 منتدى ماجده  أضف للمفضلة
|
|
 كلمة مرور المنتدى
كلمة مرور مكتوب
|
 |
 |
 |
||
|
|
|
||
 |
|
 |
|
|
||||||
منتدى الديكور والأثاث المنزلي المواضيع المتعلقة بالجمال والأناقة والديكور والأثاث |
 |
|
|
LinkBack | أدوات الموضوع |
22 -12 -2007, 10:07 PM
|
#1 (permalink) | |||||||||||||
|
انت علي وش جواز اوسنه اولي جواز ومحتاره وخايفه...اليك الحل....
أكيد وإنتِ في بيت والدك قبل ما تتجوزي كنت بتقومي من النوم متأخرة أو ترجعي من الشغل تلاقي البيت خلاص اتوضب وكل حاجة تمام وأكيد برضه عمرك ما فكرتِ البيت ده اتوضب إزاي؟؟
لكن زي ما أنت عارفة إن الوضع دلوقت اتغير خلاص وبقيتِ أنت "ست البيت" زي ما بيقولوا وبقيتِ كمان مسئولة عن كل حاجة فيه وعن نظافته من الألف للياء... وأكيد برضه نفسك إن جوزك وحماتك وكل أهلك اللي ييجوا لك البيت ييجوا ويلاقوا بيتك نظيف وريحته حلوة والكل يحلف بنظافة بيتك.. طبعا ممكن إنك تعتمدي على واحدة تيجي لك مرة في الأسبوع تنظف لك البيت مرة وخلاص بس افرضي إن الست دي ماجتش تنظف هتعملي إيه ؟؟ هتسيبي البيت يضرب يقلب كده لغاية ما الست تيجي.. ولاّ هتعملي إيه؟؟؟ طبعا لازم هتنضفيه عشان كده انا كتبتلكوا الموضوع ده......... *********اولا.نصائح ما قبل التنظيف....********** خليكِ ذكية واختاري اليوم اللي هتنظفي فيه وده عن طريق إنك قبل ما تنظفي تشوفي نشرة الأخبار الجوية قبلها بيوم علشان تعرفي حالة الجو هتكون أخبارها إيه.. لو عرفتِ إن الجو بكرة فيه تراب أو ممطر يبقى بلاش تنظفي في اليوم ده علشان مجهودك هيضيع على الفاضي، وده لأنك أكيد هتحتاجي تفتحي الشبابيك، وبالتالي التراب هيدخل وكأنك ماعملتيش حاجة.. لكن لو عرفتِ إن الجو حلو يبقى اتوكلي على الله ونظفي براحتك. شوفي يا ستي.. فيه شوية نصائح كده لازم أقول لك عليها في الأول علشان تاخدي بالك قبل ما تبدئي تنظفي..... (النصيحة الأولى) اختاري اليوم (النصيحة التانية) ياريت تبدئي بالأوضة اللي هتحتاج منك وقت طويل في التنظيف وده علشان هتكوني لسه في البداية وعندك حماس كاف وهتروقيها كويس جدا..ابدئي بالصعب وسيبي اللي مش محتاجة شغل كتير إلى النهاية علشان هتكوني تعبتِ وبالتالي الأوضة دي هتكون مش محتاجة منك مجهود كبير. (النصيحة الثالثة ) خدي كل أدواتك اللي هتحتاجيها في التنظيف معاكِ إلى الأوضة أو المكان اللي أنتِ هتنظفيه وده علشان تريحي نفسك من الخروج والدخول من أوضة إلى التانية.خلي أدوات التنظيف جنبك وياريت إنك تخلي جنبك في الأوضة اللي أنت بتنظفيها سلة مهملات أو كيس أسود علشان ترمي فيه أي حاجة أنتِ مش عايزاها. (النصيحة الرابعة ) قبل ما تبدأي في الترويق ياريت إنك تشيلي أي أسلاك كهربائية من الكهرباء زي سلك التليفزيون أو التليفون أو الكمبيوتر أو أسلاك الأباجورة وغيرها من الأسلاك الموجودة في البيت.شيلي أي أسلاك كهرباء كمان ياريت إنك تشيلي أي فازات أو أي حاجات تخافي عليها إنها تقع وأنت بتنظفي وتحطيها في مكان ثابت. (النصيحة الخامسة) ياريت تكنسي السجادة الأول على الوش والظهر بالمكنسة وتشيليها وده علشان مفيش أي تراب ييجي عليها ويبهدلها لك زيادة.اكنسي السجادة وشيليها (النصيحة السادسة ) ياريت وأنت بتروقي الغرفة تبدأي تنظفيها من أعلى إلى أسفل وده علشان التراب اللي في السقف ينزل إلى أسفل وبعد كده تبدأي إنك تكنسيه بالمكنسة.روقي من أعلى إلى أسفل بس يا ستي دي نصائح عامة علشان تبقي محددة أنتِ عايزة تعملي إيه بالضبط.. ************ ثانيا الخطوات ...خطوه....خطوه********** بعد ما جهزتِ كل الحاجات بتاعتك وخلاص نويتِ إنك تنظفي تعالي نعرف واحدة واحدة إزاي إنك ممكن تنظفي كل حتة في البيت وخدي بالك إننا هنمشي بالترتيب اولا بالنسبه للشبابيك والبلكونات:: 1- افتحي الشبابيك والبلكونات وهاتي فرشة وابدأي في تنظيف أي تراب موجود على الشباك.. 2- بعد ما تشيلي التراب هاتي قطعة قماش قطنية مبللة بالمية وامسحي بيها الزجاج لو حسيتِ إن الزجاج مش بيلمع يبقى ضيفي إلى قطعة القماش دي ملعقة خل أو رشي الزجاج بملمع الزجاج. 3- خدي بالك من إنك تنظفي الزجاج الداخي بشكل رأسي والزجاج الخارجي بشكل أفقي وإنك في النهاية تستخدمي ورق الجرائد علشان تنشفي الزجاج من أي آثار للمية. مفيش شك إن نظافة البيت بتبان من نظافة الأبواب الداخلية والجدران والأرضيات وإن لونهم يكون بيلمع ومفيش فيهم أي آثار للبقع علشان كده هنقول لك على طريقة بسيطة جدا هتساعدك إنك تنظفيهم..ثانيا: بالنسبه لتنظيف الابواب والجدران والارضيات:: 1- بفرشة السقف ابدأي في إزالة أي آثار للتراب من على الجدران والأبواب. 2- وبعد كده اكنسي الأرض بالمكنسة. 3- بعد كده هاتي جردل وحطي فيه مية وملعقة كبيرة صابون وهاتي ليفة أطباق تكون جديدة وخليها لتنظيف الأبواب والجدران وابدئي في مسح الأبواب بيها وبعد كده هاتي قطعة قماش قطنية مبللة بالمية وامسحي الباب بيها وبعد كده امسحي الباب بقطعة قماش ناشفة وده علشان تتأكدي من إن الباب نشف كويس. 4- بالنسبة للجدران بلاش تمسحي الجدران كلها واكتفي فقط بإنك تمسحي الحتة اللي فيها بقع بنفس الطريقة اللي مسحتِ بيها الباب. 5- بعد ما تنتهي من تنظيف الأبواب والجدران ابدأي في مسح الأرضيات. ثالثا بالنسبه لتنظيف اساس المنزل:: هاتي قطعة قماش كبيرة وابدأي في إزالة أي تراب من على الأثاث ولمعي الأثاث بملمع الأثاث الموجود عندك.. وخدي بالك كويس وأنت بتنظفي إنك ما تجيبيش أي نقطة مية على الأثاث نهائي ولو فرض وإن فيه نقطة مية جت غصب عنك يبقى ياريت إنك تسيبيها لغاية ما تنشف وبلاش تمسحيها بفوطة علشان المية ما تنتشرش على نطاق أوسع. رابعا بالنسبه لتنظيف المطبخ:: بعد ما خلصتِ الشقة خلاص ادخلي على المطبخ وابدأي في التفتيش في أدراج المطبخ والثلاجة وشوفي إيه اللي أنت محتاجة له وسيبيه واللي مش محتاجة له إرميه زي مثلا العلب الفاضية والخضراوات والفواكه اللي لونها اتغير وبقت غير صالحة للأكل.. بعد كده ابدأي في ترتيب الرفوف الموجودة في المطبخ بإنك تطلعي كل اللي فيها وتمسحيها وتمسحي الدواليب من الأعلى وتفرشي فيها ورق جرايد أو مفارش بلاستيك لو عندك. بعد كده ابدأي في تنظيف البوتاجاز بإنك تجيبي قطعة قماش أو إسفنجة مبللة بالماء وأي مسحوق تنظيف أنت بتستخدميه وابدأي في مسح سطح وجوانب البوتاجاز وبعد كده هاتي قطعة تانية نظيفة وجافة تماما وامسحي بيها البوتاجاز بعد كده هاتي ورق فويل "ألومونيوم" وغطي بيه البوتاجاز ماعدا مكان عيون البوتاجاز وعلى فكرة الورق ده هيخلي لك البوتاجاز نظيف لأطول فترة ممكنة. بعد ما خلصتِ البوتاجاز ابدأي في تنظيف ترابيزة المطبخ والثلاجة بنفس الطريقة اللي نظفتِ بيها البوتاجاز. بالنسبة لتنظيف سيراميك المطبخ سواء الجدران أو الأرض فلها أكتر من طريقة إما إنك تجيبي جردل مية وتضيفي إليه نص كوب خل أبيض وعصير نص ليمونة وتجيبي فرشاة السيراميك وتبدأي في تنظيف السيراميك وبعد كده تغسلي السيراميك بالمية. أو إنك تجيبي جردل مية وتضيفي إليه صابون سائل وتبدأي في مسح السيراميك باستخدام قطعة قماش خشنة أو فرشاة وبعد كده تغسلي السيراميك بالمية. أكيد أكتر حاجة أنت بتكرهيها هي تنظيف الحمام بس لو سمعتِ النصائح اللي هنقولك عليها دلوقت مش هتلاقي أي مشكلة في نظافة حمامك..خامسا بالنسبه لتنظيف الحمام:: شوفي ياقمر.. 1- بالنسبة لتلميع الخلاطات الإستانلستيل ياريت إنك تجيبي ليفة خشنة أو قطعة قماش صوف وتحطيها في صابون أو أي ملمع للحمامات وتبدأي في دعك الخلاطات بيها وبعد كده تغسلي الخلاطات كويس بالمية.. لو الطريقة ماجابتش نتيجة ممكن إنك تمسحيها بقطعة قماش مغموسة في خل أو زيت طعام وبعد كده تغسليها بالمية. 2- بالنسبة لتنظيف البانيو والأحواض اللي عملتيه مع الخلاطات هتعمليه مع البانيو والأحواض وعلى فكرة الطريقة دي بتخليهم يلمعوا وبتنظفهم كويس جدا.. 3- بالنسبة لتنظيف المرحاض يبقى ياريت إنك في بداية اليوم اللي هتنظفي فيه تحطي فيه ¼ كوب (كلوروكس)وسيبيه وبعد كده هاتي الفرشاة الخاصة بيه وادعكيه بيها كويس بعد كده اشطفيه كويس بالمية ده للجزء اللي جوه وبالنسبة للجزء الخارجي نظفيه بنفس الطريقة اللي نظفتِ بيها البانيو. 4- بعد كده ابدأي في مسح الجدران والأرضيات بنفس الطريقة اللي مسحتِ بيها الجدران والأرضية بتاعة المطبخ.. سادسا افرشي الشقه:::
بعد كده افرشي الشقة زي ما كانت، ولمعي الزجاج والمرايات اللي عندك بملمع الزجاج واقفلي الشبابيك والبلكونات ورشي في الشقة معطر جو.. اتمني ان الموضوع يكون عجبكوا وانتظر الردود منكن جميعا
|
|||||||||||||
|
|
|
|
22 -12 -2007, 10:14 PM
|
#2 (permalink) | |||||||||||||
|
رد: انت علي وش جواز اوسنه اولي جواز ومحتاره وخايفه...اليك الحل....
الله يكرمك موضوع ررررررررررااااااااااااائع
تسلم ايدك
|
|||||||||||||
|
|
|
|
23 -12 -2007, 12:27 AM
|
#3 (permalink) | |||||||||||||
|
رد: انت علي وش جواز اوسنه اولي جواز ومحتاره وخايفه...اليك الحل....
نصائح مفيدة جدا جعلة الله فى ميزان حسناتك ان شاء الله
|
|||||||||||||
|
|
|
|
23 -12 -2007, 10:14 PM
|
#4 (permalink) | ||||||||||||||||||||||||||||||||||||
|
رد: انت علي وش جواز اوسنه اولي جواز ومحتاره وخايفه...اليك الحل....
اشكرك اختي علي تعليقك الرقيق
جزاك الله خيرا ......
|
||||||||||||||||||||||||||||||||||||
|
|
|
|
23 -12 -2007, 10:20 PM
|
#5 (permalink) | ||||||||||||||||||||||||||||||||||||
|
رد: انت علي وش جواز اوسنه اولي جواز ومحتاره وخايفه...اليك الحل....
اشكرك علي هذه الدعوه
واتمني ان يفيدك الموضوع .......
|
||||||||||||||||||||||||||||||||||||
|
|
|
|
23 -12 -2007, 10:37 PM
|
#6 (permalink) | |||||||||||
|
رد: انت علي وش جواز اوسنه اولي جواز ومحتاره وخايفه...اليك الحل....
تسلم ايدك...
|
|||||||||||
|
|
|
|
24 -12 -2007, 03:18 PM
|
#7 (permalink) | |||||||||||||
|
رد: انت علي وش جواز اوسنه اولي جواز ومحتاره وخايفه...اليك الحل....
هذه النصائح مفيدة بشكل عـام
بارك الله فيكي على الموضوع المميز.
|
|||||||||||||
|
|
|
|
25 -12 -2007, 01:35 AM
|
#8 (permalink) | ||||||||||||
|
رد: انت علي وش جواز اوسنه اولي جواز ومحتاره وخايفه...اليك الحل....
حلو جدااااااااا شكرا تسلم ايدك
|
||||||||||||
|
|
|
|
| أدوات الموضوع | |
|
|
|
الساعة الآن 12:48 PM.
منتديات ماجدة جميع الحقوق محفوظة © 2009 . إحدى خدمات شركة
مكتوب.
العاب شمس - العاب وصلات - العاب بنات - الفراشة - عالم حواء - الحياة الزوجية - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - زواج – بنت الحلال |
