الرغيف العربي

2 كوب ونص دقيق ابيض
كوب ماء
ملعقه ونص صغيره خميره فوري
ربع كوب ماء دافئ مذاب فيه ملعقه صغيره سكر
ملح ملعقه صغيره
اناء فيه ماء
الطريقه
تذاب الخميره في ربع كوب الماء الدافي
تترك لتتخمر

يضاف الملح الى الدقيق ويعمل حفره في النص
يضاف كوب الماء والخميره
يعجن جيدا ونستمر في العجن لان العجن يجب ان لا يقل عن 10 دقايق
اذا كانت العجينه جافه نبل ايدينا بالماء ونستمر بالعجن حتى يختفي الماء تماما
ثم نبل ايدينا ونعجن وهكذا حتى نحصل على عجينه ملساء وتميل الى القساوه
يعني ما تكون طريه زي عجينة الفطاير
نستمر في العجن حتى يرجع الاناء اللي عجنا فيه نضيف كانه ماعجنا فيه لان
العجين اذا خلص وصار جاهز بيترك جوانب الصحن ومابيكون يلصق باليد
وناعم واملس
تبل يد بالماء ونمسح على العجينه ونكورها
ندفي الصحن اللي راح نحط فيه العجين

نغطيها بكيس بلاستك ونلفها بمنشفه اوبطانيه صغيره ونخليها على جنب تتخمر
لمدة ساعه مش اقل من كذه ولا اكثر
انا اضبط ساعة الفرن عشان ينبهني اذا مرت ساعه
اذا زاد الخمير بيطلع الخبز فيه لب من جوه بعد الخبز ويميل الطعم الى الحموضه
واذا نقص الخمير بيطلع السطح منقط اثنا الخبز يعني مايكون محمر لون واحد
لابيكون التحمير على شكل نقط صغيره مثل النمش في الوجه

بعد مرور الساعه
قبل ما تبدائي بتقطيع العجين شغلي الفرن من فوق وتحت وحطي صاج
الفرن قريب السطح يعني في رف الفرن الاخير او اللي قبل الاخير
وتسكري الفرن حتى يسخن الصاج تمام ويكون الفرن على اعلى درجه انا خبزت في الفرن الكهربائي على 300 درجه

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــــــــــــــ
نرجع للعجين
تقلب العجين على الرخامه وتعجن عجن خفيف فقط لاخراج الهواء منها
تقسم الى قطع متساويه حسب حجم الخبز اللي تحبيه
ترص في صينيه تبل يد بالميه وترش بشكل رذاذ على كور العجين


تغطى بسفره بلاستك وتترك 10 دقايق فقط

يرش السطح اللي راح نفرد عليه بالدقيق (وما نكثر حتى مايطلع الخبزيابس)

تفرد كل دائره حسب اللي نحب
يفرش في القاع ورق المطبخ (المناديل اللي نستخدمها في امتصاص الزيت )
او نستخدم قطع من القماش تخصص لعمل الخبز
ثم فوقه القرص ثم يغطى بالمناديل ثم القرص الثاني وهكذا

نخليه يرتاح 10 دقايق واذا الجوا كان حار مرره كفايه خمس دقايق واذا الجو بارد
ممكن ربع ساعه الى نص ساعه



يخرج الصاج من الفرن لوضع الخبز وانتبهي لانه راح يكون حار جدا



ما نمسك الخبز بيدنا او باصابعنا لانه اذا لمسته الاصابع ماراح ينتفخ ابد
واذا انجرح لو خفيف راح ينتفخ ويطلع منه الهواء ويرجع يهبط




نمسك طرف الورق ونحط يدنا من تحت القرص ونقلبه على وجهه على الصاج
وندخله الفرن على الرف العلوي



نراقب الخبز وبعد شوي راح تبدا تطلع فقاقيع



الفقاقيع راح تبد تكبر



اضغطي على زر المروحه اذا كان الفرن اللي عندك في زر مروحه وراح تشوفي الخبز يتفخ بسرعه

مجرد ما ينتفخ اطفي المروحه
وانتظري الخبز حتى يتحمر



طلعيه من الفرن بسرعه او مايبدا يتحمر

ملاحضه

ـــــــــــــ
لعمل الخبز الاسمر بالبر نستخدم نص مقدار الطحين ابيض ونص اسمر يعني كوب بر وكوب ابيض
اذا كان القرص المفرود ثخين شويه بيكون الخبز بعد الخبز طري ولين ويصلح مع الايدامات اللي فيها صلصه
اذا رققنا مره راح يطلع قاسي
وخير الامور اوسطها
واذا الفرن ما فيه مروحه عادي
انا خبزت هذولي القرصين بدون ما استخدم المروحه










ــــــــــــــــــــــــــــــ ــــــــــــ



لاتنسي تلفي الخبز في كيس حتى يضل طري
وهذا شكل الخبز من جوه



اتمنى يكون عجبكم




ـــــــــ





نا في اول الموضوع بخصوص الخبز العربي كتبت ملاحضه

انك اذا حابه الخبز يكون طري تخلي الفرد يكون ثخين
وكمان اذا كان الخبز رقيق ماترشي السطح كثيرا بالدقيق ولا تحمريه زياده
فقط او مايبدا لونه يميل للذهبي الفاتح طلعيه من الفرن
وهذا الشرح بالصور



لما تفردي حددي حجم الرغيف



خليه يرتاح وبعدين اخبزيه في فرن حار مثل ما شرحنا تماما في اول الموضوع

ونتتظر حتى ينتفخ

بعد ما ينتفخ الخبز هذا معناه انه استوى ننتظر فقط 30 ثانيه حتى يستوي تماما
(التحمير زياده بيخلي الخبز ناشف )



وراح يكون لين بالمره مثل ما تشوفي






نتظر حتى يصير دافي (وليس وهو حار)نحطه في كيس بلاستك نضيف او يقدم حالا مع الاكل اذا كان الاكل جاهز



ولاني عجنت حتى اشرح للاخت كملت بباقي العجينه الخبز اليوناني البيتا


والبيتا نفس الخبز العربي تماما الاختلاف فقط بالحجم وطريقة الخبز لكن النتيجه
نفسها



خبز البيتا



المقادير
نفس عجينة الرغيف العربي
الطريقه
تقسم نفس العجينه الى 10 كور متساويه

نشغل الفرن ليسخن على 350 بدون وضع الصاج في الفرن ليسخن
نفرد الاقراص وترص في صينية الفرن (ترش بقليل من الدقيق )وهي بارده

نترك لترتاح 10 دقايق
ثم تخبز على الرف الاعلى ولا نتركها تتحمر كثير




تخرج من الفرن وفي خبز البيتا يكون الجزء الاسفل من الخبز ثخين قليلا والاعلى رقيق جدا ويكون طري

خبز الشعير





المقادير
ملعقه كبيره عسل مذابه في نص كوب ماء+ملعقه صغيره خميره
ملعقه صغيره ملح
كوب دقيق شعير
كوب ونص دقيق ابيض
كوب بر فاخر






ثلاثة ارباع كوب ماء للعجن



الطريقه
تعجن جميع المقادير مع بعض اذا كانت العجينه قاسيه تبل اليد بالماء ونستمر في العجن
واذا كانت طريه نرش دقيق ونعجن



كل ماطالت مدة العجن كل ما كان الخبز احسن

تغطى وتترك لترتاح حوالى ثلث ساعه



بعد ما ارتاحت العجينه
نشغل الفرن يسخن
تقرص العجينه الى دواير متساويه وتغطى لترتاح خمس دقايق فقط

يرش السطح اللي راح نفرد عليه بالدقيق

يفرد الخبز

وحتى يكون دايري متساوي
لما تبدي بالفرد كل مره تقلبي العجين فيها
يعني تمرري الشوبك على العجين تمسكي العجين وقلبيها وتمريري الشوبك
او الفراده على العجينه وترفعي العجين وتقلبيها على الوجه الثاني
وبكذه راح تتطلع دائره حلوه وهذي الدايره كل ما استمريتي في الفرد راح تكبر
وتوقفي عند الحجم المناسب المهم انها ما تكون رفيعه ورقيقه مره



يعني لاتضغطي على الفراده بقوه ومره واحده تفردي العجين بحجم كبير
لا على مراحل
ترص ويفصل بين كل قرص والثاني من مناديل المطبخ او مناشف صغيره نظيفه



تترك لترتاح

وتخبز في فرن حااااااااااار














ــــــــــــــــــــــــــــــ ـ