 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
منتدى الجمال الرشاقة - المكياج - الوصفات الطبيعية |
 |
|
|
LinkBack | أدوات الموضوع |
17 -11 -2007, 03:18 AM
|
#1 (permalink) | |||||||||||||
|
الحمام المغربى
الحمام المغربى يعتبر من اجمل انواع تنضيف الجسم والتخلص من الخلايا الميتة المتراكمة على الجسم واستخدامة باستمرار بيفتح البشرة ويوحد لونها بصورة رهيبة واهل المغرب بيداموا على الحمام دة كل اسبوع واحناهنعمل اكتر من طريقة والله لافرق حتى اسالوا مجرب ونشوف المكونات اللى عايزينها للحمام المغربى
المكونات  ليفة مغربى بتتباع فى الصيدليات على شكل جوانتى ب 21 جنية وفى نوع ب 33 مفيش فرق بينهم وفى فى الدول الخليجية نوع من بودى شوب برضة جوانتى او قفاز برضة نفس النتيجة والناس اللى معندهاش فى طريقة رخيصة ونفس النتيجة وممكن تكون احسن كمان العطار اللى هتشترى منة المكونات قوليلة عايزة قطعة خيش من اللى بيحطوا فية العطارة عارفينة الخيش البنى المهم تجبيها وتخيطيها على شكل مربع مزدوج علشان تدخلى ايديكى جوا الصابون المغربى السايل بيتباع عند بعض العطارين المشهورين زى حراز هو اسمة صابون مغربى سايل حبايبى ملقتوش مش مشكلة كل مراكز التجميل معندهاش وشوفوا بيستخدموا اية هاتى صابونة لوز او صابونة زيت زيتون او صابونة بابايا او صابونة كركم كلهم عند العطارين وسعرهم مبيعديش 10 جنية وفى ب5 جنية المهم ابشروها فى المبشرة اليدوية عارفينها بتاعة البصل بتاعة زمان المهم بعد البشر هاتى الصابون وحطية فى حلة وعلية نص كوب ماء ورد واتركية طول الليل الصبح حطية على النار شوية وقلبى لغاية الصابون ماتلاقية زى الكريم بالضبط حنة ورق برضة عند اى عطار واطحنيها لغاية ماتبقى زى البودرة فى مطحنة الخلاط لو ملقتيش مطحون قولى للعطار عايزة نوع حنة سايب يكون صافى متخفيش العطارين لما بيلقوكى فاهمة بيدوكى طلبك من غير غش بس الاول اطلبى الحنة الورق الناشفة موجودة عند العطارين الكبار زى حراز والشمس فى الحسين عصير اربع لمونات واى حمام كريم لشعرك زيت طبيعى بيو بوينت اى نوع بتستريحيلة بس انا بفضل زيت زيتون وزيت خروع وتدفيهم على النار علشان الشعر يشربهم وكمان بونية محكم للشعر اى مرطب للجسم انا بفضل كريم جليسوليد الاحمر الاصلى هو جلسريين مجمد العلبة الصغيرة ب6 والكبيرة ب11 جنية واعصر عليها لمونة للصغيرة ولمونتين للكبيرة او جلسريين شفاف وعلية لمونة او بيبى جونسون اويل طبعا انا بقولكم الحاجات اللى فى متناول ايدينا وبتجيب نفس النتيجة واحسن وصدقونى العلب المستوردة اللى فى مراكز التجميل جواها حاجات طبيعية مخلوطة بجزء من الكريم حجر للقدم بيتباع عند العطارين او فى طبى فى الصيدليات اللى يريحكم يا بنات استخدموة طريقة الحمام المغربى بالتفصيل اولا افتحى الدوش فى الحمام على الماء الساخن جدا واقفلى الابواب والشبابيك علشان البخار وادخلى الحمام وانتظرى حتى يملؤة البخار اعملى حمام الزيت او الكريم لشعرك والبسى البونية وخدى بالك متخليش زيت حمام الشعر ينزل على جسمك وانتظرى 10 دقايق فى البخار علشان المسام تفتح واملى البانيو بالماء الساخن وانزلى فية ربع ساعة لو معندكيش بانيو افتحى الدوش ربع ساعة على جسمك وبعدين اطلعى من البانيو وهاتى الصابون اللى عملناة السايل وحطى علية عصير الليمون والحنة البودرة اللى طحناها واخلطيهم كويس وادهنى جسمك كلة كويس بالصابون واقعدى نص ساعة فى الفترة دى اعملى ماسك للوجة اى ماسك كويس بتستريحيلة وبعد النص ساعة ادعكى الصابون من جسمك بايديكى مش بالليفة بحركة دائرية فى اتجاة القلب يعنى لاعلى ادعكى جسمك دائريا لاعلى وبعدين انزلى تحت الدوش الساخن واغسلى الصابون وبعدين بالليفة المغربى ابداى فرك الجسم جزء جزء بحركة دائرية بالضغط على البشرة ولكن بلطف برضة لاعلى فى اتجاة القلب لتنشيط حركة الدم وتدفقة ولزيادة سرعة الاكسجين فى الجسم وبعدين ادخلى تانى تحت الماء الساخن واغسلى جسمك مرة تانى ونشفية كويس وبعدين ادهنى جسمك كلة بالكريم الجليسوليد المضاف الية عصير الليمون او الجلسرين السايل او البيبى اويل وانتظرى ربع ساعة واثناء الانتظار قومى بدعك لقدم والاصابع بالحجر جيدا الجلسريين هيسعدك كويس وبعدين ادخلى تحت الدوش واغسلى شعرك وجسمك وياريت تغسلى شعرك بنوع شامبو خفيف زى بيبى جونسون وسيبى الشامبو ينزل على الجسم من غير استخدام الليفة وبايديكى نزلى الجلسرين الزائد على الجسم وبعدين نشفلى جسمك وشعرك وشوفى النتيجة ولو استمرتى كل 15 يوم على الحمام دة هتشوفى فرق كبييييييييييييييير جدا فى البشرة وتوحيد لون الجسم واختفاء البقع ويابنات نادى واحدة من اخواتك او مامتك تدعكلك ضهرك بالليفة لو مش طايلة وهتشوفى الجلد الميت وهو بينزل معاكى فى الليفة ........
|
|||||||||||||
|
|
|
|
17 -11 -2007, 02:10 PM
|
#2 (permalink) | |||||||||||||
|
رد: الحمام المغربى
شكرا جدا موضوع مفيد جدا
|
|||||||||||||
|
|
|
|
17 -11 -2007, 02:36 PM
|
#3 (permalink) | ||||||||||||||
|
رد: الحمام المغربى
سلمت يداك ومشكورة على المعلومات
دمت بحفظ الله
|
||||||||||||||
|
|
|
|
17 -11 -2007, 06:19 PM
|
#4 (permalink) | ||||||||||||||||||||||||||||||||||||
|
رد: الحمام المغربى
جزاكى الله خيرا حبيبتى الله يعطيكى العافيه
|
||||||||||||||||||||||||||||||||||||
|
|
|
|
17 -11 -2007, 06:20 PM
|
#5 (permalink) | ||||||||||||||||||||||||||||||||||||
|
رد: الحمام المغربى
جزاكى الله خيرا اختى الغاليه والله يعطيكى العافيه يا قمر
|
||||||||||||||||||||||||||||||||||||
|
|
|
|
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مدينة الدمام | Cooky girl | السياحة والسفر | 6 | 16 -12 -2007 10:21 PM |
| لايفوتكم الحمام المغربي له فوائد بالزاااااااااااف | sanouna | منتدى الجمال | 11 | 17 -11 -2007 03:16 PM |
| المطبخ المغربي .. أصالة متفردة | hind | مطبخك سيدتي | 0 | 07 -01 -2007 08:05 PM |
| من هم مصاصو الدماء...؟؟؟ | -=saif=- | المنتدى العام | 4 | 26 -10 -2006 09:41 PM |
| حمامات الاعشاب..صحة .. جمال.. انتعاش...... هدية من shicobat | shicobat | منتدى الجمال | 6 | 16 -08 -2006 12:59 PM |
|
الساعة الآن 09:50 AM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
