منتديات ماجدة

منتدى ماجدة هو منتدى عربي متكامل يحتوي على الكثير من الفائدة وهو أحد مواقع شبكة منتديات !Yahoo مكتوب. ، انضم الآن و احصل على فرصة التمتع بحوارات عربية متعددة المجالات



+ الرد على الموضوع
النتائج 1 إلى 2 من 2
Like Tree0Likes

الموضوع: الصداقه ما بين البنت و الولد

  1. #1
    عضو ابو منة2 is on a distinguished road الصورة الرمزية ابو منة2
    تاريخ التسجيل
    05-10-2006
    المشاركات
    61
    ‎تقييم المستوى 16

    Exclamation الصداقه ما بين البنت و الولد


    السلام عليكم ورحمة الله وبركاته


    الصداقة مابين البنت والولد




    عن ظاهرة الصداقة المنتشرة مابين البنات والشباب اسمحولى اقول للبنت والولد كلمتين قبل ماادخل فى الموضوع
    بقول للبنت.. حبيبتى من قلة البنات تبقى صديقتك (ولد)
    وبقول للولد.. من قلة الولاد يبقى صديقك (بنت)

    دى كانت البداية وكملوا معايا لكن ...من غير زعل..


    الى البنات..

    حبايبى ازاى بتقدروا تكلموا ولاد فى التليفون .. مبتحسوش ولو للحظة انكوا بتعملوا حاجه غلط.. ايوه اكيد عارفين انه حاجه غلط .. لانكوا مش بس بتكلموا ولاد فى التليفون ده انتوا كمان اول مابتحسوا ان بابا او ماما او اخوكى او اختك قريبين منك بتكلميه كأنه بنت .. يعنى بتكدبى على أهلك.. بالاضافه لكده فواتير التليفون اللى بتيجى مرتفعة مش بتحسى بالذنب لانها من كلامك مع ولد مش واحده صاحبتك..

    ممكن تقوليلى احنا بنتكلم كلام عادى ..
    فهقلك وليه متتصليش بصاحبتك بدل ماتتصلى (بصاحبك) مش كله كلام
    هتقوليلى مش عارفه ليه بيحصل ده بس بحس براحه اكتر وانا بتكلم معاه فبفضله على صحباتى
    فهقلك اكيد طبعا هتحسى براحه لان شوشو(الشيطان) موجود.. امال هو لازمته ايه .. ده يبقى فشل فى مهمته لو ماخلاكيش تفضلى صاحبك على صاحبتك
    ياترى هتسيبى الشيطان هو اللى ينتصر ولا هتنصرى حبك لربنا وأّمانتك مع أهلك
    ..لكى الاختيار..

    عارفه حبيبتى ممكن تقوليلى الملل والزهق هما اللى بيدفعوكى لكده وكمان انك شايفاهاه انها بقت حاجه عادية كل البنات بتعملها..
    حبيبتى والله انا حاسه بيكى
    الملل
    والفراغ
    ويمكن مفيش حد حاسس بيكى لامن صحباتك ولامن اهلك
    ويمكن الشخص ده اكتر واحد بيفهمك
    وحاجات تانية كتير..
    لكن اسمحى لنفسك انك تفكرى ولو دقيقه واسألى نفسك (هل انا راضية عن نفسى وانا بكلم ولد؟؟)
    ( ياترى ربنا راضى عنى وانا بكلم ولد ولا مش راضى وزعلان منى) جاوبى على الأسئلة دى بصراحه
    لازم تجاوبى دلوقتى.. قبل ماتتسألى من الملكين فى القبر ومن ربنا يوم القيامة..

    وسيبك من البنات اللى حسسوكى انها حاجه عادية لان زى مافى كتير بيكلموا ولاد فى الاكتر منهم مش بيكلموا ولاد
    وكمان احنا كلنا فى الهوا سوا ..فمثلا انا زيك مش بلاقى حد معايا ومش بلاقى حد يفهمنى واخواتى ولاد ومامتى وبابا مش موجودين يعنى طول اليوم لوحدى .. يعنى وحده من كل النواحى .. لكن عمرى مافكرت اصاحب ولاد
    ممكن تقوليلى يمكن مفيش ولد فكر يكلمك وحاول يكسب صداقتك فخللى الطابق مستور
    ههههههههه
    بصراحه كنت اتمنى لكن للأسف كتير حاولوا يكلمونى ويكسبوا صداقتى لكن ده طريق وكل واحد بيختار طريقه وانا مختاره طريقى ان كلام او صداقة الولاد ممنوع لان زى ماقلت فى البداية مش من قلة البنات اصاحب ولاد او اكلم ولاد او اطلب حاجه من ولاد.
    وكمان بنات كتير زيّنا مش بيكلموا ولاد فاتشجعـــــــــــــى
    ولو كنتى انتى بتكلمى ولد قوليها لنفسك
    مش هكلم ولاد تانى
    واستغفرى ربنا
    وأأكد ليكى انك هتذيدى فى نظر نفسك مليون مره وكمان هتذيدى فى نظر اى ولد كنتى بتكلميه مليون مره
    بس لازم ماترجعيش تكلميه تانى وماتقوليليش مقدرتش ومش هقدر.. لازم تصممى .. وساعدى نفسك وابعدى عن الاسباب اللى بتساعدك انك تكلميه وادعى ربنا انه يعينك وان شاء الله هتلاقى نفسك بقيتى قادرة تعيشى من غير كلام ولاد.


