منتديات ماجدة

منتدى ماجدة هو منتدى عربي متكامل يحتوي على الكثير من الفائدة وهو أحد مواقع شبكة منتديات !Yahoo مكتوب. ، انضم الآن و احصل على فرصة التمتع بحوارات عربية متعددة المجالات



+ الرد على الموضوع
النتائج 1 إلى 19 من 19
Like Tree0Likes

الموضوع: ورد مصنوع من القماش

  1. #1
    عضو محترف sam song is on a distinguished road الصورة الرمزية sam song
    تاريخ التسجيل
    25-12-2009
    المشاركات
    813
    ‎تقييم المستوى 11

    افتراضي ورد مصنوع من القماش

    اولا التعامل مع القماش


    القماش لايستخدم على حاله هكذا

    لازم نضعه فى غراء ابيض شفاف الربع متر عرض اتنين تقريبا تحتاج الى نصف كوب غراء ابيض

    ونصف كوب ماء

    ندوب الغرا الابيض جيدا فى الماء


    لاتكون القماشه مبلله بالماء


    نضع الغرا والماء فى وعاء واسع ونضع القماشه ان كانت على بعضها

    وممكن نستخدم بواقى القماش بحيث نضع البواقى

    وبعد ان تتشرب بالغرا والماء ننشرها على حبل ولكن

    لازم نفردهاجيدا على الحبل ولاتكون ملتصقه ببعضها فى اى جزء افرديها جيدا
    ولا نضع المشبك غير على الطرف وهذا الطرف لن يستخدم

    يعنى لاننشرها من نصفها مثلا او من ثلثها

    والا فبن تنفع للاستخدام بعد ان تنشف

    والغراء الابيض الشفاف وليس الغراء الابيض العادى حتى يشف اى لون للاستخدام

    يعنى نشتغل بيه الالوان الغامقه الفاتحه زى ماانتى عايزا

    والغراء يستخدم للقماش العادى




    ثانيا القماش الشفاف



    بالنسبه للقماش الشفاف نتعامل مع القماش بشكل اخر

    وهو نستبدل الغراء الابيض بالجيلاتين والماء


    وهو ان نضع شريحه من الجيلاتين فى الماء لمده اربع ساعة تقريبا او الى ان تذوب فى الماء

    وهى شريحه مثلا 20 سم فى 20 سم نضع معها نصف كوب ماء

    ولما تذوب فى الماء نضعها على النار الى انها تسخن وتبدا فى الغليان نرفعها من على النار

    وقبل ان تبرد قليلا نضع بها الشيفون الورنجزا او اى قماش شفاف

    الجيلاتين يعطى لمعه للقماش

    ولو لم يذوب يعطى شكل جزيئات على القماش
    والنشر للقماشه نفس الى قولناه فى فى نشر القماش بالغراء

