الحب المفقود ليوم الخلود(عمل مشترك مع الأخ جمال نصر)
السلام عليكم.. أحبتنا الكرام
انه لمن دواعى سرورى انه قد حالفنى الحظ وللمره الثانيه بأن أشارك فى عمل مشترك جميل ولكن هذه المره مع أخ وصديق أكن له كل ود واحترام هو اخى العزيز\جمال نصر…ولكن هذه المره دارت الأحداث عن قصه حقيقيه مر بها هو شخصيا وأعجبتنى جدا لدرجة أننى أخذت دور تلك الحبيبه فى موضوعنا هذا طبعا بعد استئذانى منه ومنها فهى الأصل والفصل وفيهما تكمن فصول السنه ربيعا رغم الخريف الذى غطى على حياة الحبيبين الا ان ربما يكون هناك عوده يوما ما ان لم يكن فى الدنيا ففى الأخره …..
شكرا للجميع وخاصة الاخ جمال الذى سمح لى بالمشاركه فى هذا الموضوع. مع كل الود
ماجده2
………………..
وعييت عالدنيا ديّا
لاقيتها جنب منّى
طفله وصغيّره
بريئة الملامح
وحتة سكّره
وانا يدوب ازيد
عنها بكام سنه
جمعنا بيت كبير
أدواره مكتّره
حوالينا أرض جنّه
بالخير متخضّره
نصحى يوماتى فيها
على صوت العصفره
نفضل نجرى ونلعب
ونروّح لما نتعب
وتانها لمّا كبرت
وجت معايا درست
فى نفس المرحله
وفضلنا كدا عُمرْ
وايام مشيت تمُرْ
لآلآخر مرحله
أخدت عليها عهد
لكن!
حصلت مشاكل
ونصيب من ربنا
وراحت أيام
وجت أيام
مابين اليأس
مع الأحلام
وقلت ف يوم
أهاجر!
ونأسس عشنا
لكن!
جتنى مشكله
وقدر من ربنا
لكن بحمد عليها
إله ربْ السما
بقْيتْ مدةْ سنا
……
وبعد الغياب
وغربا وعذاب
وحقد الكلاب
فى أرض الضباب
رجعت لحلمى
لاقييته سراااب
وغابت معاه
شمس الحقيقه
ولكن جابولى
حقيقه دنيئه
ماتقبل عتاب
عتابنا آهات
وكام كم هائل
من الذكريات
بيراود عقولنا
نطقها لسانّا
ومعاها دموعنا
تسيل عالخدود
وآدى حكايتنا
تعيش للخلود
نقولها لجيلنا
وكام ألف جيل
وتشهد عليها
فروع الشجر
وشواشى النخيل
ولكن لقاءنا
بات مستحيل
……
ولمّا وصلت
وشافت ملامحى
لاقيتها جيالى
بتبكى فى حضنى
ولابسا عروسه!
بأبيض فى وردى
ونازلا دموعها
وحسره ف لسانها
وبحه فى صوتها
بتهمس بإسمى
وجايه تقوللى!
……..
حبيبى يابن عمّى
ياعمرى ودنيتى
بهواك ياعمر ألبى
ياراوى زرعتى
…………
نعم يابنت عمى
يامأنسا وحدتى
ياحب وعمر غالى
ونسْنى ف غربتى
…….
بهواك يانور عيونى
وطال الانتظار
انام اهمس بإسمك
يطلع ليّا النهار
…….
حاسس ياعمرى بيكى
وبليل الإنتظار
أيام هموم وصعبه
ياكوكب بالمدار
……..
أصحى مالقكش جنبى
يحصللى انهيار
يقولوا يابنتى انسى
دا مااات ومش هايرجع
انا قلت ازاى وحبه
فى قلبى مازال بيوجع
مقدرش أنساه للحظه
دانا اخاف ليتفزع
مالك لعرش قلبى
واتربّع عالقلوب
طيب وقلبه صافى
مالهوش كتير ذنوب
محبوب فى وسط ناسه
للخير دايما دئوب
وازاى تقولوا انسى
دا روحى والمحبوب
وارجع تانى لحالتى
ماهداش غير بالحبوب
……….
آسف يابنت عمّى
ياروحى وحتّا منّى
والله غصب عنّى
أبعد أو اختفى
انا كنت اتمنى اصرخ
وصوتى ينسمع
دانا كنت ماشى ضايع
وتايه فى الربوع
ولمّا رجعلى عقلى
انا ولّعت الشموع
عارفانى يابنت عمّى
ماكنت ف يوم خنوع
انا جيت لك تانى يوم
ونسيت كل الهموم
……
وف لحظه لقيتها بعدت
بخطوه بعد منّى
قالتلى جابولى دا
قالولى دا ابن عمّى
دكتوووور!
وكمان خدّرنى
على اسم بيطببنى
وطبعا جاى يسلم
بأيده ويحتضنّى
وانا اللى كنت فاكر
انه جاى يحتفلبى
وف ثانيه
أخدها منّى
وفجأه بعدوا عنّى
أتاريه زوج المدام!
وبطلنا الهمام
وعلى الدنيا السلام!
ولانه قريب ومنّى
مطلوب منّى اهنّى
لالا وكمان أغنى
باااارد
وطلبها منّى
وناس تيجى تواسينى
وعمى! يبكى جنبى
ويقول معلهش يابنى
دا كل شىء نصيب
ونصيبك مش فى دى!
وبعد نص ساعه
راحت ومعاها عمرى
وفضلت لييل بطوله
أبكى ومعايا همّى
وف تانى يوم لاقيتها
بعتالى أختها
جايا تسلم عليّا
وتعرض نفسها
آل ايه انا مكانها
آهو انا زيّها
وتقوللى حاجات غريبه
وتهديد آل جايلها
وياريت بلاش مشاكل
خلليها فى عشّها
ولقيتها شايله ورقه
دى رساله منّها
……..
على عينى يابن عمّى
ياخويا وحتّا منى
ماتكونش ف يوم ظالمنى
دا قدر وغصب عنّى
قتلوا الحب اللى بينّا
وجاروا مع الزمان
غدروا العهد اللى بينّا
قتلوا فينا الأماان
سرقوا احلامنا منّا
وفرقنا المكان
لكن ياروح لعمرى
ماقدرش اتخيلك
تروح تانى لبعيد
وعن روحى أفصلك
خلليك ادام عنيّا
شيفاك وتجسّدك
أرواح زى الملايكا
وطايرا فى السما
هايما ف ملكوت اله
وف حبه ملهما
وبلالالاش تبعد بعيد
لأنك ابن عمى
أخويا وحتّا منّى
وساكن فى الوريد
……..
انا قلت ابعد لأنى
ماقدرش أعيش قريب
أهون عليّا أموت
ولا انى أعيش كئيب
مش أخدتوا العزا؟!
واعتبرونى فقيد؟!
هافضل دايما كدا
قريب لكن بعيد
قوليلها انى رايح
تانى للجليد
وبدعى من كل ألبى
تكون فى بيت سعيد
لغاية ماوصلّها
هناااك يوم الوعيد
……….
واليوم دا ف ألبنا
وماهوش أبدا بعيد
عايشا على همس كلمه
وعالأمل الأكيد
روحى وساكنه روحه
مع حسره فى التنهيد
لكن رغم المراره
الحب مات شهيد
ومصيره يكون ف جنه
وعايش للخلود
لكن!
يوم الوعيد
جمال..ماجده2
من مواضيع 2majdah في المنتدى:
 فستان زفاف إبنة الرئيس التركي
مناجاة روح معذبة
استودعكم الله الذي لا تضيع ودائعه .
سجدة شكر لله
يوم أحزنك .........
مغرور متعجرف
شمس وبحر
نصاااااااااائح .
ترانيم في محراب الرب (1)
مغامرات قلم 1
الله اكبر الله اكبر ولله الحمد
بركااااااااتك يابركات
يأس يولد من يأس
شرنقة الموتى
لماذا هذا الأسم بالذات (تفضل وشارك)
التعديل الأخير تم بواسطة barakat ; 03 -05 -2009 الساعة 10:31 AM
|