 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
منتدى القصص والروايات يختص بالقصص والروايات .. لأخذ العبرة منها |
 |
|
|
LinkBack | أدوات الموضوع |
23 -01 -2005, 12:24 PM
|
#1 (permalink) | ||||||||||||||
|
أنا منيرة .. أمي راحت للحج
• ياحليلي يومني صغيّره كنت دايم لازقــتـــــن في امي وين ماتروح في ساقتها ؟ واذا بغت تروح مشوار وماتبيني ادري تغافلني وتسرق عمرها مثل روحتها للصحّيّــه والا انكانّـها رايحتن تخلّـف على احد وماتبيني اروح معها للعزا ... واتذكّـر ان خواتي كانوا يتضايقون منّـي ويسمّـوني ـ الدّعله ـ او ـ العومه ـ او ـ ثقيلة الدم . لكن ماأذكر ان امي هاوشتني والاّ دزّتنـي ... حتى روحتها لصلاة التراويح .. كنت اتعلّـق في بشتها وفي المسيد اقعد ــ اتخطــرف ــ بين الحريم .. واسمع حرمه تقول للي جمبها : وين ام هالبزر ؟ .. وراها جايبتها فيــذا ؟ الله يهدي امها ورا ماخلّتها في البيت .. يالله صلاح العطا . من الايام اللي ماأنساها وضيّقت صدري ــ يوم راحت امي مكه للحج ــ قبلها بأيام صار في البيت حركتن مانيب متعودتن عليها .. امي وابوي يروحون ويجون يظهرون ويدخلون واسمع حكي ماقد سمعته مثل ... مكه ... حج .. وامي تقول لبوي ... : ولّــمت حرامك ... لاتنسى الكمر ... وخالتي توصّي امي : لاتنسين تجيبين لي معك ــ ديــرم و.. حنّـــا .. ترى مكه الله يشرّفها يجي فيها حنّا زين وترد عليها امي .. انشالله ياموضي ... بس انتي انتبهي للبنات لا تخلينهن يغيبون عن عيونك .. ثمّــن تلتفت عليّ امي وتواصل : خاصتن هالشيطانه منيره .. ترد خالتي : لاتوصّين حريص .. المهم لاتنسونّـا من الدعا . الله يردكم لنا سالمين غانمين انشالله . اتفقوا الحجاج على انهم يتحركون عقب العصر مع البراد .. ومـرّت عليهم السياره او القافله . يوم جت امي تطلع مع الباب حاولت توزّي عمرها عني بس ماقدرت ) انتبهت لها وانا قاعدتن آكـل .. قمت انفض يدي من الرز اللي قام يتطاير على الزوليّـه وركضت وراها .. يديني زفر وشوشتي طايره ... وحفيانه ... التفتت علي امي وقالت لي : عودي يا منيره اقعدي يالشيخه .. ابروح للسوق حبيبتي .. اشتري لك فستان .. قلت في عناد المتعوّد : مانيب ابروح معك . وشفت اختي الكبيره جهيــّر تصوّت من المطبخ وهي ماسكتن في يدها صحن تغسله ويديها مليانتن صابون : اسفهيها يمّـه وروحي .. تراك خـقـقـتيها علينا . وانا احاول امسك بشت امي وهي تحاول تبعدني عنها بكل حنانها عشان ماأملّـي بشتها بالزّفـر وتحايل فيني ... : شاطره منيره ... اللي تسمع الكلام ... يازين هالبنت .. اقعدي حبيبتي ابجيب لك معي لعايب .. وحلاو .. يالله عساي ماذوق يومك ... ( لكن على قولة القايل ... مافي دخنه ... علف ).. وانا وامي دوران بهالمجبـب ..آخر شي صاحت امي على خالتي : وجت خالتي الله يجزاها خير وشالتني وهي تقول لي : افــا على منيره الشاطره ... همانا بنروح انا وياك للحرمه اللي تبيع العسكريم . ردّيت عليها وانا اتشــّره وعيوني تلاحق امي وهي تظهر بعد ماأنبحّ صوت ابوي وهو يناديها ... وصكّت الباب وراها وانا اقول لخالتي : يالله كوه الحين نجيب العسكريم .( خالتن حنون بس الطيب ماله حظ تزوجت مره وطلّقت وصارت تقعد عندنا اكثر من قعادها في بيت جدّاني قالت خالتي : هالحين بنروح ... كلّـش عاد الاّ منّــور . ورحنا وشرت لي العسكريم .. وكليته . جا الليل تعشيت ونمت .. وخالتي تطيب خاطري وتساحرني .. وكل شي ايه ومايخالف ,, صراحه دلّعتني .. بكره اول مافتحت عيوني ولا شفت امي .. لقيت خالتي نايمتن جمبي .. نصيت المطبخ لقيت اختي جهيّر تسوي الحليب .. يوم شافتني طالعتني وهي تضحك وقالت : قمتي يالشيفه ... روحي غسّلي وجهك .. قامت خالتي على صوت جهيّر وجت وسلّمت وخذتني للحمام (الصهروج..( وفتحت السموّر ) وغسلت وجهي .. طلعنا .. وجلسنا في بطن الحوي .. وجابت جهير الحليب والشابوره .... فطّرتني خالتي وقعدت تسولف علي وهي تكدّ شعري وتقول لي باكر بتجي امك وتجيب لك الحلاو والبسكوت واللعايب ... بعدها طلعت للسطح بعد ما مرّيت على كل الغرف .. مدري هو لعب والا ادوّر على امي .. رقت خالتي وراي للسطح وهي تلاعبني ... كانت خايفتن علي من الخوا ) بسبب روحت امي ( والخوا الله يكفينا شرّه ... يخلي الواحد كنــّــه مسبّــه وعيونه زايغه ... ولايركــــّز . اللي صار ... ان الخاله الحنونه ... موضي ... قامت باللازم .. الله يجزاها عني خير ... بس علّمتني خالتي وين راحت امي ... من كثر سؤالاتي عنها ... بصراحه .. دبلت كبدها .. قالت خالتي : امك راحت تحج وبتجي باكر انشالله انا اقتنعت بالجواب ولو اني ماعرفت وشو الحج ... حسبته السوق ... بس غير السوق اللي نروح له ... و ... ... مـّـرت ايام الحج .. وجو أهلي .. ويوم شفت امي داخلتن علينا .. قمت اصيح صياح .. تشرّه واطقها على كتوفها بيديني وهي تضحك ... وجهير تنهرني .. كل هذا ليه تروح وتخليني .. مع ان خالتي ماقصّرت ... لكن وش .. تقول .. بزر . جابت لي امي من مكه .. حلاو .. وقـريض .. ومسفع .. وفي الليل حنّـت يديني .. الصراحه ... حبيت الحج .. مادام هذا اللي بيجي من وراه ... ويوم هدت نفسي واستانست سألتها : يمه متى يتحجين ؟!! حتى اني بعد كذا اذا سيّرنا لحد وامي مهيب معنا وسألوني عن اسمي اقول لهم : انا منيره ... امي راحت للحج . القاكم السالفه الجايه
|
||||||||||||||
|
|
|
|
24 -01 -2005, 01:38 PM
|
#2 (permalink) | |||||||||||||
|
مشكور أخي سعود
|
|||||||||||||
|
|
|
|
24 -01 -2005, 01:53 PM
|
#3 (permalink) | ||||||||||
|
شكرا لك على القصص الممتعة
انا منيرة امي راحت للحج
|
||||||||||
|
|
|
|
25 -01 -2005, 04:57 PM
|
#4 (permalink) | ||||||||||||
|
شكرا سعود
|
||||||||||||
|
|
|
|
07 -05 -2007, 02:18 PM
|
#5 (permalink) | ||||||||||||
|
رد: أنا منيرة .. أمي راحت للحج
مميز
شكرا على القلم الرائع
|
||||||||||||
|
|
|
|
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| نعم .. الحب الحقيقي لا يموت .. الحب الحقيقي يبقى حتى النهاية .. | king of the ring | منتدى القصص والروايات | 8 | 07 -09 -2009 10:58 AM |
| ديمي .. حب أول... | ابوسالم | منتدى القصص والروايات | 5 | 19 -01 -2009 12:41 PM |
| الهندسة النفسية للذات | هلا | منتدى الطفل والأسرة والمجتمع | 18 | 16 -09 -2006 10:24 PM |
| راقصة تعترف بما يدور في الحفلات والليالي الحمراء | شخص اخر | المنتدى العام | 10 | 29 -10 -2004 08:43 PM |
| هل انت ايجابى؟؟ اختبر نفسك | امة الله | المنتدى العام | 9 | 09 -07 -2004 03:45 PM |
|
الساعة الآن 08:35 PM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