    القماش حينشف على ماانتى منشرا لو جزء مثنى حيلزق فى بعض ولايفك خلاص


    بكده نجهز القماش الذى سنشتغل بيه هذا العمل


    ملحوظه ::::::::: بعد هذا التجهز للقماش فقد القماش خصائص كثيره جدا من انه قماش


    يعنى اصبح به نوع من المطاطيه

    اصبح لاينسل اطرافه خلاص لايوجد تنسيل

    القماش اصبح مثل الورقه لم يصبح قماش

    طبعا بعد ما ينشف



    وباقى الشرح مع الصور واحده واحده ان شاء

    ابدا معاكم اول دوره وهى ابسط دوره وسهله باذن المولى

    بدون ادوات نحتاجها فى الشغل

    وهى تدرس للاطفال اصلا يعنى تعتبر اشه دوره وهى اول دوره بندرسها ان شاء الله


    هذا شكل الورده






    نبدا بسم الله

    هذه هى الخامات التى سنستخدمها

    نعد الوحدات كويس وهى عباره عن

    3 ورقه صغيره

    4 ورقه اكبر قليلا

    3 اكبر قليلا

    وكل هذا لونه مختلف على روز مثلا

    وبعد ذلك اللون الابيض 6 ورقه

    6 ورقات اكبر قليلا

    5 ورقه شجر

    قطعه على شكل الاصابع الصغيره وهى نكسى بها الورده من تحت

    سلك مكسى او لا حسب ماعندك

    قطعه من الفيبر او ممكن قطن ابيض

    شرايط تب او شرايط اورجنزا المتوفر لديك

    وطبعا المقص



    نلف التب على السلك


    هنا نستخدم اليد بدل المكبس

    وانا قولتلكم قبل هذا ان القماش اصبح به مطاطيه عاليه جدا وفقد خواصه

    نبدا نشد القماش بيدنا من اطرافه


    بعد ذلك نبدا نشتغل بطرف المقص ونشد اطراف القماش من الداخل الى الخارج

    حتى تثنى على الخارج

    لاحظى هذا الشغل كله من الداخل





    نبدا فى ورق الشجر


    بعد ان نكسى السلك ان كان غير مكسى

    نضع السلك فى الغرا الابيض

    ونضعه على الورقه بهذه الصوره




    نضع ورقه الشجر على قماشه من القطن



    هنا بعد وضع ورقه الشجر على القماشه

    ثبت الورقه بالاصبع اليمين وبدا فى شد القماشه باليد اليسرى

    وهذا لتثبيت الغراء على الورقه وثنيها على اتنين

    نوع من شد القماش المصنوع به الورقه وممكن نستغنمى عنه حسب ماتحبى



    بدانا هنا نضع السلك على اول ورقه فقط بالغراء الابيص وطبعا حنتركها تنشف





    بدانا نضع الورقات بالترتيب الى انا شرحته فى الاول الاصغر فالاكبر




    لما بدانا فى لف الورق ضعف الجزء السفلى للورده

    وبنلفها بالخيط






    هنا نحتاج لكى لايكون فى فراغ تحت الورده ان نلف معها قطعه من الفيبر او القطن



    هنا نضع الكسوه الاخيره للورده من تحت وهى على شكل خمس اصابع

    ونشدها اضل لكى تكون فها ورب لكى تكسى على الورده

    والورب هو نوع من الدوران القليل نعمله بايدينا



    نضعها تحت الورده ونلف التب علها

    وانا بستخدم شرايط اورنجنزا خفيفه جدا



    وممكن كمان لو عندك قماش شفون خفيف اخضر

    ضعيه فى الجيلاتين او الغراء ممكن وبعد ان ينشف اعملى منه شراط تلفى بها على فكره بيبقى تحفه



    وهذا شكلها النهائى






    الغراءمن عند الى بيبيع البويات للدهانات ولوازم المعمار

    والجسلاتين من عند الى بيبيعوا لوازم الحلوات

    ربنا يوفقك ويبارك فيك يارب




    هذه الدوره مفيده جدا لكل اخت عندها بواقى قماش تعمل منه احلى ورود

    الورده هذه الصوره لها








    اولا نقص القماش مستطلات كما فى الصوره


    طبعا بعد تجهيز القماش


    التجهيز هذا لكل الدورات

    ونضع السلك بداخله القماشه كما فى الصوره


    طبعا السلك نلاحظ ان مكسى بالورق

    وممكن بالقماش الخفيف


    ولكن لايكون مكسى بالبلاستك لانه ساعتها لا قبل الغراء ولا المكواه







    خلاص قصينا القماش ووضعنا السلك المغطى عليه

    نحضر فازلين دبل

    وهذا نوع من الفازلين لاتلمسه المكواه خالص
    واسمه فى مصر فازلين دبل

    وهو يباع شرائط او بالمتر والمتر منه المربع 5 جنهات فقط

    والى بيخيطوا عارفينه لانه بيلزق به البنطلونات والجيبات من نهايها

    وهو عند لوازم الخياطين

    نضع طبقه منه ونضع القماش الوجه الاخر على القطعه





    هنا نبدا نكوى القطعه حتى يلحم الاربع خامات فى بعض

    القماش والسلك والفازلن والقماش الاخر





    هنا نبدا بقص الاطراف نعملها بدايه مدببه مثل الصوره


    من ناحيه واحده فقط لاغير

    ونقص كل القماش بالشكل هذا




    نبدا نجهز الجزء الداخلى من الورده


    هو عباره عن خيط شعر الذى يستخدمه الصياديين

    ونحضر لولى ابيض مثلا ونبدا نضع الشعر هذا فى الغراء الابيض


    وندخل اللولى فى الخيط الشعر لمسافه اسم ونتركه الى ان يجف

    وبعد ان يجف نقطع الجزء الصغير من الخيط المتبقى حتى لايعطى مظهر سىء

    وكمان عشان اللولى يبان على الاطراف


    ممكن كمان نضع اكتر من واحده ونتركها تجف

    طبعا مسدس الشمع لايصلح لهذا



    نبدا نلف هذا الشعر مجموعات مع بعض

    يعنى نرتبها كل سبعه مثلا مع بعض

    وهنا نجد الشريط الذى يلف به الشغل وهذا ممكن صنعه من خلال اى قطعه شيفون او اروجنزا لديك

