 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
منتدى القصص والروايات يختص بالقصص والروايات .. لأخذ العبرة منها |
 |
|
|
LinkBack | أدوات الموضوع |
18 -05 -2005, 10:08 AM
|
#1 (permalink) | ||||||||||||
|
قصة ستي رسميه للصقر الذهبي
ستى رسميه
بدي يا حبايب يا عسل أحكيكم حكاية ستي رسميه ، وهاد مو إسمها الحقيقي ، هادا إسم الشهره عندنا في الحاره ، ومين في الحاره ما يعرف ستي رسميه ، وهيا ست من الكبار في السن ، يقولو إن عمرها ميه وتناتيش ، لكنها من الستات إللي يعرفو كيف يحافظو على نفسهم ، رشقيه وسريعة الحركه ، ولا بنت اربعطعشر ، دفنت رجالين وما خلفت ، لكن كل أهل الحاره أولادها وبناتها ، وستي رسميه هادي من عجائب الزمان ومدرسه جامعه يتعلم منها الكبار قبل الصغار ، تعرف في التفسير والحديث واللغه ، ولا تسأل عن معرفتها بالشعر والأمتال الفصحي والعاميه وحتى هرجها بترتيب وعقل وكلمه كلمه ، عمري ما سمعتها تزعق ، اصلو أول بختها كان راجل من علماء الحرم المكي الشريف ، أيام ما كان الحرم الشريف جامعه يتعلمو فيها الكبار والصغار كل أنواع العلوم وكانو المشايخ على مستوى موسوعي في المذاهب والأدب واللغة ، والحديث عنهم يطول ، هادا غير الزايرين من علماء بره ، كان العلم في الحرم حاجه تفرح القلب و تبيض الوش ، والحديث عنهم يطول قصره لا أكتر عليكم . ويّ ايش بنا رح ننسى ستي رسميه وحكايتها و لا أيه ، لما كبرت أنا شويه و فزيت عرفت إنو ستي رسميه مو هادا إسمها ، لكن جاها هادا الإسم من حبها للرسميات ، وتبغى كل شي على تمامو ، يعني تعتني بالإتيكيت عنايه ما بعدها ، بيتها زي المرايه ، نضافه وترتيب وكل شي في محله ، وكإنها مهندسه ، وكل فصل في السنه يتغير ترتيب البيت ، والمنجد يجي ينجد لها الطرّاحه , والطرّاحه هادي زي الليانه بس أوسع شويه ومخصصه للنوم ، وعندها ناموسيّه للصيف وتانيه للشتا ، وبنات وحريم الحاره يخدمو معاها وبالنوبه ، ويتضاربو لو وحده أخدت سِرا التانيه ، وببلاش غير صحن المعدوس إللي يتربعو عليه مع الحوت الناشف وزلطة الحمر وحزمة الكرات ، وكل وحده من البنات والستات تتحدث عن داكا الشرف إللي اسبغتو عليها ستي رسميه . وستي رسميه لها كمان نظام خاص في اللبس والتقيين ، والتقيين يعني " المكياج " وهوا شغلة المقينه ، فالمحرمه والمدوره اليشمك ما تفارق راسها ، ولما تخرج لأي واجب لازم تكون في كامل الزينه متكحله وداهكتها والسديريه المشتغله ، وازارير الذهب إللي تنتهي إما يحوته ذهب أو جنيه أفربجي والكرته هاديكا إللي عليها الكلام آخر موديل والتليك المشتغل والسروال الحلبي ، كل شي كإنو خارج من تحت المكوى ، ولما تبغى تلبس المصكك أو الزبون ، لازم وحده ست من الجيران تجي علشان تساعدها في اللبس ، وعمري ما شفتها تلبس الجامه ، والجامه هادي زي إللي يلبسوها بعض النسا الأفغانيات ، لها فتحه على قد العينين وعليها شبك من القماش ، وستي رسميه يا إما تلبس الملايا التركي ، وهادي ولا تزال تلبس في سوريا وتركيا وهي من قطعتين ، أو تلبس القنعه ، والقنعه هادي كنا ونحنا صغار نشرد من لابستها ، لأن شكلها يصير زي الغوله ، وستى رسميه ما تلبس القنعه إلاإذا كانت في مناسبه على مستوى ، وهادي الحكايه ، ورحمو معايا على ستي رسميه ، ومساكم زي الفل منقول
|
||||||||||||
|
|
|
|
18 -05 -2005, 07:57 PM
|
#2 (permalink) | ||||||||||||||
|
مشكور أخت هلا على هذه القصة باللهجة المكاوية
أعتقد أن هذه اللغة أندثرت غير موجودة الأن بارك الله فيك
|
||||||||||||||
|
|
|
|
19 -05 -2005, 09:42 PM
|
#3 (permalink) | |||||||||||||
|
حقيقة هلا ما أدري أش أقولك الكلامات درر أيوه هاد الكلام اللي يفرح القلب ويشرح الصدر
الله من أحلى القصص اللي قريتها اللهجه حقتنا الله يسعدك وربي يوفقك يا هلا
|
|||||||||||||
|
|
|
|
20 -05 -2005, 12:06 PM
|
#4 (permalink) | ||||||||||||
|
و أنا سعيده إنها أعجبتك يا د.أبو عمر و أهديتها لك إنت بالذات لإنك الوحيد هنا المكاوي مثلي و رح ترجعلك ذكريات و لهجة أهل أول الحلوه .
|
||||||||||||
|
|
|
|
20 -05 -2005, 01:16 PM
|
#5 (permalink) | ||||||||||
|
الله الله يا"هلا"
امي من مواليد مكه كانوا اهلها من سكان مكه..ودايم تحكيلنا عن الايام الحلوه وتوصف لنا بيتهم في الجبل.. وانتى لما وصفتى "ستى رسميه"كائنك توصفين مراة جدي الحجازيه... وشكرآ اختك حنان
|
||||||||||
|
|
|
|
20 -05 -2005, 08:23 PM
|
#6 (permalink) | ||||||||||||
|
شكرا لك يا حنان
شرفني مرورك بس لو ممكن أعرف إذا مامتك من مكه إنت من فين في السعوديه ؟ تقبلي تحياتي هلا
|
||||||||||||
|
|
|
|
21 -05 -2005, 09:53 PM
|
#7 (permalink) | |||||||||||||
|
حقيقة أنا أشكرك يا هلا وكل اللي أنتي تقديمه لنا من أحلى الأشياء اللي ما في زيها بس أبغا أقولك شيء أنا من المدينة المنورة وابويا ترعع في مكه وأشتغل فيها ألين أحيل للتقاعد
|
|||||||||||||
|
|
|
|
22 -05 -2005, 05:19 PM
|
#8 (permalink) | ||||||||||||
|
العفو يا د. أبو عمر
طيب كيف لهجة أهل المدينه مو قريبه من أهل مكه ؟
|
||||||||||||
|
|
|
|
22 -05 -2005, 05:46 PM
|
#9 (permalink) | |||||||||||||
|
ما في فرق أبدا ولو تلاحظي عوائل مكة وعوائل المدينة نفس الطباع ونفس الكلام
لك مودتي واحترامي
|
|||||||||||||
|
|
|
|
22 -05 -2005, 07:08 PM
|
#10 (permalink) | ||||||||||||
|
يا سيدي كل أهل المدينه على عيني و راسي
يسلموا
|
||||||||||||
|
|
|
|
23 -05 -2005, 06:31 AM
|
#11 (permalink) | |||||||||||
|
اقولك مجاءة هلا واللة انا من مكة وانبسطت كتير لما عرفت انك من مكة ياهلا ومرحبا باهل ديرتي
 وانا من جبل النور المكان الي فية جبل حراء الي كان يعتكف فية الرسول صلى اللة علية وسلم
|
|||||||||||
|
|
|
|
23 -05 -2005, 04:16 PM
|
#12 (permalink) | ||||||||||||
|
ياي جوري إنت من مكه و كمان من جبل النور أهلا و سهلا بك
.gif "ma (10)") و أشكر مرورك عزيزتي
|
||||||||||||
|
|
|
|
| أدوات الموضوع | |
|
|
|
الساعة الآن 07:44 PM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
