 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
الشعر وأبيات القصيد الشعر والقصائد |
 |
|
|
LinkBack | أدوات الموضوع |
21 -04 -2007, 08:10 PM
|
#1 (permalink) | ||||||||||||||
|
من روائع صلاح جاهين....
رباعيات الراحل صلاح جاهين
*انا شاب لكن عمرى الف عام وحيد لكن بين ضلوعى زحام خايف لكن خوفى منى انا أخرس لكن قلبى مليان كلام عجبى!!! *يا باب يا مقفول ... إمتي الدخول صبرت ياما و اللي يصبر ينول دقيت سنين ... و الرد يرجع لي : مين ؟ لو كنت عارف مين أنا كنت أقول عجبي !!! *أحب أعيش ولو في الغابات أصحي كما ولدتني أمي و ابات طائر .. حوان.. حشرة .. بشر ..بس أعيش محلا الحياة.. حتي في هيئة نبات عجبي !! *سهيرت ليالي و ياما لفيت و طفت و ف ليه راجع في الضلام قمت شفت الخوف ... كأنه كلب سد الطريق و كنت عاوز أقتله .. بس خفت عجبي !! *كان فيه زمان سحليه طول فرسخين كهفين عيونها و خشمها بربخين ماتت لكين الرعب لم عمره مات مع إنه فات بدل التاريخ تاريخين عجبي !! *ليه يا حبيبتي ما بيننا دايما سفر ده البعد ذنب كبير لا يغتفر ليه يا حبيبتي ما بيننا دايما بحور أعدي بحر ألاقي غيره اتحفر عجبي !!! *نوح راح لحاله و الطوفان استمر مركبنا تايهه لسه مش لاقيه بر آه م الطوفان وآهين يا بر الأمان إزاي تبان و الدنيا غرقانه شر عجبي !! *علي رجلي دم .. نظرت له ما احتملت علي إيدي دم.. سألت ليه ؟ لم وصلت علي كتفي دم.. و حتي علي رأسي دم أنا كلي دم .. قتلت ؟ ..... والا اتقتلت عجبي !! *ينبوع و في الحواديت أنا سمعت عنه إنه عجيب .. و ف وسط لهاليب لكنه شقيت كما الفرسان طريقي .. لقيت حتي الخنازير و الكلاب شربوا منه عجبي !!!! *يا قرص شمس ما لهش قبة سما يا ورد من غير أرض شب و نما يا أي معني جميل سمعنا عليه الخلق ليه عايشين حياه مؤلمة عجبي !!! *شاف الطبيب جرحي وصف له الأمل وعطاني منه مقام يا دوب ما اندمل مجروح جديد يا طبيب و جرحي لهيب ودواك فرغ مني .... و إيه العمل عجبي !!! ***أعرف عيون هي الجمال و الحسن و اعرف عيون تاخد القلوب بالحضن و عيون مخيفة و قاسية وعيون كتير وباحس فيهم كلهم بالحزن عجبي !! *إيش تطلبي يا نفس فوق كل ده حظك بيضحك و انتي متنكده ردت قالت لي النفس : قول للبشر ما يبصوليش بعيون حزينة كده عجبي !! *يا حزين يا قمقم تحت بحر الضياع حزين أنا زيك و إيه مستطاع الحزن ما بقالهوش جلال يا جدع الحزن زي البرد ... زي الصداع عجبي !!!! *في يوم صحيت شاعر براحة و صفا الهم زال و الحزن راح و اختفي خدني العجب و سألت روحي سؤال أنا مت ؟ و لا وصلت للفلسفة عجبي !!! *علي بعد مليون ميل من أرضنا من الفراغ الكوني بصيت أنا لا شفت فرق بين جبال و بحور و لا شفت فرق ما بين عذاب أو هنا عجبي !! *أنسان أيا إنسان ما أجهلك ما أتفهك في الكون و ما أضألك شمس وقمر و سدوم و ملايين نجوم و فاكرها يا موهوم مخلوقه لك عجبي !! *نظرت فوق للنجوم و انا ساير رجليا عترت في الحفر و الحجاير بقيت أقول و انا ع التراب: يا سلام مش بس عبره أخذت لكن عباير عجبي !!! *- يا نجم .. نورك ليه كده بيرتجف ؟ هو انت قنديل زيت ؟ أو تختلف - أنا نجم عالي .. بس عالي قوي و كل ما انظر تحت اخاف انحدف عجبي !!!! *السم لو كان في الدوا منين يضر ؟ و الموت لو عدونا .. منين يسر؟ حط القلم في الحبر و اكتب كمان .. و العبد للشهوات .. منين هو حر؟ عجبي !!! *وقفت بين شطين علي قنطــــــــــــــــــرة الكدب فين و الصدق فيـــــــــــن يا تري محتار ح اموت .. الحوت خرج لي وقالي هو الكلام يتقــــــــــــاس بالمســـــــــــطرة عجبي !!! *نسمة ربيع لكن بتكوي الوشـــــــوش طيور جميلة بس من غير عشـــوش قلوب بتخفق إنما وحـــــــــــــــــدها هي الحياه كده .. كلها في الفاشوش عجبي !!!! *يا طير يا عالي في الســــــما طظ فيك ما تفتكرشي ربنا مصطــــــــــــــــفيك برضـــــــــــك بتاكل دود و للطين تعًًًًودً تمـــــــــص فيه يا حلو .. و يمص فيك عجبي !!! *كروان جريح مضروب شعاع م القمر سقط من السموات فؤاده انكســـــــــر جريت عليه قطه علشان تبلعـــــــــــه أتاريه خيال شعراء و مالهـــــوش أثر عجبي !!! *إخطفني ياللي تحبني ع الحصان الدنيا قالت يوم في ماضي الزمان إخطفني ياللي تحبني ع الـــــفرس الدنيا قالت .. قام خطفها الشيطان عجبي !!!! *جالك أوان ووقفت موقف وجـــود يا تجود بده يا قلبي يا بده تجــــود ما حد يقدر يبقي علي كل شـــــــئ مع إن – عجبي – كل شئ موجود عجبي !!! *أنا كنت شئ و صبحت شئ ثم شــئ شوف ربنا .. قادرعلي كل شـــــــئ هز الشجر شواشيه ووشوشني قال : لابد ما يموت شئ عشان يحيا شئ عجبي !! *يا مشرط الجراح أمانة علـــــــــــيك و انت ف حشايا تبص من حواليــك فيه نقطة سوده في قلبي بدأت تبان شيلها كمان .. و الفضل يرجع إليك عجبي !!! *كيف شفت قلبي و النبي يا طبيــــــــــــب همد و مات و الا سامع له دبيـــــــــــــب قاللي لقيته مختنق بالدمـــــــــــــــــــــوع و ما لوش دوا غير لمسه من إيد حبيب عجبي !!!! *تسلم يا غصن الخوخ يا عود الحطـــــــــب بييجي الربيع .. تطلـــــــــــع زهورك عجب و انا ليه بيمضـــــــــــي ربيع وييجي ربيع و لسه برضك قلــــــــــــــــــبي حتة خشب عجبي !!! *.. دي مزكرات و كتبتها من ســـــــــنين في نوتة زرقا لون بحور الحنيــــــــــــن عترت فيها .. رميتها في المهمـــــــلات وقلت صحيح أما صحيح كلام مخبولين عجبي !! *دخل الشتا وقفل البيبان ع البـــيوت وجعل شعاع الشمس خيط عنكبوت وحاجات كتير بتموت في ليل الشــتا لكن حاجات أكتر بترفض تمــــــوت عجبي !! -* الدنيا من غير الربيع مــــــــيته ورقة شجر ضعفـــــــانه و مـــفـــــتــته - لا يا جدع غلطان تأمل وشوف زهر الشتا طالع فــــــــي عز الشـــــتا عجبي !!! *ياللي انت بيتك قش مفروش بريش تقوي عليه الريح .. يصبح ما فيش عجبي عليك حواليك مخالب كـــــبار و ما لكش غير منقار و قادر تعيش عجبي !!!! *سمعت نقطة ميه جوه المحيـــــــط بتقول لنقطه ما تنزليش في الغويط أخاف عليكي م الغرق .. قلـــــت أنا ده اللي يخاف م الوعد يبقي عبيط عجبي !!! *بحر الحياه مليان بغرقي الحياه صرخت خش الموج في حلقي ملاه قارب نجاه .. صرخت قالوا مفيش غير بس هو الحب قارب نجاه عجبي !!! *كرباج سعاده وقلبي منه انجلد رمح كأنه حصان و لف البلد و رجع لي نصل الليل و سألني .. ليه خجلان تقول انك سعيد يا ولد عجبي !!! *مزيكة هادية الكون فيها انغـــــمر وصيف و ليل و عقد فل و سمر يا هلتري الناس كلهم مبسوطين و يا هلتري شايفين جمال القمر ؟ عجبي!! *إنشد يا قلبي غنوتك للجمــــــــــــــــــال و ارقص في صدري من اليمين للشمال ما هوش بعيد تفضل لبكره سعيــــــــــد ده كل يوم فيه الف الف احتمـــــــــــــال عجبي !! *آه لو انا و محبوب جزنا الفضـــــا في سفينة وحدينا .. واشيا رضـــا ساعة صفا تعجبنا نرجع لهــــــــــا و الهم قبل ما ييجي .. يبقي مضـى عجبي !! *ياللي عرفت الحب يوم و انطــــــــــــوي حسك تقال مشتاق لنبع الهـــــــــــــــوي حسك تقول مشتاق لنبع الغــــــــــــــــرام ده الحب .. مين داق منه قطره...ارتوي عجبي !!! *زحام و أبواق سيارات مزعجـــــة للي يطول له رصيف.. يبقي نجـــا لو كنت جنبي يا حبيبي أنــــــــــــا مش كنت أشوف إن الحياة مبهجة عجبي!! *يا ميت ندامه ع القلوب الخـــــــــــلا لا محبة فيها و لا كراهـــــــــــه ولا حتي يا قلبي الحزن ما عادش فيـــــك معلهش .. لك يوم برضه راح تتملا عجبي !! *فتحت شباكي لشمس الصبـــــــــــــــــاح ما دخلش منه غيــــــــــر عويل الريـــاح و فتحت قلبي عشان ابوح بالألـــــــــــــم ما خرجش منه غير محبه و سمــــــــاح عجبي !!!! *غمست سنك في السواد يا قلـــــــــــــــم عشان ما تكتب شعر يقطر ألــــــــــــــــم مالك جرالك إيه يا مجنون ... و ليــــــــه رسمت ورده وبيت و قلب و علـــــــــــم عجبي !!! *لو فيه سلام في الأرض وطمان و أمن لو كان مفيش و لا فقر و لا خوف جبن لو يملك الانسان مصير كل شـــــــــــئ انا كنت اجيب للدنيا ميت ألف ابــــــــــن عجبي !! *حاسب من الاحزان و حاســـــــب لها حاسب علي رقابيك من حبلـــــــــــها راح تنتهي و لابد راح تنتهــــــــــي مش انتهت أحزان من قبلهــــــــــا؟ عجبي !!! **يأسك و صبرك بين إيديك و انت حر تيأس ما تيأس الحياه راح تــــــــمر أنا دقت مندا ومندا عجبي لقيــــــت الصبر مر و برضك اليـأس مـــــــر عجبي !! **ولدي نصحتك لما صوتي اتنبــــــــــــح ما تخفش من جني و لا من شبـــــــــح و ان هب فيك عفريت قتيل إسألـــــــــه ما دافعش ليه عن نفسه يوم ما اندبح عجبي !! *أنا قلت كلمة و كان لها معنييـــــــــن كما بطن واحده و توأمين زي وشين لو دنيا شر.. التوأم الخير يمـــــــوت لو دنيا خير .. الشر ح يعيش مــنين عجبي !! *أنا اللي بالأمر المحال اغتــــــــــــوي شفت القمر نطيت لفوق في الهـــــوا طلته ما طلتوش إيه انا يهمنـــــــــي و ليه .. ما دام بالنشوة قلبي ارتوي عجبي !! *عيني رأت مولود علي كتف أمـــــــــــه يصرخ تهنن فيه يصرخ تضــــــــــــمه يصرخ تقول يا بني ما تنطق كـــــــلام ده اللي ما يتكلمش يكتر همـــــــــــــه عجبي !!!! *ياللي بتبحث عن إله تعــــــــــــبده بحث الغريق عن أي شئ ينجـــده الله جميل و عليم و رحمن رحــيم أجمل صفاته .. وانت راح توجده عجبي !!! *لا تجبر الانسان و لا تخـــــــــيره يكفيه ما فيه من عقل بيحيــــــره اللي النهارده بيطلبه و يشتهــــيه هو اللي بكره ح يشتهي يغيـــــره عجبي !! *و لو اتضنيت و فنيت وعمري انفرط مش عاوز الجأ للحلول الوســـــــــط و كمان شطط و جنون مانيش عــاوز يا مين يقول لي الصح فين والغلــــط عجبي !! *عاد الربيع كأنه طعم الحــــــــــــــــــب و الحب نار جوه العروق بتصـــــــــب اتمتع ازاي بيه وانا متقطـــــــــــــــع من كتر خوفي لا في الخطيئة يطب ؟ عجبي !! *في الهو ماشي يا بهلوان إش إِش يا فراشة منقوشة علي كل وش شقلبت عقلي و عقلي شقلبني و كنت باحسبني بقيت ما اندهش عجبي !! *وقفت ساعة الصبح باغسل سناني قالت لي شايف قوتي و لمعاني ؟ إيش تطلب اليوم مني ضحكة أسد ؟ والا ابتسامة اعلانات أمريكاني ؟ عجبي !! *ما آنتاش بتلعب ليه يا روح بابــــا ؟ و لا عسكري و لا لص في عصابة ؟ إلعب أسد أو ديب رهيب أو غـــــزال دي الدنيا في نهاية المطاف غابـــــة عجبي !!! *إيه اللي خدته من مرور السنــــــين يا قلبي الا دمعتك و الأنيــــــــــــــين بتئن و ترجع و بتفرح و ترجع تحــن مع إن مش كل البشـــــــــــر فرحانين عجبي !!!! *لولا اختلاف الرأي يا محـــــترم لولا الزلطتين ما لوقود انضرم و لولا فرعين ليف سوا مخاليف كان بيننا حبل الود كيف اتبرم ؟ عجبي !!!! *يا وردة قلبي معاكي في الريح لعب لا تعبتي م الريح و لا قلبي تعــــــــب احنا كده : نرتاح في صخب الجنون و في السكون بنخاف قوي و نترعب عجبي !!! *بلياتشو قال إيه بس فايدة فنونــــي ؟ و تلات وقق مساحيق بيلونونـــــــي و الطبل و المزامير و كتر الجعـــــــير إذا كان جنون زبوني زاد عن جنوني عجبي !!! *الضحك قال يا سم ع التكشيـــــــر امشير و طوبه وانا ربيعي بشيـر مطرح ما باظهر بانتصر ع العدم انشالله أكون رسماية بالطباشيــر عجبي !!!! *قالوا السياسة مهلكة بشكل عـــــــــــام و بحورها يا بني خشنة مش ريش نعام غوص فيها تلقي الغرقانين كلهــــــــــم شايلين غنايم .. و الخفيف اللي عـــــام عجبي !!! *يومي علي الله تنتهي و تغيــــب الشمس و تعود تاني يوم لهاليب زي الحياة مأساه و من كترهــــا بقي لا انتهاءها و ابتداءها عجيب عجبي !! *علم اللوع اضخم كتـــــــــاب في الأرض بس اللي يغلط فيه يجيـــــــــبــه الأرض أما الصراحة فأمرها ســـــــــــــــــاهل لكن لا تجلب المال و لا تصون العرض عجبي !!! *أنا كان لي أب . و كان رئيس محكـــمه ستين سنة .. في قضية واحدة أترمي ستين سنة و طلع براءة و خــــــــرج يشكي الحياة و الموت لرب السمـــــا عجبي !!!! * قالوا ابن آدم روح و بدنه كفـــــــــــن قالوا لأ بدن . قالوا لأ ده روح في بدن رفرف فؤادي مع الرايات في الهــــــوا أنا قلت لأ روح في بدن في وطــــــــن عجبي !!!!
|
||||||||||||||
|
|
|
|
21 -04 -2007, 10:47 PM
|
#3 (permalink) | ||||||||||||||
|
رد: من روائع صلاح جاهين....
الف شكر علي مرورك
نورت الموضوع بقراتك ليه
|
||||||||||||||
|
|
|
|
21 -04 -2007, 10:57 PM
|
#4 (permalink) | ||||||||||||
|
رد: من روائع صلاح جاهين....
ابدعتي اختي btot فعلا قمة الروعة و الابداع لما نقلته لنا ؛؛ فعلا مشكورة على المجهود لكن هذا قسم خواطر اختي و ليس ابيات قصيد و شعر سيتم نقل موضوعك لقسم الشعر و ابيات القصيد
موفقة يا رب
|
||||||||||||
|
|
|
|
21 -04 -2007, 11:13 PM
|
#5 (permalink) | ||||||||||||||
|
رد: من روائع صلاح جاهين....
الف شكر لك علي ردك الجميل
 انا اسفه جدا والله .gif "majdah (4)") الف شكر ليك علي التوضيح اسفه  تاني
|
||||||||||||||
|
|
|
|
21 -04 -2007, 11:20 PM
|
#6 (permalink) | ||||||||||||
|
رد: من روائع صلاح جاهين....
لا تأسفي اختي عادي بتحصل يوميا و طبعا الانسان بيتعلم من اخطاؤه و موضوعك وصل لقسمه المختص و اهنيكي مرة اخرى على انتقاء هاته الابيات للنقل فعلا ابدعتي و منتظرين جديدك على احر من الجمر
|
||||||||||||
|
|
|
|
22 -04 -2007, 12:19 AM
|
#7 (permalink) | ||||||||||||||
|
رد: من روائع صلاح جاهين....
جزيل الشكر ليك
فعلا عاجزه عن الشكر وفقك الله مع كل الاحترام والتقدير
|
||||||||||||||
|
|
|
|
22 -04 -2007, 07:19 AM
|
#8 (permalink) | ||||||||||||||
|
رد: من روائع صلاح جاهين....
قلم مبدع ويوزن ثقله ذهب والله
والنقل الجميل منك اختي الكريمه اجمل شكرا على ذوقك العالي بالاختيار عبدالرحمن الفلسطيني
|
||||||||||||||
|
|
|
|
22 -04 -2007, 07:49 AM
|
#9 (permalink) | ||||||||||||||
|
رد: من روائع صلاح جاهين....
شكرا كتير اخي العزيز
الموضوع زاد قيمه بقراءتك له شكررا علي ردك القيم
|
||||||||||||||
|
|
|
|
22 -04 -2007, 08:02 AM
|
#10 (permalink) | ||||||||||||
|
رد: من روائع صلاح جاهين....
صراحة ابداع ....
ابداع في الكتابة وابداع في النقل تسلم ايديك حبيبتي على هذا المجهود لكِ مني ألف شكر وتقدير
|
||||||||||||
|
|
|
|
22 -04 -2007, 08:34 AM
|
#11 (permalink) | ||||||||||||||
|
رد: من روائع صلاح جاهين....
شهاده اعتز بها من اخت مبدعه مثلك
اشكرك كثيرا لمرورك وتكرمك باضافة تعليق تحياتي لكي فائق الاحترام والتقدير
|
||||||||||||||
|
|
|
|
06 -05 -2007, 02:52 AM
|
#12 (permalink) | |||||||||||||
|
رد: من روائع صلاح جاهين....
تسلمي على النقل المبهر عاشقة القران وتقبلي تحياتي
|
|||||||||||||
|
|
|
|
10 -05 -2007, 02:07 PM
|
#13 (permalink) | ||||||||||||||
|
رد: من روائع صلاح جاهين....
حبيبتي موني الف شكر ليكي نورتيني
واتمني متحرمنيش طلتك يا قمر
|
||||||||||||||
|
|
|
|
05 -08 -2007, 05:25 PM
|
#14 (permalink) | ||||||||||||||||||||||||||||||||
|
رد: من روائع صلاح جاهين....
أنت حقا مبدعة غاليتي عاشقة القرآن شكرا علي هذا الشعر الرائع لشاعر الروائع صلاح جاهين
|
||||||||||||||||||||||||||||||||
|
|
|
|
06 -08 -2007, 02:14 PM
|
#15 (permalink) | ||||||||||||||
|
رد: من روائع صلاح جاهين....
الف شكر ليكي انتي يا قمر علي مرورك الحلو يا نيرمو واتمني متحرمش من طلتك يا قمر
|
||||||||||||||
|
|
|
|
06 -08 -2007, 02:19 PM
|
#16 (permalink) | ||||||||||||||
|
رد: من روائع صلاح جاهين....
كيف شفت قلبي و النبي يا طبيــــــــــــب
همد و مات و الا سامع له دبيـــــــــــــب قاللي لقيته مختنق بالدمـــــــــــــــــــــوع و ما لوش دوا غير لمسه من إيد حبيب عجبي !!!! شاف الطبيب جرحي وصف له الأمل وعطاني منه مقام يا دوب ما اندمل مجروح جديد يا طبيب و جرحي لهيب ودواك فرغ مني .... و إيه العمل عجبي !!!
|
||||||||||||||
|
|
|
|
08 -08 -2007, 12:15 AM
|
#17 (permalink) | ||||||||||||||
|
رد: من روائع صلاح جاهين....
إلى الأخت عاشقة القرآن
السلام عليكم ورحمة الله أعتذر أختي لأني لم أستطع مراسلتكِ إلا بهذه الطريقة أختي أنا أطلب منكِ طلباً هاماً .أطلب النصيحة فبعد تشجيعٍ من أصحابي ومن أستاذي في اللغة العربية (الأستاذ الشاعر خليل عباس) قد طلبوا مني القيام بخطوة جريئة في ميدان الشعر لكن ما هي هذه الخطوة لا علم لي أختي أنتِ أول شخصٍ خطر في بالي كي آخذ بنصيحته كيف أبدأ في ميدان الشعر أتمنى أن تساعديني قدر ما أستطعتِ أتمنى أن آخذ الجواب الشافي منكِ أن آخذ شيأً ملموساً شياً عملياً أنتظر جوابكِ بفارغ الصبر أخوكِ إياد
|
||||||||||||||
|
|
|
|
16 -08 -2007, 03:36 AM
|
#18 (permalink) | ||||||||||||||
|
رد: من روائع صلاح جاهين....
اخي الغالي اياد والله انا كتير خجلانه منك علي التأخر بالرد والله اخي انشغلت كتير وكمان شوفت المشاركه متأخر
اخي اياد في ظني انك متمكن جدا من الشعر وبحوره وأوزانه اي انك لن تواجهك المشاكل العاديه التي تواجه الاخرين عندما يبدأوا في الكتابه ثانيا اعلم انك تقرأ كثيرا لكبار الشعراء مما زاد من ثقافتك وأثراها وأتمني ان تستمر في قراءتك للشعراء وان تحاول ان تكتب كثيرا حتي تجاري كبار الشعراء حاول ان تكتب عن مواقف حياتك المختلفه كل ما يمر بك وبمن حولك حتي يأتي اليوم الذي تصبح كلماتك العاديه في الحياه شعرا يتبقا الابداع في الكتابه حاول ان تكتب قصائد مختلفه عن كل شيء حاول ان تكتب في كل الالوان واستخدم بحور مختلفه حتي تجيد كل انواع الشعر اكتب قصائد متنوعه ومختلفه في الشكل والمضمون والبحر والوزن تبنى افكار جديده وأكتب عنها اشعارك وتبنى مفردات ومظاهر جمال غريبه وجديده وغير مستعمله كثيرا واجمع اشعارك وقصائدك حتي يصبح لديك ديوان وانا اتنبأ لك بمستقبل باهر جدا فيوما ما سيصبح لك شأن عظيما في الشعر ارجو ان اكون قدمت لك شيئا يساعدك انتظر تواصلك معي وانتظر ان اري جديدك الذي افخر دائما انك تهتديه لقسم الشعر اختك عاشقة القرأن
|
||||||||||||||
|
|
|
|
05 -09 -2007, 10:16 AM
|
#19 (permalink) | ||||||||||||||
|
الأخت الكريمة "عاشقة القرآن"
الأخت الكريمة عاشقة القرآن
 ماأروعك وماأروع ماتهدينا به وأنا من عشاق الشاعر الكبير الراحل ملك الإبداع "صلاح جاهين" وكم أسعدنى وأنا أجد أعظم ما كتب "الرباعيات " التى بحق يقال لها إبداع أشكرك إختى الكريمة وتقبلى مرورى وتحياتى
|
||||||||||||||
|
|
|
|
05 -09 -2007, 03:43 PM
|
#20 (permalink) | ||||||||||||||
|
رد: من روائع صلاح جاهين....
الابداع هو مرورك في صفحاتي
وانا كمان بحب الرباعيات جدا والحمد لله انها عجبتك الله لا يحرمني مرورك العطر دمت بالف خير اختك عاشقة القرأن
|
||||||||||||||
|
|
|
|
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ::: من روائع الإمام الشافعي ::: | امة الله | المنقولات الأدبية | 10 | 17 -09 -2009 05:34 PM |
| حدث في رمضان الجزء السادس والاخير | البرنس | رمضانيات | 2 | 04 -09 -2009 09:52 PM |
| من ابداعات صلاح جاهين ؟؟؟؟؟؟؟؟؟؟؟ | فتى القرأن | الشعر وأبيات القصيد | 1 | 30 -03 -2007 03:47 AM |
| رباعيات صلاح جاهين | أبو الأبطال | الشعر وأبيات القصيد | 2 | 21 -02 -2007 03:40 PM |
| المقاومة العراقية أبعدت المتطوعين عن سلاح البر الأميركي | أبو الأبطال | منتدى الأخبار | 0 | 23 -08 -2005 09:30 PM |
|
الساعة الآن 12:31 AM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