    نضعها فى الغراء ونقصها شرائط


    والفكره دى ممكن تزينى بيها اى شىء عندك

    اى قماش نضعه فى الغراء ونقصه يصبح شرائط صالحه للاستخدام ولن ينسل ابدا



    هنا جمع كل المجموعه ونلاحظ انه اضاف اللولى الدهبى عالى عن الابيض

    لكى يعطى شكل جميل ولفهم بالخيط





    هنا بدانا نجمع الورده ونلاحظ انه استخدم الخيط للف

    بيستخدموا دائما ثلاثه ثلاثه

    تضعى ثلاثه وتلفى

    وكل ماكان الفروع غزيره اعطت للورده قيمه جميله جدا






    وهذه هى النهايه جملها باللون الغامق من الخلف



    احنا كده فهمنا الورده

    لكن هناك مرحله قلت اعرضها فى الاخر حتى لايختلط بينا الامر نشوف الصوره


    هنا بعد ان قص الاطراف هنا قص الرفيع من الطرفين

    ولكن هذا لبعض القطع وليس كل القطع ليه

    عشان التحميل بيكون خفيق على الورده من تحت ولاتصبح طخنينه

    يعنى ممكن نفص نصفهم ونصفهم لا

    وممكن الثلث رفيع والثلثين لا

    وممكن لانقص اى منهم خالص

    وده فى حاله ان القماش مش طخين معانا

    ولكن لو القماش طخين افضل اننا نقص الاطراف

    او تكون مش بكل السمك يعنى نهذبها بمعنى اصح نشيل جزء بسيط من الحرف السفلى

    ثانى شىء من الصوره

    الاداه التى فى الصوره وهى تستخدم للضغط على القماش

    وممكن نسخنها او نستخدمها من غير سخونيه لو القماش نفسه سخن


    يعنى نكوى القماش ونستخدمها بعد ذلك مباشرتا

    او انا مثلا استعيض عنا بالمكواه العاديه

    اتفقنا
    انا خلتها للاخر حتى لا تختلط علينا الافكار

    الدوره الثانيه كده خلصت

    انتظرونى احمل الصور وارجع لكم


    بالتوفيق يارب





    الورده دى طويله شويه لكن افكارها جميله جدا

    هذا شكل الورده











    الادوات

    عباره عن قلم رصاص غلافه اخضر


    وقلم رصاص غلافه احمر

    ومعنا القلم طبعا

    قطعه قطن

    و6 اوراق للورده

    واسلاك مكسااه بورق او قماش تل مثلا

    وبورده تلج او اى بودره لديكى تصلح لهذا الغرض

    و6 ورقه شجر

    وهذا هو الباترون

    للوحده اصغرها ورقه الشجر وبعد ذلك ثلاثه ورقه صغيره بعض الشىء وثلاثه ورقه اكبر منها حسب الباترون




    وعدد الاسلاك والشرح له سياءتى واحده واحده


    نبدا الشرح

    جهزنا الادوات هنا


    هنا برينا القلم الاخضر

    والقلم الاحمر





    بعد ذلك نلزق السلك المكسى بورق او قماش خفيف جدا من نفس لون الورده على ظهر الست ورقات التى لدينا




    نبدا الشغل خلاص

    وجهه الورقه هو الامام

    وخلف الورقه الى عليه السلك اتفقنا

    نبدا بالامام

    نضع الورقه على ورقه كبيره ونبدا ناخد البرى الاخضر بقطنه ونضعه فى اسفل الورقه مثل الصوره



