منتديات ماجدة

منتدى ماجدة هو منتدى عربي متكامل يحتوي على الكثير من الفائدة وهو أحد مواقع شبكة منتديات !Yahoo مكتوب. ، انضم الآن و احصل على فرصة التمتع بحوارات عربية متعددة المجالات



+ الرد على الموضوع
النتائج 1 إلى 13 من 13
Like Tree0Likes

الموضوع: طريقة عمل أسوارة من الخرز بطريقة مبتكرة ومميزة

  1. #1
    الوسام الذهبي honey time is on a distinguished road الصورة الرمزية honey time
    تاريخ التسجيل
    13-10-2007
    المشاركات
    5,441
    ‎تقييم المستوى 32

    Am1 طريقة عمل أسوارة من الخرز بطريقة مبتكرة ومميزة

    طريقة عمل أسوارة من الخرز بطريقة مبتكرة ومميزة ...

    .

    الأول دي الحاجات اللي هنحتاجها



    سلك نحاس

    حلقتين صغيرين زي اللي في الصورة

    خرز اسود متوسط الحجم
    خرز (خرج نجف طويل) لونه دهبي أو بيج
    للقفل نجيب الحلقة والعمود الصغير اللي بيدخل فيها

    ست خرزات شبه الخرز الاسود بس دهبي

    قطعتين النحاس اللي بيمسكوا الخرز والسلك

    وفي الآخر حاجة صغيرة كده زي بنسة اسمها زَرَّادية مع شدة على الراء

    دي شبه البنسة الكبيرة دي بتاعت النجارة تقريبا بس على صغنوووون

    أهيه



    الحاجات دي بقى منيييين؟؟

    من عند أي محل خردوات أو أدوات الخياطة وبتوع الخرز

    هما غالبا بيكونوا في مكان واحد جنب بعض بيبيعوا الحاجات دي يعني

    وحتى لو عارفين حد فيهم ممكن لو مش عنده تسألوه ألاقي كذا فين وهو يقولكوا


    نيجي للطريقة بقى

    أول حاجة هنجيب واحدة من قطع النحاس مع السلك وتلات خرزات دهبي

    ونربطهم بالشكل ده

    أهم حاجة ماننساش في النص لازم يكونوا سلكين




    ونبدأ نوزع الخرز الاسود مع خرج النجف على الجنبين بالشكل ده ونقفلهم في الآخر

    .

    نبدأ بقى بالجزء اللي في النص

    وركزوا فيه
    هناخد الأول خرزة سودا نحطها في السلكين

    بعدها في كل واحد فيهم نحط واحدة خرج نجف عشان يعمل الشكل ده



    بعدها نلف السلك حولين الجنبين ونضمهم في النص تاني

    وممكن لو عرفنا بدل ما نلفه ندخله في الخرز الاسود على الجنبين

    أهم حاجة ناخد بالنا من طول السلك يكون طويل شوية لو حبينا نقصره نقصه عادي

    بدل مانعمل ومايكفيش في الآخر



    بعد لف السلك نضمه للنص ونحط خرزتين دهبي خَرج نجف ونضم السلك بخرزة سودا

    وتاني نفتحه باتنين خرج نجف ونلفه وهكذا بقى

    في الآخر بتوصل بالشكل الجميل اللي شفناه ده بعد مانوصل القفل من الجهتين

    .