    الى الشباب..

    اسمحولى أسألكوا واتمنى الاقى اجابات منكوا
    انتوا بتستفادوا ايه لما بتكلموا بنت فى التليفون ولما بتخرجوا مع بنت؟؟؟
    لو كانت البنت دى اختكوا كنتوا هترضوا ده ليها
    هتقوليلى احنا اخواتنا البنات مايعملوش كده اصلا
    فأنا هقول ليكو حديث للرسول صلى الله عليه وسلم(حب لأخيك ماتحبه لنفسك) مادمتوا انتوا مابتحبوش يحصل ده لاخواتكوا وماترضوش بيه ليهم يبقى فى نفس الوقت ماترضوش بيه لبنات الناس واعتبروهم اخواتكم

    ممكن فعلا الاقى شباب بيقول عادى وفيها ايه لما اكلم بنت ومافيهاش حاجه لما اختى تكلم ولد
    بصراحه لو كان فى شباب كده يبقى ونعم الرجوله.. ولاتعليق

    وطلب صغير من شباب منتدى استاذ عمرو خالد
    ياريت شباب المنتدى يوضحوا للبنات نظرتهم ايه للبنت اللى بتتكلم فى التليفون مع ولد ولو كانت البنت دى اختهم كانوا هيتصرفوا معاها ازاى؟؟؟

    الموضوع ده كبير واتمنى ان الشباب والبنات يشاركوا بوجهات نظرهم وبأرائهم
    الصداقة موضوع حاليا فى غاية الأهمية وفى نفس الوقت فى غاية الخطورة ولازم مناقشة وتوضيح من جانب جميع الأطراف

    أشهد أن لاإله إلا أنت سبحانك أستغفرك وأتوب إليك
    واستودعكم الله




    يا من تظنون ان امريكا هي العدو الاول للاسلام ..... أفيقوا
    فجهل المسليمين بدينهم هو العدو الاخطر


  2. #2
    عضو مميز kasper is on a distinguished road الصورة الرمزية kasper
    تاريخ التسجيل
    24-07-2006
    المشاركات
    544
    ‎تقييم المستوى 17

    M4 رد: الصداقه ما بين البنت و الولد

    اخي ابو منة اولا:ألسلام عليكم ورحمة الله وبركاته اشكرك علي الموضو الجهد المبذول بس احب اقول لحضرك اني متفق مع حضرتك في بعض الكلام ولكنه ليس كامله فلماذا دائما تكون اي علاقة هي لاقة من الشيطان ولا اقول خروج او كده ليه مثلا لو نا كلمت واحده زملتي يبقي من الشيطان ده مثلا لو واحده ونت طلب من حاجة لو زميلة او حاجة بقي علاثق وحرام كده انا متفق ماك ان في بعض العلاقات حرم وما خلا اثنان الا وكان ثلثهما الشيطن ولكن مش كله يا استاذ ابو منه ولك جزيل الشكر


    كاسبر





المواضيع المتشابهه

  1. رسالة هامة جدا للمجاهدين في العراق
    بواسطة النجم الثاقب في المنتدى منتدى الأخبار
    مشاركات: 5
    آخر مشاركة: 12 -10 -2010, 01:10 AM
  2. اعرفوا الفرق بين البنت الناعمة والبنت الدفشة.........
    بواسطة ريمي في المنتدى منتدى الطرائف والألغاز
    مشاركات: 2
    آخر مشاركة: 19 -09 -2006, 06:34 PM
  3. العلاقة بين العرب وإيران
    بواسطة shine truth في المنتدى منتدى الأخبار
    مشاركات: 10
    آخر مشاركة: 04 -09 -2006, 12:55 AM
  4. الفرق بين كمبيوتر الولد وكمبيوتر البنت
    بواسطة عبدالله العاشق في المنتدى منتدى الطرائف والألغاز
    مشاركات: 16
    آخر مشاركة: 03 -07 -2005, 07:26 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك