 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
منتدى الجمال الرشاقة - المكياج - الوصفات الطبيعية |
 |
|
|
LinkBack | أدوات الموضوع |
22 -07 -2007, 04:10 PM
|
#1 (permalink) | |||||||||||||
|
الطريقة الصحيحة لإخفاء الهالات بالماكياج
السلام عليكم السلام عليكم ورحمة الله وبركاته جبت لكم اليوم الطريقة الصحيحة المثالية لإخفاء الهالات الداكنة أثناء وضع الماكياج وهي منقولة من فتاة أتمنى الدعاء لها وقد نقلتها بالضبط بنفس اللغة والطريقة حتى نستفيد أكتر ولأنها دمها خفيف جداً وأنا بشكرها كتيييير وفي الحقيقة أتمنى تثبيته ليستفيد منه الجميع أترككم مع الوصفة لاحظت ان في كثير من النساء لا تحسن اخفاء هالاتها السوداء <<< امحق فصحى  هههجد بنات مراااات اصادف بنات حلوين لا اله لا الله .. جمالهم رباني تبارك الرحمن لكن يكون في بشرتها حبوب .. او اثار حبوب .. والمصيبه اذا كان عندها هالااااااااات سوداء وغطتهم بكونسيلر فاااتح ((( ظناَ))) منها انها اخفت السواد وصار شكلها حلوو  في كثير بنات ما يعرفون يحطون الكونسيلر .. ولانهم ما يعرفون الطريقه الصحيحه للكونسلر تلاقينهم يخبصون الدنيا !!وللاسف المكياج الهدف منه انه يحلي لكن اذا انحط بطريقه غلط يبشع  ومرات يضحك !بيت القصيد << ترى فلسفتي واايد وهذرتي اكثررر تحملوني  راح اشرح لكم بالتفصيل والصور الطريقه الصحيحه لاخفاء العيوب وغيرها .. وعسى الله يقدرني واعلمكم كل شي بصوره صحيحه . و ان شاء الله تفهمون علي  وللعلم ترى الطريقه عاااديه جدا جدا و بغايه السهوله والتفاهه حتى انتوا اذا قريتوا الموضوع بتقولون بس جذيه .. ما راح تاخذ منكم اكثر من 5 دقايق ! وتراها مو شي غريب ولا اختراع اغلب المحترفات يسون هالطريقه و مو بس المحترفات خل نقول المتمرسااات على المكياج بشكل عام طبعا قبل لا ابتدي بالنسبه للبنات اللي عندهم هالات سوداء لازم لازم لازم تحرص على شرب الماء بشكل منتظم .. يعني اقل شي 6-8 اكواب باليوم .. وتحرص على اكل 4-5 حصص فاكهه بالاسبوع ! وتحرص على السلطه .. لا تقولون ما نحب .. اذا ما تحبين الطمام لا تاكلينه لكن اكلي خياااااار << كل الناس يحبونه حتى الاطفال حلوو الخيار .. سوي لك سلطه خيار بالروب والنعناع ! اكلي جرز .. خس .. حرصي على اكل السمج= السمك والاكلات البحريه بشكل عااام .. لا تقولون زفرر وويع .. والله لو تدروون شنو فوائد الاسماك .. جان ظليتوا طوول عمركم تاكلون سمج .. ما تشوفون الشرق اسيوين يعمرون لا اله الا الله وصحتهم زينه حتى لو كبار وفيهم قوه اغلب اكلهم بحري ! ولو كلش كلش ما تقدرين على الزفره اخذي حبوب خلاصه السمك من الصيدليه << استشيري طبيب انا مالي شغل !! << خاافت تخلي مسؤليتها  بسم الله نتدي بالنسبه للهالات السوداء .. لا تفكرين تحطين كونسيلر افتح من بشرتك على هالمنطقه ابدا ابدا ابد .. لانه بيقلب على رمادي ويصير شكلك  حتى لو حطيتي كونسيلر فاتح وما قلب على رمادي بوقتها .. بعد فتره يقلب .. يعني انتي بالبيت شحلاتج تروحين المناسبه هالاتك رماديه مو بنيه ولا سودا .. وحسافه اذا المكياج حلوو والاساس حلوو الهالات تبشع .. ف اخذيها قاعده اذا تبين تغطين ... هالات سوداء حبوب حمرا (ملتهبه) حبوب سمرا (الحبوب اللي راسها بني غامج شوي) اثار حبوب لاااااااااااااا تغطينها ابدا بكونسيلر فاااتح ! اتبعي هالخطوات .. (بعدين بتكلم عن كل خطوه بالتفصيل ) 1)حطي كونسيلر غامج 2)حطي فوقه كونسيلر فاتح 3)فردي الاساس 4)البودره 5) التنظيفات 6)المسات النهائيه وسلامتك وتعيشين بتكلم بكل خطوه بالتفصيل .. والصور والشرح الخطوه 1 و 2 (( الكونسيلر الغامق والفاتح )) في كثيرر ماركات ينزلون كونسيلرات بدرجات البيجات والبني .. وبالغالب تكون هذي الكونسيلرات جايه على شكل باليت .. ويكون الكونسيلر كريمي مثل فورايفر .. وااايد حلو هالكونسيلر  لانكوم .. سابقا كان عندهم هالكونسيلر مدري اذا للحين .. اتذكره كان حلووو و سهل الفرد  ماك  بوبي براون  كريولان  الطريقه وضع الكونسيلر يوضع الكونسيلر بالطبطبه = الرتبيت= الطقطقه بخفه ونعومه بحركه سريعه وليس بالمسح ..او الفرك .. او حركه عنيفه .. شوي شوي على بشراتكم يا بنات اخذي من الكونسيلر باصبع او بالفرشه (الاصبع افضل عشان حرارة اصبع تساعد وتسهل الفرد ) وطبطبي على المكان اللي تبين اخفاءه .. طبطبي الى ان تحسين ان الكونسيلر انفرد زيــــــــــــــن و تجانس ويا البشره بعدين خذي من الكونسيلر الفاتح << ليما اقول فاتح ما اقصد كونسيلر بلون الطابشير .. اخذي كونسيلر بلون بشرتك . وان ولا بد افتح بدرجه وحده .. ونفس الطريقه طبطبي .. الى ان يتجانس .. ولا تكثرين الكميه ! نصيحه ابتدي بكميه قليله وزيدي لو احتجتي مش العكس الخطوه 3 (( فردي الاساس)) فردي اساسك بطريقه الطبطبه .. ولو كنتي تستخدمين ستيك فاونديشن بلي الاسفتجه شوي .. لا اتقربين يم الهالات .. الى ان ينفرد اساسك كاامل .. ذيك الساعه مرري الاسفنجه على هالاتك بطريقه الطبطبه الخطوه 4 (( البودره )) فردي البودره سواء كومباكت او لوس باودر= حره .. اللي تحبين وحطي شويه بودره على الهالات .. الخطوه 5 (( التنظيفات )) قبل لا تبتدين بمكياج عيونك , نصيحه : حطي كميه واااافره تحت عيونك من اللوس باودر .. عشان يمسك اي شدوو يتنثر .. عشان ما يوسخ اساسك ويظل نظيف اذا خلصتي من مكياج عيونك .. ازيلي البودره بفرشاة تسمى مروحه=fan هذي صورتها .. تلاقينها بفورايفر و كريولان و ماك   تستخدمين هالفرشه بحركه سريعه من الداخل للخارج .. اي نسيت اقولكم لا تحطون مسكرااا قبل لا تزيلون البودره اللي تحت عيونكم عشان ما تغبر رموشك ! خطوه 6 (( اللمسات النهائيه )) كثير من البنات يحبون ان تحت عيونهم يكون ابيض ومنور فعشان جذيه يستخدمون كونسيلر فاتح ! ولاا بودره فاتح جدا وهذا غلط !!! لانه رااح يقلب على رمادي << يا دي الرمادي اللي مردمد عيشتنا ههههههعشان يكون تحت عيونك نظيف وحلوو ومنور و يفتح النفس .. بعد ما تخلصين مكياجك كاااامل كاااامل كااامل ..