    =============================



    وبرضه هنستخدم الزرادية اللي قلتلكوا عليها قبل كده

    عشان نقدر نتني السلوك بتاعتنا بالشكل المظلوب زي ما هتشوفوا معايا

    بعد كده الحاجات اللي هنستخدمها كالتالي



    سلسلتين بالحجم اللي شايفينه في الصورة
    نجيبهم من عدن بتوع الخردوات وأدوات التطريز

    أو ممكن نعملهم بإيدينا بالسلك

    خرز أحمر اتنين كبار و 12 حجم أصغر

    سلوك على شكل دبابيس بس هي مش مدببة من تحت عادية مش بتشوك

    هنجيب منهم 14 واحد

    ونجيب سلكين أو قطعتين المعدن بتوع الحلق برضه ممكن نلاقيهم جاهزين أو احنا نعملهم بإيدينا


    الأول هشرحلكوا طبعا على فردة واحدة من الحلق واعملوا التانية زيها

    هنجيب واحدة من السلسلتين

    ونيجي عليها من نصها بحيث يبقى جزء أقصر من التاني
    وندخل قطعة المعدن بتاعت الحلق في حلقة صغيرة فيها
    بالشكل ده



    بعدها نجيب الدبابيس (الغير مدببة)

    ونحطها في الخرز زي مانتوا شايفين كده وبعدين من الناحية التانية نتنيها

    ونخليها على شكل حلقة

    وطبعا لو طلعت طولة شوية نقصها بالزرادية



    بعد كده هنحط الخرزة الكبيرة في السلسلة في الجزء الأطول

    بالشكل ده



    وبعدها نبدأ نوزع باقي الخرز الصغير زي ماحنا شايفين كده

    طبعا الحلقة بتاعت الخرزة كانت مفتوحة شوية بعد مانركب الخرز في السلسلة

    نبدأ نقفل الحلقات دي كويس بالزرادية





    ==============================

    هو عبارة عن ميدالية ممكن تتحط في قلم زي كده



    أو حتى نحطها في الموبايل


    نبدأ كالعادة بالخامات اللي هنستخدمها معانا





    هنجيب سلسلة باللون الدهبي أو الفضي زي ماتحبوا

    بس طبعا المهم لون السلسلة يكون نفس لون الأسلاك اللي هنستخدمها

    وهنستخدم مجموعة من الخرز الشفاف زي الموجود في الصورة
    بمختلف أحجامه

    اتنين لونهم موف كبار

    ومجموعة ألوان على زوقكوا حجمهم أصغر شوية

    ومعاهم خرزتين زي اللي استخدمناهم في الحلق

    واتنين غيرهم برضه بشكل هندسي كده زي مسدس هندسي زي مانتوا شايفين في الصورة

    وغيرهم ست خرزات لونهم دهبي على شكل وردة زي ماحنا شايفين في الصورة برضه

    وفاكرين الدبابيس الغير مدببة اللي قولنا عليها قبل كده؟؟

    هنستخدمها بس حجم أكبر شوية

    وهنسخدم كمان قطعة اكسسوار دهب جواها زي جلد اسود أو كاوتش

    عشان نلفها على أي حاجة عايزينها سواء سلسلة صغيرة للموبايل أو على القلم

    ودي ممكن نجيبها من عند اللي بيصلجوا الشنط الجلد أو من عند برضه بتوع الخردوات

    ومع الخامات دي هنستخدم مجموعة أدوات تسهل علينا شوية في تشكيل المعادن

    أولها طبعا الزرادية وغير كده كمان حاجة شبه البنسة برضه بس أساسها كاتر

    يعني بتقطع المعادن وشكلها زي الصورة دي

    لو الزرادية بتاعتك فيها مكان بيقطع المعادن وكويس يبقى ممكن نسنغنى عن الكاتر ده

    وفيه شكل تاني من الزرادية مدور شوية زي ماحنا شايفين عشان نقدر نتحكم في شكل الحلقات




    ودلوقتي نبدأ مع بعض


    نبدأ الأول بالدبابيس بتاعتنا نحط فيها الخرز بالترتيب وفي الآخر نعمل شكله حلقة زي الصورة




