كنت..... نايم وبعالم الاحلام هايم
مدري في شو كنت احلم
مره احس اني اسوق سياره ......
ومره اقول كنت مضيف طياره
كان الجو بارد....
وكنت متغطي وشارد.......
رن التليفون .
وقلت يا ترى من يكون ؟؟
هذا المزعج هل هو صديق ولا مزيون ..
هل هو عاقل ولا مجنون ؟؟
رديت عليه وانا كلي شك و ظنون !!
وبرقه بعد ما كنت عصبي انا انسان حنون !!
سمعت صوت ما توقعته
ولا في خيالي تخيلته "
ولا حتى بحلمي سمعته ..
بنت.......
قلت هلا.....
وقالت اهلين ..
نوره موجوده ؟؟
قلت وانا صوتي رايح فيها ...
لحظه شوي بناديها .....
وجلست اصوت واقول (نــــــوره) ..... يامن نوره يلاقيها
ورديت للسماعه وقلت مادري وين راحت الله يهديها
بـــــس دقيقه ما عندنا نوره !!
ويادر البنت خـــــوف ؟؟؟
قالت آآسفه غلطانه .........!!
قلت ولا يهمك عادي لا تكونين زعلانه ؛
مايهم اذا ما عندنا بلاسم افلانه .!!
و قا لت شكلك كنت نايم ؟؟
وقلت لا ...... توني قايم ""
قالت تدرس ؟؟
قلت الدراسه خلاص باح ،
انتي شكلك تدرسين ....؟؟
كيف اختباراتك؟؟ عسى أنكم مرتاحين ؟
باقي لنا ونخلص يومين
وخايفه والله من مادتين ..
قلت من الاختبارات لا تخافين
دامج الليل تذاكرين
وعلى الله تعتمدين ....
واللي يزرع جح(بطيخ ) مايحصد يقطين ...
اهم شي انك ما تنسين
قبل الاختبار الله تدعين ........
ومن ابليس تتعوذين .......
خلق من نار.... وخلقنا من طين ......وجلسنا نسولف في امور ..
من شو اسمك .. الين غلا ءالمهور .............
قالت اسمي (ود) وقلت لها انا محمد....
وقالت صدفه غريبه اسامينا فيها داال ....!!
تصدق كنت اتمنى يسموني نوال .....
تصدقين ونا كنت اتمنى يسموني جمال....
جلسنا نسولف في بحور الشعر والموال !!
وما همنا كلام الناس والعذال ......
وفجاءة خلصت السوالف ولا لقينا اللي ينقال؟؟
وسكتنا!!!!
وبدلع.. قالت انت تشجع النصر ؟؟
قلت في قلبي .... مدري اجاوبك بكف ولا بنعال؟
باالله عليك هذا سؤال؟؟
قــــــلت انا اهلالي ولا يهمني القيل والقال
هذا الكوماندوز هذا حبه طاح في القلب ولا ينشال ......
والشمس ما يغطيها مشخال .........
قالت اشمعنى الهلال ؟؟!!
قلت يا بنت الهلال .....فن وللعب ويفوز باللي حضر......
وجمهوره له كلمه وأمر .........
يا بنت لا تغريني بالكثير ..........
لو تضربيني مليون بصفر تساوي صفر
واحتشرنا وشيبنا ...بس بسرعه انطفينا .....
اظاهر بعضنا هوينا ..........
وبدرب الحب ابتدينا .........
قالت محمد ............
وقلت أمري يا ود........
قالت اوصف لي شكلك ؟؟
هذا وين توهقنا !!!!!!!
شوفي العرب للونهم واحد..... وللسانهم واحد...
وأحلف باالله ولا غيره احد...........
اني ماني طويل ولا قصير ......
وشــعري ناعم مثل الحرير.....
وقالت والعيون ؟؟
وقلت العيون شبرين في ثلاث اشبار....
قالت اسد ؟؟
قلت شكراً يا احلا شهد ..........
المهم انا تواعدنا والموعد باجك في المول قررنا
بين خوف وامل تواعدنا .......
وقضيت ليلتي في حيره ......
وش البس ؟؟ جينز ولا كندوره والله حيره ....
ما فيه غيرها يفك الحيره ...... شيشه وتعميره
ورجعت للبيت أعاتب امسي وابتسم لغدي !!!!
وبصعوبه نمت.... وقعدت اتقلب وون ...........
يا قلبي قلي وش اللي من الحب اهون .......؟
غريبه ها الدنيا غريبه راحت ليلتي ... وازدادت بلوتي .....
اليوم موعدي انا ......والحب بنلتقي ......
وكشخت لبست فوق راسي غترتي ...........
في مكان اللقاء تغيرت حتى خطوتي ......
كأني انساق للموت وهاذي نهايتي ......
مب سوالف شجاعه ...هذي أكبر بطولاتي !
ابذا خسرت ابتضيع احلى امنياتي .........
اجلس ادور والف وحول المكان اطوف.......
وين هذيك العين اللي عليها قلبي ملهوف .......
ود؟؟ يا ليت الناس تجي وتشوف .
وفجاءة
وصلني مسج ..يقول .....
سويتها فيك
رد بيتكم وخل عنك هالسوالف يالتعبان روح نام........تعيش وتاكل غيرها
المرسل
الـــــــــــــــــــــــــــــــــوالده