جيبي فرشه نطيفه ومرريها تحت عيونك عشان تشيل اي اوساخ ممكن تكون متواجده .. ثم جيبي بودره كومباكت= مضغوطه بلون بشرتك او افتح من لونك بدرجه .. و حطي منها تحت عيونك .. بالفرشه نظيقه .. ثم حطي شــــويــــــه بودره لميعه او بودره اضاءه .. مو مهم لوس باودر= حره او كومباكت= مضغوطه << افضل الحره .. طبيعيه اكثر ولمعتها انعم ونصيحه استخدمي صبعك لوضع بودره الاضاءه .. يطلع احلا و انعم .. ولا تكثرين مو حلو يصير تحت العيون وااايد يلمع وفي وايد بودرات حلوه .. مثل فورايفر .. جدا رووووعه اسمها شاين او باودر .. يا بنات تجنن .. وتراها مثل اللوس اودر العاديه بس فيها حبيبات تلمع وتعكس الضوء .. وااااااااااااايد ناعمه لمعتها تعجبني  جفنشي .. لوس باودر او كومباكت   لانكوم  شانيل  طبعا اللمعات والاشياء اللي تلالاي للسهرات والمناسبات الكبيره .. لكن للايام العاديه .. افضل تحطين شويه من كونسيلر سان لوران القلم  وااايد حلو هالكونسيلر .. خفيف وناعم وترى ما يخفي الهالات والعيوب ولكن يضئ المنطقه ف لازم تستخدمي كونسيلر اثقل تحته عشان تخفين السواد بالاول ثم تنورين وتضيئين المنطقه . ملاحظه : لو بشرتك فيها عيوب كثيره او عيوب مساحتها كبيره (اختلاف وعدم تجانس لون البشره . اثار حبوب .. حبوب بانواعها .. الخ ) نصيحه استخدمي بيس غامج او اساس خفيف .. ثم حطي فوقه اساس فاتح .. ثم اتبعي باجي الخطوات البودره .. التنظيفات .. واللمسه النهائيه . وممكن تستخدمي فل كفر من فورايفر لو تحبين تغطيه ثقيله .. وايد ناس يمدحونه!  تم بحمد الله ان شاء الله تكونو استفدتوا يا بنات .. والله ودي افيدكم .. وعسى ان يكون لي علم ينتفع به .. ولا تنسوني من صالح دعائكم
|
|||||||||||||
|
|
|
|
23 -07 -2007, 03:15 AM
|
#2 (permalink) | |||||||||||||
|
رد: الطريقة الصحيحة لإخفاء الهالات بالماكياج
مشكورة حبيبتي على النقل المفيد
|
|||||||||||||
|
|
|
|
24 -07 -2007, 08:33 AM
|
#3 (permalink) | |||||||||||||
|
رد: الطريقة الصحيحة لإخفاء الهالات بالماكياج
تسلمي يا أحلام على مرورك
|
|||||||||||||
|
|
|
|
14 -05 -2008, 12:39 AM
|
#4 (permalink) | |||||||||||||
|
رد: الطريقة الصحيحة لإخفاء الهالات بالماكياج
رررررررررروعه بارك الله فيكى بجد
|
|||||||||||||
|
|
|
|
14 -05 -2008, 04:02 AM
|
#5 (permalink) | |||||||||||||
|
رد: الطريقة الصحيحة لإخفاء الهالات بالماكياج
تسلم الايادى غاليتى
|
|||||||||||||
|
|
|
|
03 -09 -2008, 03:44 PM
|
#7 (permalink) | |||||||||||||
|
رد: الطريقة الصحيحة لإخفاء الهالات بالماكياج
شكرا ليك على هادا الموضوع وان شاء الله بنستفيد
|
|||||||||||||
|
|
|
|
03 -09 -2008, 04:34 PM
|
#8 (permalink) | |||||||||||||
|
رد: الطريقة الصحيحة لإخفاء الهالات بالماكياج
سلمت يداك غاليتي
|
|||||||||||||
|
|
|
|
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| موسوعة اطباق رمضانية و بالهنا و الشفاء | أبو الأبطال | مطبخك سيدتي | 7 | 11 -09 -2008 08:09 AM |
| قاموس الجمال و المكياج | mulan | منتدى الجمال | 3 | 04 -08 -2007 03:36 PM |
| الخلطات السريه لكنتاكى وماكدونالز | ام فرح | مطبخك سيدتي | 21 | 08 -07 -2007 07:07 AM |
| قاطعوا المطاعم الأمريكيه واعملوا خلطتها السريه بالبيت | رومانسيه | مطبخك سيدتي | 7 | 25 -03 -2007 04:25 AM |
| التحالف الشيعي الأمريكي في اليمن | ســـامي | القسم الإسلامي العام | 0 | 15 -08 -2005 06:24 PM |
|
الساعة الآن 04:42 PM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
رد: الطريقة الصحيحة لإخفاء الهالات بالماكياج
.gif "majdah (4)")
.gif "ma (13)")