    ثم نضع الورقع على ظهرها

    السلك باين لنا ونمسح بالقطنه على اسفل الورقه

    هنا بحاستك الفنيه عايزين الالوان تكون مدرجه من تقيل على خفيف



    بعد كده بالقلم الرصاص نرسم نقط برده فى اسفل الورقه





    هنا خلصنا التلوين للورقه وجعلنا القلب ملون بطريقه جميله جدا جدا

    نيجى للورقه بدا يعملها تجويف هنا بحيث تلف للداخل مقوسه

    وفى الدوره مكتوب هنا بواسطه هذه الاداه او بالاصابع

    انا بضبتها بالمكواه واحده واحده

    على درجه مش عاليه طبعا

    ولكن كل ماسخنت الورقه فى ايديكى طوعت اكتر

    يعنى اتقوست اكتر







    ناتى للسلك

    ياريت ناخد بالنا من الباترون تانى



    حنلاقى ان السلكه الى فى المنتصف متنيه على اتنين لمده اربعه سم تقريبا

    هذا التنى قبل ان تكسى خالص

    والست سلوك الباقيين ثنيوا بهذه الطريقه

    وعايزا اقولكم ان السلك فى الخارج يباع مكسى ورق هكذا جاهز




    بعد كده نحضر بودره تلج او اى حاجه تعويض عنا ونصبغها بكار ى مثلا استخدمى اى بودره عندك لو دقيق ممكن لو كستر ممكن اى شىء عندك ينفع


    ليه لانه بيضع السلكه فى الغراء ثم البودره

    يعنى برده تلغى خصائص اى بودره

    والحاجات دى مش سهل غسيلها خالص

    تنظف على الجاف جدا




    بكده ظبتنا الحرف للسلك وضبتنا الورق ورسمناه





    بدا هنا فى تجميع قلب الورده

    السلك فى النصف اعلى من الباقيين

    والتجميع بالخيط




    بدانا نضع قلب الورده الاخضر لداخل والحمر للخارج وبدا بثلاثه فقط



    نضع بعد ذلك الثلاثه الباقيين





    هنا بدا فى تجمع ورق الشجر الست مع الوده من اسفل


    وطبعا واضع سلك على ورقه الشجر من المنتصف ايضا حتى يثبت لانه واضح انه خفيف شويه

    ولفه بالشريط الاخضر وانا قلت نعمله ازاى من قبل





    هنا شكل الورده النهائى






    منقول






  2. #2
    عضو ماسي memo gog is on a distinguished road الصورة الرمزية memo gog
    تاريخ التسجيل
    18-12-2009
    المشاركات
    1,820
    ‎تقييم المستوى 15

    افتراضي رد: ورد مصنوع من القماش

    مشكوره توتا حبى وتقديرى لمجهودك الرائع




  3. #3
    عضو مميز teera is on a distinguished road
    تاريخ التسجيل
    14-10-2009
    المشاركات
    416
    ‎تقييم المستوى 11

    افتراضي رد: ورد مصنوع من القماش

    ابداع ولى عودة مع الادوات , لك كل الجمال............




  4. #4
    عضو محترف sam song is on a distinguished road الصورة الرمزية sam song
    تاريخ التسجيل
    25-12-2009
    المشاركات
    813
    ‎تقييم المستوى 11

    افتراضي رد: ورد مصنوع من القماش

    شكرا على مرورك ياجيجى




  5. #5
    عضو محترف sam song is on a distinguished road الصورة الرمزية sam song
    تاريخ التسجيل
    25-12-2009
    المشاركات
    813
    ‎تقييم المستوى 11

    افتراضي رد: ورد مصنوع من القماش

    شكرا على يااختى teeraعلى مرورك كلك زوء




  6. #6
    مشرف سابق لين will become famous soon enough لين will become famous soon enough الصورة الرمزية لين
    تاريخ التسجيل
    23-01-2007
    المشاركات
    12,694
    ‎تقييم المستوى 58

    افتراضي رد: ورد مصنوع من القماش

    يآ سلام شو حلو ,
    والموضوع جميل جدا
    يسلمو ايديكِ تهآني




  7. #7


  8. #8
    مشرف سابق nanaaly has a spectacular aura about nanaaly has a spectacular aura about الصورة الرمزية nanaaly
    تاريخ التسجيل
    11-03-2009
    المشاركات
    8,926
    ‎تقييم المستوى 41

    افتراضي رد: ورد مصنوع من القماش

    فعلا دورة متكامله وشرح وافى ومبسط بالصور
    سلمت يداك اختى سام سونج


    [CENTER][CENTER](( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ

    إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ))



  9. #9
    عضو محترف sam song is on a distinguished road الصورة الرمزية sam song
    تاريخ التسجيل
    25-12-2009
    المشاركات
    813
    ‎تقييم المستوى 11

    افتراضي رد: ورد مصنوع من القماش

    وشكرا على مرورك nanaaly




  10. #10
    عضو محترف sam song is on a distinguished road الصورة الرمزية sam song
    تاريخ التسجيل
    25-12-2009
    المشاركات
    813
    ‎تقييم المستوى 11

    افتراضي رد: ورد مصنوع من القماش

    شكرا على مرورك يالين




  11. #11
    عضو محترف sam song is on a distinguished road الصورة الرمزية sam song
    تاريخ التسجيل
    25-12-2009
    المشاركات
    813
    ‎تقييم المستوى 11

    افتراضي رد: ورد مصنوع من القماش

    شكرا لك يااخى المخنن




  12. #12


  13. #13
    الوسام الماسي asefaa is on a distinguished road الصورة الرمزية asefaa
    تاريخ التسجيل
    24-12-2009
    المشاركات
    10,494
    ‎تقييم المستوى 43

    افتراضي رد: ورد مصنوع من القماش

    شكرا لك





    سئمــــــــت الحقيقــــــه

    لأن الحقيــــــــقة شــــــــيء ثقــــــيل

    فأصبحـــــــــــــــت أهـــــــرب للمسـتحيــــــل

    ظـــــــــلال النـهايــــــــة فـــــي كــــــل شـــيء

    إذا مـــــــــا عشقــــــنا نـــــــخاف الــــــوداع

    إذا مــــــــا التقينــــــــا نخـــــاف الضيـــــــاع

    إذا مـــــــا فرحـنـــــــا نخــــــــاف النهايـــــة

    إذا مـــــا انتهينـــــــا نخــــــــاف البدايـــــــــة

    ومـــــــا عـــــدت أدرك أصــــــل الحكايــــــــة

    لأن الحقيقـــــــــة شـــــــــيء ثقــــــــيل..




  14. #14
    عضو محترف sam song is on a distinguished road الصورة الرمزية sam song
    تاريخ التسجيل
    25-12-2009
    المشاركات
    813
    ‎تقييم المستوى 11

    افتراضي رد: ورد مصنوع من القماش

    شكرا على مرورك مصر فى قلبى




  15. #15
    عضو محترف sam song is on a distinguished road الصورة الرمزية sam song
    تاريخ التسجيل
    25-12-2009
    المشاركات
    813
    ‎تقييم المستوى 11

    افتراضي رد: ورد مصنوع من القماش

    شكرا على مرورك asefaa




  16. #16
    مشرف سابق E7sas-morhaf will become famous soon enough E7sas-morhaf will become famous soon enough الصورة الرمزية E7sas-morhaf
    تاريخ التسجيل
    24-12-2008
    المشاركات
    10,014
    ‎تقييم المستوى 45

    افتراضي رد: ورد مصنوع من القماش

    بحب هاد الشغل كتيير
    و النتائج بتكون روووعه
    طريقة كتيير حلوة
    ان شاء الله بنجربها

    كل الشكر الك
    تحيتي }}


    ,,




    ,,

    .. I am just ; E7sas
    ,,




  17. #17


  18. #18
    Banned hafidajeb is infamous around these parts
    تاريخ التسجيل
    29-05-2011
    المشاركات
    47
    ‎تقييم المستوى 0

    افتراضي رد: ورد مصنوع من القماش

    مشكور عل المجهود الرائع




  19. #19
    [B]مشرف سابق[/B flyyy has a spectacular aura about flyyy has a spectacular aura about الصورة الرمزية flyyy
    تاريخ التسجيل
    12-07-2008
    المشاركات
    6,785
    ‎تقييم المستوى 35

    افتراضي رد: ورد مصنوع من القماش

    تحففففففففففففففففة
    بجد يجننو ... يسلمو الايادى
    تحيـآتى





    مّا أتمنّاهُ حَقًا :
    ألاّ أكُون غصّہ تَخْنق
    أوْ خَيبَہ تُشْتم
    أوْ وَجعْ مُندَس
    بَينَ سُطُور أحَدهُم ..





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك