 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
مطبخك سيدتي يوجد هنا أنواع الطبخات والحلويات وأي أمور تخص المطبخ |
 |
|
|
LinkBack | أدوات الموضوع |
15 -11 -2007, 03:57 AM
|
#1 (permalink) | |||||||||||||
|
رد: اكلات مصريه فظيعه 4
المنين:
3 ونص كوب دقيق ا كوب سمن او زبدة سايحة ا كوب ماء دافىء للعجن 2 معلقة صغيرة سكر + ربع معلقة خميرة ربع معلقة صغيرة ملح اولا بتحطى المقادير الجافة يعنى الدقيق والملح وتقلبى وتحطى السكر على الخميرة وعيليهم شوية مية دافية تدوبى فيها بس الخميرة وتسخنى السمن او الزبد وتحطى على الديق وتفركية كويس لحد الدقيق ما يشرب السمن وبعدين تحطى الخميرة والمية وتعجنى كويس وتسيبيها ترتاح 10 دقايق وابتدى اعملى المنين المهم تكون العجوة طرية ولو ناشفة ممكن تحطيها على النار شوية وتخبز فى فرن 180 درجة لمدة من 10 دقايق لربع ساعة او لحد ماتستوى معاكى وفى طريقة تانية للقرص الطرية بالعجوة وهى المقادير : 2 كوب دقيق ونص ا كوب لبن + نص كوب ماء دافىء نص كوب سكر نص كوب سمن او زبدة + زيت ذرة معلقة صغيرة ملح +م ص سكر + م ص خميرة سمسم للوجة + صفار بيضة مع لبن لدهن الوجة عجوة للحشو طبعا نفس الطريقة الاولى بس المهم فكل من الطريقتين انك بعد ماتحطى السمن على الديق تهتمى انة يتشرب كويس ولو حسيتى انة محتاج زبدة تانى اديلة لحد ما يشرب كلة يعنى لو مسكتيى فى ايدك جامد يتكور دا قبل المية واللبن وكدة يعنى سمن ودقيق بس اة والسكر يكون مع الدقيق فى الاول هو ومعلقة الملح الصغيرة وبعد ما تشكلية هاتى صفار بيضة مع 3 معالق لبن واخلطيهم وادهنى الوجة ورشى السمسم علية صينية الرقاق الطرى باللحمه المفرومه اولا نجيب الرقاق ونبلله بالشوربة جيدا ثم نضعه على قماشة كل رقاقه لوحدها حتى يجف وبعدين نفرده فى الصينية نضع عدد من الرقاقات على بعضها ونحط العصاج " بصل نحمره وعليه لحمة مفرومة و قليل من الصلصة و بقدونس مفروم" وبعدين نحط باقى الرقاق نصب بعض الشوربة على الرقاق لكن قليييييييييل جدا نوزعها جيدا على الرقاق ونضعه فى الفرن او نضعه على البوتجاز مع التحريك المستمر للصينية ثم قلبها انا بفضل الفرن اسهل لكن ناس كتيير بتقول البوتجاز افضل وبعد ما يحمر الرقاق نخرجه من الفرن انا باكله عند المرحلة دى لكن محتاجاها اطرى ممكن بعد ما يبرد " مش وهو سخن عشان ما يعجنش" نصب عليه بعض الشوربة قليييييييييل جدا برضه كانك بتصبى قطر او شربات على بسبوسة توزعيه على الصينية وخط خفيف من الشوربة عجينة الطعميه " الفلافل" المقادير: بس دى المقادير اللى انا بستعملها ممكن تزيدو او تنقصو براحتكم ربع كيلو فول مدشوش حزمة بقدونس صغيره حزمة كزبرة خضرا كبيرة او حزمتين صغار بصلة متوسطة اربع فصوص ثوم ملعقتين كبار ملح ملعقتين كبار دقيق 3 ملاعق كبيرة كزبرة ناشفة لازم رشة من كل من فلفل اسمر وشطة حمرا و كمون وقرفة وزنجبيل "حسب الرغبه" التوابل اللى تحبيها ملعقة صغيرة بيكربونات الصودا لازم ملعقه صغيرة باكينج بودر "يمكن الاستغناء عنها" الطريقة: ينقع الفول ليلة كاملة فى الماء وثانى يوم يصفى ويغسل جيدا يوضع مع باقى المكونات بعد تقطيعها فى الكبة وتفرم جيدا انا بقسمها بعد كدة لاكياس صغيرة واحطها فى الفريزر وكل مرة اضيف بيض لها وقليل من الكزبرة الناشفة واقليها فى ناس فى الارياف بتضيف الكرات لو تعرفوه للعجينة وفى بيضيفو البصل الاخضر بعروقه وبتبقى طعمها مختلف عن الطعميه المتعارف عليها شوية بس برضه حلوة جدا وفى بيضيفو حمص منقوع " يكون نص كمية الفول" طبق الطحال المقادير 1كجم طحال