انا عايشه انا شو حياتي ..

)تمت عاليه تصيح .. وتشكي همها لنفسها وتصيح في لحظات .. ماعندها حد تشكي له همها ماعندها حد تقوله شو في خاطرها .. لا ام ولا اخت ولا اخو ..(

لحظات مرت عليها مثل السنين انسانه كان كل شي في حياتها انها تعيش مثل باجي البنات كانت عايشه احلى قصة حب في نظرها تشوف الدنيا بلون الوردي تقول في خاطرها ان قصتها هي وراشد احلى قصه محد يقدر يحب شراتها ..حبها له غير عن الباجين ماتدري انه كان يقص عليها.. وكل يوم وكل دقيقه يزيد حبها لراشد.. والحين تبقى حياتها في ذكرى البوماتها.. وتخطت وكتبت على دموعها ألم وحزن ..
دموع مابعدها دموع تمحي كل لحظه عاشتها مع راشد كل لحظه كانت حلوه.. لحظه كانت كل لحظه تعيشها تحس بأمل في هالحياة تحس بروعتها مع راشد ..
تحس انها ملكة الدنيا ومافيها عيشها حب مابعده حب.. اما هو فكان راقد ولا حاس باللي تحس فيه ..عايش حياته مبسوط ومستانس يحلم ويحلم ويحلم احلام تخليه يعيش في سعاده ولكن احلامه كانت بيضه ما يشوف فيها شي غير نفسه وانانيته وحياته المبعثره.. ويشوف مستقبله مع هذي وهذيج واللي بتي عقبهم ..

الجزء الثاني
~~)(~~ رحت وذبل عمري انا ما ظل غيري والعنا .. ماغير اناظر صورتك وتذكر ايامالهنا كيف انته تتركني وتسير قلبي انا بحبك اسيــر .. ابكي عليــك من كثر ما احتاجلـك ~~)(~~

..اليوم الثاني..
..(فيالشركه)..
سعيــد وهو معصب: وينك انته شو تتحسب الشركه فندق.. أي وقت داومةتداوم يالله بسرعه تعال جيه تتحسب الشغل لعبه بسرعه تعال
راشد: شوي شوي على عمركلا ينط لك عرج جيه الشركه شركتك انته بروحك لا تنسى انا صاحب الحلال بعد مثل ما انتهصاحب الحلال
سعيد: جب يالله تعال ولا كلمه والله العظيم بتشوف شي عمرك ما شفتهيامسود الويه
راشد: سعييييييد احترم نفسك عاد وعناد مب ياي يالله فارج زين(وسكر في ويه اخوه وكمل رقاده(
وفي الشركه وخصوصًا في مكتب سعيد..
سعيد: هالبزر اللي ما يستحي يسكر في ويهي صدق انه مب .... استغفر اللههالدلع الزايد ريال شو كبره يالس يتدلع عيب والله عيب اليهال ليــ كملوا سنه شافواعمارهم ريايل وكبار هذا ماعرف شو من نوعه اللي ما يستحي
وصد صوب السكرتيره
سعيد : وانتي شو موقفنج هني رووووحي فارج ..
توها تبغي تظهر ..: تعال هني انتيشو غبيه حطي الملف هني وفارجي شو بتوقعينه بروحج ولا بتبصمين عليه شو هالعالم
السكرتيره : انا آسفه استاد سعيد
سعيد: فارجي زين يالله روحي اونهآسفه خلي اسفج لعمرج
وطلعت السكرتيره وهي تتحرطم على كلامه
السكرتيره: شو بووه هالزلمه عم يطلع حرتووه فيني
وتمت تشتغل وهيمعصبه

-----------------------------------------------
....في بيتعاليــه وبالتحديد في غرفةعاليه...
------------------------------------------------
سواد وظلاموحياة مافيها امل ودموع تغرق وجهها وتبكي وتضحك على حظها
انسانه نست حياتهاوقفت حياتها من بعد راشد نست فرحتها ونست حزنها مب عارفة جيف تعيش مب عارفه شوشعورها تتحسب هالشي حلم كانت تحلم فيه وكان كابوس طويل ويخوف يغرقها ويغرق سفينتها ..ويحطم صماميم قلبها ويذبحها بكلامه
في لحظة ضعف منها حاولت تتصل فيه .. بس شيمنعها ..
حبت تمنع نفسها لو دقيقه انها تبكي وتنزل دموعها على انسان ما يستاهلحبها
بس

ينقطع حبل افكارها بدخول امها لغرفتها ...
ام عاليه: وييييه ويييييه شو هالظلااام وين عايشين نحن عاليه ... عاليه والصمخوينج
عاليه بكل ضعف شخصيه: هني
ام عاليه: شو هالجو الكئيب .. وليشجذي يالسه جنج شحاته عند المسيد تتشحتين.. وشو بلاه ويهج متغير
عاليه: ولاشي مافيني شي حسيت بعوار في بطني والحين احسن
ام عاليه: هيه عوار .. سلامتج
وسكرت الباب كعادتها وظهرت ما سألت بنتها اذا تبغي شي او تسألها اذا تبغيتروح توديها الطبيب ..
عاليه: هذي حياتي .. سارت تدور ما سألت عني ولا قالت شوبلاج .. آخ ياراشد لو تشوف حالتي من بعدك انا كيف ... وين حياتي وين راحتي .. وينكوينك وينك..
انا شو حياتي شو مصيري
انسانه بلا حياة بلا هدف ..ابغي اموتانا ليش عايشه .. انا عايشه بلا روح
دنيتي اظلمت من بعدك يا راشد .. حياتيبدونك ولا شي

وهي غرقانه بدموعها تناجي روحها بروحها .. تكتب وتمحي عذابهابدموعها تمحي سطر وكتابه كتبتها من حزنها وألمها وعذابـها مسكينه انتي ..
ذبلةوردة حبها في دقايق وماتت وهي جافه

----------------------------------------------------
في غرفةراشد
----------------------------------------------------
راشد: افففففف هالأنسان فضيع خرب عليه رقادي شو هالعالم .. محد يعرف يرقد في هالبيت ..
نش راشد وسار يتسبح ويسير الشغل عسب يغث سعيد
بعد ماطلع من الحمام(اكرمكمالله) لبس كندورته وتكشخ وتزقرت وكان شكله رهيب
شل تلفونه لاشعوريًا كان محتاييتصل في عاليه وهو مايدري ليش ..
فجأه تذكر انه قطع علاقتة فيها ..
فقرريتصل في ربيعه مايـد واليوم الأربعاء يعني لازم يحوط في هالسناتر عل وعسى يشوف لهصيده يديده ويقص عليها ..
راشد: هلا والله
مايد: اهلين مرحبا الساع
راشد: اشحالك .. شخبارك
مايد: الحمدلله ،علومك
راشد: لاباس .. اقولكميوود شو رايك نروح اليوم ستـــي بنسير نتحوط شوي ملل ياخي
مايد: اتصدق عاد .. انا واصل حدي طفراااااااااااااان ابغي اظهر
راشد: خلاص عيل تم بنروح اليوم
مايد: اكيد بتشوفني اول واحد ناط في الستي هاهاهاهاهاي
راشد: ههاهاهاهاهاييالله تشاو بسير الشغل
مايد: خيبه خيبه الحين
راشد: شو اسوي بداوم ساعهوبرجع البيت
مايد: زين والله الحلال حلالكم مب شراتنا غاثينا من صباح الله خير
راشد: شكلك فاضي يالله باي
مايد : ههههههه باي
)وسكر راشد عن مايدوسار الشغل (

راشد عند سكرتيرة سعيد: في حد عند سعيد ولالا
السكرتيره وهيماده بوزها شبرين: مافي حد
راشد: اوجيج تشااو نيكول
السكرتيره : باي
)دش راشد المكتب وشافه سعيد وطبعًا حصل له هزبه محترمه مثل كل مره (
سعيد: حمدلله على السلامه يالشيخ ليش ييت كنت مكمل رقادك .. لالا الغالي روحارقد ولا اقولك شو رايك تسير تحوط في هالسناتر عسب تدور لك على وحده ترمسك لمدةاسبوع ولا يومين روح ابويه شو تتريا
راشد: لاحول الله يهديك
سعيد: احر عندي وابر ما عندك انته ايييييه اشتغل شرات الناس ولا
راشد: ولا شو .. بتفصلني مثلاُ ليش شركتك بروحك ؟؟
سعيد: اعوذ بالله من الشيطانالرجيم
راشد: شايف يني جدامك
سعيد: راشد فارج من هني ولا بيصير شيعمرك ما شفته
راشد: اصلا انته حد ييلس معاك ياخي خل ويهك في اوراقك وفكنازين
سعيد: الله يهديك
)وظهر راشد وسكر الباب بالقو لدرجة انالسكرتيره نطت من مكانها(
وظهر راشد من الشركه بكبرها وتم يتحوط في الشوارع .. فجاه يت عاليه على باله فقرر يتصل فيها يسلي عمره كم دقيقه ..
)اتصل راشد فيعاليه (
راشد: مرحبا الساع ام عيون سود و وساع
عاليه: لك عين تتصلبعد اللي سويته
راشد: شو سويت حبيبتي
عاليه: لاتقول حبيبتي .. انا مبحبيبتك
راشد: علويه بلاج حياتي شوي شوي علي انا بروحي مضايق
عاليه: هيه متضايق تتصل فيني انا.. ليش ما تتصل في حبيبتك اللي تحبها واللي تموت عليهاواللي ماتقدر تعيش بدونها
راشد: هذوا انا متصل في حبيبتي اللي احبها واللياموت فيها واللي ماقدر اعيش بدونها اللي خلت لحياتي طعم ثاني
عاليه بدونتصديق: هيه صح .. سير اتصل في حبيبتك بنت خالتك اووه قصدي زوجةالمستقبل..
راشد: وغلاتج انتي بس ومافي غيرج
عاليه: السموحه راشد انابسكر حاسه اني مضايقه
راشد: على راحتج
عاليه: برايك باي (وسكرتالتلفون..!!(
راشد: حتى هاي ضدي اعوذ بالله منهالناس

------------------------
في غرفةعاليــه
------------------------
عاليه: يتحسبني بكون ضعيفه .. خلاصاللي بينا انتهى وهو كان السبب وانا لي كرامه مب انسان مثل هذا يغير حياتي انا بعيشحياتي احسن من قبل مرده بيرجع لي

)قامت عاليه وغسلت ويهها ووعدت نفسها انهاتعيش حياتها وتشوف نفسها لان انسان مثل راشد ما راح يخليها تنزل راسها لانها غاليهولها كرامه .. واذا يبغي يزوج خله يزوج مشكلته قامت وتكشخت وكانت ملكة جمال حلووهواحلى شي فيها عيونها الذباحه .. (

اتصلت عاليه في ربيعتها روضه عسب ترمسهالانها حاسه بملل ..
عاليه: لاحوول متى بترد هااي شكلها بزي بتصل فيهابعدين
عقب 10 دقايق اتصلت فيها ربيعتها ..
عاليه: مابغيتي زين رديتي
روضه: سوري عاليووه كنت عند امي تحت .. وكنت ناسيه الموبايل في غرفتي
عاليه: مب مشكله ..
روضه: شو بلاج عاليه حاسه فيج شي
عاليهوهي تتنهد : آآه .. ولا شي مافيني شي
روضه: فديتج علوويه قولي شو بلاج اذاماقلتي حقي بتقولين حق منو يعني مب انا روضه حبيبتج ربيعتج اللي طول عمري معااج .. واللي واقفه ينبج في كل الظروف
عاليه: مافيني شي ياختي ورفجه حلي عني انااللي فيني كافيني
روضه: ياويلي شكلج مول مب طايقه حد علايه قولي شو بلاجحياتي خبريني حد قالج شي حد ضايق بج
عاليه وهي متردده : اممم ماعرف اقولج ولالااخاف اقولج وتغيرين رايج فيني
روضه: عاليه قوليلي شو بلاج خليني اعرف ليكونشي صاير فيج
عاليه: بقولج واللي فيها فيها .. اصلا هي خاربه خاربه
روضه: قولي وكل آذان صاغيه..
عاليه: رواضي انا كنت اكلم واحد ( قبل لاتكمل قاطعتهاروضه(
روضه بكل دهشه: شووووو تكلمين واحد ؟؟؟؟!! متى .. ؟؟؟!! كيف؟؟؟؟
عاليه: خليني اكمل ..
روضه: كملي كملي خليني اسمعالمصايب
عاليه: كلمته وحبيته وهو طيب وحبوب وهو ولد ناس معروفين وانا اعرفهمن ثلاث سنين.. بس امه غصبته يزوج بنت خالته وهو ماله شور من بعد شور امه ولاوالقهر يعزمني على زواجه يبغي يذبحني هالريال
روضه: خوش خوش يعنيبالعربي الذكيه هو قاص عليج يعني بالذمه تدخل براسج سالفة زواجه ولا يعزمج بعد ..
عاليه: ارجوج روضه لاتقولين هالكلام على راشد اصلا راشد صادق شو عرفجانتي فيه
روضه: هيه هيه دافعي عنه تعرفين هو قوم منو ... ولا تعرفين عنهشي
عاليه وهي تفكر: امممم هيه اعرف بس اسمه .. وعمره
روضه: يمكن بعدقاص عليج ثراج ما تعرفين هالشباب كلهم جذابين
عاليه بدون صبر: اووووووه روضشو هالكلااام يعني الحين كلهم جذابين لو كلهم جذابين الا راشد لا اصلا هو يحبني مثلما انا احبه تصوري اليوم متصل فيني بس انا ما عطيته مجال
روضه: احسنلاترمسينه خليه يولي ما يستاهلج .. انزين شو اسمه ؟؟!!
عاليه: اسمه راشــدبن سيف الــــ ......
روضه وهي منصدمه : لاتقووولين هذا رشووود لالا مااصدق
عاليه وهي مستغربه: رشود ؟؟..!! تعرفينه .. ؟؟!!
روضه: هيه هيهقص عليج انتي بعد مسكينه والله جيه ما تعرفين هذا راشد يصير ولد خالتي .. مسكينهولا بعد عازمنج على عرسه هههههه والله راشد يعرف يمثل
عاليه وهي منصدمه: يمثل .. يعني حبه كان تمثيل في تمثيــل ..
روضه: هيه سواها في غيرج .. اصلامحد بيعرس في عايلتنا .. وكيف يعرس ولا بياخذ وحده من خواتي وين خواتي كلهن معرساتالا انا يعني بياخذني انا
عاليه شوي وبتصيح : يعني شو ؟؟!!
روضه: ياحبيبتي يعني يقص عليج .. هو اصلا اكبر مغازلجي وكل حد يعرف حركات راشد ...
عاليه وهي تصيح: !!!
روضه: عاليه خلج قويه مب انسان مثل راشدالتافه ينزل دمعه من عينج خلج قويه محد يستاهل هالدموع
عاليه: بس قلبييعورني مب قادره حرااام عليه هذا شو انسان ولا حيوان
روضه: اشك بالأولى اظنالثانيه هي الجواب الصحيح
عاليه : برايج انا بخليج الحين
روضه: شوتخليني ما بخليج وأنتي بها لحاله
عالية: لا تخافين مابنتحر
روضه: يمكن تسوينها .؟؟ اقولج سكري انا الحين بيي عندج
عالية : برايج (وسكرتعنها(

)حالة ذهول .. حالة انصدام .. إنسانه حبت بصدق .. عمرها ما توقعتهالشي يصير
تبكي وتغسل عذابها تبكي وهي تحاول تلم شتات افكارها .. ويين هو ؟؟وين سار؟؟
وين الناس عنها؟؟!! .. شو تسوي بحياتها ؟؟!! ماعاد ينفع الندم .. تصيحوتصيح وتصيح تحاول تجمع دموعها بأيدها يمكن ترد لها كرامتها .. ماعاد لحياتها معنىقص عليها احب انسان لقلبها قص عليها انسان كانت تعتبره كل شي في حياتها .. هذا هويعيش حياته مثل باجي الناس .. يضحك وهو ولا عليه .. وهي تلم عذابها وكبرياءها ..
تحاول تبني نفسها لو دقايق بس مب قادره .. تبكي دموع ولكن مب أي دموع ..دموعألم .. وتنزل دمعه حارة على خدها وتتذكر دمعتها ويين ويين ويين سارت هذي هي تنزلعلى خدها .. وتحاول تمسكها بس هب قادرة .. (

الجــزء الثالــث
~~)(~~ اعد الوقت بحسابيليالي ..واشوف حساب غيري له ثواني ..غريب الوقت في طبعه يعاند ..ابي اطويه ولكنهطواني~~)(~~

في غرفة عالية
روضه: عاليه انتي وحده فاضيه ماعندج سالفه الصراحه
عالية: هيه فاضيه لاني حبيته
روضه: هيه فاضيه ونص منو يحب في هالزمن هالكلااام ايام يدي ويدتج اما الحين صار الحب كله جذب في جذب كلااام بس
عاليه: اصلا انتي ما تعرفين شي .. شو عرفج في الحب وكلامه شو عرفج في شعوري يوم كنت اكلم راشد والله ( قبل لاتكمل تقاطعها روضه(
روضه: ايوووه شعورج .. اممم كلام راشد .. اها مب هو اللي قلتي عنه ودرج لانه مل منج
عاليه: مل مني ؟؟!! وانا شو سويت له مب انا اللي عطيته مفتاح قلبي وفتحت له بيباني ..
روضه: شو هالكلاام وين عايشين نحن عاليه خلج عاقل انتي ومب ياهل انتي وحده تعرف الصح من الغلط مب ياهل عمرها سنه عاليوه نسيتي ايامج كنتي اعقل وحده في الشله ماعرف جيف تعرفتي في هالراشد الزفت ..
عاليه وهي تذكر : آآآآآآآآآآآآآآآآآآآآآه شو تدرين احلى صدفه واحلى يوم كان بنسبالي
روضه: بعدج يالله شو هالحب اللي مخبل بج خبال شو انتي مب انسانه ما تحسين
عاليه: احس وراس امي احس بس مب بأيدي شعوري ملك انسان ثاني ..
روضه: تدرين شي احسن حل اول ما اييج حد ويخطبج وافقي عليه يمكن ينسيج راشد وطوايف راشد
عاليه: تتحسبين النسيان سهل .. تتحسبين راشد بسهوله هذي ينسونه انتي شو عرفج في الحب واهواله وارزاق خلق الله على السيف
روضه: أي حب هذا كلام يهاااال المفروض تنسين راشد تبتدين حياتج من اول يديد لاتخلين راشد يلعب بعقلج مره ثانيه اذا اتصل فيج سكري في ويهه ولا تردين عليه
عاليه: ادري ادري مابرد عليه ولا لي خلق حتى اسمع صوته كل ما اسمع صوته احس بنار تشتعل في خاطري ماقدر احس اسمع صوته احس اني اضعف جدامه ابغي اكون قويه ابغي اكون اشجع من جذي ..؟!! بس كيف ماعرف
روضه وهي متردده: عاليه انتي جيف تعرفتي على راشد بصراحه
عاليه وهي تذكر: اممم انا ما تعرفت عليه اصلا هو ما شافني في مكان مره اتصل عليه بالغلط .. وتم يسولف وانا ماكنت اعبره .. تدرين كان عمري 17 سنه واصلا لما رمسته خليت عمري وحده عوده وكبرت بعمري بعدين قلت له الصدق .. المهم تم يتصل فيني كل يوم .. وجذي تعودت عليه بعدين طلب مني انه يشوفني وانا بصراحه رفضت بداية الأمر بس بعد ألحاحه وافقت .. شافني من بعيد .. والصراحه يوم شفته كان رهيب تخبلت عليه صح انه مب حليو بس هو كشخه وله شخصيه وهيبه انغريت فيـه وبس
روضه: اها وجذي .. على العموم انتي خلج قويه .. ( فجأه رن تلفون روضه (
روضه: الو
: … هلا فديتج
روضه: هلا امي
ام روضه: فديتج وينج ؟؟!
روضه: امي انا خبرتج اني بيت ربيعتي عاليه
ام روضه: هيه هيه تذكرت والله نسيت غفلت شوي ونشيت نسيت بس لاتبطين ناس بيونا اليوم تعالي بسرعه ولا اقولج تعالي الحين
روضه: ان شاء الله بس عقب شوي بيي
ام روضه: بس لاتبطين يالله فداعة الله
روضه: الله وياج امي
عاليه: خير روضه
روضه: خير بويهج بس امي تباني ارجع البيت ..
عاليه: اها .. برايج…!!..
روضه: اوجي يالله مــع السلامه ..
عاليه: الله وياج

)ظهرت روضه من عند عاليــه .. وتمت عاليه بروحها تفكر في مصيبتها ماتعرف شو تسوي … تفكر كيف تحل مشكلتها مع هالراشد اللي مخبل فيها .. وهي لين الحين مب متوقعه ان راشد يقص عليها .. كلامه كله جذب في جذب .. (

عاليه: معقوله هاللي يصير فيني ..!! بتشوف يا رشود ان ماخليتك تنكوي بنار حبي .. بتشوف ؟.!!

---------------------------------------------------
في بيت روضـه
في الصــاله
-----------------------------------------------------
ام روضه: روضه سيري تزهبـي ناس بيونا اليوم
روضه:منو اللي بيون انزين
ام روضه: خالتج وعيالها بيون
روضه: و رشود بعد بيي معاهم ؟؟!!
ام روضه: والله مادري يمكن ايي
روضه: هيه صح .. هذا ما ايي الا في المناسبات يعرف عنده اهل ماعرف كيف خالووه مستحمله ولدها وايد كريه ودمه ثجيييييييييل هالمغازلجي
ام روضه بعصبيه: روووضه اسكتي ولا بتشوفين شي ما يعيبج عيب عليج هذا راشد ولد خالتج,
روضه بنفاذ الصبر: هيييييه ولد خالتي امحق ولد خاله
ام روضه: انتي وياهاللسان يباله قص
روضه: تعالي قصيه هاهاهاهاهاي
ام روضه: فزي من مكانج وفكيني من حشرتج
)هني يدخل اخو روضه اسمه علـي عمره 22 سنه وهو مصخرجي وحبوب (
روضه: هلا بالطش ورش وماي الورد بالغرش ..
علي: هلا بالحب هلاهلاهلاهلالاهلا هلا مليون ولا يسدن
روضه: هلا بالطيب الغالي
علي: انزين خلاص فكينا شو تبغين اوديج مكان ادريبج مصلحجيه ماترحبين فيني الا اذا بغيتي تروحين مكان ولا تبغين شي ظاهره على امج هاهاهاهاهاههاي
ام روضه: ياللي ما تستحي تقول عني هالكلام الحين انا مصلحجيه
علي وهو يلوي على امه وبدلع: فديت هالويه يعلني ما اخلى من عيون الذباحه اللي تجتلني من بعد كيلوو
روضه وهي زعلانه : اونه وانا وين محلي في هالقصيده
علي: اي قصيده حد قال قصيده
روضه: علوووووه بلاك عاد
علي وهو يتصدد يمين ويسار : يا اخوان في حد اسمه علوووه هني .. واللي اسمه علي يرفع ايده ..؟!!

روضه: يالله لا .. قول قول فيني قصيده
علي: انا حالف ما بقول قصيده الا حق مرتي
روضه: عدال اصلا منو بترضى فيك
علي: روحي زين
ام روضه: صدق ما تحشمون حد ما تستحون يالله قول اي قصيده وفكنا
علي: عشانج والله ولا انا ما انزل مستواي (وشر على روضه) لناس انزل مني مستوى ..
روضه وهي تدحه على جتفه: يالسخيف .. انا اختك انا اختك
علي: تبغين تسمعين قصيده ولالا
روضه وهي شاقه الحلج: اكييييييييييييد يالله سمعنا يا شاعر زمانك ..
علـي :
كنتي ب عيوني شي واليوم لاشي
وكنتي ب خفوقي نبض واليومحتفه
الحي من موتك اهو الموت بك حي
كلمه وهي كلمه لها الف هتفه
كم من طويتالحب ع خافقي طي
كم من ملكت القلب نصفه ونصفه
لك بحر متمادي ولك موج يطني
واليوم ياخلي لك الشرب برشه
اليوم لك مده على كف تدني
مدي كفوفج خل كفكبكفه
واليوم كم ناسٍ على الحب تسري
والحب له ميزه واذا شوي خفه
عيشي الفرحدامج سكنتي بها دبي
وذوقي المحبه كيف تاتي لطفه
كيف الضمى ياتي على واردالمي
تشرب وتضمى وترتوي به بنطفه
هي روح لي راح هو روح و لي ياتييجي
واللي لفني لفه له ألفين لفه

وسلاااامتكم يالسامعين
روضه: صح لسانك يا فزاع هاهاهاهاي
علي بستهبال: فزاع منو هذا فزاع
روضه: تستهبل هذي قصيدة فزاع
علي: لالالا هذي قصيدتي صدقيني
روضه: جيه انا هبله ياخي هذي قصيدة فزاع ..
علي: يمكن انا وهو كاتبين نفس القصيده هاهاهاهاهاي
روضه بستهبال: هيه صح.. اشكره يجذب خخخخ
علي: عيب عيب هالكلاام انزين واذا اقتبست القصيده من عند فزاع فيها شي يعني ؟!!
روضه: زين زين بس لاتنسبها لك يالذكي
علي: اوهوووه امي نبغي غدا انا يوعان ابغي اكل اكل اكل
ام روضه: لالا ماشي الحين خل يوصلون عيال خالتك بعدين
علي: متى بيون خيبه اتريا لين ما ايوون انا بموت من اليوع
روضه: يعل راشد يموت من اليوع ولا انته
ام روضه: جب يالله لاتدعين على راشد
علي: هيييييه هيييييه راشد اونه ياكرهه هالريال
ام روضه: انزين ماشي اكل لين خالتك وعيالها يوصلون
علي: بحط راسي في الجدر وباكل كل الأكل عسب يموت هالشيبه من اليوع
روضه: انا بعد بيي معاك بناكل مع بعض احسن
(رنتلفون البيت)
ام روضه: سير شل التلفون فكونا من هالحشره
علي: انزين بسير
علي: الوووو اشحالج شخبارج ؟؟
انزين مب مشكله ..؟
خلاص بخبرها ..؟
لالا مب مشكله خلاص لاتحاتين؟
يالله مع السلامه..؟ (وبند(
ام روضه: منو هاي..؟!
علي: خالوه تقول مب يايه لان عندها شغل ..
روضه: احسسسسسسسن مالي بارض اجابل حد بسير اتغدا وارقد
علي: يالله نجبوا الغدا متنااااااااااااااااااااا يوووع جنا يالسين في مجاعه
ام روضه: ان شاء الله الحين بروح
علي: انزين لا تتاخرين ولا بسير اطلبلي من مطعم
ام روضه: تهبي تروح تتغدا من اكل المطاعم وانا حيه
علي: انزين روحي ولا بسير ثراني
روضه: فكنا زين روح كل من اكل المطاعم
ام روضه: يالله انا سايره..!

----------------------------------------
في سيارة راشد
-----------------------------------------
ماعاد قلبنا ذكرى نسيناكمولا لأيامنا ذكرى نسيناكم
مدام انتوا تغيرتوابعد حنا تغيرنا ولابه شي يرجعنا خلاص اليوم نسيناكم..
ياليت وقتها كنتوا فهمتونا ولا عنا تخليتواوبعتونا قدرتوا الوفا والحب اللي جالكم منا حسافه ما تفاهمنا خلاص اليومنسيناكم..
عانيت ياما لجل ارضي خواطرهم وداريت همي وكنت اشقى وريحهم صبرت وصرتانا وقلبي ندور من يصبرنا خساره
ما تفاهمنا خلاص اليومنسيناكم..

راشد: آآآآآآآآه عليك يا الماجد .. عذاب عذاب .. ماعرف ليش طرت على بالي عاليه .. لالالا هذي مجرد افكار لاني تعودت عليها .. لالالا انا ما تعودت عليها شو اتعود اصلا هي ما تهمني.. اووه بس ليش افكر فيها .. خلها تولي
اتصل في ميود احسلي ..
مايد بصوت كله رقاد: الوووووو
راشد: الوووين
مايد: منو انته شو تبغي شو ما تحسون واحد راقد
راشد: شو منو انا ؟؟ طالع في تلفونك منو متصل فيك بعدين قول منو انا
مايد: هيييييييه شكلك فاضي منو انته
راشد: شكلك خالص .. ياخي انا راشد ربيعك
مايد : منو راشد ؟؟!!
راشد: راااااااااشد ربيعك اللي بتظهر معااه اليوم
مايد: بظهر مع منو انا
راشد: ذبحتنا ياشيخ .. ايه حجي انا راشد ربيعك
مايد بعد ما تصحصح: هيييه رشود سوري كنت راقد وتعبان
راشد: هيه زين
مايد: بلاك راشد .. ماعرف ..
(وهو يرمس مايد فجأه سمع اغنـيه .. عبد المجيـد (حبيبي.(..(
راشد: اسكت شوي بسمع هالاغنيه ..
مايد: انزين سكتنا

حبيبي هجرك يخلي الليالي فيعيوني شهور
على وعدك مضى عمري وقلبك قاسي وناسي
ترا ما ينجبر قلب اذا لهصاحبٍ مظلوم
وظلمك يا بعد عمري بدون حدود وقياسِ

اذا طال الصبر لابد منقلبي بلحظه يثور
وتتغرب محبتنا بحزن وهم وفلاسي
ابا ارحل واترك احساسك واوادععشرتك مجبور
بسافر عنك ما بسأل بنسى باقي احساسي

عساك تحقق احلامك وتبقىبعدنا مسرور
اخاف اليوم تتندم ترا هذا الزمن قاسي
اخاف يضيق بك قلبك ويصبحخالي ومهجور
تمل العمر ويملك تعيش بحره من قاسي

ولا تنسى ترا ظلمك يجيلهيوم ويدوم
مثل ما خنت من حبك تخونك باقي الناسي
حبيبي هجرك يخلي اللياليبعيوني شهور
على وعدك مضى عمري وقلبك قاسي وناسي

راشد: لاحول وهالاغاني اللي تحسسني بتأنيب الضمير
مايد: بلاك أي تأنيب الضمير ... شو مسوي
راشد: ولا شي ولاشي
مايد: رشود قول شو بلاك شو هالألغاز
راشد: من قطعت علاقتي بهاي اللي كنت ارمسها احس ان الأغاني صارت حزينه.. ياخي والله ماعرف كيف اشرحلك
مايد: اووويه راشد ليكون تحبها
راشد وهو مصعب: شو احبها شو احب فيها لالا قولي شو احب فيها شو فيها زود عن البنات ولا شي .. يمكن البنات اللي كنت ارمسهن احسن منها هذي وحده عبيطه ماعرف كيف كنت مستحملنها ياخي فكنا زين
مايد: عيل شو تسمي هالكلام عيل
راشد: ولا شي مجرد اني تعودت عليها وبس ثلاث سنين هذيل يعني اكثر وحده كلميتها الباجيات كنت ارمسهن بس شهور وخلاص هذي ثلاث سنين يعني شوي خذت عليها
مايد: اها خلاص عيل كيفك يوم انته بتفهم هالأحساس شو معناته بعدين قول لي اوجيج.. انا عن نفسي قلت لك؟
راشد:هههههههههه والله ضحكيتني أي حب هذا بعد
مايد: انا ماقلت شي يضحك هذي الحقيقه
راشد: ههههههههههههههههههههههه ضحكيتني انا احب ... انا راشد ولد سيف احب هههههههههههههههه
مايد: ليش انته مب انسان ..؟؟!!
راشد: ههههههههههههههه بس غريبه انا اتحب بس ما احب هههههههههههههه
مايد: هيه صح صح .. خلاص عيل سكر وخلني ارقد
راشد: برايك ارقد بس صحصح عقب نبغي نظهر ندور غراشيب
مايد: ههههههه خلاص هالأيام ولت انا بودع العزوبيه بزوج
راشد فاج عيونه: شووووووو بتعرس ؟؟؟ متى؟؟؟ وليش ما قلت لي ؟؟؟ افا يا ميوود هذي عشرت سنين
مايد: ههههه بلاك امي خبرتنا وانا ياي من الشغل يالسه تقولي بخطب لك وحده قلت لها منو قالت وحده بنت عرب وتعرفهم ..
راشد: بالبركه عيل ...
مايد: نحن السابقون وانتوا اللاحقون
راشد: هههههههه لالالا انا شلي بالزواج واهواله وارزاق خلق الله على السيف
مايد: ههههه اللي كبرك عندهم عيال .. وانته تقول شلك بالزواج ياريال عرس وفك عمرك شوي
راشد: لالالا شو ابغي في العرس .. فايق حق حشرت الحرمه والعيال وماعرف شو لالالا مابغي خليت العرس حقك وحق امثالك هاهاهاي
مايد : زين مب مشكله الزواج ستر ..
راشد: شو بتستوي مصلح اجتماعي هههههههه
مايد: هههههههه لا يالله انا بخليك بكمل نومتي
راشد : احلم فيني عاد ههههه ولا اقولك احلم وتخيل شكل العروس اللي بتاخذها هاهاهااي
مايد: اكيد ما يباله خخخخ باي
راشد : باي

الجــزء الرابع
~~(~~ايش جابك منبلادك لبلادي ايش لي خلاك تسكن في فؤادي احس شي في مهجتي لك غير عادي كل ما اشوفكيزيد ..يا ذا الحب الجديد~~)(~~

راشد: اونه حب .. منو يحب انا ..

)تم راشد محتار يعني هذا حب.. هو حاط في باله ان هو غير عن البشر ان هو انسان مايحب .. اصلا الحب مش في قاموسه .. يتحسب نفسه انسان بلا احاسيس ..
مايدري ان الحــب دق بابـه بس مفتاح قلــبه مب عنــده .. عنــد انسـانه تركهــا وقفلت باب قلبـه.(

راشد: الله يخس عدوك يا ميود خليتني افكر فيها وانا كنت ناسيها ..

ايش جـابـك من بلادك لبـلادي أيـش لـي خلاك تسكنفي فؤادي ..
احـس شـي في مهجتي لك غير عادي كل ما اشوفـك يزيد ..
يا ذا الحبالجديد
يعتصر قلبي ويا خذ ما يريد
كنت وحدي منعزل في وسط وادي جيتني بالحب منقلبك ينادي
هزني صوتك عظيم السحر هادي جن عقلي بالنشيد
يا ذا الحبالجديد
يعتصر قلبي ويا خذ ما يريد
عاتبوني فيك زادوني ملامه كل واحد يسألالثاني علامه
كن حبك طير واحساسي حمامه سلمتلك يا عنيد
يا ذا الحبالجديد
يعتصر قلبي ويا خذ ما يريد

)بداية حب جديد .. تبتدي بعد فراق .. تكتب على اوراق الحب لتُسطر كلمات عذبه من انسان يفتح قلبــه لاول مره وينير طريقه بكلمات الحب .. ليرا طريق محبوبته .. وليتجه إليـها حاملاً معهُ وردة الحــب الحمــراء (..!

-------------------------------------------------
في بيـت عاليــة
بالتحديد في الصـالة
---------------------------------------------------

)كانت عاليه في الصاله تشوف التلفزيون وتسمع اغاني في قناة نجوم .. وتبدل بين هالقنوات .. وامها كانت يالسه وترمس في التلفون (

عاليـة: افففف ويا ها لملل اللي يذبح
ام عاليه: عاليه خفي على الصوت مب قادره اسمع
عاليه بدون نفس: انزين ( وبالعماله علت على الصوت زياااده(
ام عاليه: قصري على الصوت بسررررعه
عاليه: انزين انزين بخف على الصوت .
ام عاليه: هيه يا آمنه شو صار .. ؟! هيه كنت ناويه اروح العرس باجر ؟؟ ها ؟؟ هيه هيه مب مشكله اييبها معاي ؟؟ اها عاد اذا طاعت .؟ ان شاء الله مب مشكله .. ماسمع صبري شوي هالبنت بتذبحني صبري
ام عاليه توجه الكلام لعاليه: خفي على صوت التلفزيون فكينا
عاليه وهي تخف على الصوت : خفيت خلالاص
ام عاليه: انزين يا آمنه كملي .. ؟
ام عاليه: ها .. صدق ومنو خطبت لولدها ..؟ ماتدرين ؟؟ عيل كيف ؟؟ انزيييين جذي السالفه .. .؟؟!! الله يتمم لهم الخطبه بالسهاله ان شاء الله ..!!؟؟!!
ام عاليه: برايج ..

)وسكرت التلفون ، وصدت صوب عاليه (

ام عالية: شو رايج يا عالية اتيين معايه عرس باجر
عالية: عرس ؟؟ عرس منو
ام عالية: تعرفين شيخه بنت محمد الــــ (----)
عالية: هيه عرفيتها هذي شيخووه الخبله
ام عاليه: هذي شيخووه على قولتج بتعرس
عاليه: زين الله يوفقها
ام عاليه: ماعرف ليش كل البنات اللي اعرفهن عرسن الا انتي
عاليه: ههههه جيه امي طايحه في جبدج انا
ام عاليه: لا والله بس اللي اصغر عنج عرسن الا انتي
عاليه: امي نصيب هذا نصيبي وبعدين انا بعدين شابه عمري 19 سنه بعدها الحياة جدامي
ام عاليه: مافيها شي يوم انا عرست كان عمري 14 سنه .. كنت اصغر منج وكنت حرمة بيت واعرف اسوي واسوي مب مثلكن يا حافظ حتى الدله ما تعرفون تشيلونها
عاليه: ايامكم غير عن ايامنا نحن جيل التكنولوجيا انتوا غير نحن غير
ام عاليه: الله يهديكم ..الحين بتين العرس ولالا
عاليه بتردد: شي بنات ولا كلهن عيايز
ام عاليه: يعني عرس جيه عرس عيايز بس شي بنات وكلهن تعرفينهن
عاليه: زين عيل بيي معاج ..
ام عاليه: زين والله تعالي خلي حد من هالحريم يشوفونج ويخطبونج
عاليه: استغفر الله عيل انا مب ياي جيه سايره هناك ادور على ريل ولا سايره اعرض نفسي جدام هالعيايز
ام عاليه: يعني شيخوه هذي احسن منج تعرس وانتي يالسه ومعنى انتي احلى منها بوايد
عاليه: امي هالشي بأيد الله خلاص عاد ثرا والله اهون
ام عاليه: خلاص بسكت ولا برمس

--------------------------------------
بيت مايـد
في الصاله
---------------------------------------
ام مايد: مايد امي شو رايك في قوم عبدالله الــ (------)
مايد: والله ما اعرفهم .. منو هذيل
ام مايد: هذيل اللي كانوا ييرانا قبل .. والله يا مايد شفت هالبنيه ودخلت قلبي حبيتها ..حلوه وعليها جمال سبحان ربي الله خلق ...والبنت مديينه وحشيم .. وماعليها كلام ..
مايد: امممم والله ماعرف شو بقولج والله .. يالله امري لله اللي تشوفينه يصير خير عليه
ام مايد بفرح: فديتك والله .. خلاص تم لو بأيدي اروح اليوم واخطبها لك باجر برمس امها وبييب لك الخبر السنع ان شاء الله توافق
مايد: ان شاء الله (ورن تلفونه .. وشاف رقم راشد (
مايد: اسمحيلي امي انا الحين بظهر
ام مايد: وين
مايد: بحوط مع الربع مع السلامه
ام مايد: الله وياك
مايد يشل التلفون: الوو هلا بو سنيده
راشد: هلا فيك يالله تعال انا برع اترياك
مايد: تجدم انته انا بيي بسيارتي
راشد: اوجي

---------------------------------------
في السيـــارة
عالـــية وامها سايرين ستــي
--------------------------------------
عاليه: امي ليش تعبتي عمرج كنت بروح مع ربيعتي
ام عاليه: لالا فديتج بظهر معاج احسن .. بشوف الدنيا
عاليه: ههههه امي كل هذا وماشايفه الدنيا
ام عاليه: ههههه بعدني شباب
عاليه: اذا انتي شابه عيل انا شو هههههه
ام عاليه: بعدني صغيره .. انتي شو ناويه تسوين في الستي
عاليه: بسير افصل شيله وعبايه ابغي اطالع شو يايبين .. وشو جديدهم
ام عاليه: زين بعد انا بفصل حقي
عاليه: هههههه امي تبغين تنافسيني ماشي حقج ههههه
ام عاليه: هههه بعدني شابه اتغشمر معاج

(وصلوووا قوم عاليه الستي وساروا حنايـن عسب تشوف الشيل .. (

----------------------------

اما قوم راشد يتمشون وبالصدفه شاف راشد وحده في محل تشبه عاليه ..
في البدايه حس عمره يتخيل ولا يتوهم.. بس تم يطالعها تأكد انها عاليه
مايد: شوي شوي عينك على البنت ذبحتها بعينك
راشد: هذي هي هذي هي
مايد: منو هذي وينها وشو هي شو السالفه
راشد: هذي اللي كنت ارمسها
مايد: انزين انته ماخليت وحده في الدوله ما رمسيتها
راشد: بس هذي اللي كنت تقول عني احبها
مايد صد وشاف ام عاليه: شوووو تحب هالعيوز هههههههههههه
راشد: انته اهبل شوف اللي حذالها هذي هي صدت شوفها هذي هي
مايد وفاج عينه : ما شاء الله حلوووووه ياخي هالأشكال طيح عليهم مب شراتي اطيح على الخالات
راشد: انته فايق ..خلنا نروح من هني
مايد: مالت عليك لو انا مكانك بدش في المحل
راشد: هيه شو رايك ادش افصل لي عبايه وشيله
مايد: هههههههه اتخيلك
راشد بعصبيه : ميوود جب
مايد: صدق دش خل عمرك بتشتري حق وحده من اهلك
راشد: سخيف يا لله طوف جدامي
مايد: انا مب ياي انا بيلس عند الباب بصور هالغرشوبه أي غرشوبه هذي ملاك
راشد وهو معصب: انته ايييييييه ما اسمحلك فاهم والله إن نطقت بكلمه لا انته ربيعي ولا اعرفك افهم
مايد وهو يضحك: يوم اقول انك تحبها ما تصدق عيل شو تسمي هالكلااام
راشد وهو متردد: ماعرف ماعرف ولا ابي اعرف
مايد : طوف يالعاشق
راشد: لاتقول عاشق
مايد: عاشق عاشق عاشق
راشد: بلا هالكلام الفاضي يالله خلنا نرد نطلع من هني
مايد: لو مره اعترف انك تحب .. مافيها شي اذا حبيت الحب مب حرام ولا عيب
راشد: واذا حبيتها هي بتحبني تتوقع اكيد الحين كارهتني
مايد: ما أظن تكرهك هذا حب ثلاث سنين مستحيل تكرهك بين يوم وليلة
راشد: ما عرف ..
مايد: ليش ماتعرف اكيد تعرف
راشد : مايد ولي يسلمك خلاص عاد خلنا نرجع
مايد: اوكي انا ما برمس يالله مشينا

----------------------------------------
في الســـــتي
بالتحديد فــي حنايــن
----------------------------------------
عاليه: امي شو رايج يهالشيله غاوية صح
ام عالية: هيه حلوه واذا في خاطرج فصلي شراتها
عاليه: عيل بخليها اكيد بفصل
ام عاليه: انزين فصــلي

(تمــت عالية وأمها يتمشون في الستـي واكيد ما سلمت عاليه من تعليقات الشباب والملاحق من مكان لين مكان .. (

ام عالية: يابنتي خلينا نظهر من هالمكان ماخلونا هالمغازلجيه
عاليه: ان شاء الله خلي الدريول ايي ياخذنا اتصلي فيه
ام عاليه: يابنتي نسيت تلفوني في السياره
عاليه: خلاص انا بتصل

(اتصلت عاليه في الدريول ..عسب ايي ياخذهم مايدرون بعيون راشد تلاحقهم في الباركات.. اما راشد فكانت حالته صعيبه.. كل ما يشوفها كان يتأكد من صحة كلام ربيعه مايد ..تاكد ان عاليه هي الحب الجديد .. بس هو متردد كيف يرجع لها..فقرر اليوم بالليل يتصل فيها (

-------------------------------------
في سيارة راشــد
--------------------------------------
كان راشد في سيارته يالس ويشوف عاليه من بعيد لـ بعيد
كل ما يبغي يتحرك شي في داخله كان يمنعه كان يتامل ويهها
كان يتمنى لو دقايق يروح ويلمس ويها كان يتمنى يروح ويقول لها عاليه انا احبج
كان يتمنى يروح لها ويعيشها في حب حقيقي مب حب كلام
كان يتمني يروح وياخذ بأيدها ويقول عاليه انا اباج انا احبج انا اتمنى تكونين قربي طول العمر ..
بس ما يقدر يخاف ترد احاسيسه .. كان متردد انه يتصل فيها خايف من رفضها
بس كان مقرر يتصل فيها ..
تأكد انه يحبها ويموت فيها يتمنى نظره من هالعيون
وهو يطالعها شافها متغيره فيها شي غريب نظر عيونها حزينه
كان يتمنى يشوف ابتسامتها الأوليه يتمنى يسمع صوتها كان من سنين مب شايفنها
كانه محتاج يعالج نفسه بحبها هو مب مريض بس مريض حب عاليه
لمسه من عاليه بتخليه صاحي ..

راشد: اليوم بتصل فيها
تم راشد يحوط في سيارته فقرر انه يروح البحــر
تم يالس على البحر لين نص الليل .. تم هناك لين الساعه 12 بالليل
طول هالفتره مايد يتصل فيه وهو مطنش وطبعًا مايد ما خلاه كل ساعه يتصل ويطرش مسجات ( وينك راشد... راشد شل ... راشد شو بلاك.........الخ(
وراشد مطنش كل هالشي كل تفكيره في بيت قوم عاليه وبالتحديد في غرفتها عند عاليه بنفسها متردد يتصل فيها ولا لا متردد تنطشه
فقرر يتصل واللي فيها فيها
فتصل فيها بس هي ما كانت ترد عليه ..
راشد بنفاذ الصبر: وينها هذي ... اففففف متى بتشل متى بتشل
فتصل فيها مره ثانيه بس هي ما كانت ترد تمت اكثر من ساعه يتصل فيها وهي ماترد
آخر شي قرر يتصل الحين اذا ما شلت باجر بيتصل فيها .. بس من حظه شلت التلفون
راشد وهو يغني: سلام الله على حسنك وزينك ..
عالية بدون نفس : هلا
راشد: بس هلا
عالية: اهلين
راشد: بس اهلين
عالية: اهلين وسهلين
راشد: بس اهلين وسهلين
عاليه : شو تبغي ها ؟؟
راشد: ابغي كلمة حبيبي .. ابغي اسمع كلمة احبك راشد .. ابغي اسمع كلمه اموت فيك راشد.. ابغي اسمع كلمة حياتي .. ابغي اسمع كلمة حياتي بدونك مالها طعم
عاليه بستهزاء: اها .. تبغي تسمع كل هالكلام مني
راشد: اكيد في حد غيرج
عالية: هههههه ضحكتني
راشد: امووووت يا ناس في هالصووت
عالية: لالالا جديده هذي اسمحلي انا بسكر
راشد: وليش تسكرين ماسمعت كلمة احبــك
عالية بكل كره : اكـــــــــــــــــرهك
راشد بصدمه: تكرهيني ليش ؟؟؟ مسرع ما كرهتيني
عالية: اكرهك واكره كل شي فيك اكره شكلك اكره ويهك اكره صوتك اكره حسك اكرهك اكرهك اكرهك اكرهك
راشد: بس انا احبج احبج احبج احبج
عالية: حق كم وحده قلت هالكلام .. ها ؟؟؟ حق كم وحده قلت هالكلام ... عشره .. عشرين .. الف ..
راشد: ومنو هذيل انا ما اقول هالكلام الا حقج انتي وبس
عالية: لا صادق ما تقول هالكلام هيه صح صدقتك انته الصادق وانا الجذابه بأحاسيسي انته تحب بصدق وانا احب بالجذب انا المنافقه ام ويهين صح لالا قول صح
راشد: عاليه ..حياتي .. روحي .. عمري .. حبيبتي .. انتي كل شي بحياتي والله احبج
عاليه : لا تحلف بسم الله جذب
راشد: والله احبج وامووت فيج انتي كل شي بحياتي كل هالناس ما يسوون ظفرج ومايسون شعره من راسج
عاليه: جذاااااااااااااب .. وبسك جذب بسك لاتخليني اكرهك اكثر من جذي.. لا تخليني اندم على حبي لك اكرهك ياولد الناس اكرهك حرام عليك حراااااااام
راشد: عاليه ارجوج خلاص انا بخطبج اذا تبين الحين بيي واخطبج
عالية: بتخطبني ؟؟!!
راشد: هيه بخطبج انتي
عالية بستهزاء : تخطبني .. وبنت خالتك .. مب هاي اللي اسمها روضه صح ؟
راشد: روضه ؟؟ منو هاي
عالية: منو هاي نسيت بنت خالتك روضووه
راشد: روضه هييي وانتي منو قالج اني بخطب روضه مينون انا
عالية: هي اللي قالت.. هي اللي خبرتني عنك وعن حركاتك وعن سوالف وعن اشياء عمري ما تصورت انته تطلع جذاب .. عمري ما تخيلتك تجذب عليه ..كلامك كله نفاق وجذب وكلام واحد مغازلجي واحد متعود يقول هالكلام لمليون وحده .. واحد متعود يكرر كلامه ويعيد فيه يحفظ كلمة ويعيدها ويحليها في اذن اللي يرمسها
راشد بصدمه: روضه خبرتج .. روضه تجذب عليج
عاليه: انته الجذاب .. روضه ربيعتي من ايام المدرسه روضه صادقه انته الجذاب يالمنافق يابو ويهين (وسكرت الخط بويهه (

)تم راشد محتار .. مب عارف شو يسوي .. مب عارف كيف يتصرف .. مب عارف شو اللي يصير معاه .. مب متوقع هالكلام من عاليه حبيبته .. وروضه شو عرفها بعاليه .. وكيف تعرفت عليها .. توها تقول انها تعرفها من ايام المدرسه وانا شو مصيري كيف اقول لها اني احبها .. كيف اعلمها اني اموت فيها .. كيف اقول اني اتمنى لقاها .. انا احبج يا عاليه .. انا اتمنى قربج .. بدون مايدري بلا أي شعور تمنى يحظنها ويتسامح منها ويقول لها انا احبج مافي حد في قلبي غيرج .. ركب سيارته .. ويالس يفكر وشريط يشتغل وهو كان حاط شريط عيضه .. فجأه انتبه لهالأغنيه وكلماتها .:. ابــكي عليـك ابكي عليـك من كثر ما اشتاق لك .. ابكي عليك ابكي عليك من كثر ما احتاج لك .. ابكيك انا وقلبي الذي مايبغي هالدنيا يبيك .:.

تم يسمع الأغنيه .. يا على هالمقطع ..
كيف انته تتركني وتسير وقلبي انا بحبك اسير ... ابكي عليك ابكي عليك من كثر ما اشتاق لك ..

وهو يسمع ما درى الا ودموعه تنزل على خده يحاول يمسكها بس مب قادر .. دمعته تنزل وتنزل بدون توقف .. مب عارف كيف يسكت بعمره . ماعرف الا وهو واقف عند الأشاره ونزل راسه ويصيييح شرات اليهال .. والناس وراه يدقوله هرن .. وهو ولا مهتم يالس ويصيح شرات اليهال وبصوت عالي .. كنه فاقد انسان عزيز عليه كأن حد متوفي وكان شخص عنده مكانه بقلبه ومب قادر يحرك ايده ولا ريله حاس بعمره انسان عاجز انسان مب عارف الصح من الغلط
هو كل اللي يهمه ان عاليه توافق انها ترجع شرات قبل عاليه تكون حبيبته ولا بس مب قادر والأغنيه شغاله ودموعه تنزل وتنزل وتنزل وهو يصيح مب عارف
فجاه انتبه ان حد يالس يدق ع جامة السياره فصد ونزل الجامه فكان واحد
الريال: تحرك .. (فنتبه الريال على راشد وعلى دموعه (
راشد: !!!
الريال : خير شو بلاك ؟!
راشد: ها ؟؟!
الريال: شو بلاك شي فيك مريض مكان يعورك؟؟!
راشد: لا خلاص .. الحين بتحرك
(سار الريال وتحرك .. وهو مب عارف بعمره لقى عمره عند بيت ربيعه مايد.. سار هناك وكان ربيعه واقف برع يرمس في التلفون .. فشافه مايد وسار صوبه (
مايد: راشد بلاك شو صار فيك قولي

يتبع...

__________________

البحث عن مواضيع لنفس العضو

__________________

العاب بنات

27 -12 -2006, 05:41 PM

راشد: !!!!!!!!!!!!!
مايد: رد عليه راشد بلاك ؟؟ شو فيك خوفيتني عليك
راشد: ؟؟؟؟؟؟؟؟؟؟؟؟
مايد وهو يهز راشد: قووووول بلاك ..بلاك قولي انته مريض فيك شي قولي
راشد : هيه مريض (وأشر على قلبه) هني يعورني .. العوق في قلبي
مايد: اوووف تعال اوديك المستشفى .
راشد: المستشفى ؟؟؟ انا ولا مليون دكتور يقدر يعالجني ولا ألف دكتور يطلع العوق اللي فيني
مايد: عيل منو يعالج بالله عليك
راشد: انا دواي شخص واحد .. دواي حبيبتي .. دواي عاليه
مايد: يوم اقولك تحبها ما تصدق الحين شفت هالحب شو مسوي فيك ..
راشد: فديته مب حب .. فديت كل عذاب في هالحب ..فديته وفديت صاحبته
مايد: مالك ومال الحب لعن بو الحب وسنينه
راشد: لا تلعن هالحب .. لو بعذابه بس عاجبني

الجــزء الخــامس
~~)(~~حقك علي ان كنتزعلان يابعد عمري وقلب غاليك برضيك مهما يكون يافلان حتى ولو راضيبراضيك~~)(~~

----------------------------------
في غرفة عاليــة
----------------------------------
كذبت وقلت ما احبك عشانابعدك عن دنياي ولا ابي اوقف بدربك ولا ابي اظلمك وياي ...
سمعت وقالوا ان الحبيعذب حيل مايرحم وانا والله مالي قلب احب بعدها
اندم...

)مسكين حاله .. يتحسبني لعبه في ايده .. أي وقت يبغيني يردلي واي وقت ما يبغيني يبتعد ويروح .. ولا اونه يبغي يخطبني .. ليش انا ماعندي كرامه
لو كان اخر ريال في العالم ما خذته .. واحد ماعنده قلب .. انسان عديم احساس..
ما احبــه اكره اكره اكره ..(

تمت عاليه على هالحاله.. وهي مب مصدقه اللي يصير فيها ليش حبت وليش رمسته من البدايه اصلاً
تمت متحسفه.. على اليوم اللي تعرفت فيه براشد ..
تمت تصيح وهي حالة لله .. تمت تدعي ان الله يفجها من هالورطه
وهي تصيح وتدعي ماحست بعمرها الا وهي راقده على الأرض

-----------------------------
في بيت راشد
بالتحديد في غرفته
------------------------------
غيرك بقلبي ماسكن شخص ثاني ولا رام قلبي في غيابك يخونك
مينا قلبيوانته ليه مواني ارسي على بحرك واهيم بفنونك
عانيت منك وانته مني تعاني اشكيفراقك وانته تشكي شجونك

حبك حبيبي في الضماير توالي كل الجوارح تشتكي منطعونك
لو بختياري مافترقنا ثواني ولا عشت لحظه ياحياتي بدونك
الحال عقبك صارلاحلو تالي لو شفتني بتسيل دمعت عيونك

في غيبتك اشرب مرارة زماني قلبي وعقليبالعنا يشتكونك
يبغون منك عطف ولا حناني عطف المحبه يعل ربي يصونك
ادمنت حبكوستحل بكياني لقدر اعيش العمر لحظه بدونك
والله مقدر

)انسان حس بالندم .. حس بطعم الحب وسعاته ولوعته .. واخيــرًا حس بأنسانه تحبه .. واخيرًا حس بشي كبير صوبها.. حس بشعور حلو ولو هو يعذبه..
يتمنى راشد الحين في هالحظه يتصل فيها مره ثانيه يرمسها ويرمسها ويرمسها .. ندم اكثر .. كانت عنده وكانت بين يديييه بس هو ضيعها .. ودرها .. هو يحبها ويبغي يحسسها بحبه .. يبغي يعيشها جو غير عن قبل .. جو يعيشها الحب ،
حب صادق .. حب من قلب .. حب صادر من صماميم قلب راشد
بس عقب شو .. بعد الفوت ما ينفع الصوت (

تم راشد محتار شو يسوي تم يفكر كيف يتقرب من عاليه
كيف يردها لحياته مره ثانيه ..تم يفكر .. مالقى الا ينفذ الفكره اللي في راسه ..
وهو يالس يفكر في خطته .. اتصل فيه ربيعه مايد ..
راشد: الووو
مايد: زين شليت
راشد: مايد اذا انته فاضي انا مب فاضي
مايد: الله يادنيا .. صرت تتكبر علينا الحين مشغول على منو خويك مايد
راشد: ياخي ما اتكبر بس انا اللي فيني مكفيني .. مايد الله يخليك انا مب قادر تعرف شو يعني مب قادر
مايد بخوف: بلاك راشد شو فيك ,؟؟
راشد: مافيني شي بس قلبي يعورني حاس اني بموت والله انا اليوم بموت
مايد: لا تقول هالكلاام .. رشود بلييز مب زين عليك خلك قوي لاتنزل بعمرك انته تعرف منو انته وولد منو
راشد: مايهمني انا ولد منو وانا منو .. كل اللي يهمني عاليه ابغيها مب قادر اصبر عنها لو دقايق احبها اموت فيها ياناس (بصوت عالي) احبهااااااااااا
مايد: خلاص خلاص عرفنا ياخي سير اخطبها احسن لك اكيد ما بترفضك ..
راشد: ثراك ما تعرفها .. اصلا هي كارهتني ولا اليوم تقولي اكرهك اكرهك اكرهك .. يا مايد انا بدونها ماقدر اعيش انا بموووت ابغيها ابغيها تكون قربي
مايد: حرام عليك يا راشد لاتعور قلبي .. اكثر من جذي حرام عليك ..
راشد: حرام عليه.. انا مسكين انا قلبي يتقطع كل يوم بدل القطعه الف .. ابغيها والله احبها اموت عليها
مايد: عرفت انا بقولك شو تسوي فيها سير عند ابوها واخطبها وفك عمرك وهي طبعًا ما بترفض
راشد: لا انا ما ابغي اوهقها .. انا ابغيها توافق عليه وهي مقتنعه .. ابغيها توافق عليه وهي تحبني مب تكرهني .. انته فاهم علييه
مايد: فاهم عليك .. بس بهالطريقه انته بتتعب اكثر منها ..
راشد: مب مهم المهم انها تكون راضيه وهي توافق عليه .. تكون مقتنعه باللي بتاخذه .. ابغيها تكون حليلتي ..
مايد: كيفك والله وماعلى الرسول الا البلاغ
راشد: مايد مع السلامه ..
مايد: هذي طرده ؟؟
راشد: افهمها ع كيفك (وسكر الخط على ويهه (

---------------------------------
في يوم الثاني ..
الساعه: 10 صبــاحــــــًا..
عند باب بيت عالــية
---------------------------------
راشد واقف بعيد عن بيت قوم عاليــه .. ونزل ريال سوري من سيارته ومعاه بوكيـه ورد وكانت الباقه كبيــره وكلها ورد جوري احمــر .. وكانت جنان ..
وسار الريال صوب بيت قوم عاليه بعد ما اشر له راشد على البيت ودلاه ..
سار الريال صوب البيت .. ودق الجرس
وطلعت البشكاره ..
البشكاره: شنو يريد
الريال: عطي البوكيه للمزمزيل عاليه
البشكاره وهي تشل الباقه من الريال: اوكي
ودشت البشكاره داخل ..وهي شاله الباقه وسارت عند حجرة عاليه ودقت الباب بس عاليه كانت راقده على غير عادتها .. لانها اول مره ترقد لين ساعه 10 هي متعوده تنش من وقت .. بس هالمره رقدت متأخره بسبت تصياحها وتفكيرها في كلام راشد ..
دشت البشكاره وحط الباقه على الطاوله وطلعت ..

-------------------------------
في سيارة راشد
-----------------------------
بعد ما وصل الريال لمحل اللي يشتغل فيه ..
حب يطرش لعاليه مسج يصبح عليها ..
صباحالشوق
ودهن العود
وورده فيه يقطر نود
صباح الكلمه الحلوه
صباح الغلابليا حدود
اعزك ياترا تسمع
اعزك وانته المقصود
صباح ريحته قهوة وطعمهبالحلى معقود
صباح نغمته تغريد
وصوته ينعش الميهود

وبعد شوي طرش مسج ثاني
أتعبت قلبي من جفاك وتغليك
وتاهت بيالشرهة ولاأحد ذكرها
المشكله قلبي حلف مايخليك
ومدري متى ظروفك توقف ضررها
قلبي وعقلي والمشاعر تباريك
روحي هوت وروحك وحبك سحرها
الذنب ذنب الحبماهو خطا فيك
هذا خطا نفسي وقدرها

فحب يطرش لها مسج ثالث ..
في غيابكم مادري احيا او اموت
في غيابكم ترتسم اقسىالدروب
وتحفر الآهات بعروق وسدود
وتغرز دموعي على خدي حدود
في غيابكم اموتاموت اموت
اموت اموت اموت اموت
وكافي تعرفون اني في غيابكم
مالــي فيبهالدنيــا وجــود

وتم يتحرقص ف مكانه يظن يمكن عاليه تطرش له مسج ولا تتصل فيه
حتى لو تتصل وتهزبه هو راضي المهم يسمع صوتها
المهم يرمسها .. المهم عنده يسمع حسها

هو يبالها بس تتصل .. واذا ما تصلت هو بيتصل فيها

----------------------------
في بيت عاليــه بالتحديد في غرفتها
كانت الساعه : 12 الظهــر
-------------------------
نشت عاليه من رقادها .. اول ما قامت حصلت عمرها نايمه على الأرض
حطت ايدها على راسها حاسه بصداع رهيب .. وحاسه بعيونها تعورها مب قادره تفجهن شرات قبل حاسه بثجل في عيونها جنها شاله يبل
نشت وهي سايره صوب المرايه عسب تشوف ويهها شافت على الطاوله باقة ورد روووعه اتخبلت عليها واستغربت منو بيحط لها الورد في غرفتها ولا ورد جوري
حبت استايل الباقه لانها كانت جنان تقربت اكثر واكثر شلت الباقه ..
حصلت بطاقه .. مكتوب فيــها
حرام عليك تعلمني حبك تعودني قربك فجاة تنساني تتركني اعاني
وآخر شي مكتوب .. راشد
تخبلت عاليه الود ودها تخرب الباقه بدون ما تحس طرت البطاقه وفرتها ..
وبس بغت تخرب الباقه بس قلبها عورها ..
كانت تفكر تتصل في راشد وتهزبه .. شلت تلفونها .. شافت ثلاث مسجات لها
يوم قرت .. مادرت بعمرها الا وهي تصيح مره ثانيه ..
كرهت حياتها هالأنسان في نظرها الحين واحد حقير ما يستاهل حتى تقرا شي هو يطرشه
بغت تتصل فيه وتهزبه وهي كانت معصبه وهي توها تبغي تتصل بس غيرت رايها .. لانها ما تبغي أي صله تربطها براشد بعد اليوم خلاص

كيف أسمي حبك الحبالمثالـي
كيف أمنّك الهوى وأنتـه عـدوه

كيف أحبك كيف أقول اليوم غالي
وأنت مثل اللي دخل في الحب توه

روح يا مغرور عنك القلب سالي
والذييرضيك في دنيـاك سـوه

عنك أنا ذا اليوم انويت ارتحالي
وأمسح الذكرى منالأشواق قوه

لك أمل ماهو وعد بس احتمالـي
عقب حبك ما دخلت الحب ضـوه

وإن دخلت الحب أعطي كل حالي
وافيٍ والنفـس للمقبـلصفـوه

عاليــة: ماعاد لك وجود في حياتي راشد.. راحت ايامك.. راحت ايام الجذب .. ماعدت عالية اللي ينقص عليها بكلمتين .. ماعدت انسانه تصدق كل شي يصير في حياتها .. تمنيتك تكون غير عن هالبشر... تمنيت تكون صادق وصريح.. تمنيت كل شي في حياتي يتغير .. تمنيت تصير حبيبي واخوي وامي وابوي وكل شي بس ظهرت انسان خاين وجذاب ومنافق.. انسان متعود يجذب على البنات .. الله يعلم كم وحده رمس .. وانا اللي صدقت انسان مايعرف الصدق من الجذب ..
انسان ماعنده ضميـر ولا عنده شخصيه ...
يتحسب بنات الناس لعبه .. ماعندهم قلب.. اذا البنات اللي رمسيتهم ماعندهم قلب بس انا غير انا غير عن كل البنات اللي تعرفهم يا راشد ..

----------------------
في سيارة راشد
ساعة 10 بالليل
عند البحــر
----------------------
بعد ما مل راشد من كثر ما تريا عاليه تتصل فيه او حتى تعلق على اللي سوااه ..
ماقدر يمنع نفسه انه يتصل فيها ..
اتصل فيها وحاول كم مره .. تم يتصل ويتصل ويتصل ..
حس بالملل بس كان ماسك عمره كل شي عشان عاليه يهون على قولته
حاول كم مره بس عاليه مطنشه ..
تم يتصل ويتصل بس هي مب معبره
اتصل بس هو قوة إرادة كانت قويه حاول كم مره آخر شي
شلت عاليه تلفونها وردت عليه مثل كثر ما ملت منه كانت تبغي تهزبه عسب ما يتصل فيها مره ثانيه
عاليه: انته ما تستحي على ويهك شو ماعندك دم ياخي خلاص مابغيك ولا ابغي ارمسك .. حل عني عاد وفكني من حشرتك
راشد: قولي اللي بتقولينه بس انا ابغيج واحبج .. اذا انا مب هامنج انتي تهميني انا احبج ياعاليه خلاص والله أنا آسف روضه فتانه تقص عليج صح اني كنت اقص عليج في البدايه بس انا احبج وابغيج انا رمست كم وحده ( وهو يالس يرمسها بصراحه قاطعته(
عاليه: ما تهمني ان شاء الله ترمس مليون بنيه انا ما يهمني شي.. هذي حياتك وانته حر فيها خلاص عاد
راشد: خليني اكمل كلامي واذا مب عاجبج سكري التلفون في ويهي
عاليه: بسرعه ماعندي وقت
راشد: انا حبيتج وابغيج واغليج انتي كل شي في حياتي .. عاليه انا عمري ما حبيت وحده كثرج.. صح اني كنت ارمس بنات .. وكثار .. كنت اشوف أي وحده حلوه كنت ارقمها وترمسني.. عمري ما حبيت وحده منهم .. لان اعرفهم بنات عليهم حركات بس انتي كنتي غير صادقه معايه في كل شي.. كنت اشوف فيج حياتي عاليه انا اموت فيج اموت في تراب اللي تدوسينه اموت في كلامج انا بدونج ميت والله ميت ..عاليه بلييز ارحمي انسان ميت .. حرام الطعن في انسان ميت حرام والله حرام لاتعذبيني انا بروحي مب قادر اصدق اللي سويته فيج انا اهبل انا مينون هديت وحده مثلج حراام عليج
عاليه: خلصت كلامك ولا بعدك
راشد: خلصت واتمنى تفهميني
بدون ما يسمع رد من عاليه سكرت الخط في ويهه .. نفذت كلامه هذا دليل انها ما صدقت كلامه ولا تبغي تصدق يعني ترفض حبه

راشد ما صدق هالشي .. حس ان عاليه حنت عليه تغيرت لو شوي .. لو كان التغير قد النقطه ..
بس ماقدر .. حس انه يبغي يموت انسان بلا روح .. ماقدر يمنع دمعته تنزل ..
هو ندمان ويحبها يبغي منها بس كلمه انا سامحتك يا راشد
بس مب قادر يسمعها من انسانه يحبها ..
حاول ينساها بس مايقدر لان اسم عاليه محفور في باله ..

تم يطالع البحر .. وهو يصيح ودموعه تنزل .. المفروض يكون شديد ويتمالك اعصابه بس مايقدر هالشي مب بأيده لانه حبه لعاليه اقوى منه ..

ابسكت يابحر وأمشـي وأخلــي ضيقتي فيني
ابسكت وابتعــدعنــك وأدور من يواسيــني
تصدق يابحر انــي توقعـتك تشيل الهموم
لكـنصدمتنــي ورديــت الدمــع لعيــني

الجــزء الســادس
~~)(~~اسكني حب واسكنيفرقا .. ان صبرت اشقى وهجرت اشقى .. العمر يمضي .. والجروح تبقى .. اختر الحل الصعبياتفارق يا تحب~~)(~~

تم راشد يالس ع البحــر اكثر من ساعه .. يالس ويطالع البحر .. يحاول يتمالك اعصابه يحاول يهدي نفسه يهدي عمره بس مب قادر .. عمره ما تخيل نفسه في يوم وليلة يحب وحده كان يلعب عليها .. يفكر كيف يخليها تحبه هي لين الحين مب مصدق انه تغير كل شي فيه تغير حتى حركاته حتى كلامه قبل كان واحد تافه ماعنده شي غير اكل وشرب ورقاد ومغازل ... بس الحين تغير صار انسان ثاني
صار راشد شخص غير عن قبل .. بروحه مستغرب من عمره ..

اسكني حبواسكني فرقا
ان صبرت اشقى وان هجرت اشقى
العمر يمضي والجروح تبقى
اخترالحل الصعب ياتفارق يا تحب
لاتحدد مراحل لالا يا تجيني حب
ياتودعني راحل هذيورده للهوى
هذي جروحك عطني روحي سيدي او خذها روحك
وشبقى ضاعت سنيني يا بعدقلبي وعيني
اختر الحل الصعب يا تفارق يا تحب
لا تردد في غرامي لالا ابتساميدمع
وسكوتي كلامي افتح يدينك لشمسي
ولهمومي كحل عيونك بدمعي وشحوبي
واعشقالهم اللي فيني هذا كانك تبيني
اختر الحل الصعب ياتفارق ياتحب

تم راشد محتار شو يسوي بعمره خلاص هو مب قادر يستحمل اكثر من جذي
ماقدر يمنع نفسه يتصل فيها مره ثانيه .. اتصل بس ما ردت عليه تم يفكر شو يسوي في هالـ عاليه اللي مخبلتنه .. فقرر يتصل في ربيعه مايد يمكن يساعده ولا يلقط فكره من افكار مايد وينفذها ..
اتصل في مايد وهو بعد ما يشل التلفون اكيد راقد هذا اللي فكر فيه راشد
عقب خمس دقايق .. اتصل فيه مايد ..
مايد: مرحبا الساع
راشد بعصبيه: ليش شليت تلفونك
مايد: كنت بزي .. ولا حرام اكون بزي
راشد: انزين ما علينا ..
مايد: شو صار معاك ؟ رمسيتها ولا شو
راشد: هيه رمسيتها بس هي لين الحين ما تصدقني
مايد: قلت لك اتزوجها اكيد ابوها بيوافق هي بتستحي من ابوها وبترضى فيك
راشد: لالالا هاي الفكره شلها من بالك يا حبيبي
مايد: ليش الزواج ستر .. خذها وفك عمرك وحلوا مشاكلكم بروحكم
راشد: ياخي انته ما تفهم شي ( يرفع ايده من حرته) عاليه خلالالالاص ما تبغيني
مايد: ياخي تبغيك بس تكابر ..
راشد: خلها تكابر انا وراها وراها .. لين ما تحبني
مايد: الصراحه راشد بس لاتزعل انته ذال عمرك ع الفاضي ..
راشد: عادي بذل عمري حتى لو كرامتي راحت بعد انا بركض وراها لين ما تحبني
مايد: خيبه خيبه مب حب هذا .. الله لا يذلني عسب حب بنيه ..
راشد: زين زين
مايد: شو زين زين .. وينك انته .؟؟
راشد: انا ع البحــر
مايد: خيبه تخيبك في هالحر شو ما تموت حر
راشد: لا ما اموت الجو لاباس فيه تعال
مايد: لا ابويه مب ذابح عمري روح زين
راشد: عيل لاتسأل
مايد: ماعرف شو سالفتك كل ما تبغي ترمس حبيبتك ترمسها ع البحر ماعرف شو ياينك ترمسها برع البيت اللي يشوفك يتحسبك قطو متشرد
راشد: لاني انفعل بسرعه ومابغي قوم امي يسمعوني ارمسها يالذكي
مايد: ليش تخاف
راشد: انا مب خايف لاني ارمس عاليه بالعكس .. بس الخوف من امي لو سمعت سيده بتخبر خالتي وخالتي اكيد بتقول حق بنتها .. وبنتها ما شاء الله نشارت خبور .. ماخلت حد ما حشت فيه .. آه بس لو ازخها اضربها ضرب واذبحها الساحره
مايد وهو منفعل: اووووف ليش كل هذا ؟؟؟ جيه بنتها شو مسويه فيك ؟؟
راشد: ثراك ما تعرفها هذي الساحره .. تدري محد خرب بيني وبين عاليه الا هااي .. اموت وااعرف هذي شو قصتها معااي كارهتني كره وانا اكرهه عشان هالسالفه.. ياخي كرهتني عيشتي خربت حياتي .. العذاب اللي انا فيه سبته هاي السوسه .. لو بس ازخها بربطها وبحرقها في الشمس لين ما تذوب بعفنها هناك .. كرهت اسير بيت خالتي والسبه بنتها .. شو اقولك عنها شيطانه ام لسانين ..
مايد: وانته شلك فيها (بعد ما استوعب كلااام راشد ان روضه تصير ربيعة عاليه) يالذكي ليش ما فكرت فيها
راشد: اتزوجها لالا شو مينون ( قاطعه مايد(
مايد: لالالا انا مب قصدي تتزوجها انا قصدي ليش ما فكرت فيها انك تحل المشكله عن طريق بنت خالتك
راشد بكل انتباه: كيف ؟!!
مايد: انا بقولك كيف ... بنت خالتك تصير ربيعة عاليــه انزين.. وعاليه اكيد تسمع كلام بنت خالتك مدام بنت خالتك اللي خربت بينكم ..وجذي انته سير وقول حق بنت خالتك كل اللي يصير فيك وقول انك تحبها وتبغي تزوجها بس تبغي عاليه تكون راضيه عليك .. انزين
راشد : انزين وبعدين ..
مايد: انزين .. سير عندها وقول قصتك كلها .. وهي اكيد بتتعاطف معاك ..سير قول لها انك تحب ربيعتها .. وهي طبًعًا ما بتقصر بتسير على طووول بتخبر عاليه على كل شي .. وان شاء الله عاليه ترد لك وشكرًا لحسن تعاونكم معنا .
راشد: لالالا كيف راحت عن بالي هالسالفه .. افا يا راشد مخك وينه من الصبح
مايد: في جيبه هاهاهااههاي
راشد: ماعلينا الحين .. يعني اكيد الخطه مضمونه ؟؟
مايد: اكيد مدامها من هالراس .. اكيد انته سير عند بنت خالتك وانته مغمض هاهاهاي وقول كل شي وهي بتساعدك ان شاء الله
راشد: ياريت ..
مايد: الحين بعد ما حلينا سالفتك .. استودعك الله ابغي ارقد
راشد: زين روح ارقد ابويه سير زين حفظك الكلمه استودعك الله
مايد: يعني لازم تغثني قبل لا ارقد ياخي بلاك
راشد: لاحوول لاتعور راسي جنك عيوز
مايد: فديت عيوزي
راشد: الله يخليها لك
مايد: آمين ومع السلامه
راشد: الله وياك

فكر راشد يطرش مسج لعالــيه
تذكر صاحبك وارجع
تقرب له ولو بالصوت
على آخر نفسواقف
تجي ولا يجيه الموت
واظن الموت أقرب منك
واظن انك تبي موته
واخافانك بعد موته
تحن وتفتح التابوت
واخاف من القهر يقفل في وجهك بابتابوته

-------------------------------------
بيت عاليه ..
بالتحديد في غرفتها..
------------------------------------

كانت يالسه عاليه وسرحانه مب عارفه شو تسوي براشد هي الحين ما تباه هو ليش متعلق فيها هالكثر.. وبعدين ليش يالس يتصل فيها الحين هو مب يبغي ينساها خلاص .. ليش يالس يجذب عليها مره ثانيه... وهي يالسه تفكر وهي سرحانه .. صوت المسج قطع افكارها
شافت مسج من راشد ..
وهي مب قادره تتخيل راشد .. هي قبل بالعافيه كانت تحصل مسجات من راشد حتى يوم كان يتصل فيها .. ما كان يرمسها وايد كان يتعذر لها يقول عنده شغل ولا معزوم عند ربعه ولا ولا ولا .................. الـــخ
وكانت هي تركض وراها .. والحين العكس ..يركض وراها ويتمنى كلمه منها ونظره ..

فطرشت له مسج ترد عليه
لا تعتذر بدموع هذينهايه
إبعد وانا ابعد ما ورا البعد تجريح
إن قلت او ما قلت ردي كفاية
خلالفراق يحل كل المواضيع
ماتلتقي في الدرب غاية وغاية
الدرب واحد مايجي فيهتنويع

عاليه: هذا متى بيفهم اني خلاص ما ابغيه شو ما يحس مافيه دم.. شو نوعه هذا .. خلاص ما ابغيك لاتحاول معاي.. ما ابغيك ابتعد عني اففففف متى بتفك منه من ويهه

)وهي يالسه ترمس روحها ..شافت مسج ثاني من راشد (

لاجارت الدنيا ترى
الروح تفداك
مادام قلبييابعد
عمري يهواك
ومادامني حي
مستحيل أنساك
وبأبقى أحبك
إلى يومألقاك
وإذا حال الزمن
بيننا ياملاك
أرجوك ماتنسى
قلب أغلاك
عايشبدنياه وهو
باقي على ذكراك

سخيف يتحسبني برد له بمسج ولا مسجين .. مسكين حالك يا رشود
وطرشت له مسج ثاني
خلاصيكفيني معاناة وياك
ارحل وبرحل مابقا شي فيني
اتعبتني وياك واتعبنيرضاك
واتعبت قلبي ياشقاي ونيني
محدن ترى فيني يسوي سواياك
محدن غيركاهمومه تجيني

ما مرت الساعه دقايق الا وراشد مطرش لها مسج ثاني
اكتبي ما ابيك بالخط العريض
وأضربي في حبنا حايطجفاك
واتركي دمعي على خدي يفيض
يمكن انه لأنتثر يروي ضماك
في فراش الموتخليني مريض
أنتظر موتي ولا أعيش برجاك
اشهد اني يوم فارقتك حضيض
لو نهايةرحلتي صارت هلاك

فطرشت لها مسج وخلت تلفونها على سايلنت ورقدت ..
عسب تفتك منه وحشرته
مع السلامه

مانبيغيرفرقااك
دامكمقفي
مالنافيكقدره

------------------------------
بيت راشــد
بالتحديد في الصــاله
--------------------------------
ام راشد كانت ترمس سعيد اخو راشد على اساس يدورون حق راشد حرمه من قرايبهم وطبعًا راشد ماعنده خبر بالسالفه
ام راشد: ياسعيد راشد محتاي حرمه تهتم فيه وتعاونه وانا ماقدر على طلباته انا بروحي تعبانه وريلي ما تشلني وكيف تباني اتراكض لطلبات راشد
سعيد: راشد مب مال حرمه راشد حق الهياته وما يستحي هذا بيفضحنا جدام العرب اذا خذ بنتهم ..
ام راشد: الزواج ستر حق الريايل والحريم خله يزوج وشوف كيف بيتغير بصير سنع .. بيحس بالمسؤوليه
سعيد: اقص ايدي اذا هذا غدا شرات الاوادم
ام راشد: نسيت عمرك يوم كنت كبره ها يا سعود
سعيد: امي انا غير هو غير ..
ام راشد: لا غير ولا شياته راشد بعد غير
سعيد: محد مخربنه غير دلعج الزايد ..
ام راشد : مثل ما دلعتك دلعته .. وانتوا عندي نفس الشي ومحبتكم وحده

)دخل راشد الصاله وحالته حاله ... وتم سعيد يشوفه من فوق لين تحت .. جنه شايف شي غلط .. (

راشد : بلاك جذي تطالعني جنك شايف شي
سعيد: طالع شكلك تقول واحد شارب
راشد: انا شارب ...؟؟؟ كنت برد عليك رد يسكتك بس الله يسامحك
سعيد: من وين طالعه الشمس
راشد: من فوق راسك
سعيد: الله يهديك
راشد: ويهديك
ام راشد: ما تستحون انا هني وانتوا جذي ترمسون مب عيب عليكم
راشد وهو يلوي على امه : فديت هالويه امي فديتج نحن نحشمج ونحبج بس سعيد الله يهديه مخبلبي
سعيد: هيه صح انا اللي اخبل وانته بلسم للجروح
راشد وهو يتنهد: آآآه هيه صح
ام راشد: بلاك فديتك شو فيك
راشد: ها ..... ماشي .. اسمحولي انا بسير ارقد تعبان حدي
ام راشد: روح فديتك ربي لايتعبك ..
سعيد: هيه هيه سير ابويه سير
ام راشد: يوز عن الولد خله يروح يرتاح ما تشوف ويهه غادي اصفر .. وعليه ما ياكل شرات قبل .. حتى ما يضحك شرات قبل شوفه جيف صاير فديتك روح ارتاح ..

)قام راشد وسار غرفته .. مع كل خطوه يفكر في عاليه .. حتى قلبه صار ينبض بسم عاليه كل شي فيه عاليه .. عاليه .. عاليه ..
مب قادر يشل هالانسانه من باله صارت عاليه اكله و شربه وحتى نومه
صارت عاليه بطلة احلامه .. (

ويـــن يا منتسهر عيوني مت ولا حي يالغالي
اذكر انك مصدر جنوني وكل ما يطري على بالي
اننسيت انساك وتهوني في دقيقه ينقلب حالي
كيف ترضى عايش بدوني وانته بك تتعلقامالي
ما تحمل تصدق ضنوني لو تغيب الناس تبقالي
غصب عن منهم يلوموني وكلعذالك وعذالي
هي خلاصت حبي وشجوني وانته دوم الكوكب العالي
بس لاتغدر ولاتخوني يالعرب ما تولد اللالي

الجـــزء السابــع
~~)(~~كفى ماجرالــي ياغلا منك وجاني كفاني ترا حكم الجفى منك يكفيني~~)(~~

كفى ماجرالــي ياغلا منك وجاني
كفاني ترا حكم الجفى منك يكفيني
عيوني لكم ذاقت ورمشي و جفاني
ونار الشقى والشوق في القلب تكويني
انا الشوق من جور الجفا بان في عياني
وانا الوجد من جود العنا عاد مشكيني
حلى الحسن في رمشك على الحب وزاني
تباعتك ولا ادري وين؟! دربك موديني
سلبت الخفوق وايش تبغي بعد ثاني
ترا الروح في كفك وحبك معنيني
تعبت اشتكي منك وحبك تبلاني
تعبت اطلب وصالك ولا تبغي تجيني

تم راشد متحسف على اللي سواه في عاليه .. صدق ان الدنيا دواره
بعد ما باعها الحين يباها ..

كان يحاول يرقد بس مب قادر يرقد .. يحاول يمحي عاليه من خياله مب قادر
حتى في صلاته قام يفكر فيها .. اتي في احلامه .. والشي اللي ذابحنه انه يحلم فيها وهي ميته ..
هالشي اللي يخوفه عليها وايد .. تمت عاليه مسيطره على راشد طول الوقت صارت عاليه كل شي في حياة راشد ...
اللي يشوف راشد الحين يتعجب ويس

__________________

البحث عن مواضيع لنفس العضو

__________________

العاب بنات

27 -12 -2006, 05:52 PM

دقيقهتروح في بعدك سنه
ياعشق الروح وتاج الراس وكل الحب
والأحساس ياغير الناسياحبيبي
حياتي فداك والله فداك فدا عمرك
فدا دنياك ولا لي سواك ياحبيبي
لك في القلب شوق واحساس ودفى
حبك عالي فوق مخلوص بوفى
ياغلى بشر ياعمري انا كل
دقيقه تروح في بعدك سنه
واهواك .. اهواك .. اهواك ..
اهواكياعمري انا
اهواك ياروحي
اهواك لالا تنساني
وياك لو تبعد عني
وياك ياقطعه مني
وياك يمك حولك تلقاني
وانا اهواك .. اهواك ..

-----------------------
في بيت عاليه
في غرفة عاليه
-----------------------
عاليه كانت محتاره شو تلبس حق بيت ربيعتها
وتذكرت انها لين الحين ما خبرت امها انها بتظهر سارت صوب غرفة امها
ودقت الباب .. تمت تدق باب امها بس امها ما كانت ترمس ولا شي
دشت غرفة امها من الخوف شافت امها طايحه على السرير ..
من خوفها تمت تدق امها
عاليه بخوف: امي .. امي ردي عليه .. امي
رشت عليها ماي امها مب حاسه بشي .. أي شي تحركها مب قادر خافت على امها مالقت حد حتى هي ما تعرف عن ابوها شي .. بتتخبر عند منو هي اصلا ماتعرف حد مالقت غير انها تشل امها مع البشكاره ويروحون المستشفى ..
تمت عاليه خايفه على امها ...
مب متخيله ان امها شي يصير فيها لو صار فيها شي ..
وحالة عاليه ماتسر يالسه وتصيح على امها .. وهي في السياره تحاول تحرك امها بس امها ما تتحرك .. تمت حاضنه امها وهي تصيح
عاليه: امي قووومي الله يخليج امممي نشي دخيلج لاتهديني روحي .. امي انا بدونج ما اقدر اعيش الله يخليج امي قووومي دخييييلج انا بدونج ما اسوى فديتج امي قوووووومي والله لو تهزبيني ميلون سنه لو تضربيني وتذبحيني انا ما بقول شي بتم طول حياتي معااج قووومي امي الله يخليييييييج
وتمت تصيح طول الطريج مب متخيله حياتها بدون امها كانت خايفه ان امها تموت ..

" في المستشفى "
دخلوا ام عاليه في العنايه .. وحولينها الدكاتره ..
وعاليه كل ما تشوف دكتور يدخل ولا سستر تظهر من الغرفه كل ساعه ناطه وتسال عن امها بس ما كانوا يعبرونها يقولون لها كلمه وحده بس " سليمه ان شاء الله " ..
تمت طول الوقت تتحرقص في مكانها مب قادره تقعد .. وكل ما تشوف البشكاره اتم تهزبها وتظهر حرتها فيها ..
تمت عاليه على هالحاله اكثر من ساعه ..
وهي يالسه على اعصابها رن تلفونها .. فشلته ..
روضه: عاليوووه متى بتين ؟؟؟ بطيتي وايد
عاليه وهي تصيح: روووووضه ماقدر اييي امي في المستشفى
روضه: شوووو امج في المستشفى ؟؟ ليش شو صاير
عاليه : ماعرف ماعرف لين الحين محد معبرني .. دكتور يدخل ودكتور يظهر روووضه انا خايفه على امي اخاف يصير فيها شي ..
روضه: فال الله ولا فالج انا الحين بيي مع امي لاتحاتين ..
عاليه : تعالي روضوه انا ماعندي حد
روضه: ابوج ؟؟ اتصلي فيه
عاليه: ماعرف ماعرف عنه شي .. دخيلج روووضه انا اللي فيني مكفيني الله يرحم والدينج
روضه: خلاص انا يايه مع امي يمكن خالووه اتي معانا .
عاليه: انزين تعالي بس لاتبطين .. انا بروحي ماعرف شي هني
روضه: انزين يالله باي الحين بييج
عاليه: باي

تمت عاليه تتريا روضه .. مب قادره تتريا اكثر من جذي اول ما ظهر الدكتور راحت ورمسته
عاليه: دكتور الله يخليك قول امي شو بلاها
دكتور: مافيهاش حاجه .. بس هي من التعب والأرهاق حست بتعب ..
عاليه: يعني مافيها شي ابد
دكتور: هي عندها سكر مرتفع اوي .. ولازم ننظمه عندها ..
عاليه: يعني بتكون بخير الحين بتظهر وبنوديها البيت
دكتور: لا يابنتي مش دلوأتي .. الست الحجه لازم تبات عندنا اليومين دول
عاليه: اها يعني بتصير بخير
دكتور: الحمدلله الست الحجه بخير دلوأتي
عاليه: الحمدلله ..

سارت ويلست على الكرسي .. وتمت تصيح من خوفها على امها حست ان الدكتور يالس يجذب عليها .. هي تحاول تصدق كلامه بس مب قادره.. وهي منزل راسها حست وحده تمسح على راسها يوم رفعت راسها ..
شافت روضه وامها ووحده غريبه معاها واحد واقف بعيد من كثر دموع اللي بعينها ما شافته عدل
ام روضه: خير يا بنيتي ش بلاها امج
عاليه وهي تصيح: ماعرف ماعرف
روضه: ماسألتي الدكتور ولا السستر ولا حد
عاليه: محد معبرني سألت الدكتور قالي نوبة سكر ..
ام راشد: هيه مابلاها شي الغاليه .. انتي هدي عمرج ان شاء الله حالتها بتتحسن بتشوفينها جدامج
عاليه: ياريت والله ان شاء الله
روضه: انتي هدي اعصابج

تعبانه يا يمه من جد تعبانه
واحوالي يا يمه ما اظنها بتسرك
تعالي ردي عن قلبي احزانه
محتاجه يا يمهابكي على صدرك
من غيبتك وانا مهمومه حيرانه
ماعندي الا آه وثيابكوعطرك
كم ليلة مرت مانمت سهرانه
ولهانه يا يمه وللحين انتظرك
من كثرتاهمومي والوقت وحزانه
تعالي يا يمه عمري فدا عمرك
قلبي نطق همه ويصوتاللسانه
الحال يا يمه ما هو على خبرك
محتاجه يا يمه ابكي علىصدرك

----------------------------
في المستشفى
عند الممر ..
" راشد"
-----------------------------
تم راشد من بعيد يشوف عاليه تصيح مب متخيل المنظر اللي يشوفه
في خاطره يشوف عاليه ويخليها جريبه منه عسب يسكتها
مب متحمل هالشي اللي يشوفه .. عاليه حبيبت قلبه تصيح
تم يشوفها من بعيد ..
من شاف الدكتور ظاهر من غرفة العنايه ..
سار سيده عند الدكتور ..
راشد: دكتور دكتور
دكتور: نعم يابني عاوز حاجه
راشد: دكتور الحجيه اللي داخل شو بلاها؟!
دكتور: انته بتقرب لها ؟؟ انته ابنها
راشد: لا بس اقرب لها ..
دكتور: اها تقربلك .. يابني الحجه حالتها مستقره بس هي محتاجه راحه ..ومحتاجه .. لتبأه معانا هنا كم يوم
راشد: مب تقول حالتها مستقره
دكتور: ده على حسب المرض هو مستقر بس اذا جينا للحجيه هي محتاجه للعلاج وراحه التامه ونحن عاوزينها تكون تحت مراقبه الدكاتره اللي عندنا ..
راشد: انزين دكتور .. كم يوم بترقدونها عندكم
دكتور: والله ماعرفش .. على حسب العلاج
راشد: اها زين يعني انته متاكد مابلاها شي
دكتور: لا ان شاء الله ماتفولشِ على الحجيه
راشد: ان شاء الله مشكور دكتور
دكتور: العفو يابني ..

)متخيل اني راح اقدر اصبر واتحمل اكثر حتى لوجروحي تكبر لاحبيبي لا .. انا ناطر حبيبي ترجع لي ياحبيبي انا ناطر .. مهما حاولتاداري لهفة روحي وناري مهما طال انتظاري انا ناطر(

الجــزء التاســع
~~)(~~شكرًا على النسيان آسف علىاللي كان الحب ورد ومات ذبل على الأغصان~~)(~~

------------------------
في المستشفى
في غرفة ام عاليه
------------------------
تمت عاليه طول والوقت خايفه على امها لين ما استقرت حالتها ..
وبعدين ودوها في غرفه خاصه .. وتمت عاليه طول الوقت متلومه في امها ..
خايفه عليها .. وام روضه وام راشد يالسين ويهدون فيها
وراشد طبعًا من بعيد يالس يشوفها .. يوم هي كانت بروحها يا راشد صوبها.. وعاليه ماعبرته ابد كانت تحاول انها تتجاهله بس بدون ما تحس كنت تبغي تشوفه لو شويه .. راشد وحشها .. بس هي عندها كرامه ماتبغي راشد يحس انها مشتاقه له .. كانت تبغي تراويه انها عايشه حياتها مب مهتمه لو دقيقه بفراقه معنا هالشي
كان ذابحنها ..

عاليه وهي تحظن امها : فديتج امي .. والله خوفتيني عليج
ام عاليه: هالكثر تحبيني ياعاليه
عاليه: امي بالله عليج هذا سؤال اكيد احبج واموت عليج انا من لي غيرج في هالدنيا انتي امي انتي اختي انتي ابوي انتي صديقتي انتي كل شي في حياتي
ام عاليه: ابوج ؟؟؟ هييه هأ
عاليه: امي لاتعورين قلبج على سالفه صارت خلاص ابوي مايستاهلج ..؟؟
ام عاليه: بس يابنتي انا احاتيج انتي من عقبي شو بيكون حالج .. حتى ابوج ما يزورنا ولا يعرف عنج شي.. قاطع علاقته فينا خير شر .. حتى مايتصل يسأل عنج
عاليه بحزن: امي نحن شو نبي فيه ..هو ريال عنده حياته مايبغي يعور راسه بشي صار واستوى .. يمكن كنت انا غلطه في حياته
ام عاليه: لاتقولين جذي .. انتي عندي يابنتي شي كبير ... مايعلم فيه الا الله .. انتي بنتي وحيدتي وبجري
عاليه: صح شولنا في عوار الراس اللي ما يبينا مابنصيح نبيه خله يتزوج ويطلق على كيف كيفه محد بيجبره على محبتنا ومانبغيه ينشد عن احوالنا .. خل هاللي ياخذهن ينفعونه
ام عاليه : لاتقسين قلبج على ابوج ياعاليه .. مهما يكون هذا ابوج .. انتي شايله اسمه مب حريمه
عاليه: بعدج تبغينه وشاريتنه بعد اللي سواه فيج
ام عاليه: انا ماقلت ابغيه بس هو ابوج هذا اللي اذكرج فيه لو وين رحتى بيكون هذا ابوج .. لو شو سويتي بينادونج بأسم ابوج
عاليه: ادري بس امي لاتعورين قلبج بهالسالفه خلاص فديتج الله صار صار
ام عاليه: صدق شو لنا بعوار الراس .. خلي اللي بالقلب في القلب
عاليه: لاحوول انا شو اللي ذكرني في السالفه ... مشكله هاللسان لما يزل
ام عاليه: ههههه خلاص مب مشكله
عاليه: فديت هالضحكه يعلها دوووووم
تمت عاليه مع امها ... وهي يالسه تلعوزها وتضحكها عسب تنسى شوي من همومها ..

----------------------------
في بيت راشــد
في الصالـــه
---------------------------
راشد يالس يحاول مع امه عسب تزور ام عاليه ..
وعسب يجحل عينه بشوفة عاليه .. يبغي يعرف شو حالتها الحين
ام راشد: لاتحاول اصلا انا ماعرف الحرمه ولا تعرفني جيف تبغيني اروح ازورها في المستشفى
راشد: عيل ذاك اليوم ليش رحتي عندها ها ؟ مع انج ماتعرفينها ولا تعرفج ؟؟ ليش رحتي عند بنتها
ام راشد: والله الواجب .. لو مب الواجب جان مارحت ..
راشد: ها قلتيها الواجب .. عيل الحين سيري كملي الواجب
ام راشد: وييه بروحي اروح لها
راشد: ليش روحي مع خالتي اكيد روضه تبغي تروح عند ربيعتها وخالتي بتروح معاها ..انتي اسبقيهم وروحي امي دخيلج الله يخليج روحي
ام راشد: وانته ليش متحمس لسيره ها ليش تبغي تخليني اروح ولا عايبتنك التبحلق في بنات خلق الله
راشد وهو قافط : امي شو هالكلام الله يهديج الحين وين ابحلق في بنات خلق الله من زود ما اشوف حد هناك ..
ام راشد: انا بزور الحرمه
راشد هو مستانس : زين هذا هو الكلام
ام راشد: بس ما بوديك معاي بروح مع الدريول
راشد : شووو ؟؟ ليش تروحين مع الدريوول؟؟؟ ماعندنا حريم يروحن مع الدريول
ام راشد: ها شفت يوم اقول انك تبغي تبحلق في بنات خلق الله تخلي عمرك مالك في هالسوالف يامسود الويه
راشد: لاحوول يامي انا ريال اعرف السنع لازم اسير معاج ليش انتي جذي عنيده امي انا ولدج
ام راشد: وانا عناد مب سايره معاك ..
راشد: لا امي بتسيرين معاي
ام راشد: لا مب سايره
راشد: لا بتسيرين
ام راشد: راشد يوز عني ولا تعاند
راشد: والله بزعل منج امي ولا برمسج
ام راشد: لاحووول خلاص خلاص بسير معاك حشى مب مستشفى الله مخبل فيك خبال
راشد بصوت واطي: المستشفى واللي في المستشفى
ام راشد: سمعتك منو اللي في المستشفى ؟؟؟
راشد: ولاحد ولاحد ؟؟ وبعدين امي جيف سمعتيني ها ؟
ام راشد: جيه قالولك عني صمخه ما اسمع
راشد: حشى والف حشى ماعاش من يقولج هالكلام
ام راشد: زين
طلع راشد من عند امه وسار في غرفته تم يفكر لو عاليه شافته شو بتسوي اكيد مابترمس وبتضطر تيلس معاهم وهو عاد بيتم يتبحلق فيها .. من زمان ما شافها عاد اليوم عنده عيد ...

هب من الشرق نسنانس
عاد قلبي يبيهم حبهم ساكن
الراسوميت موت فيهم
حسهم بين الأنفاس بالضلوع احتويهم
صابر قاطع الياس فيامل التقيهم
والفكر تاه وحتاس كثر شوقي إليهم هم
خذوا كل الأحساسبالعمر افتديهم

-------------------------
في المستشفى
في غرفة عاليه
الساعه 5 العصر
--------------------------
عاليه يالسه وهي حمقانه شوي وتنفجر ..
يالسه وتطالع راشد بنص عين وكارهه حياتها الود ودها تطرده من مكانه
بس ماتقدر لانه يالس يسولف مع امها واذا سوت حركه ولا شي امها بتذبحها
هي تعرف امها زين ..
وهي يالسه تسمع كلام ام راشد .. من اسلوب ام راشد حست ان امه وايد طيبه وعلى نياتها ..
تمت حمقانه ..
ام عاليه: عاليه يمه قهوي خالتج ليش يالسه
عاليه وهي تطالع راشد: ان شاء الله
ام راشد: لالالا ماقدر اشرب القهوه بروحه الضغط جاتلني
ام عاليه: بعيد الشر عنج .. ياختي هالضغط هاب فينا هب
ام راشد : هيه والله
عاليه : يعني ما اصب
ام عاليه: لا فديتج مب زين حقها .. (وهي تصد على ام راشد) عيل عطيها عصير
ام راشد: ياختي مايحتاي .. مابي لو ابي بروحي بنش وبشرب
ام عاليه: مايصير .. الناس شو يقولون عنا بعدين مانعرف السنع
راشد وداش عرض: افا منو قال ؟؟ تعرفين السنع خالتي (وصد على عاليه وهو شاق الحلج) وبنتج بعد تعرف السنع وسنعه ..
تمت عاليه تطالعه وهي فاجه عيونها شوي بتعفد عليه وبتذبحه .. الود ودها تخنقه وبتذبحه وتفتك منه
راشد: والله ياخالوه اول ماعرفت انج مريضه سيده ييت عندج وقلت لازم اسوي الواجب
ام عاليه: فيك الخير .. والسنع معروف من صوبكم
ام راشد: تسلمين والله ... على العموم نترخص منكم
ام عاليه : افا .. توكم ياين مايصير ياختي
راشد: وقت ثاني ان شاء الله ..
ام راشد: من رخصتكم
ام عاليه: الله وياكــم .. ودرب السلامــه
عاليه: يعني لازم اتي مع ولدها
ام عاليه: عيب عليج ... هذي يزاتهم يعني .. ياين يزوروني والله فيهم الخير ..
عاليه: ادري بس المفروض ما ايي معاها ..
ام عاليه: والله اني حبيت هالولد شكله ولد حلال وطيب
عاليه وهي متنرفزه: وين طيب شكله واحد تافه ماعنده سالفه
ام عاليه: يابنتي لاتظنين ظن السوء مب زين
عاليه: زين مب مشكله

--------------------
في سيارة راشد
--------------------
من اول ما ظهروا وام راشد يالسه وتتمدح في عاليه من كثر ما تمدحها امه تم راشد يتنهد .. وكل ماقالت شي امه قال هيه والله ..
ام راشد: والله محلاها البنت شكلها وحده متربيه وعندها ذوق
راشد: هيه والله
ام راشد: وتعرف السنع .. ماشفتها اشكثر كانت خايفه على امها ذاك اليوم
راشد: هيه والله
ام راشد: شو بلاك ماسكلي هيه والله وهيه والله ؟؟
راشد وهو مب منتبه: هيه والله
ام راشد: حوووه اشياك .. ؟؟
راشد بعد ما انتبه : ها ؟؟ شو ؟؟ شو السالفه ؟؟
ام راشد: ولاشي ؟؟ وين رحت ببالك ؟؟
راشد: مارحت مكان ادريبج امي تبغين تحصلين عليه شي بس ما بتحصلين ههههه
ام راشد: ولا شو رايك نخطبلك هالبنت
راشد : منو هالبنت
ام راشد: عاليه
راشد وهو مب مصدق: شو عاليه؟؟
ام راشد: هيه عاليه .!! جيه شايف شي على البنت ؟؟
راشد: شو شايف ؟؟؟ هيه امي مب انتي تقولين حقي اني ابحلق في البنات اثاريج انتي اللي تبحلقين مب انا...
ام راشد: ابحلق في البنات عشانك .. عسب تتيوز وافتك منك ومن حشرتك
راشد: افا يا ام راشد .. والله ماكان العشم فيج
ام راشد: شو هالكلام بعد احشمني
راشد: امي انتي ربيعتي عادي ... لو ما تغشمر مع ربيعتي بتغشمر مع منو مع وحده غريبه مثلاً عيب ابويه منقود بين العربان
ام راشد: سود الله ويهك سوادٍ ما يبيض ..
راشد: قصدج بيض الله ويهك وبياضٍ ما يسود صح صح صح
ام راشد: هههههه والله انك .... والله ماعرف شو اقول
راشد: فديتج امي مابغي تقولين شي اهم شي عندي رضاااج
ام راشد: فديتك انا راضيه عنك طول عمري حتى بزلاتك انا راضيه عليك
راشد: ياويلي منج والله انج حبيبتي ياربيعتي هههههه

------------------------
الساعه 11 مساءًا
في بيت عاليه
في غرفة عاليه
------------------------
بكيتك لينملتني عيوني صبرت وطال
صبري وانتظاري حرام النوم ما قارب
جفوني وانتهللأسف منتى بداري
اناجي غربتٍ ليل وشجوني
واراجع في هوا قلبيقراري
عسى ما تكون خانتني ظنوني
او انه خاب في الحباختياري
عساهم يذكورني ما نسوني
مثل ذكرهم في البالطاريه
ازعلهم مثل ما زعلوني
واراضيهم بعد رد اعتباري
ابيكتختار بي ولا بدوني
كذا ولا كذا وليل ساري
حبايبنا عساهم يفهمونيانا
ما بيع دوم دومي شاري

كانت عاليه راقده من كثر تعبها .. وهي تبغي تقوم من وقت عسب تروح عند امها وتقعد معاها .. هي كانت تبغي تبات عند امها بس امها ماخلتها لان تدري بعاليه ماتحب المستشفيات ..

كانت راقده ومب حاسه باللي يصير حولها وفجأه رن تلفونها ..
من كثر ماهي تعبانه وتبغي ترقد شلت مبايلها بدون ماتشوف الرقم
عاليه وصوتها كله رقاد: الووو
راشد: راقده؟؟!!
عاليه: منووو
راشد: شو منو ؟؟ انا ؟؟
عاليه: اوووه واحد فاضي (وسكرت الخط في ويهه(
وبخت رقاد وهي مب مستوعبه شو صاير ويرن تلفونها مره ثانيه وشلته
عاليه: الوووو شووووو
راشد: حشى مب رقاد اللي صاك عليج صك
عاليه: لاحووول باي باي انا راقده
راشد: عرفتي منو انا
عاليه: مب لازم اعرف باي باي
راشد: شو باي عاليه رمسيني عدل
عاليه: روووووح زين باي
راشد: عاليه انا راشد ؟
عاليه: هيه هيه راشد ؟؟ خلاص باي (وسكرت الخط مره ثانيه(
واتصل فيها مره ثانيه بس عاليه ما كانت تشل .. التلفون يرن ويرن ويرن وعاليه باخه رقاد وماعليها من اللي يصير حولها
ورن تلفونها وعاليه مطنشه بس عقب ملت ؟؟!!
عاليه: اوووهووو محد يرقد يعني اففف خلوني في حالي
راشد: شووو عاليه ردي عليه ابغي ارمسج
عاليه: نعم ؟؟ منو انته
راشد: عاليه بلا استهبال انا راشد
عاليه بعد ما استوعبت : شو تبغي ها شو تبغي قول يالله بسرعه
راشد: ابيج انتي
عاليه: وناا ما ابيك يالله مع السلامه
راشد: عاليه صبري ؟؟
عاليه: شو ماتبغي تزور امي باجر بعد
راشد: بزورها .. ليش الزيارات ممنوعه
عاليه: هيه .. غرفة امي الزياره ممنوعه لها
راشد: ليش ؟
عاليه: بدون ليش .. وباي
راشد: لين متى بتظلين جذي يعني؟؟ لين متى بتمين جاسيه عليه ؟؟؟ لين متى بتظلين تظلميني قولي عاليه لين متى
عاليه: لين ما اموت
راشد: بعيد الشر عنج .. يعل يومي قبل يومج
عاليه: انزين انزين شو تبغي خلصني بسرعه
راشد: افا صار الوقت عندج بالدقايق ... صرتي الحين بزي ..ها ؟؟ على منو على راشد على اللي يحبج ويبغيج ؟
عاليه: بس ... خلاص.. كفايه جذب .. حرام عليك .. لين متى بتم تجذب وتجذب وتجذب حرام تعبت من هالجذب خلاص ارحم حالي وحالك ليش تجذب هالكثر شو تبغي ..؟؟؟ اذا تبغي ترمسلك وحده شي بنات بيرمسونك من اليوم ليييين باجر خلاص انا ما ابيك ارحمني الله يخليك
راشد: انا ابيج انتي مابي البنات الثانيات انا احبج انتي ابيج انتي؟؟ شفتج وشفت غيرج بس انا ابيج انتي القلب يهواج انتي
عاليه: راشد الزجاج ليتكسر صعب يتصلح
راشد: بس الحين كل شي يتصلح ؟؟ عاليه نحن ناس مب جماد.. حسي شوي حسي باللي احسه .. عاليه انا ندمان.. الله يسامح عبده اذا غلط انتي بني آدم وبشر ما تسامحين ؟؟
عاليه: راشد بلييز سكر انا مب قادره استحمل اكثر الله يخلييك ؟؟
راشد: ياريت تسامحيني ؟؟؟
عاليه: ماعرف ماعرف باي
راشد: باي

----------------------
في بيت راشد
في غرفته
--------------------
واشلونابصبر وانا على البعد ما اصبر
ما علمتني حياتي غير حبي لك
مرات اقول الجفامكتوب و مقدر
ومرات اقول اللقى مكتوب و اجيلك
من علم الناس ما تسهر وانااسهر
من علم الناس ماتبجي وانا ابجي لك
حبك تركني مابين اقدر ومااقدر
اجمع صباحك خطى واصحا على ليلك
الخوفي عنك اماني العمر لا تقصر
بيناحتياجي لنفسي واحتياجي لك
واخاف لموت في قربك ولا تشعر
واخاف العمر يمشي بيوانا امشيلك

راشد: اففففف هذي متى بتفهم اني اباها .. متى بتحس .. متى بتفكر اني ابغيها شو تتحسبني ما احبها .. والله اني ندمان افففف (بصوت عالي (والله ندمااااااااااااان.. متى بتحس متى بتحس متى بتحسسسسس.. ودي اختنق وافتك من هالعيشه ..ابغي اموووت ياربي خذ روحي بس عسب افتك متى بمووت مب قادر استحمل اكثر من جذي هذي مب عيشه ليش حبيتها ليش حبيت اصلاً انا شلي بالحب .. انا مالي ومال الحب لعن الحب وسنينه ..

ومن كثر ماهو محتر منها حب يزعجها وهي راقده غلاسه منه طرش لها مسج
والله
أحبـــك مـــوت
لـــو يمــوت
الصــــدق
فأحضـــان
السكــــــوت
والزعــــل
يسكـــن بيــوت
والفراق يصيــر عادي
والكــذب فــــي
كــــل وادي
ويصبــح الابيــض رمـــادي
والفرح يلبـــس ســـواد
ويعلـــن الحـــبحـــداد
مـــا يغيـــر
فـــــــي فـــؤادي
قلتهــــا بمليــــونصــــوت
أحبـــــــــــــــــــــك

وطرش لها مسج ثاني عناد راكبه الا يخليها تتخبل في رقادها
غالــــي بقلبـــيمثــل ذاكالقمــر فـــوق ..!
وأسقيـــك مـــن عــذبالمشــاعـــروأزيــدك ..!
هــذا قليــل مــن الغــلأا جــاكمنطـــــــوق..!
وإلا بقلبــــي يعلــم اللهرصيـــدك ..!
إنجيـــت وإن مـــا جيـتباقي لـك الشـوق..!
وقلبــي مثــل مـــا هـــــوعلــى حطـــة ايــدك...!

تم راشد يالس ويتمنى ان عاليه ترمسه
بس مب معبرتنه
راشد: ياخي هذي متى بتحس اففففففف انا اعرف شغلي معاها .. يا انا يا انتي يا عاليه

-----------------------
في بيت روضه
في غرفة روضه
-------------------------
روضه: راشد بليز ماقدر اقنعها .. وبعدين ماقدر اقول لها حبي راشد غصب هو
راشد: مب غصب بس ليش ماتفهم .. ياخي قولي لها ان راشد يحبج صدق انتي وضحي لها هالشي قولي لها اني تغيرت قولي اني صرت واحد ثاني
روضه: لاحول .. ماعرف شو اقولك .. بس ماقدر اقول حق البنت شي وانته شي ثاني تبغيني اجذب عليها
راشد: شفتيني جذبت ؟؟؟ هذي الحقيقه .. انا تغيرت صرت واحد ثاني
روضه: امممم بفكر ..
راشد: شو تفكرين ياخي فكينا مب انتي اللي خربتي كل شي خلاص الحين صلحي الوضع بكيفج انتي وربيعتج ؟؟ وبعدين انتي اللي بتعدلينه مثل ما خربيته فكينا عاد
روضه: لا يالس تهددني.. مدام السالفه عناد بتشوف يا راشد انا مابعدل لك الوضع ولا بقول حق عاليه شي
راشد: ترا والله اخلي امي اتي تخطبج
روضه: شو تهددني.. اوكيه تعال وانا بوافق مب انته ولد خالتي واولى من الغريب انا موافقه عناد فيك
راشد: تعاندين اوكيه بتشوفين شو بسوي فيج
روضه: اوكيه يالله متى امك بتي تخطبني ؟؟
راشد: يوم بتموتين يالساحره والله طالعي شو بسوي فيج بعدج ماعرفتي منو راشد
روضه: روح زين ... اونه شو يهددني خوفتني خوفتني لالالا خوفتني
راشد بعصبيه: روووضوووووه جب
روضه: انا اسمي روضه مب روضوه وبعدين بما اني بصير زوجتك دلعني رواضي اوجيج
راشد: يعل دلعج هندي
روضه: ها هندي ؟؟ انته بتكون ريلي يعني انته هندي ههههههههههههه
راشد: براويج والله براويج وبتشوفين
روضه: الله يشفيك

------------------------
في سيارة راشد
------------------------
طلع راشد من بيتهم وهو معصب ويالس يسوق سيارته وهو معصب مب مستوعب حتى الشارع مب قادر يشوفه عدل من العصبيه واصل حده
راشد: انا براويج يا روضه بعلمج منو راشد بتشوفين شو بسوي فيج انا تقولين حقي هالكلام والله ياروضه براويج بخليج تصيحين ليل ونهار اذا ما اكون راشد.. انا تقول هالكلام ولا احر عندي ابرد ماعندها بذبحج والله بذبحج
هو يالس يسوق بكل عصبيه وحالته حاله ويالس يتوعد على روضه
بدون مايحس كان مسرع وهو تفكيره مب في الشارع فطلع موتر من النيوتير جدامه فبغاااا يتجنب السياره مارام يسطر على الموتر لأنه كان مسرع..!!
فلف السكان مارام يسيطر ... وانجلــبت السياره ...!!!

الجــزء العاشـــر
~~)(~~لو شفت عني البعد يمنعك لو طول غيابي لالا تباكي بيوم مدمعك ماهو عشاني عشانه~~)(~~

سافرت عنك وخافقي معك ياسيدي عندك امـانة
ماطاع يالغالي يودعك يرحل معي ويترك مكــانة
خله معك يسهر ويسمع خله يسامرك بحنانـــة و
اذا الوله والشوق لوعك بتشوف طيفي في عيانة
لو شفت عني البعد يمنعك لو طول غيابي زمانة
لالالالاتبكي بيوم مدمعك ماهو عشاني عشــانة
بـــكره الليالي بي تجمع يانبض قلبي ياكيـانة
راجع لدنيا فرحتي معك راجع وعند لك امانة

حالت راشد كانت خطيره .. ولدرجة ان الدكاتره سوله عمليه في ريله ..

يتبع..........

__________________

البحث عن مواضيع لنفس العضو

__________________

العاب بنات

27 -12 -2006, 05:55 PM

وقلبه يدق شوي شوي يحاولون يضبطون دقات قلبه ويخلون دقاته طبيعيه.. ورقدوه في العنايه .. وحالتة اهله ماتسر امه يالسه وتبجي واخوه يالس مب عارف يهدي نفسه ولا يهدي امه وربيعه مايد واقف رايح وراد خايف على راشد
ام راشد وهي تبجي : ياسعيد روح شوفهم شو سوا في ولدي.. سير شوفهم محد منهم معبرنا روووح ياسعيد
سعيد: امي صبري انتي .. مافيه الا الخير ان شاء الله
ام راشد: انته من وين لك هالقلب اخوك حالته عند الله ومب عارفينه حي ولا ميت يالس تقول هالكلام
سعيد: امي مايستوي ادخل عندهم ... انتي ماتشوفين كم دكتور دخل عليه الحين.. ماقدر ادش ممنوع اصلا لو رحت محد بيعبرني
ام راشد: انا مالي شغل ابي ولدي الحين .. ابي ولدي (وتمت تبجي (
سعيد : يامي خلاص لاتسوين بحالج جذي والأعمار بأيد الله امي حرام عليج لاتقطعين قلبي اكثر من جذي
ام راشد: خبرت خالتك ان نحن في المستشفى
سعيد: هيه هيه قلت افففففففف هذيل متى بيطلعون ماعاد لي صبر

وفي هالوقت كانت روضه يالسه في غرفتها وهي يالسه تفكر اذا راشد صدق بيخطبها ولالا ...
هي حست انه يهددها بس جذي مب عارفه اذا هو من صدقه
بس هي بتوافق عسب تكسر عينه بس .. وراشد يستاهل اللي صار له عسب يحرم يسوي في البنات هالحركات ..
وهي يالسه تفكر .. دشت عليها امها ..
ام روضه: روووضه وينه اخوج علي
روضه: ماعرف .. طلع مع ربيعه .. امي بلاج جذي ياله تبجين
ام روضه: راشد ... (وتبجي(
روضه بخوف: راشد ؟؟!! بلاه راشد .؟؟!!
ام روضه: راشد في المستشفى ويقولون حالته خطيره مسوي حادث مايعرفون اذا حي ولا ميت
روضه بخوف: شوووو راشد في المستشفى ؟؟؟!!! متى هالكلام ومنو خبرج يمكن يجذبون عليج ويتبلون على راشد
ام روضه: شو يتبلون ولد خالتج سعيد متصل فينا يخبرني انا مالي يلسه هني مب قادره وديني المستشفى بسرعه
روضه: امي كيف اوديج صبري لين علي مايرد
ام روضه: الدريول وينه ها ؟؟ قوليله يزهب السياره تبي اروح اشوف ولد اختي.. هذا راشد الغالي اللي ربيته شرات ولدي
اتصلت روضه في الدريول وقالت له يزهب السياره وساروا المستشفى
وهم طول الطريج يحاتون
وروضه حالتها لله يالسه وتصيح حاسه بالندم من اللي سوته في راشد ..

في المستشفى ..
كانت ام راشد يالسه وتصيح ومن شافت اختها صاحت زياده ..!! وام روضه بدل لاتسكت اختها يالسه معاها وتصيح .. وروضه متلومه في راشد وخايفه يصير فيه شي والسبه هي ..

وسعيد ومايد يالسين تريون الدكتور يظهر عسب يسألونه
بعد اكثر من ثلاث ساعات مروا على العمليه طلع الدكتور من غرفة العمليه

سعيد ومايد على طول ساروا عند الدكتور عسب يسألون عن راشد
سعيد: دكتور بشر بلاه راشد
الدكتور: والله العمليه نجحت بس مب عارفين المضاعفات اللي بتصير فيه.. وهالشي بأيد والله وانا ماقدر اجذب عليكم ان حالة راشد خطيره وايد.. والأعمار بأيد الله
مايد: شووو يعني راشد بيروح منا انته شو تقول
سعيد: مايد هد اعصابك خل الدكتور يكمل
مايد: انته ماتسمع شو يقول هذا اونه بيروح منا هذا مينون ولا شو سالفته
سعيد: لاحووول ياخي صبر افففف
الدكتور: احنا سوينا اللي علينا والباجي على الله .. وبعدين نحن من اول مادخلوا المستشفى نحاول نضبط دقات قلبه وسوينا له عمليه في ريله ويمكن ..
سعيد: يمكن شو
مايد: لاتقول ان راشد مــا بيــمشي ..!!!
سعيد: دكتوور دخيلك كمل
الدكتور: والله هالشي مب بأيدنا بس العمليه نجحت وان شاء الله يمشي بس مابيقدر يمشي مثل قبل .!!
سعيد: يعني شو ؟؟.. بيعري .!!!
مايد: شو يعري جيه على كيفه هو ..!!
الدكتور: والله اكثر الأضرار في ريله وهالشي اللي أثر عليه ؟!!
سعيد: لو وديـناه خارج عادي بيعالجونه؟؟
الدكتور: هالشي راجع لكم .. بس العلاج في الخارج نفس علاجنا في الدوله
مايد: بنوديه خارج احسن على الأقل نتاكد
الدكتور: بس ماتقدرون تسفرونه الحين لان حالته خطيره ومب زين عليه الضغط
سعيد: انزين ماعليه خوف صح
الدكتور: حالته لين الحين مستقره بس محد يعرف
في هاللحظه يت النيرس ونادت على الدكتور لان يبونه ضروري
وستأذن الدكتور وسار
ومايد يالس ويزن على راس سعيد عسب يسفرون راشد عسب يتاكدون على حالته
وام راشد مب مخليه سعيد في حاله كل ساعه تسأله عنه اذا فيه شي ولالا
وسعيد يالس ويقول لها انه بخير وماعليه خوف
وروضه حاسه ان سعيد يالس ويجذب وهي متلومه في راشد وندمانه لو كانت موافقه يمكن راشد صدق تغير ..!! يمكن هو صدق يحب عاليه !! لو صار في راشد شي اكيد هي السبب ..!! روضه كانت تفكر بهالطريقه ماتدري ان الأعمار بأيد الله ..!!
وهي في المستشفى حست روضه انها لازم تصلح الوضع الحين .. ماشي مجال للتأجيــل لازم تخبر عاليه باللي صار في راشد ..!!
كانت روضه على وشك انها تتصل في عاليه .. بس غيرت رايها لان اكيد عاليه راقده هالوقت لان الحين الساعه الساعه 6 الصبح اكيد راقده .. ومب حلوه تتصل في عاليه هالوقت ..
قررت عقب تخبر عاليه ..!!

وفي هالوقت راشد كان راقد في العنايه ولين الحين ماقام من البنج ..
والدكاتره خايفين من مضاعفات العمليه خايفين ان راشد يتشلل مب بس يعري

-------------------------
في بيت عاليـه
الساعه :10:30 صباحًا
في غرفة عاليـه
--------------------------
عاليه: شوو ؟؟!! روضه عن الغشمره ؟؟
روضه: والله ما اجذب راشد في العنايه وحالته ماتسر
عاليه مب مصدقه: انتي شو تقولين ؟؟ خرفتي .. روضه دخيلج لاتجذبين شو تتحسبين اذا قلتي هالكلام خلاص بصدقج وبرضى على راشد ؟!
روضه: والله ما اجذب قسم بالله ما اجذب راشد في المستشفى وحالته خطيره ويمكن مايمشي مثل قبل
عاليه : ما اصدق ما اصدق ..؟؟
روضه: اذا ما تصدقين تعالي وشوفي .. عاليه راشد محتاج لج صدقيني اليوم اللي راشد سوا فيه حادث كان متصل فيني وكان يبي يصالح وتردون مثل قبل .!!هو يباج ويحبج انا شفت هالشي عليه هو يحبج شو يحبج اصلا هو يموت عليه ..عاليه لاتخربين على عمرج.. عاليه صدقيني راشد يباج هو اصلا كان يبي يخطبج
عاليه لا تحسسيني بالندم اني خربت عليج هالشي لاتخليني احس اني وحده منافقه عاليه الله يخليج لاتقسين قلبج هو يباج
عاليه وهي تصيح: شو الدليل انه يباني .. شو الدليل انه يحبني .. شو الدليل انه .......... ( صاحت(
روضه: خلاص عاليه انتي اذا ما تصدقيني تعالي وشوفي حالة راشد ؟؟ تعالي شوفي ويه راشد اذا كان هو .. ما بتعرفين شكله .. راشد من الحادث ويهه تغير مستوي انسان ثاني
عاليه: ليش تشوه؟؟!
روضه: لا .. ما تشووه بس ويهه شوي غير
عاليه: مب مصدقه راشد في هالحاله؟؟ ماقدر افكر الحين ماعرف شو اقولج ماعرف
روضه: عاليه انا ابي منج ترجعين لراشد اذا تشافى .. ابي منج تتصالحين معاه وترجعون مثل قبل
عاليه: ماعرف ماعرف .. بس انا ابي اشوفه
روضه: اممم تشوفينه صعب .. !! لان امه طول اليوم يالسه في المستشفى ؟؟ وبعدين اخوه هناك مايصير
عاليه: ادري ادري بس انا ابي اشووفه
روضه: بحاول ..
عاليه: .............
روضه: اقولج انا بسكر بروح عند راشد المستشفى ..
عاليه: روضه طلبـتج صوريه .؟ وطرشي لي صورته
روضه: شووو مايستوي اصوره
عاليه: مب عادي تدخلين عنده وتشوفينه
روضه: هيه يستوي بس ماقدر اصوره ممنوع
عاليه: عادي مايستوي شي صوريه دخيلج روضه
روضه: صعب صعب ماقدر وبعدين شو بيقولون عني اصور راشد جدام اهله ماقدر
عاليه: عشاني روضه عشاني
روضه بتردد: بشوف وبحاول ..!! يالله مع السلامه
عاليه: مع السلامه ..

تمت عاليه مب مصدقه باللي يصير اكيد راشد في المستشفى في البدايه تتحسب روضه تجذب عليها .. تحاول تصلح بينها وبين راشد ولا راشد قايل لها تسوي هالشي وتقول انه في المستشفى .. بس ماتدري ليش الحين تخاف عليه يمكن صدق هو في المستشفى بغت تتأكد اذا راشد صدق المستشفى ولالا
وهي يالسه حاسه بالخوف ..

زمن قاسي وامل مخدوع وجرحكبـــــــــــير بلايـــــــا
حدود دنيا تدور ماهمها ولا بحولـــــــــــهاويمهـــــــــا
ناس تعيش فرحانه وناس تمـــــــــــوت ابهمهـــــــــــا
اعيشبهالعمر لحظات ولا ادري وش باقــــي مـــــــــن
عمري اداري جرحي بالآهات واداويبالصبر صـــبري
ليالي طوال على هالحال وتواسي ليلي مـــعفجــــــــري

عمري قلبي فـداك كل حياتي اتصدق القلب متوله عليك والله عمري كله لك وانا مستحيل انسى هالحب اللي حبيته من كل قلبي ..!! حبيبي بقولك شي وحطه فــي بالــك وماتنـسى ابد إذا أنــا ما عشتــلك لا تنسانــي أتـــذكــر حبــك ..!!
ومانســتك ابــد زورنـــي .. كـــــل يـــوم... وكلمـــني عـــن حبـــك لـــي .. وأنـــا بسمــعك ..!!

احــبك..!! احبـــك..!! احـــبك..!!
وبظــلاحبــك ..!! حتــى وانامنتهـــيـــه ..!!

تمت عاليه ندمانه ليش ما صدقته ... وكانت يالسه وتقرا المسجات اللي راشد مطرشنهم حقـــها ..
تمت ندمانه على كل شي سوته فيه .. كانت تتمنى ان راشد يتصل فيها الحين بس وين بيتصل فيها وهو حالته حاله .. وحياته تحت رحمة الله ..

اعذريني يالهدايا لو هملتك في الزوايا
ماني متحمل اشوفك والليجابك مو معايا
اعذريني يالهدايا

اللي جابك وينهعندي يا ترا زعلان مني
مادرى اني في غيابه كم شكيت انا المرايا
اعذرينييالهدايا

راح وخلاني لحالي شفت ويش سوى بحالي
خبريني ويش اسوي لو عشققلبه سوايا
اعذريني يالهدايا

قولي لو هو حب غيري وش يكون اسمىمصيري
غير اموت انا بمكاني وترك الدنيا ورايا
اعذرينييالهدايا

الجـــزءالحادي عشر
~~)(~~يالليماخذني مني من يوم خذاك قلبي يتمنى يوصل يمك انته ويموت~~)(~~

فتح عيونه .. تم يطالع اللي حوله .. مستغرب !! متعجب باللي يصير حوله
هو وين ؟؟ وين راقد ؟؟ مكان غريب عليه ..!! شو صاير ؟؟
منو يابه هني ؟؟ مب متذكر شي .. راسه يعوره ... يحاول يقوم بس مب قادر!! في شي يمنعه ؟؟ شو هو ؟؟ مد ايده يحاول يفز من مكانه بس مب قادر ؟؟
هو وين ؟؟ شو هالمكان الغريب ؟؟
حرك راسه يمين ؟؟ لقى شي طويل وعليه واير ممتد لين ايده ؟؟
شو هذا ؟؟ وايش صار ؟؟
هو مب متذكر شي ؟؟ يحاول يتذكر .. بس مايروم
حاس بعوار في كل جسمه .. يبي يرمس بس مب قادر ؟؟
حاول يحرك ريله عسب ينش من مكانه ماقدر .؟؟
يحاول يشوف ؟؟ بس مايشوف شي بوضوح ؟؟
فتح عينه شوي شوي ..!! شاف اشكال ناس .. لا مو ناس
بس شخصين واقفين على راسه ؟؟ منو هذيل ؟؟
وشو يسون هني ؟؟ يحاول يرفع عمره عسب يشوفهم عدل بس مب قادر حاس غبار جدامه
عينه تحرقه وتعوره ؟؟ صداع فضيع ؟؟
سمع وحده ترمسه .. ويالسه تحبه ؟؟ منو هاي ؟؟
غريبه ؟؟
حاول يعصر مخه ؟؟ ماقدر ؟؟!!
فجأه شاف مجموعة ناس لابسين ابيض جدامه ؟؟ يالسين يحركونه
اللي يود ايده !! واللي تم يفحص عيونه ؟؟ واللي يحركه!! واللي يرمسه
بس هو مب قادر يرمس ؟؟
منو هذيل ؟؟ هو وين ؟؟ منو هالحرمه اللي تصيح عشانه ..؟؟ منو هالريال اللي يسكتها ؟؟
اشكالهم مب غريبه عليه .. بس مب قادر يستوعب اللي يصير حوله ..
حاس عمره يعرفهم ؟؟ بس مب قادر يتذكرهم ؟؟
ماقدر يمنع نفسه يرمس ؟؟
انا وين ؟؟ منو انتوا ؟؟ شو تبون مني ؟؟
ليش انا هني ؟؟ ليش هالوايرات عليه ؟؟
راسي يعورني ؟؟ شو سويتوا فيني ؟؟ عيوني تحرقني ؟؟
شو سويتوا فيني ؟؟
حاول يقول هالكلام .. حاول يرمس .. ويصارخ بهالكلام بس ماقدر ؟؟
حاس بعوار فضيع ؟؟ ريله ؟؟
مب قادر يشلها ؟؟ مب قادر يحركها ؟؟ اصلا مايحس فيها ؟؟
عيونه تحرقه ؟؟ مايشوف فيهن عدل .. وين عيونه؟؟ شلوهم ؟؟
شو صاير له ؟؟ حاس عمره عطشان ؟؟ يبي ماي ؟؟
راشد: ااااااااااااااااااا
ام راشد وهي تصيح: شوتبي فديتك ؟؟
راشد: ااااااااااااا راسي
ام راشد: شو بلاه راسك ؟؟ قول لي فديتك شو بلاه راسك ؟؟!!
راشد: ماااعرف يعور ؟؟
ام راشد: سلامت راسك يالغالي ... فيني ولا فيك
راشد: ابي اقوم
ام راشد: مب زين عشانك فديتك

--------------------
في بيت عاليـة
في غرفة عالية
الساعه:5 العصر
--------------------
ابكي عليك ابكي عليك من كثرما اشتاق لك
ابكي عليك ابكي عليك من كثر ما احتاجلك
ابكيك وانا وقلبي الذيمايبغي هالدنيا يبيك
ابكي عليك ..
ابكي عليك..
من كثر ما احتاج لك
رحتذبل عمري انا ماظل غيري والعنا
ماغير انا ظر صورتك واذكر ايام الهنا
كيف انتهتتركني وتسير قلبي انا بحبك اسير
ابكي عليك ..
ابكي عليك ..
من كثر مااحتاج لك
من كثر ما تطري علي القاك انا في كل شي
اصعب على الظالم وانا حاليمثل ميت وحي
يعني انا بكل اختصار عايش ولكن روحي فيك
ابكي عليك ..
ابكيعليك..
من كثر ما احتاج لك

كانت عاليه يالسه وتدعي حق راشد .. مب مصدقه راشد راقد في المستشفى
وحالته مايعلم فيها غير الله
كانت تحاول تشل راشد من بالها وتعيش يومها مثل قبل بس ماتقدر لان راشد ساكن في قلبها ..
كانت تتمنى تسير المستشفى وتشوفه .. بس ماتقدر تروح !!
لو سارت شو بيقولون عنها ما تستحي على ويهها .. شو بيقولون عنها ماعندها اهل
اهلها ماربوها ...!!
حاولت تنسى السالفه .. ظهرت من غرفتها .. كانت تبي تنزل تحت بس غيرت رايها
وسارت غرفة امها .. عسب تيلس معاها وتنسى شوي راشد وتخف هالمحاتاه..
دشت غرفة امها لقتها راقده .. تمت تطالع امها
توها بتظهر من غرفة امها .. امها نادتها ..
ام عاليه: عاليه ؟؟!!
عاليه: هلا يمه
ام عاليه: شو بلاج يمه ؟؟ تعبانه مكان يعورج؟؟
عاليه : ها ؟؟ لالا مافيني شي .. سلامتج يمه!! انا مافيني شي
ام عاليه: عيل شو اللي يابنج هني ؟؟
عاليه: ولا شي .. بس حبيت اتطمن عليج واقعد معاج !!
ام عاليه: مافيني شي .!!
عاليه بتردد: تدرين امي ان الحرمه اللي زارتنا في المستشفى ؟؟ هي وولدها
ام عاليه: هيه بلاهم !!
عاليه: ولدها اللي كان معاها .. مسوي حادث ومرقدينه في المستشفى وحالته خطيره
ام عاليه: وعليه ؟؟ من متى وهو في المستشفى ؟؟ مايستاهل ؟؟ كان خوش ولد والله .!! صدق ان محد يعرف متى ينتهي ؟؟
عاليه: امي هو ما مات .. بس حالته خطيره
ام عاليه: انزين وانا شو قلت ؟؟
عاليه: تدرين ان قلبي يعورني على ولد هالحرمه؟؟ مساكين والله
ام عاليه: الله يصبرهم ؟؟ ولا هم في أي مستشفى ؟؟
عاليه: والله ماعرف ؟؟ روضه بنت خالته خبرتني ؟؟ حليلهم حالتهم صعبه حتى روضه كانت ترمسني وهي تصيح .. تدرين قطعولي قلبي .!!
ام عاليه: يبالنا نزورهم ..!! انتي تخبري من روضه في أي مستشفى هم ؟؟!!
عاليه : ان شاء الله بسألها ..!!

----------------------
في المستشفى ..
غرفة راشد ..
ساعة:8 مساءً
--------------------
ام راشد: فديتك لك وحشه والبيت بدونك مول مب شي
سعيد وهو ماد بوزه شبرين: يعني انا ما وحشتج ؟؟
ام راشد: انته دومك مجابلني .. بس راشد فديته يومين ماشفته .. فديت قلبه والله
سعيد: هيه هيه شو عليييك سوقك قاام .. ونحن عيال البطه السوده
ام راشد: سعيد اسكت خل اخوك بحاله ومالك شغل فيه
سعيد: زين زين
راشد: وحشوني عيالك
سعيد: افا عليك باجر العيال والحرمه عندك جيه انته شويه
راشد: هيه ييبهم وخصوصًا غلا فديتها وحشتني موت
ام راشد: دخيلك راشد لاتيب طاري الموت ..
راشد: ان شاء الله
تموا يرمسون مع راشد عسب مايحس بالملل وراشد عاد ماقدر يالس ويدلع عليهم

وعقب دشت ام روضه ... و روضه ... وراشد تمنى انه مايشوف روضه
بس مايقدر .. توه بغى يخلي عمره راقد .. شاف خالته يايه صوبه
ام روضه: حمدلله على سلامتك يالغالي ماتشوف شر
راشد: شر ما اييج
روضه: حمدلله على سلامتك
راشد بدون نفس: الله يسلمج
ام راشد: وينه علي ؟؟
ام روضه: علي تعبان في البيت
ام راشد: مايشوف شر ان شاء الله
ام روضه : شر ما اييج

في هالحظه رن تلفون روضه .. وشافت رقم عاليه.. وطالعت راشد .
روضه: هلا عاليه
اول ما روضه يابت طاري عاليه فز راشد .. وتم يطالعها .. !!
هاي من صدقها ترمس عاليه ؟؟
كان الود وده يحط اذنه ع تلفون ويسمع صوت عاليه
روضه: هيه ؟؟ بتي امج ؟؟ زين والله عيل انا بترياكم ؟؟
متى بتي ؟؟ انتي بتين معاها ؟؟ زين يبلغ .. مع السلامه
روضه وهي تصد صوب راشد: يسلمون عليك راشد
راشد: الله يسلمهم ؟؟!!

والله واحشني موت خاف بعدك اموت
قلبي لو من حديد ذاب وانتهبعيــــــــد
لو خسرتك حبيبي اشلون احب من جديد
وين القى وفا او احــــسبدفــــــــــــــا
ظلمه بعدك حياتي كل شي بيــــه اختفى
روحي يمك حبيبيبيدك اتمنى امـــوت

وين ذاك الحنان معــــــــقوله هـــان
ماخدعنا بعضناالزمن بيـــــنا خــان
وينك انته وجيك ورفى مابين ايديـــك
لو شفتني حبيبيحالي يصعب علـــيك
خاف امشي ودموعي بيها اغرق واموت
ليلي بعدك طويل عالبعدمالي حــــــيل
تدري شوقي اللي بيه ينتهي مســــتحيل
سوى بيه هواك قلبييمشـــــــــي وراك
يلي ماخذني مني من يوم خـــــــــــذاك
قلبي يتمنى يوصليمك انته ويمــــــــوت

ام راشد: منو هالناس اللي يسلمون عليه ؟؟
روضه: ها ؟؟ ولا حد
ام راشد: ولاحد ؟؟ روضه قولي يالله منو اللي يسلمون على راشد
راشد عسب يسكت امه: امي لاترمسون وايد احس بصداع
ام راشد بخوف: وين يعورك قولي فديتك ؟؟ شو تحس ؟؟ انادي الدكتور لك ؟؟ تبي شي قول
راشد: لالا مابي شي بس مابي ازعاج
ام راشد تصد صوب روضه: اسكتي لاترمسين
روضه وهي تضحك: هههه مابرمس .

-----------------------
في بيت عالية
في الصاله
الساعه: 10 مساءً
-------------------------
عاليه: امي عادي ايي معاج باجر عند الولد اللي مرقد في المستشفى ؟؟
ام عاليه: لا فديتج .. مابوديج
عاليه : مافيها شي .. بعدين حرام المسكين زارج وانتي المستشفى لازم نزوره ولا بتكون هاي قلة ذوق الصراحه
ام عاليه: لاتحاتين انا بروح بس ما باخذج معاي ...!! شو بيقولون الناس عنا اذا وديتج معاي .. بياكلون ويهي والله وبعدين انتي بتمين عند امنو هناك امه وخالته
عاليه بحماس: امي روضه هناك ورضوه ربيعتي تعرفينها صح
ام عاليه: هيه اعرفها الحين روضه ما اعرفها .!!
عاليه: انزين مب مشكله انا بس بسلم وبظهر من الغرفه شو رايج
ام عاليه: حلفي انتي ؟؟؟!! لا حبيبتي ماشي ييه وبعدين تيلسين عند باب الغرفه جنج حارس لافديتج مابوديج عيب
عاليه بترجي: الله يخليج امي .. حرام ابي اشوف روضه وحشتني حراااام !!
ام عاليه: لاحول ولاقوة الا بالله
عاليه: الحين ايي ولالا
ام عاليه: يصير خير لين باجر
عاليه: يعني وافقتي
ام عاليه: انزين
من فرحتها قامت وسارت غرفتها تتصل في روضه تخبرها انها بتسير المستشفى مع امها ..
عاليه: رووضووه وافقت ايي معاها
روضه: وين؟؟!!
عاليه: شو وين؟؟ المستشفى !!
روضه: جيه هي كانت رافضه ؟؟
عاليه: هيه اونه شو اللي يوديج هناك ..؟؟ بعد ما روحي طلعت وافقت ..
روضه: زين عيل
عاليه: مب تنسين نحن بنروح العصر انتي لازم تكونين في استقبالي
روضه: ليش منو بيزورنا الشيوخ ؟؟!!
عاليه: هيه الشيخه عاليه يايه
روضه: تهبين والله ؟؟ عيل اذا شفتي رقعت ويهي
عاليه: لاحول كنت امزح معاج بلاج انتي تاخذين كل شي جد
روضه : جد ولا عم
عاليه: لا خال
روضه: زين زين لاتسوين فيها سالفة مالها طعم
عاليه: حطي ملح بيكون في السالفه طعم
روضه: هاهاهاا ماتضحكين ؟؟
عاليه: انزين روااضي
روضه: هيه هيه حق المصلحه تقولي روااضي اونها تدلعني
عاليه: افا ..والله ازعل ..
روضه: لاحوول فكينا زين
عاليه: ههههه انزين خلاص بفكج مني بس ابيج باجر تكونين موجوده العصر انزين
روضه: انزين
بعد ماسكرت عاليه من عند روضه .. تمت تدور شو تلبس ولا ماتلبس
كل شوي تظهر شي وتفره اونه مايناسبها .. وهي يالسه تختار .. رن تلفون غرفتها وشلته وكان صوت ريل ...استغربت منو هذا ؟؟

......: السلام عليكم
عاليه: وعليكم السلام
......: انتي عاليـة ؟؟
عاليه: هيه انا !! منو معــاي ؟؟
......: معــــــاج .......................

الجزء الثاني عشر
~~)(~~ اوعدني عني ماتغيب تبقى هنا جنبيقريب محتاج انا مثلك حبيب يفهم عيوني وضحكتي ~~)(~~
:.....معاج......... ولا مب لازم تعرفين
عاليه: ليش ؟؟ ليش مب لازم اعرف ؟؟!
: ....بيي يوم وبتعرفين منو انا ..
عاليه: بتقول منو انته ولا اسكر في ويهك
:....وبيطاوعج قلبج تسكرين في ويه ابوج
عاليه بستغراب : ابوي؟؟؟!!
الريال: هيه ابوج...!! اللي ما تسألين عنه ؟؟ ولا تعرفين عنه شي ؟؟
عاليه: انا ما سألت عنك؟؟ انته اللي ما سألت ولا تعرف عني شي ؟؟ كأني مب موجوده حتى امي ماسألت عنها ..
ابوها: مب بأيدي ؟؟ اهل امج السبب ؟؟ هم خلوني اتخلى عن امج ؟؟
عاليه: هيه صح !! هم خلوك !! لو كنت تبي امي ماكنت تتخلى عنها وهي حامل .. لو صدق كنت تبيني كنت بتم مع امي عشاني
ابوها: يابنتي انا شو يعرفني ان امج حامل ؟؟ محد خبرني ؟؟ انا يوم طلقة امج ماقالت لي انها حامل .. محد قالي ..
عاليه: هيه صح ..صادق
ابوها: ليش ما تصدقيني ؟؟ انا ابوج تعرفين شو يعني ابوج ...!
عاليه : هيه اعرف .. مع السلامه
ابوها: صبري ...... ( بس سكرت الخط (
تمت عاليه مستغربه ؟؟ هذا صدق ابوها ولا حد يستهبل عليها ؟؟ واذا هو ابوها كيف عرف رقمها ؟؟ وكيف ما يعرف ان امها كانت حامل ؟؟ شو السبب اللي خلا امها تطلق من ابوها ؟؟ خوالها كيف اجبروا ابوها يطلق امها ؟؟ هو كيف شكله ؟؟ كيف شخصيته ؟؟
وين كان عايش ؟؟ وليش ما يزورها بدل ما يتصل فيها ؟؟
لو ماكان ابوها ... شو مصلحة اللي متصل فيها يقول هالكلام ؟؟
في خاطرها اسئله كانت محتايه اجابه .. بس ماتعرف تسأل امها ولالا ؟؟
اكيد امها ماتبي تعرف عن ابوها شي ؟؟ مب هو تخلى عنها اكيد ماتبي تسمع حتى اسمه ؟؟
بس هي مره قالت لها لاتقسين قلبج على طاري ابوج ؟؟!! اكيد اذا سالت مابتقول شي ؟؟
حياتها انجلبت فوق حدر ؟؟؟ منو هو ؟؟
هل هو ابوها ؟؟ ولا شخص ثاني ؟؟
وهي مب قادر تستوعب ؟؟ خلاص مخها تكهرب ؟؟ تسأل امها ولالا تبي تعرف شخصية ابوها
شو هالبلاوي اللي اتي مره وحده ؟؟
تمت يالسه مكانها تحاول تيمع افكارها عسب تتخذ قرار ..!!
مب هو ابوها ومن حقها تسأل عن شخصيته ؟؟
مب هو اللي ودر امها من سنين ؟؟

لها الحق تعرف السبب اللي خلا امها تودر ابوها ..!! اكيد بتقول ما تفقنا ؟؟ بس هي مب ياهل امها تقص عليها بكلمتين ؟؟ لازم تعرف عن ابوها شي ؟؟
هي كل ما تسأل امها عن ابوها ... تغير الموضوع ؟؟ اكيد شي سبب ؟؟ اكيد في شي !!
شو هو ..؟؟ لازم تعرفه .!!

ظهرت من غرفتها ... وطول ماهي ماشيه صوب غرفة امها وهي تفكر كيف تبتدي بالكلام مع امها ؟؟
دشت الغرفه ماحصلت حد ؟؟ وينها ؟؟ وين سارت ؟؟ دورتها ماحصلتها ؟؟
نزلت تحت.. لقتها يالسه .؟؟
تقربت منها .. يلست حذال امها وهي متوتره
حست امها شو بلاها .. بس ماقدرة تقرا افكار عاليه عسب تعرف شو بتسألها الحين ؟؟
عاليه بتوتر: امي ..! بسألج سؤال .. واتمنى تجاوبيني بصراحه ؟!
ام عاليه بستغراب وتعجب : اسألــي ؟؟!
عاليه: امممم ..!! اممممم ابي اعرف كيــف ... امممم انتي وابوي .. انفصلتوا وحق شو ؟؟ وشو السبب اللي خلاج تهدينه وتطلقون؟!!
ام عاليه : بعد هالسنين يايه الحين تسألين هالسؤال ؟؟!!
عاليه: هااا ...!! طول هالسنين كنت ياهل ما افهم شي ..!! الحين غير .. اعرف الصح من الغلط ؟؟ امي بليز قولي
ام عاليه: ما تفاهمنا ؟؟ وكل وحد حصل له طريج ومشى به وبس
عاليه: وضحي ....!!
ام عاليه: اكثر من جذي ؟
عاليه: ابي اعرف شو اللي صار بينكم .. ابي اعرف شو اللي خلاج تطلقين منه ومنو كان السبب في فكرة الطلاق..؟؟
ام عاليه: هالكلام كبير عليج يا عاليه .. وانا ما بجاوب على اسألتج ؟؟
عاليه بأصرار: دخيلج ابي اعرف ؟؟ ليش تخبين عليه ؟؟ مردي بعرف كل شي .. اذا اليوم ماعرفت باجر بعرف ...!! امي بلييز قولي
ام عاليه: مابي افتح المواجع .. خلي كل شي مخباي احسن
عاليه: ليش ؟؟ شو صار ؟؟ دخيلج قولي !!
ام عاليه: شو تبين تعرفين ؟؟ تبيني اقولج عن ابوج ؟؟ تبيني اقولج شو سوا بي ؟؟ تبيني اقولج ؟؟ تبيني اقولج هدني عسب وحده ما تسوى ..!! وحده بلا اصل ولا فصل ؟؟ وحده من الشارع ..!!
عاليه: امي انتوا عيال عم كيف يهدج عسب وحده ؟؟ ولا من الشارع ؟؟ اكيد في سبب
ام عاليه: قبل ما اخذ ابوج .. كان هو مثل الحلم بنسبالي .. الاهل كانوا محيرينا لبعض..كنا متربايين مع بعض .. كان ايي عندنا ونحن نروح عندهم ..كنا دايمًا مع بعض ..؟؟ وانا دومي كنت اشوفه شي كبير .. كان وايد وايد كبير في عيني.. كنت اشوفه غير عن باجي عيال عمومتي .. وكيف ما اشوفه جذي وهو بيكون ريلي في المستقبل .. وانا ذاك الوقت كان عمري 15سنه وبعد كم شهر .. يا عمي مع ابوج يخطبوني .. وانا على طول وافقت ماقدرة ارفضه وكيف ارفضه وهو كان حلم وتحقق ..!! ملجنا .. طول فترة الملجه .. مازارني يمكن مره ولا مرتين وطول الفتره كان يتم ساكت ولا سرحان .. !! كل ما اشوفه جذي .. كنت اقول اكيد في شي مضايج به !! بعد شهرين من الملجه ..تزوجنا .. !!
وياليتني ما تزوجت .. طول هالفتره تميت ندمانه على زلاته وتصرفاته ..!!
كنت اشك في تصرفاته بس كنت اسكت وابلع عبراتي .. كنت اقول يمكن يعقل .. يمكن يتغير.. كلهم كانوا يقولون لي ييبي ياهل يمكن يعقل ... بس ما كان بأيدي اييب ياهل ..!!
تميت سنه وانا اتريا ياهل ؟؟ كلهم كانوا يتحسبون اني ما اييب ياهل ..!! بس هالشي مب بأيدي ..!!
المهم تمينا على حياتنا كل واحد فينا له حياته ..لا هو يسأل ولا انا ..!! وكيف اسأله وهو ما يبرني .. كاني ولا شي .. في يوم مليت من هالعيشه .. مليت من تصرفاته .. مليت من كل شي فيه.. كلمته قلت له ليش هالجفا.. ليش هالتصرفات اللي يسويها ..!! تعرفين شو قالي ؟؟!!
عاليه: شو قال ..؟؟
ام عاليه: قالــي ..!! لاني ما ابيج ..؟؟ انا هني استغربت ؟؟ كيف ما يبيني ويتزوجنا ..!! الزوج مب غصب ..!! لو ما كان ياي يخطبني .. ماكنت بزعل . بيظل الغالي .. وولد عمي .. بس قلت له وليش تخطبني وتتزوجني ..
قالي لاني مابغيت اظهر من شور ابوي .. ما يبي يظهر من شور ابووه .. بس يبي يدمر حياتي ؟؟!! تعجبت اكثر .. وعرفت ان عمي غصبه انه يتزوجني .. وهدده اذا ما تزوجني .. لاهو ولده ولا يعرفه .. يعني بيتبرا منه ؟؟ وكل هذا على حساب حياتي .. !وعرفت انه كان يحب وحده اجنبيه .. ويباها بس عمي لما عرف اصر انه ياخذني على اساس انا بنت عمه وهو اولى بي ؟؟ وهو لين الحين يرمسها .. وكان متزوج عليه هالأجنبيه وانا ماعندي خبر ؟؟ بعد هالأعترافات منه عرفت سر غيابه الدايم .. عرفت ليش يظهر من المغرب لين الصبح .. كان يرد البيت الساعه 10 الصبح ولا مرات كان ايي بالليل ..!! وانا على بالي شغل ..!! عمري ما توقعت ولد عمي يسوي فيني جذي ..!! عمري ما تخيلت انه بيكون بهالقساوه ؟؟ هالانسان اللي كان طول عمره حنون وطيب جذي يصير .. !!
فكرت اذا صبرت يمكن يعتدل الحال معاه .. في يوم كنت سايره المستشفى وفحصت وسمعتني الدكتوره خبر ولا كنت احلم به .. قالت لي اني حامل ..!! ما صدقت من فرحتي بغيت اطير .. بغيت اروح وابشر ولد عمي .. يمكن يحس فيني شوي .. وانا في البيت اترياه ... مرت ساعه .. وساعتين .. وثلاث ساعات .. ما يا .. قلت يمكن في شي ..!! يوم يا .. رحت عنده وابي اقوله .. اني حامل وابشره .. بس اول ماشافني .. قالي تعالي بقولج شي سرت له على بالي حد خبره قبلي .. قالي يابنت عمي انتي غاليه .. وعزيزه .. بس ماقدرة ابني لج مكان في قلبي.. انا حاولت .. بس ماقدرة .. وانتي كنتي طول حياتي شرات اختي واسمحيلي .. انتي طالق ..
في هالوقت .. جتل احلى شي كنت يايه اقول له ..
ماقدرة اقول له اني حامل فيج ... ماقدرة اقول شي ولا شي وحتى كلمه
من بعد هالكلمه رجعت بيت اهلي .. ترجاني عسب اتم في البيت وهو يطلع بس مابي اعيش في مكان هو كان يالس فيه ..
طلعت من البيت رحت بيت ابوي .. خلاص هو قطع الوصل بينا .. ماعاد محتاج لي ..
وكيف اعيش معاه وهو باعني عسب وحده ماتسوى .. رجعت وانا همي فيج انتي .؟
عاليه: فيني ؟؟ ليش ؟؟
ام عاليه: اكيد بحاتيج .. يوم بتكبرين اكيد بتسأليني عن ابوج .. وكلام الناس ما يرحم .. وخصوصًا اذا كانت البنت مطلقه بيطلعون فيها الف عيب ..و عيب ..اكيد بيسألون هاي ليش طلقها ريلها ؟؟ اكيد هي السبب ؟؟ حتى لو الريال غلطان بيوقفون معاه وبتظل الحرمه هي الغلطانه حتى لو هي مب السبب ..!!
ابوي زعل من عمي بسبت هالشي .. وعمي نفس الشي زعل من ابوج ..!!
وبعد ما طلقني ابوج عاش مع مرته اللي اختارها .. وبعدين سمعت انه سافر ..
وماوصلتني اخباره .. قطعت صلتي فيه .. ماقمت اسأل عنه .. ولا هو يسأل ..!!
عشت انا شهوري وانا اشوف بطني يكبر شهر ورا شهر .. وكنت متشوقه ابي اعرف بيب ولد ولا بنت ... كلهم قالولي اشوف اذا الجنين ولد ولا بنت بس انا ما رضيت بغيت اتفاجأ في المستشفى ..
عاليه: انزين وبعدين ..!
ام عاليه: بعدين .. مرت شهوري ال9 على خير .. ويبتج ماتدرين اشكثر فرحت لما شفتج كنتي صغيره وايد .. كنت خايفه اذا ابوج عرف ياخذج مني ..
وهالشي سبب لي قلق دايم .. خفت .. انا ماصدقت انج تنولدين وبعدين ياخذج مني ..خبيت عليه .. وبما ان ابوي زعلان من عمي ما قاله شي .. ولا خبره اني مربيه ..ويوم كملتي 3 سنين عرف عمي انج حفيدته .. بس حلفته انه مايقول حق ابوج شي ..وهو وعدني مابيقوله .. واصلا حتى لو قاله ان عنده بنت .. ما بيخليه ياخذج مني ..
عاليه: خيبه .. مب سالفه .. هذي قصه !!
ام عاليه: هيه
عاليه: امي بقولج شي بس لاتعصبين
ام عاليه: شو ؟؟!!
عاليه: امي اليوم ابوي اتصل فيني ..
ام عاليه: شوووو .. من وين يعرف رقمج ؟؟
عاليه: وانا شو عرفني ؟؟
ام عاليه: كلمتيه شو قالج ؟؟
عاليه: ماقالي شي .. بس خبرني انه هو ابوي .. انا ما صدقته ..خفت حد يالس يستهبل عليه .. وسكرت التلفون في ويهه ..
ام عاليه: ياخوفي ايي الحين ويطالبني فيج ..
عاليه: جيه بكيفه هو ..!! ماشي شغل..!! وبعدين انا اللي اختار اعيش مع منو .؟؟ وانا ما ابيه ..!!
ام عاليه: الله كريم

-------------------------
في المستشفى
في غرفة راشد
الساعه: 5العصر
-------------------------
اوعدني عني ماتغيبتبقى هنا جنبي قريب
محتاج انا مثلك حبيب يفهم عيوني وضحكتي
فيك انته حلمي منزمان وانته الهواء وانته الحنان
تلقى معاك روحي الأمان يا احلى بشر فيدنيتي
وحدك ابيك والله ابيك بس تكفى طمني عليك
مابي احد يشغل عينيك لو اموتانا من غيرتي
فيك انته حلمي من زمان وانته الهواء وانته الحنان
تلقى معاكروحي الامان يا احلى بشر في دنيتي
خذني معاك يا احلى ملاك خلني انا احيابغلاك
حياتي من دونك هلاك وحدك حبيبي وجنتي
فيك انته حلمي من زمان وانتهالهواء وانته الحنان
تلقى معاك روحي الامان يا احلى بشر في دنيتي

في هالوقت كان راشد يالس وكاشخ .. مستانس بتي عاليه مع امها ..
كان يالس ويطالع روضه .. كل شوي يأشر لها تتصل في عاليه ..
وروضه يالسه وتستهبل .. ما تعطيه ويه .. وهو وده يذبحها

روضه من كثر ما راشد حشرها وهو يأشر لها .. اتصلت في عاليه
روضه: وينج ؟؟
عاليه: والله بيي .. صبري شوي
روضه: وين اصبر .. ياختي بعض الناس ذبحوني
عاليه: منو بعض الناس ؟؟
روضه: تستهبلين .. تعالي بسرعه افففف صدق جيل فاسد
عاليه: انزين خلج يا ام جيل الصاعد والناجح
روضه : انزين تعالي بسرعه فكينا والله تعبت وانا يالسه بروحي
عاليه: جيه محد معاج الا انتي وراشد
روضه: هيه عندج مانع ؟؟
عاليه: لاو الله
روضه: هيه مب ولد خالتي .. عادي
عاليه: لا مب عادي
روضه: افففف منج .. مب بروحي ارتحتي
عاليه: هيه منو معاج
روضه: امي .. امه .. وانا ... وقريبًا انتي .. وامج .. هاهاهاهاي
عاليه: فقت هالضحكه اللي جنها ضحكة مارد
روضه: مارد في عينج ..
عاليه: مشكوره
روضه: انزين يالله باي خسرتيني بس تعالي بسرعه
عاليه: اوجيج
بعد ماسكرت روضه .. تمت تأشر حق راشد ان عاليه بتي الحين ..
وراشد من فرحته كل دقيقه يسأل امه شكلي اوكيه . ولا لبسي ,,
اللي يشوفه جنه يايبن يخطبونه ..

عقب 10 دقايق .. وصلوا قوم عاليه ..
اتصلت عاليه في روضه عسب تخبرها انهم موجودين ..
وروضه ما صدقت طلعت لهم .. وراشد من فرحته كان وده يروح بروحه في استقبالها
بس مايقدر يمشي ريله مجبسينها ..

دشوا قوم عاليه .. وراشد ماشل عينه من على عاليه .. كان يقول في خاطره اشكثر اتغيرت عاليه وشكلها تغير .. وشكلها احلى .. تغيرت وايد ..
تم يطالعها .. وعاليه من كثر ماهي مستحيه ماشلت عينها من على الأرض ..
هي تدري ان راشد يالس ويطالعها .. من كثر ماهي مستحيه بغت تظهر من الغرفه والسبه نظرات راشد لها ..
ام عاليه : حمدلله على سلامتك يا ولدي ماتشوف شر ..
راشد:................. ( راشد مسوي لها اكبر طاف .. لانه سرحان وهو يشوف عاليه (
ام راشد: راشد الحرمه تكلمك وتتحمد لك بالسلامه
راشد: ...............
ام راشد: وابويه شو صار فيك ؟؟؟ راااااشد ..
بعد ما انتبه لعمره .. راشد: ها ..!! شو ؟؟ شو صار ؟؟
ام راشد: سلامتك مافي شي ..
راشد: اها ..!!
وراشد تم يبحلق اكثر في عاليه شو بيعفد عليها ..
وروضه تحاول تأشر عليه انه يبطل هالحركات عيب .. لان ام راشد وام عاليه انتبهوا عليه ..
وهو ولا ع البال .. يالس ويطالعها ..
تمت ام عاليه تسأل متى بيظهرون راشد من المستشفى .. وتمت ترمس مع ام راشد ..
على قولتهم سوالف حريم ..

وروضه يالسه وحاطه ايدها على خدها يالسه تشوف راشد شوي .. وتشوف عاليه شوي .
بعد ما ملت من حركاتهم
جان تضرب عاليه على ايدها ..
روضه: شوي شوي على عمرج كسرتي رقبتج
عاليه: جب روضوه
روضه: صدق بعد شو ؟؟ كل شوي تصدين وتنزلين راسج وين تبون انتوا الأثنين
عاليه: اوووه بلاج انتي
روضه: هيه هيه شو تبين فيني الحين .. عندج الغالي ..
عاليه : اووه خلاص عاد ..
روضه: حركات والله حركات
كانوا يالسين يرمسون .. فجاه رن تلفون عاليه.. يوم شافت الرقم طلعت برع ..
هني راشد .. تم محتار منو اللي متصل في عاليه ..؟؟!!
بعدين اشر على روضه تروح عندها .. يوم راحت روضه ..
شافت عاليه ويهها متغير ..
روضه: بلاج علايه
عاليه: ها .. ولا شي
روضه: لا في شي شو بلاج قولي؟؟
عاليه: بقولج بس مب الحين ..!!
روضه: متى انزين ..
عاليه: اليوم اتصلي فيني ولا انا بتصل فيج وبخبرج ..!!
روضه: انزين .. مب مشكله
عاليه: انا الحين بروح ؟؟
روضه: وين تو الناس ..
عاليه: ماقدر اقعد هني .. بعدين بخبرج السالفه ..
روضه: حيرتيني ..
عاليه: لاحول صبري انزين بخبرج اليوم ..
روضه: لا ابي اعرف الحين ..!
عاليه: مايصير الحين
روضه: عاليه قولي الحين ترا والله ازعل منج وما برمسج احلف تراني
عاليه: لاحووول .. انزين ..
روضه: قولي بسرعه
عاليه: امممممم فــي ...........

الجزء الثالث عشر
~~)(~~ تخيل بعد هالعشره الطويله يجيغيري وياخذك بسهوله ~~)(~~
روضه : ما توقعت هالشي يصير .. ياختي حاسه هالسالفه جنها مسلسل ..
عاليه: عيل انا شو اقول .. احس عمري في مسلسل ولا يالسه امثل ..
روضه: الله يكون في عونج الصراحه . ماتلاحظين ان هالسالفه مبالغين فيها
عاليه بستغراب: كيف ؟!!
روضه: مايحتاي كيف .. يعني .. امج تقولج شي .. والريال اقصد ابوج يقول شي ثاني .. يعني كل واحد يحاول يبرر موقفه ... فهمتي
عاليه: لا مافهمت ؟؟!!
روضه: لاحول ... خليني اوضح لج المعنى .. تخيلي ابوج دوله .. وامج دوله .. وطبعًا بينهم حروب ومشاكل وكل هذا عسب مصلحه مشتركه بينهم .. والمصلحه هي انتي .. يعني يحاولون يكسبونج بأي طريقه عسب انتي تعيشين مع شخص المثالي في نظرج .. فهمتي؟!!!
عاليه: اها .. يعني امي تحاول تقنعني عسب اتم عندها .. وابوي يبي يوضح لي موقفه عسب انا اسامحه واروح واعيش عنده ..؟؟
روضه: عليج نووور صح
عاليه: بس انا لو خيروني اكيد بختار اعيش عند امي ..
روضه: هالشي لازم تحددينه اذا هو يا وطالب فيج ..
عاليه: لاحول ويهالمصايب اللي اتي على راسنا ..
روضه: ياختي خلج بعيد عن هالسالفه اذا يت في وقتها زين ... وانتي الحين فكري في هالموضوع ..
عاليه: أي موضوع ؟؟!!
روضه: شو أي موضوع .. نسيتي ؟؟
عاليه: شو انزين ؟؟
روضه: راشد يبا يكلمج ؟؟
عاليه: انا مابي
روضه: مب بكيفج
عاليه: لا بكيفي .. قلت مابي ارمسه وخلاص
روضه: بلاج انتي ؟؟ ليش تكبرين المسائل.. هونيها وتهون
عاليه: روضوه دخيلج لاتعورين راسي بهالسالفه ؟؟
روضه: الحين انتي بسألج انتي تبينه ولا شو ؟؟ ولا تقصين عليه عسب هو مريض اقولج شي من الحين لاتعورين قلب ولد خالتي فاهمه !!
عاليه: ومنو قالج اقص عليه .. جيه شو قالولج عني نسيتي هو اللي قص عليه
روضه: والله هذاك اول ؟؟ وبعدين الريال عرف انه يحبج ومايحتاي تكبرين المسائل
عاليه: بفكر
روضه: متى بتخبريني
عاليه:ماعرف بفكر وخلاص

اجيك .. اجيك .. واتوله عليك
دخيل.. الله ..يكفيني جفاك
اجيكبشوق من قلبي اجيك
اموت فداك واتوسل رضاك
احبك موت يالغالي وابيك
انااهواك يا روحي واباك
ترد الروح بي لمست ايديك
واحب اعيش في هالدنيامعاك
احب اسمك وسط قلبي شريك
واحب ازقرك يا اغلى ملاك
اشوف الموت من دونكطريج
حبيبي بس يكفيني هلاك
انا اترجاك انا منك وفيك
ولا لي حد في الدنياسواك
دخيلك روف بي ربي يهديك
تذكر كيف يذبحنيغلاك

--------------------
اليوم: السبت
الساعه: 5 العصر
الموقع: في بيت عاليه
----------------------
ام عاليه: مالك حق تاخذ البنت .. وينك عنها من زمان ؟؟ انا اللي ربيتها مب انته
ابو عاليه: يايه تلوميني بعد هالسنين ؟؟ تقولين انا ما سألت عنها وانتي السبب انح ما خبرتيني ؟؟ انتي اللي سبب الطلاق .. لاتخليني افتح موضوع تسكر من سنين
ام عاليه: انا السبب ؟؟ شو سويت لك ؟؟ مب انته اللي طلقيتني .. عسب وحده من الشارع ..
ابوعاليه: لاتقولين انها من الشارع ..
ام عاليه: كيفي بقول .. وانته منو عسب تتحكم في كلامي
ابو عاليه: قلت لج باخذ البنت يعني باخذها فاهمه ولالا ابي بنتي تعيش مع اخوانها ..
ام عاليه: لا ما بتاخذها مب بكيفك انا اللي تعبت عليها وانته الحين ياي تاخذها جذي بهالسهوله تتحسب اني بخاف منك .. تتحسب اول ما بتقولي عطيني البنت بقولك تفضل خذها .. شكلك تحلم وايد
ابو عاليه: لا تخليني اعصب ..
ام عاليه: خوفيتني ..
ابو عاليه: اقولج شي.. هاتي البنت خليني اسألها اذا تباني ولا تباج ..
ام عاليه: وليش تسألها .. ؟؟؟ شكلك واثق وايد انها بتعيش معاك ..
ابو عاليه: اكيد .. وبعدين مب انا ابوها اللي ما شافته من سنين .. ولا نسيتي
ام عاليه: عاليه مالها كلام عقب رمستي ..
ابو عاليه : روحي ازقريها خليني اعرف رايها ..
ام عاليه راحت تزقر عاليه .. يوم وصلت
ابو عاليه: تعالي حبيبتي قعدي حذالي ..
عاليه: لا انا بعقد حذال امي وبعدين انا مرتاحه في مكاني
ابو عاليه وهو قافط : اها .. زين مب مشكله ..!!
ام عاليه: يا بنتي ابوج ياي ياخذج ..؟
عاليه وهي مب مصدقه: شوووو .. ياخذني انا ؟؟؟ ليش ؟؟
ابو عاليه : عسب تعيشين عندي .. ولا ماتبيني
عاليه وهي تصيح: اصلا منو قالك ابي اعيش عندك ؟؟.. منو انته ..؟؟ جيه انا اعرفك .. عمرك ييت صوبي ..؟؟ عمرك سألت عني .. ؟؟ ما كلفت على عمرك اتي وتسأل عن احوالي .. !!! انا ما ابي اعيش عندك ..
انا طول حياتي عايشه عند امي .. هي اللي تراعيني وتسأل عني .. هي اللي تتخبر عن احوالي ..؟؟ هي امي واختي واخوي وابوي هي كل شي في حياتي .. انته ولاشي .. انا ما اعرفك ما ابيك ..
ام عاليه وهي قلبها يعورها على بنتها: خلاص يابنتي خلاص ..
ابو عاليه: يعني ما تبين ابوج ؟؟ انا شو عرفني ان امج حامل ؟؟ شو عرفني ان عندي بنت ؟؟ محد خبرني ..؟؟ انا طول عمري في الغربه
عاليه: انته اللي بغيت حياتك .. ومابغيت امي .. انا ما ابيك .. انا عايشه حياتي ومستانسه ...ما ابي ابو كفايه عليه امي ما ابي حد
ابو عاليه: يعني هذا رايج فيني ؟ ما تبين تعيشين عندي ..
ام عاليه: سمعت قرارها وخلاص ..
ابو عاليه: اها .. زين ..انا طالع من بيتكم وطالع من حياتج .. خل امج تنفعج
وطلع ابوها معصب .. تمت عاليه مع امها .. وعاليه طول الوقت تصيح ..
فجاه رن تلفونها يوم شافت رقم راشد استأذنت من امها وسارت غرفتها ..

--------------------
اليوم: السبت
الساعه:7 المغرب
الموقع: غرفة راشد
-----------------------
راشد: اكيد فيج شي ؟؟ قولي بلاج ؟؟
عاليه: مافيني شي
راشد: لاحول يعني ليش ماتبين تخبريني ؟؟ صوتج متغير
عاليه: اففف مافيني شي خلاص
راشد: هدي بلاج معصبه عليه
عاليه: لاحول انته شو تبي ليش متصل ها ؟
راشد: اسأل عن حالج ولا حرام
عاليه: ....................
راشد: الوووو
عاليه: .......................
راشد: الوووووو عاليه ...؟؟؟؟ وينج ؟؟؟ردي عليه؟؟؟؟ظ
عاليه: ها؟
راشد: علايه بسألج سؤال ..؟؟
عاليه: ها؟
راشد: تحبيني؟؟
عاليه بستهبال: امممم ماعرف
راشد: كيف يعني ما تعرفين
عاليه: ماعرف ؟؟ انزين انته تحبني؟؟
راشد: اكيد ..ليش عندج شك
عاليه: يمكن ..
راشد:لو عندج شك في حبي لج ..تكونين غلطانه جيه ماتدرين اني احبج واموت فيج .. تدرين ان حياتي بدونج ولا شي ..
عاليه: اها
راشد: ما تصدقيني ؟؟
عاليه: منو قال
راشد:اسلوبج ؟؟ احسج ماتصدقيني ..
عاليه: لا صدقتك .. بس انا متضايجه شوي
راشد: يوم قلت لج فيج شي قلتي مافيج
عاليه: ...........
راشد: حياتي .. صح اني ما اعرفج شو بلاج بس لاتزعلين روحج..ما احب اشوفج متضايجه .. من تتضايجين ترا انا اتضايج
لاتعورين قلبج ..
عاليه: .....................
راشد: اقولج شي
عاليه: شو؟
راشد:
دنياك حلوه لا تهمك ظنونك
لاخير فيها كان خان القدر فيك
وش نفعها ياقبلة الخلق دونك
لعلها ......الدنيا تبكيك
حرام أشوف الدمع .. يملي عيونك
يامالي قلبي من الحب ... وشفيك
تقول حظك ياحياتي ... يخونك
وش قولتي في حظي اللي غدر فيك
ترى شجوني زودتها ... شجونك
خذ قلبي ... العب به لعله يسليك
عاليه: صح لسانك
راشد: صح بدنك .. شو رايج في القصيده
عاليه: حلوه ..
راشد: اصلا انتي احلى منها ..
عاليه: هههههه ادري
راشد: فديت هالضحكه
عاليه: هههه بلاك اليوم ؟؟؟
راشد: مافيني شي ؟؟ ليش شو بلاني ؟؟
عاليه: ماعرف اسأل عمرك ..؟؟
راشد: امممم سألت عمري .. مالقيت الجواب ..
عاليه: اها زين يوم بتلقى الجواب خبرني
راشد: حركات عليج اقولج حبي انا بسكر عنج الحين بعدين بتصل فيج
عاليه: انزين
راشد: مع السلامه
عاليه: مع السلامه

الجزء الرابع عشر
][®][^][®][اهواك واتشرق بطرواك ابغى بعادي من يعاديكوسط الحشى لفواد لباك بروح والمهجه تلبيك][®][^][®][

ام راشد: يا راشد اسمع كلامي ؟
راشد: شو اسمع ؟؟!! امي مايصير جذي .. حرام توني طالع من المستشفى وتقوليلي عرس .. جيه انا شو ؟؟ ماقدر وبعدين انا مابي اعرس الحين ..
ام راشد: يعني متى تبي تعرس ها ؟؟ قولي متى؟؟ اللي كبرك عرسوا ويابوا عيال وانته بعدك؟ حرام عليك تحرمني من هاليوم .. وانا طول حياتي اتمنى ان اشوفك معرس ؟؟
راشد وهو يحب راس امه: امي لاتعورين قلبي .. والله وغلاتج اذا ابي اعرس بي عندج وبقولج امي الغاليه زوجيني ..؟؟
ام راشد: شو تقص عليه ؟؟ قلت لك اذا ماعرست والله ازعل منك ولا برمسك طول حياتي فاهم ولالا
راشد: امي حرام عليج لاتعورين قلبي اكثر من جذي .. وبعدين انتي منو بتيوزينها لي ؟ منو هاي ؟
ام راشد: مايبالها اكيد روضه بنت .......(قبل لاتكمل قاطعها(
راشد: شوو روضوه لا مابي .. والله ما خذيتها
ام راشد: شو هذي بنت خالتك وانته اولى بها من الغريب .. شو تبا الناس يتشمتون فينا يقولون عوشه زوجت ولدها لوحده غريبه وهدت بنت اختها يا شماتت الناس فينا .. هيييييه هأ بتسوي علج في حلوجهم هذا اللي قاصر
راشد: انزين انا ابي اعرس ..
ام راشد: يعني وافقت على روضه ؟؟ فديتك انا والله فرحيتني .. يعلني فداك
راشد: قلت روضه ما ابيها ؟؟ بس في وحده اباها ؟؟
ام راشد: قلت لك بنات من الشارع مابي فاهم ولالا ..
راشد: امي هاي تعرفينها .. وحتى زارتنا يوم كنت في المستشفى ؟؟
ام راشد: منو هاي ؟ ما احيد بنات يو المستشفى ؟
راشد: لا منو قال ؟؟ وحده يت مع امها .. امي انا ابي هاي البنت
ام راشد: لاحول ولاقوة الا بالله .. ياهي سالفه .. الحين انا شو اقول حق اختي والله فشيله وين اودي ويهي منها ..
راشد بستغراب : ليش ؟؟ شو السالفه ؟؟ واصلا انتي مارحتي تخطبينها عسب تدري بالسالفه ؟
ام راشد: اشلون ما تدري وانا خبريتها اني ابي بنتها لك ..
راشد بعصبيه: امي كيف جي تسوين ؟؟ جيه انا مب ريال مالي قرار شايفتني بزر
ام راشد: شو عرفني فيك انا قلت انك مابترد بنت خالتك .
راشد: امي روضه مب لعبه وبعدين انا لو ابي اعرس بختار اللي اباها .. انا قلت لج روضه ما ابيها .. يعني ما ابيها ..

---------------------
اليوم:الأحد
الساعه: 12 الظهر
الموقع: بيت روضه
----------------------
طلعت روضه من غرفتها وكلها فضول انها تعرف شو تبي امها فيها ..
اكيد شي صاير .. توها تبي تنزل وتروح تحت عند امها صدت صوب غرفة اخوها علي .. " اكيد علي يعرف السالفه .. امها ماتخش عنه شي .. فكرت انها تروح وتسأله عن السالفه ؟؟ "
دقت باب الغرفه لقت اخوها يالس ع الكمبيوتر .. مثل كل مره يالس يرمس في المسن .. فاضي ماعنده شغله .. صار هالأنسان مدمن "نت" نهار وليل يالس على الكمبيوتر .. يا يدخل المنتديات ومرات يدخل الجات .. هالشخص آله في جسم انسان .. هاي فكرة روضه عن اخوها ..!!
روضه: علي ..
علي:.......... ( مسوي لها اكبر طاف .. ومب معبرنها .. (
روضه: حوووه ارمسك ؟
علي بعد ما انتبه: ها .؟؟ شو تبين ..؟
روضه: اممم ابي اسألك تعرف امي شــو تبي فيني ..
علي بدون انتباه : ههههههه مصخره والله ...
"هني روضه تنرفزت منه .. وبكل عصبيه تتجدم صوب الشاشه وتسكر .. "
علي: انتي غبيه ولا شو سالفتج
روضه: لا مب غبيه بس خل عندك ذوق يوم اختك ترمسك عبرها شوي ..
علي : اسكتي انتي مالج شغل .. شو تبي بسرعه خلصينا ..
روضه: انزين انزين .. تعرف امي شو تبي فيني ..
علي : قالولج ساحر ؟؟!! وانا شو عرفني فيها شو تبي فيج ؟؟
روضه: اوووووووووووووه انته مامنك فايده ..
علي : خليت الفايده لج والحين فارجي يالله برع .. ( وفج الشاشه مره ثانيه وتم يكتب .. (
وطلعت روضه من غرفة اخوها وهي محتاره امها شو تبي فيها .. سارت الصاله .. وقعت خذال امها ..
روضه: امي بدون مقدمات قولي شو تبين ؟
ام روضه : امممم الله يسلمج خالتج . خطبتج حق راشد ولدها ..
روضه وهي فاجه عيونها : شووو ؟؟ امي اقولج من الحين انا راشد ما ابيه ..!!
ام روضه: شو ؟؟ ترفضين ولد اختي .. ليش شو بلاه .. شو تبين الناس ياكلون ويهي .. ويرمسون عني يقولون ماعطت بنتها لولد اختها .. شو تبين تفضحينا انتي
روضه: مابي راشد مابيه الزواج مب بالغصب ..
ام روضه: يابنتي انتي فكري في الموضوع وخالتج قالت هي مب مستعيله .. انتي بس فكري كم يوم
روضه: لاحول اقول لها مابي تقولي فكري ؟؟ امي اقولج من الحين هالشخص ما ابيه ..!!
ام روضه: لاحول .. كيفج هذي حياتج ..!!

الجزء الخامس عشر
:+::..( انتهبحري وأنا اليم يقولون اللي يقولون أنا في حبك متيم وخل الحساديموتون)..::+::
عاليه: احبــك..
قالت احبك ياراشدقلت من قدي
هالكلمه هذي تموتني وتحييني
قالت ااحبك وكانت سبحتي بيدي
مندون ما اشعر بها طاحت من يديني
كنت احسب ان الليالي كلها ضدي
من قبل ماهيتيجي في عينها في عيني
واليوم عايش معها في عمر وردي
واموت انا في حبها وتموت هي فيني
كل مره تقول لي لو تدري بودي
او تعرف اشقد احبك يا مهنيني
انكانت عشت الدقايق كلها عندي
ما كنت لحظه بلا شوفك تخليني

كانت تنادينيبأسمي لو هي بحدي
وتحط بعض الحواجز بينها وبيني
واليوم لو تبين سدهاوسدي
من دوم كلمه حبيبي ما تناديني

راشد: لالالا عيديها مره ثانيه ..
عاليه: احبــك .. والله احبــك ..
راشد: ماقدر ياناس والله ماقدر انا على هالكلام .. بموت
عاليه: يعل يومي قبل يومك لاتيب هالطاري ترا ازعل عليك
راشد: ياويلي .. خلاص ما بقول ..
عاليه: ادريبك بتقول !!!
راشد: والله وغلاتج عندي مابقول ...!
عاليه: انزين صدقتك ..
راشد: احبج واموووت فيج
وهم يرمسون رن تلفون غرفة عاليه .. يوم سارت صوب التلفون شافت رقم روضه ..!! تفاجأة اكيد تباها في شي ضرور ..
عاليه: راشد بتصل فيك بعدين روضه متصله
راشد : انزين مب مشكله
عاليه: مع السلامه
راشد: مع السلامه
شلت التلفون عاليه ..
عاليه: هلا روضه
روضه: اهلين .. اشحالج
عاليه: بخير .. اشحالج انتي
روضه: بخير يسرج حالي
عاليه: بلاج متصله هالوقت .؟؟ غريبه
روضه: ادري غريبه بس انا حياتي غريبه ..
عاليه : بلاج ؟؟!!
روضه: تدرين ان راشد خطبني
عاليه وهي منصدمه: شووو ؟؟!! خطبج ؟؟ كيف ؟؟
روضه: وانا شو عرفني ؟؟ خطبني .. وامه اتصلت في امي
عاليه: كيف كيف يخطبج وهو يحبني .. ولا هو بس كلام
روضه: انا بروحي مستغربه ؟؟
عاليه: ليش يجذب عليه وهو ما يباني ؟؟ ليش يقول انه يحبني ..ليش يجذب ؟؟ بس عسب يتسلى بقلبي
روضه: عاليه لاتتهورين .. انا قلت لج هالكلام عسب اخبرج بالسالفه .. يمكن راشد ما يدري .. ترا انتي ما تعرفين خالتي كيف تتصرف ..
عاليه: جيه راشد ماله رايي ؟؟ هو ياهل امه تيود ايده وتدليه دربه ؟؟ روضه شو هالكلام ؟؟
روضه: ياحبيبتي انتي ماتعرفين خالتي كيف هي ؟؟ تدرين انها زوجت ولدها العود بدون ما يدري ..
عاليه: شو تزوجها بدون ما يدري ؟؟ جيه هو قاصر ولا هو كان قاعد في غرفته وتفاجأ في وحده تدخل عنده وامه تقوله هذي مرتك ؟؟
روضه: لاحول اقصد خطبتله ؟؟ وولد خالتي ماقدر يرفض قرار امه
عاليه: لا تحاولين روضه تعدلين صورة راشد اكيد هو يدري وهو خطبج ؟؟ لاتحاولين
روضه: لا تتسرعين .. وانا شو اللي خلاني اقولج ؟؟ ياربي وشو اللي خلاني .. انا هبله قلت لج صدق اني غبيه والله غبيه
عاليه: لا احسن ؟؟ عسب تخبريني بالسالفه.. هذا راشد جذاب ومنافق .. روضه انا بسكر باي (وسكرت التلفون .(

------------------
في غرفة راشد
----------------
دخلت ام راشد غرفته .. وهي شاله هم ولدها
ام راشد: ياولدي ليش ماتبي روضه . بلاها بنت خالتك .
راشد: ما بلاها شي ..بس ياامي ما ابها .. مالي خاطري فيها
ام راشد: لا حول ليش اتسوي في امك جذي ليش؟
راشد: امي والله روضه شرات اختي .. كيف تبيني آخذ اختي يصير جذي
ام راشد: انته كل البنات خواتك ؟؟ ليش رافض هالفكره ليش
راشد: انا مب رافض بس مابي روضه ..
ام راشد: لا حول .. كيفك انا مابقولك شي بس لاتيني بعدين وانته ندمان تبي بنت خالتك ترا والله ما بخطبها لك ..
راشد: وليش اندم .. ما بندم ان شاء الله
ام راشد: بس بعد روضه بتاخذها بتاخذها .. ترا ازعل عليك
راشد: لاحوول ولاقوة الا بالله
ام راشد: انا بطلع .. بس فكر في كلامي زين
وظهرت ام راشد من الغرفه وخلت راشد في حيرته .. وهو مب مستوعب شو صاير ..
راشد .. كانت حالته ما تسر كان يتمنى في خاطره ان روضه ترفضه ..
راشد" اكيد روضه بترفضني اصلا هي تدري اني احب عاليه .. ومستحيل انها تخون في ربيعتها ..وبعدين كيف بتعيش معاي وهي تدري اني ما ابيها .. مستحيل توافق لو هي وافقة انا برفض حتى لو شو كانت اسباب امي مابي احطم حياتي لسبب ما يستاهل .. "
تم راشد محتار شو يسوي .. !! الحل صعب !!
بس هو يقدر يكنسل كل هالزيجه بكلمة " لا" اصلا محد مسؤول غيره ..
لازم يرفض ولا حياته بتنجلب ضده ..!!
حياته الحين في ايده.. لو سيطر على الوضع من الحين بيقدر يتحكم بكل شي.. وتكون حياته ملك ايده مب ملك غيره ...
وهو قاعد يت عينه على تلفونه .. وفي هاللحظه تذكر " عاليه" صح عاليه
واحشتنه .. كيف نسى يتصل فيها هو وعدها يتصل فيها ..!!
تم يتصل ويتصل .. بس عاليه ما كانت تشل ..
فقرر يطرش لها مسج ..
ياحبيبي ودي ألمس كل جرح يتعبك..
ودي اضمكلصدري تغرق انفاسي معك ..
ودي اني دوم عندك مثل ظلك اتبعك ..
ودي اغمض عيونيوألقى نفسي في حضنك ..
ودي حبيبي ابكي على صدرك ..
واقولك .. اني
حيـــــل اشتقتــلك ..

في هالوقت وصله مسج من عاليه ..
اتمنى لك خير خلني انسانه كان لها وجود في حياتك ..
احلى شيالفراق انت هدمت كل آمالي الجميله
وجرحتني جرح ما يرفاه رافي خلاص انا ما ابيك
انساني للأبد..

اول ما قرا هالكلام .. ماصدق و السالفه بلاها تغيرت عليه .. اكيد في سبب
يمكن...؟؟!! لالالالا ما اظن .. اكيد شي ثاني ..
شو سبب تغيرها المفاجأ .. ليش تغيرت شو السبب
ماقدر يستحمل افكاره توديه واتيبه .. شو صار فيه
ماقدر يستحمل شو السبب ؟؟!! حط ايده على راسه يحسب بعوار فضيع في راسه ..
عذاب ما وراه عذاب .. بلاها ؟؟ شو اللي غيرها ؟؟ ليش كل هذا ؟؟
اكيد حد غيرها ؟؟ منو هالشخص ؟؟
لو اتصل فيها الحين اكيد مابتشل .. احسن طريقه للتفاهم الحين هي المسجات ..
هالشي اللي اختارته هي .. خلاص .. نتفاهم بالمسجات ..!!
يعني انت تظلمني وانا ما اتكلم ..
واذاانا اخطيت صارت جريمه ..
يعني انت تتالم وانا ما اتألم ..
انا على فكره حياتيأليمه ..
انا حياتي كلها هم في هم ..
وصدمات عمري من زماني عظيمه ..؟

طرشت له عاليه مسج ومن قرا هالمسج تغيرت حالته ..
" خلاص انساني "

راشد تخبل .. لا هذي اكيد فيها شي .. شو انساها .. تباني اموت ..
انا انسى روحي ولا انساها .. انسى ناسي ولا انساها ..
انسى عمري ولا انساها .. انسى خلاني ولا انساها ..
طرش لها مسج " شلي تلفونج"
اتصل فيها .. شلت .. بدون أي مقدمات ..
راشد: بلاج حبيبتي .. بلاج عليه .. انا شو سويت لج.. عاليه انتي ماتعرفين .....(قبل لايكمل قاطعته (
عاليه: خلاص ..ياخلي انساني.. وانا بنسى حبك للأبد..إذا انت كنت تستاهل هالحب صدقني ببقى وفييه لك طول العمر .. بس انت ما تستاهل ..اعرف شو سويت ..نسيت حبنا.. وانا بقولك ياولد الناس نهاية حبنا الفراق ..
راشد: عاليه حبي لاتعذبيني .. لاتعورين قلبي حرام عليج.. ليش تسوين فيني جذي قولي .. ليش!! تراج تذبحيني بكلامج.. تقولين انساج انا ما اقدر انساج انا انسى روحي ولا انساج .. انتي ماتعرفين غلاج .. انتي ماتعرفين انتي شو بنسبالي .. عاليه دخيلج لاتقولين انساج ..
عاليه وهي تصيح: راشد ..!! انته تقدر تنساني .. عشاني انساني .. ممكن تنساني .. اباك تنساني .. وانا ابي انساك .. شيل حبي من قلبك ولا تعذبني ولا اعذبك ..
راشد: وغلاتي عندج ماقدر انساج.. عاليه قولي شو السالفه.. عاليه دخيلج خبريني!! خليني اعرف السبب ؟؟
عاليه: وتخلي عمرك ماتعرف السبب . انته شو تبي تذبحني مرتين ؟؟
راشد: لاتقولين هالكلام .. يعل يومي قبل يومج .. انا اذبحج ؟؟!! انا اذبح عمري ولا اذبحج .. اموت بحسرتي ولا اتموتين انتي .. !!عاليه حبيبتي لاتقولين هالكلام .. وانسي السالفه واذا ما تبين تقولين لاتقولين انا ماب جبرج بس احكمي بنفسج وبعقلج وقلبج ..عاليه انا بدونج اموت تعرفين شو يعني اموت ..لاتنهين حبنا في دقايق .. عاليه فديتج فكري في السالفه ؟؟ انا بخطبج ؟؟
عاليه وهي منصدمه: تخطبني ؟؟ ليش ؟؟ جيه بتخطب روضه وبتخطبني .. جيه كم قلب لك ياراشد .. قول كم قلب ؟؟
راشد وهو منصدم: شوو روضه ؟؟ ومنو قالج انا باخذها .. امي اللي خطبتها مب انا.. امي تدري اني رافض وانا خبريتها اني اباج انتي.. وبعدين اكيد روضه بترفض اصلا حتى لو وافقة انا ما اباها؟؟ اباج انتي ..
عاليه: لا والله .. انته ليش تسوي فيني جذي ؟؟ ليش تجذب عليه .. انا شو سويت لك .. شو تعاقبني انته لاني حبيتك .. !! شو تسوي فيني انته ليش تعذبني .. تبي تذبحني تبي تجتلني ..؟؟!!

الجزء السادس عشر – الجزء الأخير
..::+::..( ابتدي ياحبوارسم في سما هالليله قلبين اكتب عاليه بأول واكتب الثانيلراشد)..::+::..
راشد: دخيلج عاليه صدقيني .. اذا ما تصدقين .. اتصلي في روضه وسأليها قولي لها اذا هي تباني ولالا سأليها
عاليه: سأليتها وقالت انها ما تباك
راشد: يوم هي ماتباني والبنت بروحها قالت لج السالفه تظنين فيني هالظن عاليه
عاليه: انا ما ظنيت .. بس
راشد: لا بس ولا شياته .. مادري ليش تظنين اني ما احبج .. عاليه المفروض انتي اكثر وحده تعرفيين ان حياتي بدونج مب شي . انتي حياتج انتي روحي وانتي كل شي بنسبالي ..
عاليه: راشد انا آسفه
راشد: مايحتاي .. تعتذرين عاليه .. انا عاذرنج
عاليه: راشد انته زعلت
راشد: وانا اقدر ازعل من حبيبتي
عاليه: تسلم
راشد:الله يسلمج .. حبي عندي لج مفاجأه
عاليه: شو المفاجأه ؟!!
راشد: امممم كل شي في وقته حلو ..
عاليه: راشد قول لي ؟؟
راشد: مابقول ؟؟ مفاجأه وكيف اقولج اياها
عاليه: اوجيج كيفك ..
راشد: زين .. انا بخليج الحين انزين حبي
عاليه: انزين
راشد: مع السلامه
عاليه: باي
" بعد ما راشد سكر عن عاليه .. سار عند امه عسب الحين تكنسل الخطبه .. وتخطب له عاليه .. حياته مب لعبه في ايد اهله .. راح غرفة امه وشافها قاعده ع تسريحه تتعطر شكلها تبي تظهر .. "
راشد: امي لو سمحتي بقولج شي ..!!؟
ام راشد: خير يا ولدي ..؟
راشد: امي لو سمحتي انا ما ابي روضه .. انتي قلتي لي فكر ورد عليه .. وانا قلت لج ما ابي روضه .. وحتى روضه ما تبيني ليش تغصبونا على شي نحن ما نباه .. ليش تتحكمون في حياتنا ..
ام راشد: انا ما اتحكم في حياتك .. ومنو قالك انا اتحكم في حياتك .. انته غالي عليه .. انته ولدي شفتني في حياتي غصبتك انته واخوك .. على شي ؟؟
راشد: لا ما غصبتيني ... بس انتي الحين تجبريني على اني اخذ روضه
ام راشد: منو قالك انك بتاخذ روضه .. اصلا روضه رفضتك .. وماتبيك ..
راشد وهو مستانس : صدق.. روضه رفضتني .. والله انها حرمه ...!! يعني الحين متى بتروحين تخطبين عاليه لي ...
ام راشد: والله انته كيفك .. ولا شو رايك اتصل في الحرمه واخبرها
راشد: اوجيج ..
ام راشد: الله يعينك

صرت احلم بقربك
صرت اتخيل طيوفك
صارت حياتي كلها كفوفك
حبيبيمتى ربي يجمعني بك
متى اشوفك جدامي وانظر في عيونك
ياخلي اقرب قلبي اجرب لكمن قلبك
صرت اغار عليك من خيالك
لاتتركني حبيبي وروحي متعلقه بروحك
صرتاحلم بقربك
صرت اتخيل طيوفك

--------------------
بعد مرور ثلاث شهور ..
--------------------
كانت عاليه تتزهب حق هالليله اكثر من ثلاث شهور.. كانت احلامها تمشي قبلها وهي داشه في قاعة العرس .. كانت سعادتها ما تنوصف ..
وكيف ما تستانس واليوم بتعرس وبتاخذ حبيبها ..
كانت سعادتها مرسومه على شكل ابتسامه حلوه على شفايفها ..وآمالها تركض على كوشتها قبلها ..
وكل الحريم عيونهم عليها .. اللي يشوفها يقول عنها ملاك .. بفستانها الأبيض ..
جنها فراشه في حديقه .. ولا جنها ملكه من الاساطير ..
وروضه طبعًا ما خلتها بروحها .. وفرحة امها كانت ظاهره من عيونها ..
يلست عاليه على الكوشه ..وهي مرتبكه .. اليوم صارت مرت راشد ..
اما راشد
فكان مب مصدق اللي يشوفه الحين .. صار معرس ؟؟ واخيرًا .. !!
وخذ عاليه !! وهو كان فاقد الامل في هالعلاقه .. !!
كان راشد حاس عمره في حلم يتمنى يدوم هالحلم طول حياته .. مب مستوعب ان اليوم عرسه.. تمنى ان هالشي يكون حلم .. عسب يعيش فيه طول حياته ..
تخيل هاللحظه لحظه بلحظه طول هالوقت .. عاش الدقايق مروا الشهور كأنهم سنين !! لو كان بأيده جان عرس يوم الثاني الا نفس اليوم !! بس على قولته محد يأخر العرس الا الحريم وهذي سوالفهم !!
الضحكه تبين في عيون راشد .. اللي يشوفهم .. يقرا ملامح ويهه في عيونه ..
عيونه فاضحته .. السعاده طايره ..
واخيرًا .. بيشوفها ..
دش القاعه ..
دقايق .. وثواني .. ولحظات ..
تمر عليه كأنه في حلم .. كان بعيد عن الكوشه .. الود وده يركض لها ..
بس ..!! الناس ..؟؟
وهو شو عليه من الناس ..!! توه بيتحرك ..!! لقى ايد تمسك ايده ..!!
صد .. شاف اخوه .. شاف احلى ضحكه اخويه مرسومه على شفايفه
سعيد: شوي شوي على عمرك
راشد ماقدر يجاوبه .. وكيف يجاوبه وهو قلبه متعلق على الكوشه ..
عيون راشد فسرت وردت على سعيد ..
تقرب راشد من الكوشه .. وكل ما يتقرب قلب عاليه يدق ويدق .. كانت مرتبكه.. متوتره.. لدقايق ماكانت تبي هالعرس.. كانت تبي اتم في حضن امها .. كانت تبي تروح عند امها وتصيح وتقول ماتبي العرس تبي حضن امها ..
بس يوم رفعة راسها.. تلاقت عينها بعين راشد .. نست كل اللي كانت تتمنى تسويه .. عاشت دقايقها او بالأحرى عاشت احلى ليله .. من ألف ليله وليله .

ابتدي ياحبوارسم في سما هالليله قلبين
اكتب عاليه بأول واكتب الثاني لراشد
او يجي فكرهيوقف مالا داعي ترسم اثنين
اكتب الأسمين لكن حطهم في قلب واحد
يالفرح مرحمساهم وانثر الأحساس ما بين
حب واشواق وتهاني ودهم انغام وقصايد
دام هذااليوم تاجه عرس آل الذوق والزين
ارسم للعز نسل والمجد والتاريخ شاهد
ياإلــهالكون سلم حبهم من شر العين
بالهنا طول عمرهم واعمي عنهم كل حاسد
واحفظ عاليهوراشد مثل ماهم احلى روحين
صونهم واجعل بيتهم بالعزشاهد

النهاية

للأمانه منقووووووووووووووووووووووووول

__________________

البحث عن مواضيع لنفس العضو

__________________

العاب بنات

27 -12 -2006, 05:59 PM

وقلبه يدق شوي شوي يحاولون يضبطون دقات قلبه ويخلون دقاته طبيعيه.. ورقدوه في العنايه .. وحالتة اهله ماتسر امه يالسه وتبجي واخوه يالس مب عارف يهدي نفسه ولا يهدي امه وربيعه مايد واقف رايح وراد خايف على راشد
ام راشد وهي تبجي : ياسعيد روح شوفهم شو سوا في ولدي.. سير شوفهم محد منهم معبرنا روووح ياسعيد
سعيد: امي صبري انتي .. مافيه الا الخير ان شاء الله
ام راشد: انته من وين لك هالقلب اخوك حالته عند الله ومب عارفينه حي ولا ميت يالس تقول هالكلام
سعيد: امي مايستوي ادخل عندهم ... انتي ماتشوفين كم دكتور دخل عليه الحين.. ماقدر ادش ممنوع اصلا لو رحت محد بيعبرني
ام راشد: انا مالي شغل ابي ولدي الحين .. ابي ولدي (وتمت تبجي (
سعيد : يامي خلاص لاتسوين بحالج جذي والأعمار بأيد الله امي حرام عليج لاتقطعين قلبي اكثر من جذي
ام راشد: خبرت خالتك ان نحن في المستشفى
سعيد: هيه هيه قلت افففففففف هذيل متى بيطلعون ماعاد لي صبر

وفي هالوقت كانت روضه يالسه في غرفتها وهي يالسه تفكر اذا راشد صدق بيخطبها ولالا ...
هي حست انه يهددها بس جذي مب عارفه اذا هو من صدقه
بس هي بتوافق عسب تكسر عينه بس .. وراشد يستاهل اللي صار له عسب يحرم يسوي في البنات هالحركات ..
وهي يالسه تفكر .. دشت عليها امها ..
ام روضه: روووضه وينه اخوج علي
روضه: ماعرف .. طلع مع ربيعه .. امي بلاج جذي ياله تبجين
ام روضه: راشد ... (وتبجي(
روضه بخوف: راشد ؟؟!! بلاه راشد .؟؟!!
ام روضه: راشد في المستشفى ويقولون حالته خطيره مسوي حادث مايعرفون اذا حي ولا ميت
روضه بخوف: شوووو راشد في المستشفى ؟؟؟!!! متى هالكلام ومنو خبرج يمكن يجذبون عليج ويتبلون على راشد
ام روضه: شو يتبلون ولد خالتج سعيد متصل فينا يخبرني انا مالي يلسه هني مب قادره وديني المستشفى بسرعه
روضه: امي كيف اوديج صبري لين علي مايرد
ام روضه: الدريول وينه ها ؟؟ قوليله يزهب السياره تبي اروح اشوف ولد اختي.. هذا راشد الغالي اللي ربيته شرات ولدي
اتصلت روضه في الدريول وقالت له يزهب السياره وساروا المستشفى
وهم طول الطريج يحاتون
وروضه حالتها لله يالسه وتصيح حاسه بالندم من اللي سوته في راشد ..

في المستشفى ..
كانت ام راشد يالسه وتصيح ومن شافت اختها صاحت زياده ..!! وام روضه بدل لاتسكت اختها يالسه معاها وتصيح .. وروضه متلومه في راشد وخايفه يصير فيه شي والسبه هي ..

وسعيد ومايد يالسين تريون الدكتور يظهر عسب يسألونه
بعد اكثر من ثلاث ساعات مروا على العمليه طلع الدكتور من غرفة العمليه

سعيد ومايد على طول ساروا عند الدكتور عسب يسألون عن راشد
سعيد: دكتور بشر بلاه راشد
الدكتور: والله العمليه نجحت بس مب عارفين المضاعفات اللي بتصير فيه.. وهالشي بأيد والله وانا ماقدر اجذب عليكم ان حالة راشد خطيره وايد.. والأعمار بأيد الله
مايد: شووو يعني راشد بيروح منا انته شو تقول
سعيد: مايد هد اعصابك خل الدكتور يكمل
مايد: انته ماتسمع شو يقول هذا اونه بيروح منا هذا مينون ولا شو سالفته
سعيد: لاحووول ياخي صبر افففف
الدكتور: احنا سوينا اللي علينا والباجي على الله .. وبعدين نحن من اول مادخلوا المستشفى نحاول نضبط دقات قلبه وسوينا له عمليه في ريله ويمكن ..
سعيد: يمكن شو
مايد: لاتقول ان راشد مــا بيــمشي ..!!!
سعيد: دكتوور دخيلك كمل
الدكتور: والله هالشي مب بأيدنا بس العمليه نجحت وان شاء الله يمشي بس مابيقدر يمشي مثل قبل .!!
سعيد: يعني شو ؟؟.. بيعري .!!!
مايد: شو يعري جيه على كيفه هو ..!!
الدكتور: والله اكثر الأضرار في ريله وهالشي اللي أثر عليه ؟!!
سعيد: لو وديـناه خارج عادي بيعالجونه؟؟
الدكتور: هالشي راجع لكم .. بس العلاج في الخارج نفس علاجنا في الدوله
مايد: بنوديه خارج احسن على الأقل نتاكد
الدكتور: بس ماتقدرون تسفرونه الحين لان حالته خطيره ومب زين عليه الضغط
سعيد: انزين ماعليه خوف صح
الدكتور: حالته لين الحين مستقره بس محد يعرف
في هاللحظه يت النيرس ونادت على الدكتور لان يبونه ضروري
وستأذن الدكتور وسار
ومايد يالس ويزن على راس سعيد عسب يسفرون راشد عسب يتاكدون على حالته
وام راشد مب مخليه سعيد في حاله كل ساعه تسأله عنه اذا فيه شي ولالا
وسعيد يالس ويقول لها انه بخير وماعليه خوف
وروضه حاسه ان سعيد يالس ويجذب وهي متلومه في راشد وندمانه لو كانت موافقه يمكن راشد صدق تغير ..!! يمكن هو صدق يحب عاليه !! لو صار في راشد شي اكيد هي السبب ..!! روضه كانت تفكر بهالطريقه ماتدري ان الأعمار بأيد الله ..!!
وهي في المستشفى حست روضه انها لازم تصلح الوضع الحين .. ماشي مجال للتأجيــل لازم تخبر عاليه باللي صار في راشد ..!!
كانت روضه على وشك انها تتصل في عاليه .. بس غيرت رايها لان اكيد عاليه راقده هالوقت لان الحين الساعه الساعه 6 الصبح اكيد راقده .. ومب حلوه تتصل في عاليه هالوقت ..
قررت عقب تخبر عاليه ..!!

وفي هالوقت راشد كان راقد في العنايه ولين الحين ماقام من البنج ..
والدكاتره خايفين من مضاعفات العمليه خايفين ان راشد يتشلل مب بس يعري

-------------------------
في بيت عاليـه
الساعه :10:30 صباحًا
في غرفة عاليـه
--------------------------
عاليه: شوو ؟؟!! روضه عن الغشمره ؟؟
روضه: والله ما اجذب راشد في العنايه وحالته ماتسر
عاليه مب مصدقه: انتي شو تقولين ؟؟ خرفتي .. روضه دخيلج لاتجذبين شو تتحسبين اذا قلتي هالكلام خلاص بصدقج وبرضى على راشد ؟!
روضه: والله ما اجذب قسم بالله ما اجذب راشد في المستشفى وحالته خطيره ويمكن مايمشي مثل قبل
عاليه : ما اصدق ما اصدق ..؟؟
روضه: اذا ما تصدقين تعالي وشوفي .. عاليه راشد محتاج لج صدقيني اليوم اللي راشد سوا فيه حادث كان متصل فيني وكان يبي يصالح وتردون مثل قبل .!!هو يباج ويحبج انا شفت هالشي عليه هو يحبج شو يحبج اصلا هو يموت عليه ..عاليه لاتخربين على عمرج.. عاليه صدقيني راشد يباج هو اصلا كان يبي يخطبج
عاليه لا تحسسيني بالندم اني خربت عليج هالشي لاتخليني احس اني وحده منافقه عاليه الله يخليج لاتقسين قلبج هو يباج
عاليه وهي تصيح: شو الدليل انه يباني .. شو الدليل انه يحبني .. شو الدليل انه .......... ( صاحت(
روضه: خلاص عاليه انتي اذا ما تصدقيني تعالي وشوفي حالة راشد ؟؟ تعالي شوفي ويه راشد اذا كان هو .. ما بتعرفين شكله .. راشد من الحادث ويهه تغير مستوي انسان ثاني
عاليه: ليش تشوه؟؟!
روضه: لا .. ما تشووه بس ويهه شوي غير
عاليه: مب مصدقه راشد في هالحاله؟؟ ماقدر افكر الحين ماعرف شو اقولج ماعرف
روضه: عاليه انا ابي منج ترجعين لراشد اذا تشافى .. ابي منج تتصالحين معاه وترجعون مثل قبل
عاليه: ماعرف ماعرف .. بس انا ابي اشوفه
روضه: اممم تشوفينه صعب .. !! لان امه طول اليوم يالسه في المستشفى ؟؟ وبعدين اخوه هناك مايصير
عاليه: ادري ادري بس انا ابي اشووفه
روضه: بحاول ..
عاليه: .............
روضه: اقولج انا بسكر بروح عند راشد المستشفى ..
عاليه: روضه طلبـتج صوريه .؟ وطرشي لي صورته
روضه: شووو مايستوي اصوره
عاليه: مب عادي تدخلين عنده وتشوفينه
روضه: هيه يستوي بس ماقدر اصوره ممنوع
عاليه: عادي مايستوي شي صوريه دخيلج روضه
روضه: صعب صعب ماقدر وبعدين شو بيقولون عني اصور راشد جدام اهله ماقدر
عاليه: عشاني روضه عشاني
روضه بتردد: بشوف وبحاول ..!! يالله مع السلامه
عاليه: مع السلامه ..

تمت عاليه مب مصدقه باللي يصير اكيد راشد في المستشفى في البدايه تتحسب روضه تجذب عليها .. تحاول تصلح بينها وبين راشد ولا راشد قايل لها تسوي هالشي وتقول انه في المستشفى .. بس ماتدري ليش الحين تخاف عليه يمكن صدق هو في المستشفى بغت تتأكد اذا راشد صدق المستشفى ولالا
وهي يالسه حاسه بالخوف ..

زمن قاسي وامل مخدوع وجرحكبـــــــــــير بلايـــــــا
حدود دنيا تدور ماهمها ولا بحولـــــــــــهاويمهـــــــــا
ناس تعيش فرحانه وناس تمـــــــــــوت ابهمهـــــــــــا
اعيشبهالعمر لحظات ولا ادري وش باقــــي مـــــــــن
عمري اداري جرحي بالآهات واداويبالصبر صـــبري
ليالي طوال على هالحال وتواسي ليلي مـــعفجــــــــري

عمري قلبي فـداك كل حياتي اتصدق القلب متوله عليك والله عمري كله لك وانا مستحيل انسى هالحب اللي حبيته من كل قلبي ..!! حبيبي بقولك شي وحطه فــي بالــك وماتنـسى ابد إذا أنــا ما عشتــلك لا تنسانــي أتـــذكــر حبــك ..!!
ومانســتك ابــد زورنـــي .. كـــــل يـــوم... وكلمـــني عـــن حبـــك لـــي .. وأنـــا بسمــعك ..!!

احــبك..!! احبـــك..!! احـــبك..!!
وبظــلاحبــك ..!! حتــى وانامنتهـــيـــه ..!!

تمت عاليه ندمانه ليش ما صدقته ... وكانت يالسه وتقرا المسجات اللي راشد مطرشنهم حقـــها ..
تمت ندمانه على كل شي سوته فيه .. كانت تتمنى ان راشد يتصل فيها الحين بس وين بيتصل فيها وهو حالته حاله .. وحياته تحت رحمة الله ..

اعذريني يالهدايا لو هملتك في الزوايا
ماني متحمل اشوفك والليجابك مو معايا
اعذريني يالهدايا

اللي جابك وينهعندي يا ترا زعلان مني
مادرى اني في غيابه كم شكيت انا المرايا
اعذرينييالهدايا

راح وخلاني لحالي شفت ويش سوى بحالي
خبريني ويش اسوي لو عشققلبه سوايا
اعذريني يالهدايا

قولي لو هو حب غيري وش يكون اسمىمصيري
غير اموت انا بمكاني وترك الدنيا ورايا
اعذرينييالهدايا

الجـــزءالحادي عشر
~~)(~~يالليماخذني مني من يوم خذاك قلبي يتمنى يوصل يمك انته ويموت~~)(~~

فتح عيونه .. تم يطالع اللي حوله .. مستغرب !! متعجب باللي يصير حوله
هو وين ؟؟ وين راقد ؟؟ مكان غريب عليه ..!! شو صاير ؟؟
منو يابه هني ؟؟ مب متذكر شي .. راسه يعوره ... يحاول يقوم بس مب قادر!! في شي يمنعه ؟؟ شو هو ؟؟ مد ايده يحاول يفز من مكانه بس مب قادر ؟؟
هو وين ؟؟ شو هالمكان الغريب ؟؟
حرك راسه يمين ؟؟ لقى شي طويل وعليه واير ممتد لين ايده ؟؟
شو هذا ؟؟ وايش صار ؟؟
هو مب متذكر شي ؟؟ يحاول يتذكر .. بس مايروم
حاس بعوار في كل جسمه .. يبي يرمس بس مب قادر ؟؟
حاول يحرك ريله عسب ينش من مكانه ماقدر .؟؟
يحاول يشوف ؟؟ بس مايشوف شي بوضوح ؟؟
فتح عينه شوي شوي ..!! شاف اشكال ناس .. لا مو ناس
بس شخصين واقفين على راسه ؟؟ منو هذيل ؟؟
وشو يسون هني ؟؟ يحاول يرفع عمره عسب يشوفهم عدل بس مب قادر حاس غبار جدامه
عينه تحرقه وتعوره ؟؟ صداع فضيع ؟؟
سمع وحده ترمسه .. ويالسه تحبه ؟؟ منو هاي ؟؟
غريبه ؟؟
حاول يعصر مخه ؟؟ ماقدر ؟؟!!
فجأه شاف مجموعة ناس لابسين ابيض جدامه ؟؟ يالسين يحركونه
اللي يود ايده !! واللي تم يفحص عيونه ؟؟ واللي يحركه!! واللي يرمسه
بس هو مب قادر يرمس ؟؟
منو هذيل ؟؟ هو وين ؟؟ منو هالحرمه اللي تصيح عشانه ..؟؟ منو هالريال اللي يسكتها ؟؟
اشكالهم مب غريبه عليه .. بس مب قادر يستوعب اللي يصير حوله ..
حاس عمره يعرفهم ؟؟ بس مب قادر يتذكرهم ؟؟
ماقدر يمنع نفسه يرمس ؟؟
انا وين ؟؟ منو انتوا ؟؟ شو تبون مني ؟؟
ليش انا هني ؟؟ ليش هالوايرات عليه ؟؟
راسي يعورني ؟؟ شو سويتوا فيني ؟؟ عيوني تحرقني ؟؟
شو سويتوا فيني ؟؟
حاول يقول هالكلام .. حاول يرمس .. ويصارخ بهالكلام بس ماقدر ؟؟
حاس بعوار فضيع ؟؟ ريله ؟؟
مب قادر يشلها ؟؟ مب قادر يحركها ؟؟ اصلا مايحس فيها ؟؟
عيونه تحرقه ؟؟ مايشوف فيهن عدل .. وين عيونه؟؟ شلوهم ؟؟
شو صاير له ؟؟ حاس عمره عطشان ؟؟ يبي ماي ؟؟
راشد: ااااااااااااااااااا
ام راشد وهي تصيح: شوتبي فديتك ؟؟
راشد: ااااااااااااا راسي
ام راشد: شو بلاه راسك ؟؟ قول لي فديتك شو بلاه راسك ؟؟!!
راشد: ماااعرف يعور ؟؟
ام راشد: سلامت راسك يالغالي ... فيني ولا فيك
راشد: ابي اقوم
ام راشد: مب زين عشانك فديتك

--------------------
في بيت عاليـة
في غرفة عالية
الساعه:5 العصر
--------------------
ابكي عليك ابكي عليك من كثرما اشتاق لك
ابكي عليك ابكي عليك من كثر ما احتاجلك
ابكيك وانا وقلبي الذيمايبغي هالدنيا يبيك
ابكي عليك ..
ابكي عليك..
من كثر ما احتاج لك
رحتذبل عمري انا ماظل غيري والعنا
ماغير انا ظر صورتك واذكر ايام الهنا
كيف انتهتتركني وتسير قلبي انا بحبك اسير
ابكي عليك ..
ابكي عليك ..
من كثر مااحتاج لك
من كثر ما تطري علي القاك انا في كل شي
اصعب على الظالم وانا حاليمثل ميت وحي
يعني انا بكل اختصار عايش ولكن روحي فيك
ابكي عليك ..
ابكيعليك..
من كثر ما احتاج لك

كانت عاليه يالسه وتدعي حق راشد .. مب مصدقه راشد راقد في المستشفى
وحالته مايعلم فيها غير الله
كانت تحاول تشل راشد من بالها وتعيش يومها مثل قبل بس ماتقدر لان راشد ساكن في قلبها ..
كانت تتمنى تسير المستشفى وتشوفه .. بس ماتقدر تروح !!
لو سارت شو بيقولون عنها ما تستحي على ويهها .. شو بيقولون عنها ماعندها اهل
اهلها ماربوها ...!!
حاولت تنسى السالفه .. ظهرت من غرفتها .. كانت تبي تنزل تحت بس غيرت رايها
وسارت غرفة امها .. عسب تيلس معاها وتنسى شوي راشد وتخف هالمحاتاه..
دشت غرفة امها لقتها راقده .. تمت تطالع امها
توها بتظهر من غرفة امها .. امها نادتها ..
ام عاليه: عاليه ؟؟!!
عاليه: هلا يمه
ام عاليه: شو بلاج يمه ؟؟ تعبانه مكان يعورج؟؟
عاليه : ها ؟؟ لالا مافيني شي .. سلامتج يمه!! انا مافيني شي
ام عاليه: عيل شو اللي يابنج هني ؟؟
عاليه: ولا شي .. بس حبيت اتطمن عليج واقعد معاج !!
ام عاليه: مافيني شي .!!
عاليه بتردد: تدرين امي ان الحرمه اللي زارتنا في المستشفى ؟؟ هي وولدها
ام عاليه: هيه بلاهم !!
عاليه: ولدها اللي كان معاها .. مسوي حادث ومرقدينه في المستشفى وحالته خطيره
ام عاليه: وعليه ؟؟ من متى وهو في المستشفى ؟؟ مايستاهل ؟؟ كان خوش ولد والله .!! صدق ان محد يعرف متى ينتهي ؟؟
عاليه: امي هو ما مات .. بس حالته خطيره
ام عاليه: انزين وانا شو قلت ؟؟
عاليه: تدرين ان قلبي يعورني على ولد هالحرمه؟؟ مساكين والله
ام عاليه: الله يصبرهم ؟؟ ولا هم في أي مستشفى ؟؟
عاليه: والله ماعرف ؟؟ روضه بنت خالته خبرتني ؟؟ حليلهم حالتهم صعبه حتى روضه كانت ترمسني وهي تصيح .. تدرين قطعولي قلبي .!!
ام عاليه: يبالنا نزورهم ..!! انتي تخبري من روضه في أي مستشفى هم ؟؟!!
عاليه : ان شاء الله بسألها ..!!

----------------------
في المستشفى ..
غرفة راشد ..
ساعة:8 مساءً
--------------------
ام راشد: فديتك لك وحشه والبيت بدونك مول مب شي
سعيد وهو ماد بوزه شبرين: يعني انا ما وحشتج ؟؟
ام راشد: انته دومك مجابلني .. بس راشد فديته يومين ماشفته .. فديت قلبه والله
سعيد: هيه هيه شو عليييك سوقك قاام .. ونحن عيال البطه السوده
ام راشد: سعيد اسكت خل اخوك بحاله ومالك شغل فيه
سعيد: زين زين
راشد: وحشوني عيالك
سعيد: افا عليك باجر العيال والحرمه عندك جيه انته شويه
راشد: هيه ييبهم وخصوصًا غلا فديتها وحشتني موت
ام راشد: دخيلك راشد لاتيب طاري الموت ..
راشد: ان شاء الله
تموا يرمسون مع راشد عسب مايحس بالملل وراشد عاد ماقدر يالس ويدلع عليهم

وعقب دشت ام روضه ... و روضه ... وراشد تمنى انه مايشوف روضه
بس مايقدر .. توه بغى يخلي عمره راقد .. شاف خالته يايه صوبه
ام روضه: حمدلله على سلامتك يالغالي ماتشوف شر
راشد: شر ما اييج
روضه: حمدلله على سلامتك
راشد بدون نفس: الله يسلمج
ام راشد: وينه علي ؟؟
ام روضه: علي تعبان في البيت
ام راشد: مايشوف شر ان شاء الله
ام روضه : شر ما اييج

في هالحظه رن تلفون روضه .. وشافت رقم عاليه.. وطالعت راشد .
روضه: هلا عاليه
اول ما روضه يابت طاري عاليه فز راشد .. وتم يطالعها .. !!
هاي من صدقها ترمس عاليه ؟؟
كان الود وده يحط اذنه ع تلفون ويسمع صوت عاليه
روضه: هيه ؟؟ بتي امج ؟؟ زين والله عيل انا بترياكم ؟؟
متى بتي ؟؟ انتي بتين معاها ؟؟ زين يبلغ .. مع السلامه
روضه وهي تصد صوب راشد: يسلمون عليك راشد
راشد: الله يسلمهم ؟؟!!

والله واحشني موت خاف بعدك اموت
قلبي لو من حديد ذاب وانتهبعيــــــــد
لو خسرتك حبيبي اشلون احب من جديد
وين القى وفا او احــــسبدفــــــــــــــا
ظلمه بعدك حياتي كل شي بيــــه اختفى
روحي يمك حبيبيبيدك اتمنى امـــوت

وين ذاك الحنان معــــــــقوله هـــان
ماخدعنا بعضناالزمن بيـــــنا خــان
وينك انته وجيك ورفى مابين ايديـــك
لو شفتني حبيبيحالي يصعب علـــيك
خاف امشي ودموعي بيها اغرق واموت
ليلي بعدك طويل عالبعدمالي حــــــيل
تدري شوقي اللي بيه ينتهي مســــتحيل
سوى بيه هواك قلبييمشـــــــــي وراك
يلي ماخذني مني من يوم خـــــــــــذاك
قلبي يتمنى يوصليمك انته ويمــــــــوت

ام راشد: منو هالناس اللي يسلمون عليه ؟؟
روضه: ها ؟؟ ولا حد
ام راشد: ولاحد ؟؟ روضه قولي يالله منو اللي يسلمون على راشد
راشد عسب يسكت امه: امي لاترمسون وايد احس بصداع
ام راشد بخوف: وين يعورك قولي فديتك ؟؟ شو تحس ؟؟ انادي الدكتور لك ؟؟ تبي شي قول
راشد: لالا مابي شي بس مابي ازعاج
ام راشد تصد صوب روضه: اسكتي لاترمسين
روضه وهي تضحك: هههه مابرمس .

-----------------------
في بيت عالية
في الصاله
الساعه: 10 مساءً
-------------------------
عاليه: امي عادي ايي معاج باجر عند الولد اللي مرقد في المستشفى ؟؟
ام عاليه: لا فديتج .. مابوديج
عاليه : مافيها شي .. بعدين حرام المسكين زارج وانتي المستشفى لازم نزوره ولا بتكون هاي قلة ذوق الصراحه
ام عاليه: لاتحاتين انا بروح بس ما باخذج معاي ...!! شو بيقولون الناس عنا اذا وديتج معاي .. بياكلون ويهي والله وبعدين انتي بتمين عند امنو هناك امه وخالته
عاليه بحماس: امي روضه هناك ورضوه ربيعتي تعرفينها صح
ام عاليه: هيه اعرفها الحين روضه ما اعرفها .!!
عاليه: انزين مب مشكله انا بس بسلم وبظهر من الغرفه شو رايج
ام عاليه: حلفي انتي ؟؟؟!! لا حبيبتي ماشي ييه وبعدين تيلسين عند باب الغرفه جنج حارس لافديتج مابوديج عيب
عاليه بترجي: الله يخليج امي .. حرام ابي اشوف روضه وحشتني حراااام !!
ام عاليه: لاحول ولاقوة الا بالله
عاليه: الحين ايي ولالا
ام عاليه: يصير خير لين باجر
عاليه: يعني وافقتي
ام عاليه: انزين
من فرحتها قامت وسارت غرفتها تتصل في روضه تخبرها انها بتسير المستشفى مع امها ..
عاليه: رووضووه وافقت ايي معاها
روضه: وين؟؟!!
عاليه: شو وين؟؟ المستشفى !!
روضه: جيه هي كانت رافضه ؟؟
عاليه: هيه اونه شو اللي يوديج هناك ..؟؟ بعد ما روحي طلعت وافقت ..
روضه: زين عيل
عاليه: مب تنسين نحن بنروح العصر انتي لازم تكونين في استقبالي
روضه: ليش منو بيزورنا الشيوخ ؟؟!!
عاليه: هيه الشيخه عاليه يايه
روضه: تهبين والله ؟؟ عيل اذا شفتي رقعت ويهي
عاليه: لاحول كنت امزح معاج بلاج انتي تاخذين كل شي جد
روضه : جد ولا عم
عاليه: لا خال
روضه: زين زين لاتسوين فيها سالفة مالها طعم
عاليه: حطي ملح بيكون في السالفه طعم
روضه: هاهاهاا ماتضحكين ؟؟
عاليه: انزين روااضي
روضه: هيه هيه حق المصلحه تقولي روااضي اونها تدلعني
عاليه: افا ..والله ازعل ..
روضه: لاحوول فكينا زين
عاليه: ههههه انزين خلاص بفكج مني بس ابيج باجر تكونين موجوده العصر انزين
روضه: انزين
بعد ماسكرت عاليه من عند روضه .. تمت تدور شو تلبس ولا ماتلبس
كل شوي تظهر شي وتفره اونه مايناسبها .. وهي يالسه تختار .. رن تلفون غرفتها وشلته وكان صوت ريل ...استغربت منو هذا ؟؟

......: السلام عليكم
عاليه: وعليكم السلام
......: انتي عاليـة ؟؟
عاليه: هيه انا !! منو معــاي ؟؟
......: معــــــاج .......................

الجزء الثاني عشر
~~)(~~ اوعدني عني ماتغيب تبقى هنا جنبيقريب محتاج انا مثلك حبيب يفهم عيوني وضحكتي ~~)(~~
:.....معاج......... ولا مب لازم تعرفين
عاليه: ليش ؟؟ ليش مب لازم اعرف ؟؟!
: ....بيي يوم وبتعرفين منو انا ..
عاليه: بتقول منو انته ولا اسكر في ويهك
:....وبيطاوعج قلبج تسكرين في ويه ابوج
عاليه بستغراب : ابوي؟؟؟!!
الريال: هيه ابوج...!! اللي ما تسألين عنه ؟؟ ولا تعرفين عنه شي ؟؟
عاليه: انا ما سألت عنك؟؟ انته اللي ما سألت ولا تعرف عني شي ؟؟ كأني مب موجوده حتى امي ماسألت عنها ..
ابوها: مب بأيدي ؟؟ اهل امج السبب ؟؟ هم خلوني اتخلى عن امج ؟؟
عاليه: هيه صح !! هم خلوك !! لو كنت تبي امي ماكنت تتخلى عنها وهي حامل .. لو صدق كنت تبيني كنت بتم مع امي عشاني
ابوها: يابنتي انا شو يعرفني ان امج حامل ؟؟ محد خبرني ؟؟ انا يوم طلقة امج ماقالت لي انها حامل .. محد قالي ..
عاليه: هيه صح ..صادق
ابوها: ليش ما تصدقيني ؟؟ انا ابوج تعرفين شو يعني ابوج ...!
عاليه : هيه اعرف .. مع السلامه
ابوها: صبري ...... ( بس سكرت الخط (
تمت عاليه مستغربه ؟؟ هذا صدق ابوها ولا حد يستهبل عليها ؟؟ واذا هو ابوها كيف عرف رقمها ؟؟ وكيف ما يعرف ان امها كانت حامل ؟؟ شو السبب اللي خلا امها تطلق من ابوها ؟؟ خوالها كيف اجبروا ابوها يطلق امها ؟؟ هو كيف شكله ؟؟ كيف شخصيته ؟؟
وين كان عايش ؟؟ وليش ما يزورها بدل ما يتصل فيها ؟؟
لو ماكان ابوها ... شو مصلحة اللي متصل فيها يقول هالكلام ؟؟
في خاطرها اسئله كانت محتايه اجابه .. بس ماتعرف تسأل امها ولالا ؟؟
اكيد امها ماتبي تعرف عن ابوها شي ؟؟ مب هو تخلى عنها اكيد ماتبي تسمع حتى اسمه ؟؟
بس هي مره قالت لها لاتقسين قلبج على طاري ابوج ؟؟!! اكيد اذا سالت مابتقول شي ؟؟
حياتها انجلبت فوق حدر ؟؟؟ منو هو ؟؟
هل هو ابوها ؟؟ ولا شخص ثاني ؟؟
وهي مب قادر تستوعب ؟؟ خلاص مخها تكهرب ؟؟ تسأل امها ولالا تبي تعرف شخصية ابوها
شو هالبلاوي اللي اتي مره وحده ؟؟
تمت يالسه مكانها تحاول تيمع افكارها عسب تتخذ قرار ..!!
مب هو ابوها ومن حقها تسأل عن شخصيته ؟؟
مب هو اللي ودر امها من سنين ؟؟

لها الحق تعرف السبب اللي خلا امها تودر ابوها ..!! اكيد بتقول ما تفقنا ؟؟ بس هي مب ياهل امها تقص عليها بكلمتين ؟؟ لازم تعرف عن ابوها شي ؟؟
هي كل ما تسأل امها عن ابوها ... تغير الموضوع ؟؟ اكيد شي سبب ؟؟ اكيد في شي !!
شو هو ..؟؟ لازم تعرفه .!!

ظهرت من غرفتها ... وطول ماهي ماشيه صوب غرفة امها وهي تفكر كيف تبتدي بالكلام مع امها ؟؟
دشت الغرفه ماحصلت حد ؟؟ وينها ؟؟ وين سارت ؟؟ دورتها ماحصلتها ؟؟
نزلت تحت.. لقتها يالسه .؟؟
تقربت منها .. يلست حذال امها وهي متوتره
حست امها شو بلاها .. بس ماقدرة تقرا افكار عاليه عسب تعرف شو بتسألها الحين ؟؟
عاليه بتوتر: امي ..! بسألج سؤال .. واتمنى تجاوبيني بصراحه ؟!
ام عاليه بستغراب وتعجب : اسألــي ؟؟!
عاليه: امممم ..!! اممممم ابي اعرف كيــف ... امممم انتي وابوي .. انفصلتوا وحق شو ؟؟ وشو السبب اللي خلاج تهدينه وتطلقون؟!!
ام عاليه : بعد هالسنين يايه الحين تسألين هالسؤال ؟؟!!
عاليه: هااا ...!! طول هالسنين كنت ياهل ما افهم شي ..!! الحين غير .. اعرف الصح من الغلط ؟؟ امي بليز قولي
ام عاليه: ما تفاهمنا ؟؟ وكل وحد حصل له طريج ومشى به وبس
عاليه: وضحي ....!!
ام عاليه: اكثر من جذي ؟
عاليه: ابي اعرف شو اللي صار بينكم .. ابي اعرف شو اللي خلاج تطلقين منه ومنو كان السبب في فكرة الطلاق..؟؟
ام عاليه: هالكلام كبير عليج يا عاليه .. وانا ما بجاوب على اسألتج ؟؟
عاليه بأصرار: دخيلج ابي اعرف ؟؟ ليش تخبين عليه ؟؟ مردي بعرف كل شي .. اذا اليوم ماعرفت باجر بعرف ...!! امي بلييز قولي
ام عاليه: مابي افتح المواجع .. خلي كل شي مخباي احسن
عاليه: ليش ؟؟ شو صار ؟؟ دخيلج قولي !!
ام عاليه: شو تبين تعرفين ؟؟ تبيني اقولج عن ابوج ؟؟ تبيني اقولج شو سوا بي ؟؟ تبيني اقولج ؟؟ تبيني اقولج هدني عسب وحده ما تسوى ..!! وحده بلا اصل ولا فصل ؟؟ وحده من الشارع ..!!
عاليه: امي انتوا عيال عم كيف يهدج عسب وحده ؟؟ ولا من الشارع ؟؟ اكيد في سبب
ام عاليه: قبل ما اخذ ابوج .. كان هو مثل الحلم بنسبالي .. الاهل كانوا محيرينا لبعض..كنا متربايين مع بعض .. كان ايي عندنا ونحن نروح عندهم ..كنا دايمًا مع بعض ..؟؟ وانا دومي كنت اشوفه شي كبير .. كان وايد وايد كبير في عيني.. كنت اشوفه غير عن باجي عيال عمومتي .. وكيف ما اشوفه جذي وهو بيكون ريلي في المستقبل .. وانا ذاك الوقت كان عمري 15سنه وبعد كم شهر .. يا عمي مع ابوج يخطبوني .. وانا على طول وافقت ماقدرة ارفضه وكيف ارفضه وهو كان حلم وتحقق ..!! ملجنا .. طول فترة الملجه .. مازارني يمكن مره ولا مرتين وطول الفتره كان يتم ساكت ولا سرحان .. !! كل ما اشوفه جذي .. كنت اقول اكيد في شي مضايج به !! بعد شهرين من الملجه ..تزوجنا .. !!
وياليتني ما تزوجت .. طول هالفتره تميت ندمانه على زلاته وتصرفاته ..!!
كنت اشك في تصرفاته بس كنت اسكت وابلع عبراتي .. كنت اقول يمكن يعقل .. يمكن يتغير.. كلهم كانوا يقولون لي ييبي ياهل يمكن يعقل ... بس ما كان بأيدي اييب ياهل ..!!
تميت سنه وانا اتريا ياهل ؟؟ كلهم كانوا يتحسبون اني ما اييب ياهل ..!! بس هالشي مب بأيدي ..!!
المهم تمينا على حياتنا كل واحد فينا له حياته ..لا هو يسأل ولا انا ..!! وكيف اسأله وهو ما يبرني .. كاني ولا شي .. في يوم مليت من هالعيشه .. مليت من تصرفاته .. مليت من كل شي فيه.. كلمته قلت له ليش هالجفا.. ليش هالتصرفات اللي يسويها ..!! تعرفين شو قالي ؟؟!!
عاليه: شو قال ..؟؟
ام عاليه: قالــي ..!! لاني ما ابيج ..؟؟ انا هني استغربت ؟؟ كيف ما يبيني ويتزوجنا ..!! الزوج مب غصب ..!! لو ما كان ياي يخطبني .. ماكنت بزعل . بيظل الغالي .. وولد عمي .. بس قلت له وليش تخطبني وتتزوجني ..
قالي لاني مابغيت اظهر من شور ابوي .. ما يبي يظهر من شور ابووه .. بس يبي يدمر حياتي ؟؟!! تعجبت اكثر .. وعرفت ان عمي غصبه انه يتزوجني .. وهدده اذا ما تزوجني .. لاهو ولده ولا يعرفه .. يعني بيتبرا منه ؟؟ وكل هذا على حساب حياتي .. !وعرفت انه كان يحب وحده اجنبيه .. ويباها بس عمي لما عرف اصر انه ياخذني على اساس انا بنت عمه وهو اولى بي ؟؟ وهو لين الحين يرمسها .. وكان متزوج عليه هالأجنبيه وانا ماعندي خبر ؟؟ بعد هالأعترافات منه عرفت سر غيابه الدايم .. عرفت ليش يظهر من المغرب لين الصبح .. كان يرد البيت الساعه 10 الصبح ولا مرات كان ايي بالليل ..!! وانا على بالي شغل ..!! عمري ما توقعت ولد عمي يسوي فيني جذي ..!! عمري ما تخيلت انه بيكون بهالقساوه ؟؟ هالانسان اللي كان طول عمره حنون وطيب جذي يصير .. !!
فكرت اذا صبرت يمكن يعتدل الحال معاه .. في يوم كنت سايره المستشفى وفحصت وسمعتني الدكتوره خبر ولا كنت احلم به .. قالت لي اني حامل ..!! ما صدقت من فرحتي بغيت اطير .. بغيت اروح وابشر ولد عمي .. يمكن يحس فيني شوي .. وانا في البيت اترياه ... مرت ساعه .. وساعتين .. وثلاث ساعات .. ما يا .. قلت يمكن في شي ..!! يوم يا .. رحت عنده وابي اقوله .. اني حامل وابشره .. بس اول ماشافني .. قالي تعالي بقولج شي سرت له على بالي حد خبره قبلي .. قالي يابنت عمي انتي غاليه .. وعزيزه .. بس ماقدرة ابني لج مكان في قلبي.. انا حاولت .. بس ماقدرة .. وانتي كنتي طول حياتي شرات اختي واسمحيلي .. انتي طالق ..
في هالوقت .. جتل احلى شي كنت يايه اقول له ..
ماقدرة اقول له اني حامل فيج ... ماقدرة اقول شي ولا شي وحتى كلمه
من بعد هالكلمه رجعت بيت اهلي .. ترجاني عسب اتم في البيت وهو يطلع بس مابي اعيش في مكان هو كان يالس فيه ..
طلعت من البيت رحت بيت ابوي .. خلاص هو قطع الوصل بينا .. ماعاد محتاج لي ..
وكيف اعيش معاه وهو باعني عسب وحده ماتسوى .. رجعت وانا همي فيج انتي .؟
عاليه: فيني ؟؟ ليش ؟؟
ام عاليه: اكيد بحاتيج .. يوم بتكبرين اكيد بتسأليني عن ابوج .. وكلام الناس ما يرحم .. وخصوصًا اذا كانت البنت مطلقه بيطلعون فيها الف عيب ..و عيب ..اكيد بيسألون هاي ليش طلقها ريلها ؟؟ اكيد هي السبب ؟؟ حتى لو الريال غلطان بيوقفون معاه وبتظل الحرمه هي الغلطانه حتى لو هي مب السبب ..!!
ابوي زعل من عمي بسبت هالشي .. وعمي نفس الشي زعل من ابوج ..!!
وبعد ما طلقني ابوج عاش مع مرته اللي اختارها .. وبعدين سمعت انه سافر ..
وماوصلتني اخباره .. قطعت صلتي فيه .. ماقمت اسأل عنه .. ولا هو يسأل ..!!
عشت انا شهوري وانا اشوف بطني يكبر شهر ورا شهر .. وكنت متشوقه ابي اعرف بيب ولد ولا بنت ... كلهم قالولي اشوف اذا الجنين ولد ولا بنت بس انا ما رضيت بغيت اتفاجأ في المستشفى ..
عاليه: انزين وبعدين ..!
ام عاليه: بعدين .. مرت شهوري ال9 على خير .. ويبتج ماتدرين اشكثر فرحت لما شفتج كنتي صغيره وايد .. كنت خايفه اذا ابوج عرف ياخذج مني ..
وهالشي سبب لي قلق دايم .. خفت .. انا ماصدقت انج تنولدين وبعدين ياخذج مني ..خبيت عليه .. وبما ان ابوي زعلان من عمي ما قاله شي .. ولا خبره اني مربيه ..ويوم كملتي 3 سنين عرف عمي انج حفيدته .. بس حلفته انه مايقول حق ابوج شي ..وهو وعدني مابيقوله .. واصلا حتى لو قاله ان عنده بنت .. ما بيخليه ياخذج مني ..
عاليه: خيبه .. مب سالفه .. هذي قصه !!
ام عاليه: هيه
عاليه: امي بقولج شي بس لاتعصبين
ام عاليه: شو ؟؟!!
عاليه: امي اليوم ابوي اتصل فيني ..
ام عاليه: شوووو .. من وين يعرف رقمج ؟؟
عاليه: وانا شو عرفني ؟؟
ام عاليه: كلمتيه شو قالج ؟؟
عاليه: ماقالي شي .. بس خبرني انه هو ابوي .. انا ما صدقته ..خفت حد يالس يستهبل عليه .. وسكرت التلفون في ويهه ..
ام عاليه: ياخوفي ايي الحين ويطالبني فيج ..
عاليه: جيه بكيفه هو ..!! ماشي شغل..!! وبعدين انا اللي اختار اعيش مع منو .؟؟ وانا ما ابيه ..!!
ام عاليه: الله كريم

-------------------------
في المستشفى
في غرفة راشد
الساعه: 5العصر
-------------------------
اوعدني عني ماتغيبتبقى هنا جنبي قريب
محتاج انا مثلك حبيب يفهم عيوني وضحكتي
فيك انته حلمي منزمان وانته الهواء وانته الحنان
تلقى معاك روحي الأمان يا احلى بشر فيدنيتي
وحدك ابيك والله ابيك بس تكفى طمني عليك
مابي احد يشغل عينيك لو اموتانا من غيرتي
فيك انته حلمي من زمان وانته الهواء وانته الحنان
تلقى معاكروحي الامان يا احلى بشر في دنيتي
خذني معاك يا احلى ملاك خلني انا احيابغلاك
حياتي من دونك هلاك وحدك حبيبي وجنتي
فيك انته حلمي من زمان وانتهالهواء وانته الحنان
تلقى معاك روحي الامان يا احلى بشر في دنيتي

في هالوقت كان راشد يالس وكاشخ .. مستانس بتي عاليه مع امها ..
كان يالس ويطالع روضه .. كل شوي يأشر لها تتصل في عاليه ..
وروضه يالسه وتستهبل .. ما تعطيه ويه .. وهو وده يذبحها

روضه من كثر ما راشد حشرها وهو يأشر لها .. اتصلت في عاليه
روضه: وينج ؟؟
عاليه: والله بيي .. صبري شوي
روضه: وين اصبر .. ياختي بعض الناس ذبحوني
عاليه: منو بعض الناس ؟؟
روضه: تستهبلين .. تعالي بسرعه افففف صدق جيل فاسد
عاليه: انزين خلج يا ام جيل الصاعد والناجح
روضه : انزين تعالي بسرعه فكينا والله تعبت وانا يالسه بروحي
عاليه: جيه محد معاج الا انتي وراشد
روضه: هيه عندج مانع ؟؟
عاليه: لاو الله
روضه: هيه مب ولد خالتي .. عادي
عاليه: لا مب عادي
روضه: افففف منج .. مب بروحي ارتحتي
عاليه: هيه منو معاج
روضه: امي .. امه .. وانا ... وقريبًا انتي .. وامج .. هاهاهاهاي
عاليه: فقت هالضحكه اللي جنها ضحكة مارد
روضه: مارد في عينج ..
عاليه: مشكوره
روضه: انزين يالله باي خسرتيني بس تعالي بسرعه
عاليه: اوجيج
بعد ماسكرت روضه .. تمت تأشر حق راشد ان عاليه بتي الحين ..
وراشد من فرحته كل دقيقه يسأل امه شكلي اوكيه . ولا لبسي ,,
اللي يشوفه جنه يايبن يخطبونه ..

عقب 10 دقايق .. وصلوا قوم عاليه ..
اتصلت عاليه في روضه عسب تخبرها انهم موجودين ..
وروضه ما صدقت طلعت لهم .. وراشد من فرحته كان وده يروح بروحه في استقبالها
بس مايقدر يمشي ريله مجبسينها ..

دشوا قوم عاليه .. وراشد ماشل عينه من على عاليه .. كان يقول في خاطره اشكثر اتغيرت عاليه وشكلها تغير .. وشكلها احلى .. تغيرت وايد ..
تم يطالعها .. وعاليه من كثر ماهي مستحيه ماشلت عينها من على الأرض ..
هي تدري ان راشد يالس ويطالعها .. من كثر ماهي مستحيه بغت تظهر من الغرفه والسبه نظرات راشد لها ..
ام عاليه : حمدلله على سلامتك يا ولدي ماتشوف شر ..
راشد:................. ( راشد مسوي لها اكبر طاف .. لانه سرحان وهو يشوف عاليه (
ام راشد: راشد الحرمه تكلمك وتتحمد لك بالسلامه
راشد: ...............
ام راشد: وابويه شو صار فيك ؟؟؟ راااااشد ..
بعد ما انتبه لعمره .. راشد: ها ..!! شو ؟؟ شو صار ؟؟
ام راشد: سلامتك مافي شي ..
راشد: اها ..!!
وراشد تم يبحلق اكثر في عاليه شو بيعفد عليها ..
وروضه تحاول تأشر عليه انه يبطل هالحركات عيب .. لان ام راشد وام عاليه انتبهوا عليه ..
وهو ولا ع البال .. يالس ويطالعها ..
تمت ام عاليه تسأل متى بيظهرون راشد من المستشفى .. وتمت ترمس مع ام راشد ..
على قولتهم سوالف حريم ..

وروضه يالسه وحاطه ايدها على خدها يالسه تشوف راشد شوي .. وتشوف عاليه شوي .
بعد ما ملت من حركاتهم
جان تضرب عاليه على ايدها ..
روضه: شوي شوي على عمرج كسرتي رقبتج
عاليه: جب روضوه
روضه: صدق بعد شو ؟؟ كل شوي تصدين وتنزلين راسج وين تبون انتوا الأثنين
عاليه: اوووه بلاج انتي
روضه: هيه هيه شو تبين فيني الحين .. عندج الغالي ..
عاليه : اووه خلاص عاد ..
روضه: حركات والله حركات
كانوا يالسين يرمسون .. فجاه رن تلفون عاليه.. يوم شافت الرقم طلعت برع ..
هني راشد .. تم محتار منو اللي متصل في عاليه ..؟؟!!
بعدين اشر على روضه تروح عندها .. يوم راحت روضه ..
شافت عاليه ويهها متغير ..
روضه: بلاج علايه
عاليه: ها .. ولا شي
روضه: لا في شي شو بلاج قولي؟؟
عاليه: بقولج بس مب الحين ..!!
روضه: متى انزين ..
عاليه: اليوم اتصلي فيني ولا انا بتصل فيج وبخبرج ..!!
روضه: انزين .. مب مشكله
عاليه: انا الحين بروح ؟؟
روضه: وين تو الناس ..
عاليه: ماقدر اقعد هني .. بعدين بخبرج السالفه ..
روضه: حيرتيني ..
عاليه: لاحول صبري انزين بخبرج اليوم ..
روضه: لا ابي اعرف الحين ..!
عاليه: مايصير الحين
روضه: عاليه قولي الحين ترا والله ازعل منج وما برمسج احلف تراني
عاليه: لاحووول .. انزين ..
روضه: قولي بسرعه
عاليه: امممممم فــي ...........

الجزء الثالث عشر
~~)(~~ تخيل بعد هالعشره الطويله يجيغيري وياخذك بسهوله ~~)(~~
روضه : ما توقعت هالشي يصير .. ياختي حاسه هالسالفه جنها مسلسل ..
عاليه: عيل انا شو اقول .. احس عمري في مسلسل ولا يالسه امثل ..
روضه: الله يكون في عونج الصراحه . ماتلاحظين ان هالسالفه مبالغين فيها
عاليه بستغراب: كيف ؟!!
روضه: مايحتاي كيف .. يعني .. امج تقولج شي .. والريال اقصد ابوج يقول شي ثاني .. يعني كل واحد يحاول يبرر موقفه ... فهمتي
عاليه: لا مافهمت ؟؟!!
روضه: لاحول ... خليني اوضح لج المعنى .. تخيلي ابوج دوله .. وامج دوله .. وطبعًا بينهم حروب ومشاكل وكل هذا عسب مصلحه مشتركه بينهم .. والمصلحه هي انتي .. يعني يحاولون يكسبونج بأي طريقه عسب انتي تعيشين مع شخص المثالي في نظرج .. فهمتي؟!!!
عاليه: اها .. يعني امي تحاول تقنعني عسب اتم عندها .. وابوي يبي يوضح لي موقفه عسب انا اسامحه واروح واعيش عنده ..؟؟
روضه: عليج نووور صح
عاليه: بس انا لو خيروني اكيد بختار اعيش عند امي ..
روضه: هالشي لازم تحددينه اذا هو يا وطالب فيج ..
عاليه: لاحول ويهالمصايب اللي اتي على راسنا ..
روضه: ياختي خلج بعيد عن هالسالفه اذا يت في وقتها زين ... وانتي الحين فكري في هالموضوع ..
عاليه: أي موضوع ؟؟!!
روضه: شو أي موضوع .. نسيتي ؟؟
عاليه: شو انزين ؟؟
روضه: راشد يبا يكلمج ؟؟
عاليه: انا مابي
روضه: مب بكيفج
عاليه: لا بكيفي .. قلت مابي ارمسه وخلاص
روضه: بلاج انتي ؟؟ ليش تكبرين المسائل.. هونيها وتهون
عاليه: روضوه دخيلج لاتعورين راسي بهالسالفه ؟؟
روضه: الحين انتي بسألج انتي تبينه ولا شو ؟؟ ولا تقصين عليه عسب هو مريض اقولج شي من الحين لاتعورين قلب ولد خالتي فاهمه !!
عاليه: ومنو قالج اقص عليه .. جيه شو قالولج عني نسيتي هو اللي قص عليه
روضه: والله هذاك اول ؟؟ وبعدين الريال عرف انه يحبج ومايحتاي تكبرين المسائل
عاليه: بفكر
روضه: متى بتخبريني
عاليه:ماعرف بفكر وخلاص

اجيك .. اجيك .. واتوله عليك
دخيل.. الله ..يكفيني جفاك
اجيكبشوق من قلبي اجيك
اموت فداك واتوسل رضاك
احبك موت يالغالي وابيك
انااهواك يا روحي واباك
ترد الروح بي لمست ايديك
واحب اعيش في هالدنيامعاك
احب اسمك وسط قلبي شريك
واحب ازقرك يا اغلى ملاك
اشوف الموت من دونكطريج
حبيبي بس يكفيني هلاك
انا اترجاك انا منك وفيك
ولا لي حد في الدنياسواك
دخيلك روف بي ربي يهديك
تذكر كيف يذبحنيغلاك

--------------------
اليوم: السبت
الساعه: 5 العصر
الموقع: في بيت عاليه
----------------------
ام عاليه: مالك حق تاخذ البنت .. وينك عنها من زمان ؟؟ انا اللي ربيتها مب انته
ابو عاليه: يايه تلوميني بعد هالسنين ؟؟ تقولين انا ما سألت عنها وانتي السبب انح ما خبرتيني ؟؟ انتي اللي سبب الطلاق .. لاتخليني افتح موضوع تسكر من سنين
ام عاليه: انا السبب ؟؟ شو سويت لك ؟؟ مب انته اللي طلقيتني .. عسب وحده من الشارع ..
ابوعاليه: لاتقولين انها من الشارع ..
ام عاليه: كيفي بقول .. وانته منو عسب تتحكم في كلامي
ابو عاليه: قلت لج باخذ البنت يعني باخذها فاهمه ولالا ابي بنتي تعيش مع اخوانها ..
ام عاليه: لا ما بتاخذها مب بكيفك انا اللي تعبت عليها وانته الحين ياي تاخذها جذي بهالسهوله تتحسب اني بخاف منك .. تتحسب اول ما بتقولي عطيني البنت بقولك تفضل خذها .. شكلك تحلم وايد
ابو عاليه: لا تخليني اعصب ..
ام عاليه: خوفيتني ..
ابو عاليه: اقولج شي.. هاتي البنت خليني اسألها اذا تباني ولا تباج ..
ام عاليه: وليش تسألها .. ؟؟؟ شكلك واثق وايد انها بتعيش معاك ..
ابو عاليه: اكيد .. وبعدين مب انا ابوها اللي ما شافته من سنين .. ولا نسيتي
ام عاليه: عاليه مالها كلام عقب رمستي ..
ابو عاليه : روحي ازقريها خليني اعرف رايها ..
ام عاليه راحت تزقر عاليه .. يوم وصلت
ابو عاليه: تعالي حبيبتي قعدي حذالي ..
عاليه: لا انا بعقد حذال امي وبعدين انا مرتاحه في مكاني
ابو عاليه وهو قافط : اها .. زين مب مشكله ..!!
ام عاليه: يا بنتي ابوج ياي ياخذج ..؟
عاليه وهي مب مصدقه: شوووو .. ياخذني انا ؟؟؟ ليش ؟؟
ابو عاليه : عسب تعيشين عندي .. ولا ماتبيني
عاليه وهي تصيح: اصلا منو قالك ابي اعيش عندك ؟؟.. منو انته ..؟؟ جيه انا اعرفك .. عمرك ييت صوبي ..؟؟ عمرك سألت عني .. ؟؟ ما كلفت على عمرك اتي وتسأل عن احوالي .. !!! انا ما ابي اعيش عندك ..
انا طول حياتي عايشه عند امي .. هي اللي تراعيني وتسأل عني .. هي اللي تتخبر عن احوالي ..؟؟ هي امي واختي واخوي وابوي هي كل شي في حياتي .. انته ولاشي .. انا ما اعرفك ما ابيك ..
ام عاليه وهي قلبها يعورها على بنتها: خلاص يابنتي خلاص ..
ابو عاليه: يعني ما تبين ابوج ؟؟ انا شو عرفني ان امج حامل ؟؟ شو عرفني ان عندي بنت ؟؟ محد خبرني ..؟؟ انا طول عمري في الغربه
عاليه: انته اللي بغيت حياتك .. ومابغيت امي .. انا ما ابيك .. انا عايشه حياتي ومستانسه ...ما ابي ابو كفايه عليه امي ما ابي حد
ابو عاليه: يعني هذا رايج فيني ؟ ما تبين تعيشين عندي ..
ام عاليه: سمعت قرارها وخلاص ..
ابو عاليه: اها .. زين ..انا طالع من بيتكم وطالع من حياتج .. خل امج تنفعج
وطلع ابوها معصب .. تمت عاليه مع امها .. وعاليه طول الوقت تصيح ..
فجاه رن تلفونها يوم شافت رقم راشد استأذنت من امها وسارت غرفتها ..

--------------------
اليوم: السبت
الساعه:7 المغرب
الموقع: غرفة راشد
-----------------------
راشد: اكيد فيج شي ؟؟ قولي بلاج ؟؟
عاليه: مافيني شي
راشد: لاحول يعني ليش ماتبين تخبريني ؟؟ صوتج متغير
عاليه: اففف مافيني شي خلاص
راشد: هدي بلاج معصبه عليه
عاليه: لاحول انته شو تبي ليش متصل ها ؟
راشد: اسأل عن حالج ولا حرام
عاليه: ....................
راشد: الوووو
عاليه: .......................
راشد: الوووووو عاليه ...؟؟؟؟ وينج ؟؟؟ردي عليه؟؟؟؟ظ
عاليه: ها؟
راشد: علايه بسألج سؤال ..؟؟
عاليه: ها؟
راشد: تحبيني؟؟
عاليه بستهبال: امممم ماعرف
راشد: كيف يعني ما تعرفين
عاليه: ماعرف ؟؟ انزين انته تحبني؟؟
راشد: اكيد ..ليش عندج شك
عاليه: يمكن ..
راشد:لو عندج شك في حبي لج ..تكونين غلطانه جيه ماتدرين اني احبج واموت فيج .. تدرين ان حياتي بدونج ولا شي ..
عاليه: اها
راشد: ما تصدقيني ؟؟
عاليه: منو قال
راشد:اسلوبج ؟؟ احسج ماتصدقيني ..
عاليه: لا صدقتك .. بس انا متضايجه شوي
راشد: يوم قلت لج فيج شي قلتي مافيج
عاليه: ...........
راشد: حياتي .. صح اني ما اعرفج شو بلاج بس لاتزعلين روحج..ما احب اشوفج متضايجه .. من تتضايجين ترا انا اتضايج
لاتعورين قلبج ..
عاليه: .....................
راشد: اقولج شي
عاليه: شو؟
راشد:
دنياك حلوه لا تهمك ظنونك
لاخير فيها كان خان القدر فيك
وش نفعها ياقبلة الخلق دونك
لعلها ......الدنيا تبكيك
حرام أشوف الدمع .. يملي عيونك
يامالي قلبي من الحب ... وشفيك
تقول حظك ياحياتي ... يخونك
وش قولتي في حظي اللي غدر فيك
ترى شجوني زودتها ... شجونك
خذ قلبي ... العب به لعله يسليك
عاليه: صح لسانك
راشد: صح بدنك .. شو رايج في القصيده
عاليه: حلوه ..
راشد: اصلا انتي احلى منها ..
عاليه: هههههه ادري
راشد: فديت هالضحكه
عاليه: هههه بلاك اليوم ؟؟؟
راشد: مافيني شي ؟؟ ليش شو بلاني ؟؟
عاليه: ماعرف اسأل عمرك ..؟؟
راشد: امممم سألت عمري .. مالقيت الجواب ..
عاليه: اها زين يوم بتلقى الجواب خبرني
راشد: حركات عليج اقولج حبي انا بسكر عنج الحين بعدين بتصل فيج
عاليه: انزين
راشد: مع السلامه
عاليه: مع السلامه

الجزء الرابع عشر
][®][^][®][اهواك واتشرق بطرواك ابغى بعادي من يعاديكوسط الحشى لفواد لباك بروح والمهجه تلبيك][®][^][®][

ام راشد: يا راشد اسمع كلامي ؟
راشد: شو اسمع ؟؟!! امي مايصير جذي .. حرام توني طالع من المستشفى وتقوليلي عرس .. جيه انا شو ؟؟ ماقدر وبعدين انا مابي اعرس الحين ..
ام راشد: يعني متى تبي تعرس ها ؟؟ قولي متى؟؟ اللي كبرك عرسوا ويابوا عيال وانته بعدك؟ حرام عليك تحرمني من هاليوم .. وانا طول حياتي اتمنى ان اشوفك معرس ؟؟
راشد وهو يحب راس امه: امي لاتعورين قلبي .. والله وغلاتج اذا ابي اعرس بي عندج وبقولج امي الغاليه زوجيني ..؟؟
ام راشد: شو تقص عليه ؟؟ قلت لك اذا ماعرست والله ازعل منك ولا برمسك طول حياتي فاهم ولالا
راشد: امي حرام عليج لاتعورين قلبي اكثر من جذي .. وبعدين انتي منو بتيوزينها لي ؟ منو هاي ؟
ام راشد: مايبالها اكيد روضه بنت .......(قبل لاتكمل قاطعها(
راشد: شوو روضوه لا مابي .. والله ما خذيتها
ام راشد: شو هذي بنت خالتك وانته اولى بها من الغريب .. شو تبا الناس يتشمتون فينا يقولون عوشه زوجت ولدها لوحده غريبه وهدت بنت اختها يا شماتت الناس فينا .. هيييييه هأ بتسوي علج في حلوجهم هذا اللي قاصر
راشد: انزين انا ابي اعرس ..
ام راشد: يعني وافقت على روضه ؟؟ فديتك انا والله فرحيتني .. يعلني فداك
راشد: قلت روضه ما ابيها ؟؟ بس في وحده اباها ؟؟
ام راشد: قلت لك بنات من الشارع مابي فاهم ولالا ..
راشد: امي هاي تعرفينها .. وحتى زارتنا يوم كنت في المستشفى ؟؟
ام راشد: منو هاي ؟ ما احيد بنات يو المستشفى ؟
راشد: لا منو قال ؟؟ وحده يت مع امها .. امي انا ابي هاي البنت
ام راشد: لاحول ولاقوة الا بالله .. ياهي سالفه .. الحين انا شو اقول حق اختي والله فشيله وين اودي ويهي منها ..
راشد بستغراب : ليش ؟؟ شو السالفه ؟؟ واصلا انتي مارحتي تخطبينها عسب تدري بالسالفه ؟
ام راشد: اشلون ما تدري وانا خبريتها اني ابي بنتها لك ..
راشد بعصبيه: امي كيف جي تسوين ؟؟ جيه انا مب ريال مالي قرار شايفتني بزر
ام راشد: شو عرفني فيك انا قلت انك مابترد بنت خالتك .
راشد: امي روضه مب لعبه وبعدين انا لو ابي اعرس بختار اللي اباها .. انا قلت لج روضه ما ابيها .. يعني ما ابيها ..

---------------------
اليوم:الأحد
الساعه: 12 الظهر
الموقع: بيت روضه
----------------------
طلعت روضه من غرفتها وكلها فضول انها تعرف شو تبي امها فيها ..
اكيد شي صاير .. توها تبي تنزل وتروح تحت عند امها صدت صوب غرفة اخوها علي .. " اكيد علي يعرف السالفه .. امها ماتخش عنه شي .. فكرت انها تروح وتسأله عن السالفه ؟؟ "
دقت باب الغرفه لقت اخوها يالس ع الكمبيوتر .. مثل كل مره يالس يرمس في المسن .. فاضي ماعنده شغله .. صار هالأنسان مدمن "نت" نهار وليل يالس على الكمبيوتر .. يا يدخل المنتديات ومرات يدخل الجات .. هالشخص آله في جسم انسان .. هاي فكرة روضه عن اخوها ..!!
روضه: علي ..
علي:.......... ( مسوي لها اكبر طاف .. ومب معبرنها .. (
روضه: حوووه ارمسك ؟
علي بعد ما انتبه: ها .؟؟ شو تبين ..؟
روضه: اممم ابي اسألك تعرف امي شــو تبي فيني ..
علي بدون انتباه : ههههههه مصخره والله ...
"هني روضه تنرفزت منه .. وبكل عصبيه تتجدم صوب الشاشه وتسكر .. "
علي: انتي غبيه ولا شو سالفتج
روضه: لا مب غبيه بس خل عندك ذوق يوم اختك ترمسك عبرها شوي ..
علي : اسكتي انتي مالج شغل .. شو تبي بسرعه خلصينا ..
روضه: انزين انزين .. تعرف امي شو تبي فيني ..
علي : قالولج ساحر ؟؟!! وانا شو عرفني فيها شو تبي فيج ؟؟
روضه: اوووووووووووووه انته مامنك فايده ..
علي : خليت الفايده لج والحين فارجي يالله برع .. ( وفج الشاشه مره ثانيه وتم يكتب .. (
وطلعت روضه من غرفة اخوها وهي محتاره امها شو تبي فيها .. سارت الصاله .. وقعت خذال امها ..
روضه: امي بدون مقدمات قولي شو تبين ؟
ام روضه : امممم الله يسلمج خالتج . خطبتج حق راشد ولدها ..
روضه وهي فاجه عيونها : شووو ؟؟ امي اقولج من الحين انا راشد ما ابيه ..!!
ام روضه: شو ؟؟ ترفضين ولد اختي .. ليش شو بلاه .. شو تبين الناس ياكلون ويهي .. ويرمسون عني يقولون ماعطت بنتها لولد اختها .. شو تبين تفضحينا انتي
روضه: مابي راشد مابيه الزواج مب بالغصب ..
ام روضه: يابنتي انتي فكري في الموضوع وخالتج قالت هي مب مستعيله .. انتي بس فكري كم يوم
روضه: لاحول اقول لها مابي تقولي فكري ؟؟ امي اقولج من الحين هالشخص ما ابيه ..!!
ام روضه: لاحول .. كيفج هذي حياتج ..!!

الجزء الخامس عشر
:+::..( انتهبحري وأنا اليم يقولون اللي يقولون أنا في حبك متيم وخل الحساديموتون)..::+::
عاليه: احبــك..
قالت احبك ياراشدقلت من قدي
هالكلمه هذي تموتني وتحييني
قالت ااحبك وكانت سبحتي بيدي
مندون ما اشعر بها طاحت من يديني
كنت احسب ان الليالي كلها ضدي
من قبل ماهيتيجي في عينها في عيني
واليوم عايش معها في عمر وردي
واموت انا في حبها وتموت هي فيني
كل مره تقول لي لو تدري بودي
او تعرف اشقد احبك يا مهنيني
انكانت عشت الدقايق كلها عندي
ما كنت لحظه بلا شوفك تخليني

كانت تنادينيبأسمي لو هي بحدي
وتحط بعض الحواجز بينها وبيني
واليوم لو تبين سدهاوسدي
من دوم كلمه حبيبي ما تناديني

راشد: لالالا عيديها مره ثانيه ..
عاليه: احبــك .. والله احبــك ..
راشد: ماقدر ياناس والله ماقدر انا على هالكلام .. بموت
عاليه: يعل يومي قبل يومك لاتيب هالطاري ترا ازعل عليك
راشد: ياويلي .. خلاص ما بقول ..
عاليه: ادريبك بتقول !!!
راشد: والله وغلاتج عندي مابقول ...!
عاليه: انزين صدقتك ..
راشد: احبج واموووت فيج
وهم يرمسون رن تلفون غرفة عاليه .. يوم سارت صوب التلفون شافت رقم روضه ..!! تفاجأة اكيد تباها في شي ضرور ..
عاليه: راشد بتصل فيك بعدين روضه متصله
راشد : انزين مب مشكله
عاليه: مع السلامه
راشد: مع السلامه
شلت التلفون عاليه ..
عاليه: هلا روضه
روضه: اهلين .. اشحالج
عاليه: بخير .. اشحالج انتي
روضه: بخير يسرج حالي
عاليه: بلاج متصله هالوقت .؟؟ غريبه
روضه: ادري غريبه بس انا حياتي غريبه ..
عاليه : بلاج ؟؟!!
روضه: تدرين ان راشد خطبني
عاليه وهي منصدمه: شووو ؟؟!! خطبج ؟؟ كيف ؟؟
روضه: وانا شو عرفني ؟؟ خطبني .. وامه اتصلت في امي
عاليه: كيف كيف يخطبج وهو يحبني .. ولا هو بس كلام
روضه: انا بروحي مستغربه ؟؟
عاليه: ليش يجذب عليه وهو ما يباني ؟؟ ليش يقول انه يحبني ..ليش يجذب ؟؟ بس عسب يتسلى بقلبي
روضه: عاليه لاتتهورين .. انا قلت لج هالكلام عسب اخبرج بالسالفه .. يمكن راشد ما يدري .. ترا انتي ما تعرفين خالتي كيف تتصرف ..
عاليه: جيه راشد ماله رايي ؟؟ هو ياهل امه تيود ايده وتدليه دربه ؟؟ روضه شو هالكلام ؟؟
روضه: ياحبيبتي انتي ماتعرفين خالتي كيف هي ؟؟ تدرين انها زوجت ولدها العود بدون ما يدري ..
عاليه: شو تزوجها بدون ما يدري ؟؟ جيه هو قاصر ولا هو كان قاعد في غرفته وتفاجأ في وحده تدخل عنده وامه تقوله هذي مرتك ؟؟
روضه: لاحول اقصد خطبتله ؟؟ وولد خالتي ماقدر يرفض قرار امه
عاليه: لا تحاولين روضه تعدلين صورة راشد اكيد هو يدري وهو خطبج ؟؟ لاتحاولين
روضه: لا تتسرعين .. وانا شو اللي خلاني اقولج ؟؟ ياربي وشو اللي خلاني .. انا هبله قلت لج صدق اني غبيه والله غبيه
عاليه: لا احسن ؟؟ عسب تخبريني بالسالفه.. هذا راشد جذاب ومنافق .. روضه انا بسكر باي (وسكرت التلفون .(

------------------
في غرفة راشد
----------------
دخلت ام راشد غرفته .. وهي شاله هم ولدها
ام راشد: ياولدي ليش ماتبي روضه . بلاها بنت خالتك .
راشد: ما بلاها شي ..بس ياامي ما ابها .. مالي خاطري فيها
ام راشد: لا حول ليش اتسوي في امك جذي ليش؟
راشد: امي والله روضه شرات اختي .. كيف تبيني آخذ اختي يصير جذي
ام راشد: انته كل البنات خواتك ؟؟ ليش رافض هالفكره ليش
راشد: انا مب رافض بس مابي روضه ..
ام راشد: لا حول .. كيفك انا مابقولك شي بس لاتيني بعدين وانته ندمان تبي بنت خالتك ترا والله ما بخطبها لك ..
راشد: وليش اندم .. ما بندم ان شاء الله
ام راشد: بس بعد روضه بتاخذها بتاخذها .. ترا ازعل عليك
راشد: لاحوول ولاقوة الا بالله
ام راشد: انا بطلع .. بس فكر في كلامي زين
وظهرت ام راشد من الغرفه وخلت راشد في حيرته .. وهو مب مستوعب شو صاير ..
راشد .. كانت حالته ما تسر كان يتمنى في خاطره ان روضه ترفضه ..
راشد" اكيد روضه بترفضني اصلا هي تدري اني احب عاليه .. ومستحيل انها تخون في ربيعتها ..وبعدين كيف بتعيش معاي وهي تدري اني ما ابيها .. مستحيل توافق لو هي وافقة انا برفض حتى لو شو كانت اسباب امي مابي احطم حياتي لسبب ما يستاهل .. "
تم راشد محتار شو يسوي .. !! الحل صعب !!
بس هو يقدر يكنسل كل هالزيجه بكلمة " لا" اصلا محد مسؤول غيره ..
لازم يرفض ولا حياته بتنجلب ضده ..!!
حياته الحين في ايده.. لو سيطر على الوضع من الحين بيقدر يتحكم بكل شي.. وتكون حياته ملك ايده مب ملك غيره ...
وهو قاعد يت عينه على تلفونه .. وفي هاللحظه تذكر " عاليه" صح عاليه
واحشتنه .. كيف نسى يتصل فيها هو وعدها يتصل فيها ..!!
تم يتصل ويتصل .. بس عاليه ما كانت تشل ..
فقرر يطرش لها مسج ..
ياحبيبي ودي ألمس كل جرح يتعبك..
ودي اضمكلصدري تغرق انفاسي معك ..
ودي اني دوم عندك مثل ظلك اتبعك ..
ودي اغمض عيونيوألقى نفسي في حضنك ..
ودي حبيبي ابكي على صدرك ..
واقولك .. اني
حيـــــل اشتقتــلك ..

في هالوقت وصله مسج من عاليه ..
اتمنى لك خير خلني انسانه كان لها وجود في حياتك ..
احلى شيالفراق انت هدمت كل آمالي الجميله
وجرحتني جرح ما يرفاه رافي خلاص انا ما ابيك
انساني للأبد..

اول ما قرا هالكلام .. ماصدق و السالفه بلاها تغيرت عليه .. اكيد في سبب
يمكن...؟؟!! لالالالا ما اظن .. اكيد شي ثاني ..
شو سبب تغيرها المفاجأ .. ليش تغيرت شو السبب
ماقدر يستحمل افكاره توديه واتيبه .. شو صار فيه
ماقدر يستحمل شو السبب ؟؟!! حط ايده على راسه يحسب بعوار فضيع في راسه ..
عذاب ما وراه عذاب .. بلاها ؟؟ شو اللي غيرها ؟؟ ليش كل هذا ؟؟
اكيد حد غيرها ؟؟ منو هالشخص ؟؟
لو اتصل فيها الحين اكيد مابتشل .. احسن طريقه للتفاهم الحين هي المسجات ..
هالشي اللي اختارته هي .. خلاص .. نتفاهم بالمسجات ..!!
يعني انت تظلمني وانا ما اتكلم ..
واذاانا اخطيت صارت جريمه ..
يعني انت تتالم وانا ما اتألم ..
انا على فكره حياتيأليمه ..
انا حياتي كلها هم في هم ..
وصدمات عمري من زماني عظيمه ..؟

طرشت له عاليه مسج ومن قرا هالمسج تغيرت حالته ..
" خلاص انساني "

راشد تخبل .. لا هذي اكيد فيها شي .. شو انساها .. تباني اموت ..
انا انسى روحي ولا انساها .. انسى ناسي ولا انساها ..
انسى عمري ولا انساها .. انسى خلاني ولا انساها ..
طرش لها مسج " شلي تلفونج"
اتصل فيها .. شلت .. بدون أي مقدمات ..
راشد: بلاج حبيبتي .. بلاج عليه .. انا شو سويت لج.. عاليه انتي ماتعرفين .....(قبل لايكمل قاطعته (
عاليه: خلاص ..ياخلي انساني.. وانا بنسى حبك للأبد..إذا انت كنت تستاهل هالحب صدقني ببقى وفييه لك طول العمر .. بس انت ما تستاهل ..اعرف شو سويت ..نسيت حبنا.. وانا بقولك ياولد الناس نهاية حبنا الفراق ..
راشد: عاليه حبي لاتعذبيني .. لاتعورين قلبي حرام عليج.. ليش تسوين فيني جذي قولي .. ليش!! تراج تذبحيني بكلامج.. تقولين انساج انا ما اقدر انساج انا انسى روحي ولا انساج .. انتي ماتعرفين غلاج .. انتي ماتعرفين انتي شو بنسبالي .. عاليه دخيلج لاتقولين انساج ..
عاليه وهي تصيح: راشد ..!! انته تقدر تنساني .. عشاني انساني .. ممكن تنساني .. اباك تنساني .. وانا ابي انساك .. شيل حبي من قلبك ولا تعذبني ولا اعذبك ..
راشد: وغلاتي عندج ماقدر انساج.. عاليه قولي شو السالفه.. عاليه دخيلج خبريني!! خليني اعرف السبب ؟؟
عاليه: وتخلي عمرك ماتعرف السبب . انته شو تبي تذبحني مرتين ؟؟
راشد: لاتقولين هالكلام .. يعل يومي قبل يومج .. انا اذبحج ؟؟!! انا اذبح عمري ولا اذبحج .. اموت بحسرتي ولا اتموتين انتي .. !!عاليه حبيبتي لاتقولين هالكلام .. وانسي السالفه واذا ما تبين تقولين لاتقولين انا ماب جبرج بس احكمي بنفسج وبعقلج وقلبج ..عاليه انا بدونج اموت تعرفين شو يعني اموت ..لاتنهين حبنا في دقايق .. عاليه فديتج فكري في السالفه ؟؟ انا بخطبج ؟؟
عاليه وهي منصدمه: تخطبني ؟؟ ليش ؟؟ جيه بتخطب روضه وبتخطبني .. جيه كم قلب لك ياراشد .. قول كم قلب ؟؟
راشد وهو منصدم: شوو روضه ؟؟ ومنو قالج انا باخذها .. امي اللي خطبتها مب انا.. امي تدري اني رافض وانا خبريتها اني اباج انتي.. وبعدين اكيد روضه بترفض اصلا حتى لو وافقة انا ما اباها؟؟ اباج انتي ..
عاليه: لا والله .. انته ليش تسوي فيني جذي ؟؟ ليش تجذب عليه .. انا شو سويت لك .. شو تعاقبني انته لاني حبيتك .. !! شو تسوي فيني انته ليش تعذبني .. تبي تذبحني تبي تجتلني ..؟؟!!

الجزء السادس عشر – الجزء الأخير
..::+::..( ابتدي ياحبوارسم في سما هالليله قلبين اكتب عاليه بأول واكتب الثانيلراشد)..::+::..
راشد: دخيلج عاليه صدقيني .. اذا ما تصدقين .. اتصلي في روضه وسأليها قولي لها اذا هي تباني ولالا سأليها
عاليه: سأليتها وقالت انها ما تباك
راشد: يوم هي ماتباني والبنت بروحها قالت لج السالفه تظنين فيني هالظن عاليه
عاليه: انا ما ظنيت .. بس
راشد: لا بس ولا شياته .. مادري ليش تظنين اني ما احبج .. عاليه المفروض انتي اكثر وحده تعرفيين ان حياتي بدونج مب شي . انتي حياتج انتي روحي وانتي كل شي بنسبالي ..
عاليه: راشد انا آسفه
راشد: مايحتاي .. تعتذرين عاليه .. انا عاذرنج
عاليه: راشد انته زعلت
راشد: وانا اقدر ازعل من حبيبتي
عاليه: تسلم
راشد:الله يسلمج .. حبي عندي لج مفاجأه
عاليه: شو المفاجأه ؟!!
راشد: امممم كل شي في وقته حلو ..
عاليه: راشد قول لي ؟؟
راشد: مابقول ؟؟ مفاجأه وكيف اقولج اياها
عاليه: اوجيج كيفك ..
راشد: زين .. انا بخليج الحين انزين حبي
عاليه: انزين
راشد: مع السلامه
عاليه: باي
" بعد ما راشد سكر عن عاليه .. سار عند امه عسب الحين تكنسل الخطبه .. وتخطب له عاليه .. حياته مب لعبه في ايد اهله .. راح غرفة امه وشافها قاعده ع تسريحه تتعطر شكلها تبي تظهر .. "
راشد: امي لو سمحتي بقولج شي ..!!؟
ام راشد: خير يا ولدي ..؟
راشد: امي لو سمحتي انا ما ابي روضه .. انتي قلتي لي فكر ورد عليه .. وانا قلت لج ما ابي روضه .. وحتى روضه ما تبيني ليش تغصبونا على شي نحن ما نباه .. ليش تتحكمون في حياتنا ..
ام راشد: انا ما اتحكم في حياتك .. ومنو قالك انا اتحكم في حياتك .. انته غالي عليه .. انته ولدي شفتني في حياتي غصبتك انته واخوك .. على شي ؟؟
راشد: لا ما غصبتيني ... بس انتي الحين تجبريني على اني اخذ روضه
ام راشد: منو قالك انك بتاخذ روضه .. اصلا روضه رفضتك .. وماتبيك ..
راشد وهو مستانس : صدق.. روضه رفضتني .. والله انها حرمه ...!! يعني الحين متى بتروحين تخطبين عاليه لي ...
ام راشد: والله انته كيفك .. ولا شو رايك اتصل في الحرمه واخبرها
راشد: اوجيج ..
ام راشد: الله يعينك

صرت احلم بقربك
صرت اتخيل طيوفك
صارت حياتي كلها كفوفك
حبيبيمتى ربي يجمعني بك
متى اشوفك جدامي وانظر في عيونك
ياخلي اقرب قلبي اجرب لكمن قلبك
صرت اغار عليك من خيالك
لاتتركني حبيبي وروحي متعلقه بروحك
صرتاحلم بقربك
صرت اتخيل طيوفك

--------------------
بعد مرور ثلاث شهور ..
--------------------
كانت عاليه تتزهب حق هالليله اكثر من ثلاث شهور.. كانت احلامها تمشي قبلها وهي داشه في قاعة العرس .. كانت سعادتها ما تنوصف ..
وكيف ما تستانس واليوم بتعرس وبتاخذ حبيبها ..
كانت سعادتها مرسومه على شكل ابتسامه حلوه على شفايفها ..وآمالها تركض على كوشتها قبلها ..
وكل الحريم عيونهم عليها .. اللي يشوفها يقول عنها ملاك .. بفستانها الأبيض ..
جنها فراشه في حديقه .. ولا جنها ملكه من الاساطير ..
وروضه طبعًا ما خلتها بروحها .. وفرحة امها كانت ظاهره من عيونها ..
يلست عاليه على الكوشه ..وهي مرتبكه .. اليوم صارت مرت راشد ..
اما راشد
فكان مب مصدق اللي يشوفه الحين .. صار معرس ؟؟ واخيرًا .. !!
وخذ عاليه !! وهو كان فاقد الامل في هالعلاقه .. !!
كان راشد حاس عمره في حلم يتمنى يدوم هالحلم طول حياته .. مب مستوعب ان اليوم عرسه.. تمنى ان هالشي يكون حلم .. عسب يعيش فيه طول حياته ..
تخيل هاللحظه لحظه بلحظه طول هالوقت .. عاش الدقايق مروا الشهور كأنهم سنين !! لو كان بأيده جان عرس يوم الثاني الا نفس اليوم !! بس على قولته محد يأخر العرس الا الحريم وهذي سوالفهم !!
الضحكه تبين في عيون راشد .. اللي يشوفهم .. يقرا ملامح ويهه في عيونه ..
عيونه فاضحته .. السعاده طايره ..
واخيرًا .. بيشوفها ..
دش القاعه ..
دقايق .. وثواني .. ولحظات ..
تمر عليه كأنه في حلم .. كان بعيد عن الكوشه .. الود وده يركض لها ..
بس ..!! الناس ..؟؟
وهو شو عليه من الناس ..!! توه بيتحرك ..!! لقى ايد تمسك ايده ..!!
صد .. شاف اخوه .. شاف احلى ضحكه اخويه مرسومه على شفايفه
سعيد: شوي شوي على عمرك
راشد ماقدر يجاوبه .. وكيف يجاوبه وهو قلبه متعلق على الكوشه ..
عيون راشد فسرت وردت على سعيد ..
تقرب راشد من الكوشه .. وكل ما يتقرب قلب عاليه يدق ويدق .. كانت مرتبكه.. متوتره.. لدقايق ماكانت تبي هالعرس.. كانت تبي اتم في حضن امها .. كانت تبي تروح عند امها وتصيح وتقول ماتبي العرس تبي حضن امها ..
بس يوم رفعة راسها.. تلاقت عينها بعين راشد .. نست كل اللي كانت تتمنى تسويه .. عاشت دقايقها او بالأحرى عاشت احلى ليله .. من ألف ليله وليله .

ابتدي ياحبوارسم في سما هالليله قلبين
اكتب عاليه بأول واكتب الثاني لراشد
او يجي فكرهيوقف مالا داعي ترسم اثنين
اكتب الأسمين لكن حطهم في قلب واحد
يالفرح مرحمساهم وانثر الأحساس ما بين
حب واشواق وتهاني ودهم انغام وقصايد
دام هذااليوم تاجه عرس آل الذوق والزين
ارسم للعز نسل والمجد والتاريخ شاهد
ياإلــهالكون سلم حبهم من شر العين
بالهنا طول عمرهم واعمي عنهم كل حاسد
واحفظ عاليهوراشد مثل ماهم احلى روحين
صونهم واجعل بيتهم بالعزشاهد

النهاية

للأمانه منقووووووووووووووووووووووووول

__________________

البحث عن مواضيع لنفس العضو

__________________

العاب بنات

03 -01 -2007, 06:29 PM

وانا شو محلي في الأعراب ولا شي كل شي صار ولاشي ..
ازاى تقولى كدةانا:ضمير متكلم مبنى على السكو ن شكلك بليدة
فى العربى

__________________

البحث عن مواضيع لنفس العضو

__________________

العاب بنات

04 -03 -2007, 12:10 PM

اوووووووووووووووف
بارك الله فيكي اخت لينه
بلشت بقراءة الموضوع من الصبح وخلصت العصر
تحياتي لكي يا وردة

__________________

البحث عن مواضيع لنفس العضو

__________________

العاب بنات

04 -03 -2007, 01:01 PM

فعلا قصه قصيره

__________________

البحث عن مواضيع لنفس العضو

__________________

العاب بنات

14 -07 -2007, 02:49 AM

مشكووورة على القصة الرااائعة

__________________

البحث عن مواضيع لنفس العضو

__________________

العاب بنات

14 -07 -2007, 04:02 AM

ياااااااااااااااااااااااااااااااااااااااااااااه من ناحيه حلوه فهى فوق الروعه بصراحه بس بجد تعبت جدا

تسلمى على هذا النقل

__________________

البحث عن مواضيع لنفس العضو

__________________

العاب بنات

15 -07 -2007, 12:36 AM

بارك الله فيك

__________________

البحث عن مواضيع لنفس العضو

__________________

العاب بنات

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
غيري شكل الماوس--الى ماوس فيه ذكر الله	#قمر الحوازم#	منتدى الكمبيوتر والإنترنت	22	14 -06 -2008 08:56 PM
ملك غيري	سيلين همسة الحب	النثر والخواطر ونبض المشاعر	5	20 -11 -2006 07:01 PM

اسفه شوفلك غيري ...

يختص بالقصص والروايات .. لأخذ العبرة منها

العاب بنات

منتدى ماجده أضف للمفضلة
كلمة مرور المنتدى كلمة مرور مكتوب

أدوات الموضوع
مشاهدة صفحة طباعة الموضوع أرسل هذا الموضوع إلى صديق