الموضوع: المطبخ الليبى

من أشهر الوجبات التى تقدم فى ليبيا وخصوصا فى المناسبات هو العصبان ويقدم مع أرز الخلطة وطبعا مع اللحم الوطنى كما يقولوا على لحم الخرفان وهاهى طريقة عمل العصبان


تتكون خلطة العصبان من قطع صغيرة من الكبدة والكلية واللحم والقلب ومن بصل أخضر ومعدنوس وكسبرة وشبت والريحان ومعجون الطماطم وبهارات وقليل من الزيت والأرز .

- طريقة التحضير :
تجهز المصارين (أمعاء الخروف أوالقعود) بتنظيفها الجيد ثم تحشو بالخلطة و تغسل الكرشة جيداً وتقطع إلى قطع مناسبة وتملأ هذه القطع بالخلطة ثم يتم قفل الكرشة بالإبرة والخيط ويتم طبخ العصبان في طبيخة .

شكرا لكي اخت ماجده وبارك الله فيكي

الأخت الفاضلة / ماجدة
مايمنعش أختى الكريمة لو عملتى الأكلة دى فى الأسكندرية إنك تعملى حسابى فى طبق علشان نتذوق طعمها .. وأطيد حيكون جميل من إيدك .. بس بلاش البهرات الحريفة

كليه و قلب مصاريين و كرشه ممكن ليه لأ الرجال بتحب الأشياء دي

شكرا يا ستي تسلم إيدك

تحياتي

هلا

أخى الفاضل / إيهاب
جزاك الله خيرا على مرورك الكريم

أخى الفاضل / محمد نجيب

إنت معزوم على هذه الأكلة الشهية أول ما أعملها فى الأسكندرية
بس خد بالك الليبيين بيحبوا البهارات الحريفة جدا

ده حتى عندهم برطمانات فيها حاجة إسمها هريسة ولكن مش ذى الهريسة اللى عندنا دى عبارة عن فلفل أحمر معمول معجون ذى الصلصة بالضبط ودى مفضلة أكلها مع كل السندوتشات

أختى الغالية / هلا

والله أنا كنت مستغربة ذيك لما سمعت عن المقادير
بس لما أكلت من هذه الأكلة عجبتنى جدا جدا

وتسلمى أختى لمرورك

اختي الغالية ماجدة
من الواضح من كلامك انك خبيرة بالاكل الليبي
للاسف انا لا اعرف الا الاكل المصري
الفلاحي المعمول بالسمنه البلدي والقشطة

مرحبا اختى ماجدة اولا حبيت السالك انتى من ليبيا
عموما اهلاك بيك والله شوقتينى الى ليبيا واكل ليبيا وخاصة العصبان لاننى اموت فية والله وخاصة عصبان الخروف ولا الارز بالخلطة واواواو خاصة لمه تكثرى فيها الوز
تسلم ايدك والله يفكرك بالخير
تحياتى اختى

أخى / إيهاب

أنا تعلمت بعض الأكلات الليبية أثناء تواجدى فى ليبيا أسبوعين وربنا يسهل وأجيب لكم الكثير والكثير من الاكلات الليبية
حقيقى أكلات جميلة

حتى الشاى الليبى ممتاز ده أنا بقيت مدمنة شاى ليبى

أهلا بأختى حنين الغربة

تسلمى لمرورك الكريم

على فكرة أنا مصرية وعايشة فى مصر

بس زرت ليبيا وقضيت أجمل أسبوعين فى حياتى تعرفت فيها على المناطق السياحية هناك بالاضافة إلى الاكلات الليبية والعادات والتقاليد هناك

بالنسبة للعصبان أنا ذكرته لأنه أحسن وجبة عجبتنى هناك لأنهم بيكتروا الخضرة والأرز بيكون قليل جدا يكاد يكون مافيش أرز وخصوصا انها أكلة مميزة تقدم فى المناسبات فقط

طيب يا ريت يا اخت ماجده تكتب لنا الشاي الليبي
لاني احب الشي جدا

أخى الفاضل / إيهاب
بالنسبة للشاى الليبى لازم تستخدم الشاى بتاع الجماهيرية وهو مختلف عن الشاى المصرى أو الشاى الأخضر فهو شاى خشن وعبارة عن أوراق جافة الشاى المصرى لايصلح أن تستخدمه

طريقة الاعداد :
1- تملأ براد حجمه متوسط بالماء
2- تضع معيار ملعقتين كبار بالشاى الليبى
3- تضع معيار 5 معالق كبيرة سكر
4- يتم وضع البراد على نار هادئة
5- يترك الشاى يغلى على النار الهادئة فترة 10 دقائق
6- يرفع البراد من على النار ويضاف النعناع على الشاى ويغلق الغطاء ويترك حوالى 2 دقيقة حتى يبرد الشاى
7- يصب فى الطاسات وهى عبارة عن أكواب صغيرة الحجم
واشرب أحلى شاى ليبى

انا بالفعل استعمالي للشاي عبارة عن الاوراق الجافة
فانا لا احب المطحون او المحبب
لكن اوراق جافة ومحفوظه في اوراق المونيا
لكن هذه الطريقه سوف اجربها لاني كنت اعمل الشاي بطريقة اخري
الف الف شكر لهذه الطريقة
باقي نشتري النعناع لاني كنت اشربه بالقرنفل

اهلين فيك اختى
انا بقى ليبية ابا عن جد اتمنى تزورى ليبيا لانها اصبحت اروع وخاصة المناطق الاسياحية وعلى فكرة اى اكله اواى وصفة ليبيا تريديها من عيونى
تحياتى اختى
وكمان على فكرة اننا بموت فى مصر وكل سنه انزل واظل شهور فيها وكمان امى وحماى من الاسكندرية يعنى ليه فى الاثنين اليبى والمصرى
كوكتيل يعننى اى رايك بقى حاجة حلوه صح

انا قصدى حماتى لانه زوجى هو كمان ليبى

أهل بك منورة أختى الفاضلة وطالما يوجد فيك عرق من الأسكندرية تبقى من أحسن الناس

السلام عليكم
تسلمى عينى لكل ذوق

أخى إيهاب

شكرا لاهتمامك بالشاى الليبى

وأتمنى من الله أن ينال اعجابك

أهلا بك أختى العزيزة / حنين الغربة

أنا عن جد بحب ليبيا جدا جدا

أنا سعيدة جدا إنى أخيرا لاقيت أخت من ليبيا فى المنتدى

وعلى فكرة أنا عمتى متزوجة من ليبى وعايشة فى ليبيا

أكيد إنت من بنغازى ؟ أو طرابلس ؟ تمام

ياترى الوصفة اللى أنا كتبتها تمام ولا فيها حاجة ؟؟

ممكن بعد إذنك تقوليلى طريقة عمل الأرز اللى بالخلطة ؟ علشان عجبنى جدا ومش عارفة الطريقة