العاب بنات

27 -02 -2007, 03:02 PM

بسم الله الرحمن الرحيم

على مدىسنوات الطفولة والمراهقة يقطع الابن منزل أسرته وهو يستمع للنصائح والتوبيخ نفسه ، بأساليب وجمل ثابته لا تتغير ...

فأصبحنا بمرور الوقت نحفظها جيداونتوقعها ...

" واهالينا يقولوها واحنا نكمل لهم "

هذه المقولات (التى لا نسمعها إلا فى البيت المصرى ) تعمق المحبة فى قلوبنا تجاه أهالينا ، وتجعلنا نكتشف كم الهيستريا
والقلق والمسئولية التى عاناها أهالينا... فى سبيل ان تقف وأنت كبير وسط الناس فخورا برأيهم فيك ... وهم يقولون

" شكله ابن ناس ومتربى "

كفاية مقدمات بقى وادخلكم فى الجمل على طووووول
1- مالكش دعوة بالسياسة .. وماتمشيش فى مظاهرات :
وقد نجحت الأمهات فى هذه الجزئية نجاحا ساحقا ... وده بيظهر عندما ترى أكبر مظاهرة فى البلد لا تتجاوز 500 شخص أو أقل .

2- مش عاوزه أسمع صوت :
هذه الجملة تدريب هام جدا للتعود منذ الصغر على تقبل القمع والديكتاتورية اللذين ستواجههما طوال حياتك .

3- ماتردش عليا :
دى نصيحة لو التزمت بيها ستكسب مديرك فى العمل .

4- تقعد فى أول صف قدام السبورة :
جملة تعودك على أن تكون فى المقدمة دوما .

5- لو مش فاهم حاجة .. ارفع إيدك وقول للأستاذ مش فاهم ...ماتتكسفش
(فاكرين المدرسين زى اللى كانوا على أيامهم زمان )

6- اللى بيشيل قربة مخرومة بتخر عليه لوحده .

7- ومالها الكتب بتاعت الوزارة .

8- بص كويس وإنت بتعدى الشارع .

9- ماتتأخرش بعد المدرسة وتقعد مع أصحابك :
دى نصيحة ستحقق لك قدرا من السعادة الزوجية (باعتبار إنك من الشغل للبيت )

10- افرد ظهرك .

11- مافيش مذاكرة على المزيكا ... أو .. بتذاكر إزاى والبتاع ده شغال جنبك .

12- ما تمشيش حافى فى السقعة دى .

13- صليت العصر ..؟! ( إشمعنى العصر ....!!!!!)

14- ربنا يهديك ... ربــنــا يــهــديــك ... أو ... إنك لا تهدى من أحببت .

15- إطفى التليفزيون وقوم ذاكر ... أو ... إطفى التليفزيون وقوم خش أوضتك .

16- إوعى تقول لحد هات لى حاجة .

17- إقفل صدرك .

18- بلاش وقفة فى الشبابيك والبلكونات .

19- كل على مهلك .. وأمضغ كويس .. وماتاكلش وإنت واقف وكل من قدمك متحفش .

20- المسلسل مش هاينفعك ... قوم .

21- كفاية رغى فى التليفون .

22- ماتقعدش قدام المروحة وإنت مستحمى .

23- وإنت فاكر إحنا مستنيين منك حاجة ؟!

24- ماتعليش صوتك .

25- بلاش لعب فى الشارع .

26- يا ابنى اللى ذاكر ذاكر خلاص .. قوم نام .

27- بلاش لعب بالمقص .. بيجيب الفقر .

28- يا ابنى كلم خالتك العيانة .. اسأل عليها .

29- إوعى حد غريب يديلك حاجة تاكلها او تشربها وتاخدها منه .

30- النوم لحد الضهر بيجيب الفقر .

31- إوعى تكدب عليا تانى مرة .

32- لازم تاكل سلطة ..

33- لو شوفت خناقة مالكش دعوة بيها .

34- عيب .. لازم تحترم الأكبر منك .

35- كلمنا لما توصل .

36- بلاش أكل بره .

37- لو فلحت ابقى قابلنى .

38- يا ابنى أنت مسطول ولا إيه .

39- إنت فاكرنا نايمين على ودانا .

40- وطى المدعوق ده شوية .

41- قوم إقرالك كلمتين ينفعوك .

42- إيه اللامبالاة والاستهتار اللى إنت عايش فيهم دول .

43- إنت فاكرنا لاقيين الفلوس دى فى الشارع .

44- والله ما إنت فالح .. وآدى دقنى اهيه .

45- ما تتكلمش بصوت عالى فى الحمام .

46- ماتنامش غير لما تغسل سنانك .

47- ماتلزقش فى التليفزيون كده .... نظرك هايضيع .

48- ضرب أمثلة تشجع على الكفاح .. أشهرها :
( أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر أمريكا )

49- سلم على عمك كويس يا ولد ..

50- يا ابنى محدش بينفع حد .

51- ماتطلعش إيدك من شباك العربية .

52- قصة الغريق اللى كذب اللى كل مرة يقول إلحقونى .. لحد ما غرق .

53- التهديدات المخيفة شكلا .. والكارتونية موضوعا .. مثل :
هاقطم رقبتك ... هاقطع لسانك ... هادبحك دبح.

54- ربنا يرزقك بعيل يوريك اللى وريتهولى .

55- ماتطلعش على الملاية النضيفة ورجليك متوسخة كده .

56- ماتقعدش عريان كده قدام إخواتك البنات .

57- حول القناة دى ... بلاش مسخرة وقلة أدب .

58- نسيت تشرب ؟ نسيت تاكل ؟ نسيت تقول هاتوا مصروف ؟ نسيت تعكنن عليا وعلى أمك ؟

59- طلع إيدك من جيبك وإنت بتكلمنى .

وأخـــــيــــــرا .....

60 - ياللا يا أبو كحكة حمرا .. إنت فاكر نفسك هاتقعد تاكل معانا .

منورين .....

__________________

البحث عن مواضيع لنفس العضو

__________________

العاب بنات

27 -02 -2007, 04:29 PM

شكـــــــــــرا على الموضوع والجمل

__________________

البحث عن مواضيع لنفس العضو

__________________

العاب بنات

27 -02 -2007, 04:44 PM

شكرا لك على المرور

__________________

البحث عن مواضيع لنفس العضو

__________________

العاب بنات

31 -08 -2007, 05:05 PM

thanks 3ala lmaudo3 mnawar el muntada

__________________

البحث عن مواضيع لنفس العضو

__________________

العاب بنات

31 -08 -2007, 05:22 PM

أضحكتني أضحك الله سنك

__________________

البحث عن مواضيع لنفس العضو

__________________

العاب بنات

21 -09 -2007, 02:05 PM

هههههههههههههههههههههههههههههههه... شكرا شكرا على الرد

__________________

البحث عن مواضيع لنفس العضو

__________________

العاب بنات

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حدث في رمضان الجزء السادس والاخير	البرنس	رمضانيات	2	04 -09 -2009 09:52 PM
حدث في رمضان الجزء الخامس	البرنس	رمضانيات	3	04 -09 -2009 09:49 PM
حدث في رمضان الجزء الرابع	البرنس	رمضانيات	1	03 -09 -2009 02:16 AM
حدث في رمضان الجزء الثالث	البرنس	رمضانيات	1	07 -09 -2007 07:18 PM
تأخير الحج بدون عذر	mohamed_nageeb	القسم الإسلامي العام	6	11 -12 -2006 09:43 AM

شهر 60 جملة يقولها الأب والأم في البيت المصري

يختص بالقصص والروايات .. لأخذ العبرة منها

العاب بنات

منتدى ماجده أضف للمفضلة
كلمة مرور المنتدى كلمة مرور مكتوب

أدوات الموضوع
مشاهدة صفحة طباعة الموضوع أرسل هذا الموضوع إلى صديق