ضان او بتلو - 1بصله كبيره شرائح -2م عصير ليمون - ملح وفلفل الطريقه 1- يغسل الطحال بالدقيق وينظف جيدا ويشطف بالماء البارد ويتبل بالملح والفلفل ونصف مقدار الليمون ويترك ربع ساعه 2-يوضع في اناء ويغمر بالماء ويضاف البصل وعصير الليمون وقليل من الملح ويرفع على النار حتى يغلي ثم تهدا النار ويترك حتى ينضج ********* يرفع الماء ويقدم كالاتي يشوح قليلا في السمن المقدوح ويجمل بالبقدونس وشرائح الليمون او يقطع لشرائح غليظه نوعا ما ويرص في طبق ومعه شرائح الليمون وتقدم معه الصلصه التاليه كوب بهريز مصفى من ماء السلق+م عصير ليمون +2م زيت +ملح وفلفل تخلط جيدا طبق الكبده بالدمعه المقادير نصف كجم كبده - نصف كجم طماطم _قليل من الشطه _عصير بصله _ربع راس ثوم مفري - عصير ليمونه -م خل قليل من الماء -ملح وفلفل -زيت للتحمير الطريقه 1 -يغسل الكبده ثم تقطع شرائح متوسطة الحجم ويتبل بالملح والفلفل وعصير الليمون والبصل وتترك نصف ساعه 2- تغطى بالدقيق وتحمر في الزيت وترفع ويحمر الثوم مكانها ثم نضيف له عصير الطماطم وتترك على النار تتسبك قليلا ويضاف الخل وقليل من الماء وتتبل 3- تقطع شرائح الكبده المقليه لشرائح اصغر او تترك كما هي وتضاف للصلصه السابقه وتترك بها 10 دقائق حتى تغلي وتغرف وتجمل بالبقدونس وتقدم ساخنه كمونية اللحم المقادير 1كجم لحم من الفخذه - راس ثوم مفري -2 م كمون ناعم - 3 م كبيره سمن الطريقه 1- يغسل اللحم ويقطع قطع مناسبه ويشوح في السمن المقدوح ثم يضاف الثوم المفري مع التقليب المستمر حتى يصفر لونه 2- ثم يضاف الكمون مع التقليب المستمر 3- يضاف قليل من الماء و نضع الملح ونتركه على نار متوسطه حتى يتم نضج اللحم يقدم مع الارز المفلفل والسلاطه كفتة الجمبري المقادير 1كجم جمبري -نصف فنجان ارز مطحون -2بيضه - م عصير ليمون -م كبيره بقسماط - م بقدونس مفري 1 م دقيق - 1م شبت مفري - 4 فص توم مفروم - كرفس - ملح وفلفل وكمون الطريقه 1- يغسل الجمبري ويقشر وتنزع سلسلة الظهر والراس والديل ثم يغسل جيدا ويسلق 2- يفرم في المفرمه 3- يخلط الجمبري بالارز المطحون والثوم المفروم والبقدونس والشبت ويتبل بالملح والفلفل والكمون وعصير الليمون ويخلط جيدا 4-تشكل اصابع او دوائر وتقلب في الدقيق ثم البيض المتبل ثم ترش بالبقسماط وتحمر وتقدم مع السلاطه الخضراء
|
|||||||||||||
|
|
|
|
21 -06 -2008, 09:07 AM
|
#2 (permalink) | ||||||||||||||
|
رد: اكلات مصريه فظيعه 4
الله عليكى رجعتينى ل مطبخ امى ربنا يخليكى لينا و لكل المصريين
|
||||||||||||||
|
|
|
|
22 -06 -2008, 07:03 PM
|
#3 (permalink) | ||||||||||||||||||||||||||||||||||||
|
رد: اكلات مصريه فظيعه 4
تسلمى حبيبتى الغاليه والله يعطيكى الف عافيه يا قمر
|
||||||||||||||||||||||||||||||||||||
|
|
|
|
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اعظم سلسله روايات مصريه للجيب سلسلة ملف المستقبل للدكتور نبيل فاروق | zxxxxxxxxxx | منتدى القصص والروايات | 3 | 13 -09 -2008 02:21 AM |
| اكلات مصريه فظيعه | honey time | مطبخك سيدتي | 4 | 19 -11 -2007 11:52 PM |
| عبارات مكتوبة على سيارات نقل مصريه ...هههه | زمن المحبة | منتدى الطرائف والألغاز | 3 | 11 -09 -2006 07:14 PM |
| وصفات اكلات | امورة | مطبخك سيدتي | 10 | 28 -08 -2006 07:40 AM |
| تم اضافه اكلات جديدة فى قسم اكلات شهيه | kakyyabata | مطبخك سيدتي | 0 | 25 -04 -2005 02:57 PM |
|
الساعة الآن 04:56 AM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