    بعد كده هنجيب السلك وندخله في ناحية من الاكسسوار بتاعنا

    وبعدين نلفه على السلك الناحية الأولى بالشكل ده



    الجهة التانية من السلك اللي مش مربوطة بالاكسسوار طبعا هنربطها بالسلسلة

    اللي عملناها بالخرز في الأول

    وده بعد مانعمله زي قطعة الاكسسوار نلفه الأول حولين نفسه ونطلع زي حلقة منه

    واللي هيتم ربطها بالسلسلة



    وفي النهاية بيكون شكلها كده بعد مانحطها على القلم بتاعنا




    وزي ماقلتلكوا في الأول ممكن نحطها في الموبايل
    مع زيادة السلاسل بتاعتنا بنفس الطريقة مثلا


    ============================
    حلق شكله جديد موت



    وكالعادة هنبدأ بالخامات اللي معانا

    أول حاجة معانا هنجيب سلكين معدن أتخن من اللي استخدمناهم قبل كده
    تخنه اتنين مللي تقريبا أو مللي ونص



    عشان نعمل بيهم الشكل الأساسي للحلق اللي معانا

    ومعاه الحلقتين أو المعدنين اللي بيتركبوا في أي حلق عشان نلبسه في ودننا

    وزي ماقلت قبل كده ممكن نشتريهم جاهزين أو نعملهم بادينا بالزرادية

    بعد كده هنحتاج خرزتين على شكل اسطوانة صغيرة زي اللي في الصورة

    وأربع خرزات صغيرين باللون الدهبي

    ومش هننسا الزرادية بأشكالها ولو مش بتقطع نجيب الكاتر cutter الخاص بالمعادن



    الجديد دلوقتي هو الشاكوش (شاكوش؟؟)

    أيييوة



    شاكوش صغير خاص بمعادن الاكسسوارات ممكن تلاقوه برضه عند بتوع الخردوات أو تسألوه على مكانه

    يعني لو مالقيتوهوش مش مشكلة أي شاكوش وخلاص

    ومعاه قطعة معدن عشان ندق عليها السلك اللي هنشكله

    طبعا لو عندكوا بدالها ترابيزة متينة (مش محتاجينها ) مافيش مشكلة



    نيجي للطريقة

    هنبدأ الأول نشكل أطراف السلوك اللي معانا بالزرادية على شكل حلزوني بالطريقة دي



    بعد كده نبدأ نتني السلك ونركب فيه الخرز بتاعنا

    زي الصورة كده




    وبعد مانحط الخرز في السلك نبدأ نلفه من طرفه التاني

    عشان يقفل على الخرز بالشكل ده




    طبعا ماحدش يقوللي بعد كل ده ان الحلق هيطلع شكله مستقيم ومظبوط زي الصورة

    أكيد هيبقى شكله ملخبط وملوي من كل حتة والحلزونة جاية يمين ورايحة شمال

    هنبدأ ندق عليها بالشاكوش عشان تتفرد وشكلها يتظبط

    كأننا بنكويها يعني



    في النهاية بيكون ده شكل الحلق



    والطريقة بسيطة وسريعة في نفس الوقت يعني مافيش أحلى من كده






    ================================


    التعديل الأخير تم بواسطة E7sas-morhaf; 02 -10 -2009، الساعة 02:19 AM سبب آخر: دمج موضوعين

    الاصدقاء احيانا اعداء لكن الاقارب فهم اعداء منذ البدايه


  2. #2
    Banned كنزى خالد is on a distinguished road الصورة الرمزية كنزى خالد
    تاريخ التسجيل
    19-09-2006
    المشاركات
    1,664
    ‎تقييم المستوى 0

    افتراضي رد: طريقة عمل أسوارة من الخرز بطريقة مبتكرة ومميزة

    أعمال رائعة وجميلة حبيبتى
    كل الود والأحترام





  3. #3
    الوسام الذهبي honey time is on a distinguished road الصورة الرمزية honey time
    تاريخ التسجيل
    13-10-2007
    المشاركات
    5,441
    ‎تقييم المستوى 32

    افتراضي رد: طريقة عمل أسوارة من الخرز بطريقة مبتكرة ومميزة

    جزاكى الله خيرا غاليتى




  4. #4
    مشرف سابق البرنس will become famous soon enough الصورة الرمزية البرنس
    تاريخ التسجيل
    08-06-2006
    المشاركات
    16,600
    ‎تقييم المستوى 71

    افتراضي رد: طريقة عمل أسوارة من الخرز بطريقة مبتكرة ومميزة

    شكرا على الموضوع الرائع
    يعطيك العافيه
    دمت بألف خير
    البرنس


    التعديل الأخير تم بواسطة البرنس; 30 -03 -2009، الساعة 02:45 AM

    [flash=http://www.share4-you.com/upload/uploads/files/share4-you.com-4b879f2c6f.swf]WIDTH=500 HEIGHT=500[/flash]

    أخوكمـ
    عبدالرحمن الفلسطيني ...





  5. #5
    عضو مميز reeeemo is infamous around these parts الصورة الرمزية reeeemo
    تاريخ التسجيل
    27-02-2009
    المشاركات
    364
    ‎تقييم المستوى 12

    افتراضي رد: عمل اسورة مميزة من الخرز

    طريئة حلوة وشكلها سهلة يسلمو
    **************************




  6. #6
    الوسام الذهبي جيهان محمد is on a distinguished road الصورة الرمزية جيهان محمد
    تاريخ التسجيل
    07-02-2009
    المشاركات
    6,108
    ‎تقييم المستوى 31

    افتراضي رد: عمل اسورة مميزة من الخرز

    حلوة وناعمة
    يسلمو


    نَكْهَــة النّــور وَ رُوحْ اَلْمَطــر


  7. #7
    إدارية سابقة M!$s LaZêZa has a spectacular aura about M!$s LaZêZa has a spectacular aura about الصورة الرمزية M!$s LaZêZa
    تاريخ التسجيل
    18-09-2007
    المشاركات
    17,086
    ‎تقييم المستوى 71

    افتراضي رد: عمل اسورة مميزة من الخرز

    حلوه كتير و ناعمه
    شكرا الك








    ,,,,,,






    الرَحيل قـَضَـاء وقـَدَر ....


    والوَداع دَمار والدَمــار إمّــا حَيــاه جَديــدَه !! ....

    أو تكْتـُـب بـإيـدَك شَـهادة وفـَاة ....

    وحــدَي أملك الـقرار ....


  8. #8
    مشرف سابق لين will become famous soon enough لين will become famous soon enough الصورة الرمزية لين
    تاريخ التسجيل
    23-01-2007
    المشاركات
    12,694
    ‎تقييم المستوى 58

    افتراضي رد: عمل اسورة مميزة من الخرز

    طريقة حلوة وبسيطة ,
    يسلمو إيديكِ lola moez ..




  9. #9
    عضو محترف فاطمة94 is on a distinguished road
    تاريخ التسجيل
    03-06-2009
    المشاركات
    926
    ‎تقييم المستوى 13

    افتراضي رد: عمل اسورة مميزة من الخرز

    شكر علي الفكر الرئعة و البسيط




  10. #10


  11. #11
    عضو 0size is infamous around these parts
    تاريخ التسجيل
    01-10-2009
    المشاركات
    14
    ‎تقييم المستوى 0

    افتراضي رد: طريقة عمل أسوارة من الخرز بطريقة مبتكرة ومميزة

    ساحاول عمل الاسورة بالخيوط فقط, شكرا جزيلا


  12. #12
    مشرف سابق E7sas-morhaf will become famous soon enough E7sas-morhaf will become famous soon enough الصورة الرمزية E7sas-morhaf
    تاريخ التسجيل
    24-12-2008
    المشاركات
    10,014
    ‎تقييم المستوى 45

    افتراضي رد: عمل اسورة مميزة من الخرز

    عمل راائع جدا

    جزيل الشكر لمجهودك

    تحيتي


    ,,




    ,,

    .. I am just ; E7sas
    ,,




  13. #13


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك